həyatda hər işin tərs getməyə başlaması

bir çox faktorlarla bağlı ola bilər və hər insan bunu həyatında yaşaya bilər. ilk növbədə depressivsəniz, stresslisinizsə və ya böyük psixoloji sarsıntı keçirmisinizsə, xəyal qırıqlığı yaşamısınızsa etdiyiniz hər bir təşəbbüs uğursuzluqla nəticələnəcəkdir və ya başlıqdakı kimi deyilsə bütün işləriniz tərs gedəcəkdir. izahı sadədir çünki depressiya zamanı insanlar məqsədləri üzərində fikirlərini cəmləşdirə bilmirlər, lazım olan əməyi sərf etmirlər. əgər iş, karyera, təhsil mənasında nəsə təşəbbüsünüz varsa mütləq dissiplinli şəkildə çalışın. bir müddət sonra yenə lazımi nəticəni ala bilmirsinizsə, demək ki, bu sizə görə deyil, başqa bir yolu seçməli və yoxlamalasınız. zəifliyinizi müəyyən edib, onu özünə etiraf edə bilmək də bir müvəffəqiyyətdir. bir işə girişəndə, ya da nəyisə əvvəlcədən planlaşdıranda heç vaxt bunu məlumatsız şəkildə etməyin. əvvəlcədən sizə bu işlə əlaqədar maraqlı olan sualların cavablarını tapmağa çalışın, bununla bağlı olaraq ya həmin işin içində olan mövcud tanışlarla məsləhətləşin, ya da yeni tanışlar tapmağa çalışın. soruşmaqdan çəkinməyin, insanlar suallarınızı cavablandırmasa belə. bir şeyə çox yönəlməyin, mütləq bu şirkətdə işləməliyəm, ya da mütləq bu univerdə, bu fakültədə oxumalıyam kimi yalnız birtərəfli məqsədlər qoymayın qarşınıza. ali məqsədinizə birbaşa deyil, dolayı yollarla da çata bilərsiniz. işlərinizin tərs getməyinin obyektiv səbəbləri də ola bilər ki (məs. ailə, dostlar, maddi vəziyyət, uğursuz münasibət və s.) buna da verəcəyiniz reaksiya çox önəmlidir. özünüzü neqativ yükləməyin, ilk uğursuzluğunuzda depressiyaya düşməyin, çünki bu sonrakı uğursuzluqlar üçün də start nöqtəsi olacaqdır. sizə mənfi təsir edən insanlardan uzaqlaşın, yəni işiniz tərs gedəndə elə insanlarla ünsiyyətdə olun ki, həmin adamlar sizin əhvalınızı qaldırsın və sizi motivasiya etsinlər. başqa da, 1966-cı ildə amerikalı investisiya məsləhətçisi olan harry browne-nun qızına yazdığı məktubdakı dediyi kimi "heç kim sizə borclu deyil. əgər biri sizi sevirsə belə o, bunu özü üçün edir". işlərinizin tərs gətirməsi insanlarla bağlıdırsa, xüsusilə harry browne-nun öz qızına milad bayramında hədiyyə etdiyi bu məsləhət çox xatırlansa yaxşı olar.

black ivory coffee

black ivory markalı qəhvə dünyanın ən bahalı qəhvəsi sayılır. bu qəhvənin kiloqramı 1100 dollardır. şimali tailandda arabica qəhvə dənələrindən hazırlanır, ancaq hazırlanış üsulu da çox qəribədir. beləki, üyüdülməmiş qəhvə dənələrini fillərə yedizdirirlər. daha sonra həmin dənələri bu fillərin nəcisindən toplayırlar, üyüdüb toz şəklinə salıb satırlar. bir çox varlı qəhvəsevərlər black ivory-nin hazırlanma metodunu bilmədikləri üçün onu almaqdan ötrü pullarını əsirgəmirlər. abş-da bu qəhvənin fincanı 50 dollara satılır. bahalı qiyməti az olması və çox böyük əziyyətlə hazırlanması ilə izah olunur. (baxma: arabica coffee )

glass ceiling

glass ceiling ( şüşə tavan) və ya öyrənilmiş çarəsizlik sindromu. bir akvariuma bir köpək balığı və adi balıq salarlar. köpək balığını öz yemindən şüşə divar ayırır. köpək balığı hər dəfə balığa hücum edər, ancaq şüşəyə dəyib geri qayıdar. şüşəni görmədiyi üçün ona mane olan şeyin nə olduğunu anlamaz. bir