Jalapeno


72   0   0   0
8.nəsil yazar
entry: 72
reytinq: 14
karma: 0
oxunma: 469






naim süleymanoğlu

Bolqar türkü əfsanəvi ağır atlet. Bütün zamanların ən yaxşı ağır atleti hesab olunur. 1996. ildə Atlanta olimpiyadasındakı qələbəsinə ailəlikcə necə sevindiyimiz heç yadımdan çıxmır. Eypio haqqında oxuyur ki, "bir derdin varsa söyle Naim gelir kaldırır".

3 əjdaha! Jalapeno

09.08.2019 - 15:48 #289308 mesaj facebook twitter

yazarların ən pis pərt olduğu an

il 2011. istanbulda marketdən avakado alıb oteldə səhər yeməyində yemək qərarına gəlmişdik. Qabığını çox çətinliklə yara bildik. Yağlı içini görüb və dadına baxıb pis pərt olduq. Manqo kimi şirin və sulu bir şey olduğunu təsəvvür edirdik.
Ümumiyyətlə, eqzotik meyvə və tərəvəzlərin dadına baxılması 90% halda məndə bu pərtlik və xərclənən pula təəssüflənmək duyğusu yaradır

5 əjdaha! Jalapeno

09.08.2019 - 14:23 #289305 mesaj facebook twitter

sualtı taarruz komandoları

1974. ildə Kipr sülh hərəkatında adaya ilk SAT komandoları daxil olub. 1995. ildə Yunanıstanla Kardak krizini çox incə yollarla həll etmiş igidlərdirlər.

1 əjdaha! Jalapeno

09.08.2019 - 01:40 #289287 mesaj facebook twitter

aaron ramsey

"Arsenal" azarkeşlərinin keçmiş qızıl oğlanı. Açığı "Juventus"a keçidi məni də kədərləndirdi. Yaxşı oyunçu olduğu üçün yox, "Arsenal"ın demək olar ki, son böyük yetirməsinə sahib çıxmaması üzündən. Emosiyalardan qırağa çıxıb soyuq başla düşündüksə, əsla qızıl oğlan olmadığını, olsa-olsa bürüncə layiq olduğunu anlayırsan.
Təxminən eyni vaxtlarda ulduzu parlaşmış Wilshere də var, illərlə "Arsenal" azarkeşləri onun özünü göstərəciyinə, yetkin bir ulduza çevriləcəyinə inandılar. Amma sonda bir pox göstərə bilmədi. Onunla müqayisədə Ramsey əlbəttə dəyərli oyunçudur.

1 əjdaha! Jalapeno

09.08.2019 - 01:37 #289286 mesaj facebook twitter

1 əjdaha! Jalapeno

09.08.2019 - 01:32 #289285 mesaj facebook twitter

1 əjdaha! Jalapeno

09.08.2019 - 01:28 #289284 mesaj facebook twitter

elektron siqaret

"true detective"də Ray Velcoro mövzu ilə bağlı deyir ki, elə bil robotun sikini əmirsən.

1 əjdaha! Jalapeno

09.08.2019 - 00:57 #289282 mesaj facebook twitter

tea party

Azərbaycan yaransa, qoşulacağım partiya. Bir şərtlə ki, dərdləri içməli çay olsun. Bir növ, nə solçuyam, nə sağçı, qərib bir çayçıyam. Sonradan ortalığı coşdurmaq üçün çiyələk mürəbbəsini dəstəkləyənlərlə ittifaq da qurmaq olar.

1 əjdaha! Jalapeno

09.08.2019 - 00:55 #289280 mesaj facebook twitter

miles davis

"Kind of Blue" albomunu çox sevirəm. Yadımdadır, məni sevən bir qız var idi, o vermişdi dinləməyə. Musiqiçi idi, ikimiz də cazı sevirdi, o isə üstəlik məni. sevgisi qarşılıqsız idi, amma mənə elə gəlirdi ki, bu hal ondan çox məni incidirdi. Albomu dinlədiyim gecə ağlımı itirmişdim. O gündən hardasa 15 il keçib. Amma "Blue in Green" kompozisyasını ilk dinlədiyim an içimdən keçənləri hələ də unutmuram və hər dinlədiyimdə məni məndən alır. Necə hesablamaq olar bilmirəm, bəlkə də üst-üstə toplasam, 1000 saat dinləmişliyim var bu musiqini. Çox sakit başlayır, sıradan bir caz kompoziyası kimi. Bir neçə dəqiqə sonra bitəcək və növbəti musiqi başlayacaq. Sonra onu başqası əvəz edəcək və ilaxır. Amma bir neçə saniyə keçir və hər şey darmadağın olur. Həyat onsuz da çətin və ağrılıdır. Daha da ağrılı olur. Qaranlıqlar daha da qaranlıq, ümidsizliklərimiz daha da ümidsiz olur. Amma əl çəkə bilmirsən. Dinlədikcə dinləyirsən.

1 əjdaha! Jalapeno

09.08.2019 - 00:51 #289279 mesaj facebook twitter

alfred schnittke

Viktor Yerofeyevin eyniadlı hekayəsi əsasında yazdığı "idiotla keçən ömür" operası ilk dəfə Amsterdamda nümayiş olunub. Hekayədə əsas personaja baxım evindən idiot götürüb evində saxlamaq cəzası verilir. Vova adlı bu idiot isə əsərdə açıq-aşkar ağardılmasa da, xaraktercə bir az Lenin'i xatırladır. Amsterdam tamaşası zamanı da idiotu oynayan ifaçı üzündə Lenin maskası ilə çıxır edir.

1 əjdaha! Jalapeno

09.08.2019 - 00:31 #289276 mesaj facebook twitter

once upon a time in hollywood

Bu gün Bakıda premyerası oldu və gedib izlədik. Zal dolu idi, bu xoş haldır. Son zamanlar Bakıda tez-tez ciddi rejissorların və ya ciddi filmlərin nümayişi zamanı zalların dolu olmasını görüb istər-istəməz sevinirəm.
Hər şeydən öncə, 2 saat 40 dəqiqə gərəyindən çox-çox uzundur və istər-istəməz izləyicini bezdirir.
Film Tarantino'nun başqa filmlərinə bənzəmir, daha lirikdir, ilk 2 saatda demək olar heç nə baş vermir. Açığı, filmi elə də bəyəndiyimi söyləyə bilmərəm. Bəyənmədiyim tərəfi odur ki, əldə tutulası bir şeyi yoxdur. Yolda çoxdandır görmədiyin və xüsusi rəğbət bəsləmədiyin sinif yoldaşınla qarşılaşıb 5 dəqiqəlik söhbət dadını verir. Filmin hardasa son 20 dəqiqəsi şahanədir. Bütün zal coşmuşdu. O köhnə, çox sevdiyimiz Tarantino'nu bircə o an hiss etdik. Leonardo DiCaprio və Brad Pitt fövqəladə oyunçuluq göstərirlər. Bircə onlara görə filmi izləməyə dəyər. Qiymətim 5 üzərindən 3+ olacaq. Daha artığını versəm, gecə gözümə yuxu getməz.
PS. Bir də ki, filmdə Deep Purple mahnıları səslənir. Qiymətləndirməmdəki o + həmin mahnılara görədir.

2 əjdaha! Jalapeno

09.08.2019 - 00:19 #289275 mesaj facebook twitter

yazarların 17 yaşlarındakı hallarına deyəcəkləri

Qısaca: Çox da şey eləmə. Bir az daha uzun: sərt ol, boş şeylərin, boş adamların səni sarsıtmasına imkan vermə. Zaman ən böyük sərvətindir. Onu yaxşı dəyərləndir. Hər kəs görmək istədiyini görür, eşitmək istədiyini eşidir. Bunu heç vaxt unutma. Bir də ən əsası, o sonuncu qədəhi içmə.

4 əjdaha! Jalapeno

08.08.2019 - 14:46 #289262 mesaj facebook twitter

enerji içkiləri

Dadı desən, çox sintetikdir, geniş kütlə tərəfindən bəyəniləcək bir şey deyil. Qiyməti desən, Cola daha ucuzdur. Ya adamlar buna inanır və plasebo effekti verib iş görür, ya da həqiqətən enerji verir. Ki, o halda istər-istəməz qorxulu bir sualla üz-üzə qalırıq: 40 kiloluq qızlar xaric, necə bu içkilər insanı coşdura bilər? Mən 500 mq təmiz kofein atıb heç nə hiss etmirəm. Xoşbəxt adamlar var, vallah.
Ps. Bir də ki, bu poxu içirsiz, barı spirtli içkilərlə qarışdırmayın. Özünüzə yazığınız gəlsin.

1 əjdaha! Jalapeno

08.08.2019 - 13:56 #289258 mesaj facebook twitter

saybu swag

“Yarı zarafat” adlı əfsanə trekin sahibi repçi. Okaber ilə “ölür yaxşılar” duetindən tanımışdım. Arzu edirəm ki, vəhşi potensialını reallaşdıra biləcək.

1 əjdaha! Jalapeno

08.08.2019 - 13:48 #289257 mesaj facebook twitter

tanrı türkü qorusun

Nə üçünsə bu ifadə Türkiyədə də, Azərbaycanda da bəzilərinə pis girir. insanın öz millətinə olan xoş duyğularından, əmin-amanlıq arzulamasından daha təbii heç nə ola bilməz. Tanrı türkü qorusun demək, kürdün, ləzginin, talışın başına daş salsın demək deyildir. Nəhayət ki, bunu anlayın. Onsuz da, bu torpaqlarda taleyimiz birdir. Çünki ibn Haldunun sözü olmasın, coğrafiya taledir.

3 əjdaha! Jalapeno

08.08.2019 - 13:36 #289253 mesaj facebook twitter

la casa de papel

Çox da şey eləmədən baxa biləcəksinizsə, babat gedir. Yaxşı dinamikası, intriqaları var. Daim yadda saxlamaq lazımdır ki, avtobusda eşitdiyiniz, çox bayağı olmayan, eyni zamanda ciddiyə də alınmaması gərəkən mahnı kimidir. Berlin və Nairobi kimi əfsanəvi personajlara sahibdir.

1 əjdaha! Jalapeno

08.08.2019 - 13:17 #289252 mesaj facebook twitter

1 əjdaha! Jalapeno

08.08.2019 - 13:11 #289251 mesaj facebook twitter

talış dili

Lazım olmayan dil nədir ala? Dil sizinçün bəzək əşyası və ya əyləncə vasitəsi deyil. Söhbət min illərdir bu torpaqlarda biz türklərlə birlikdə yaşayan, çiyin-çiyinə savaşan bir xalqın dilindən gedir. Talış dili türk dilindən sonra ölkədə ən yayılmış dillərdən biridir. Dövlət olaraq qorumaq borcumuzdur.
PS. “Nənələr”in ifasında bir ayrı gözəldir.

2 əjdaha! Jalapeno

08.08.2019 - 13:08 #289250 mesaj facebook twitter

oxxxymiron

Replə heç aram olmasa da, Bi-2 ilə birlikdə ağ mühacirlər haqda oxuduğu "Пора возвращаться домой" ("Evə qayıtmaq vaxtıdır") mahnısına heyranam. Orxan Zeynallının 40-cı Paralel treki bu mahnıdan çox güclü təsirlənib.

2 əjdaha! Jalapeno

08.08.2019 - 03:50 #289240 mesaj facebook twitter

21 grams

Hərdən elə olur ki, bütün kartlar üst-üstə gəlir. Belə olanda da şedevrin ortaya çıxması qaçılmaz olur. Alejandro Inarritu rejissor kimi nə əvvəl, nə də sonrasında heç vaxt çıxa bilməyəcəyi bir zirvəyə qalxır. Gustavo Santaolalla bu film üçün özünün ən qaranlıq, ən ümidsiz, ən mükəmməl musiqilərini bəstələyir. Benicio del Toro köhnə asılılıqlarını yeni - bu dəfə dini asılılıqla əvəz etmiş Jack Jordan'ı elə yaradır ki, dünyada sonuncu ümid parçasının da birdəfəlik ərşə çəkildiyini düşünürsən. Bütün bunlara digər ümidsiz adamları - Sean Penn, Naomi Watts və Charlotte Gainsbourg'un xarakterlərini əlavə edəndə ortaya çıxır "21 grams". Əvvəli və sonu olmayan, dünyanın özü qədər köhnə sual: "həyat nədir?"

1 əjdaha! Jalapeno

08.08.2019 - 03:45 #289239 mesaj facebook twitter

/ 20 »

blok -   başlıqlarını gizlət

Son bəyənilənlər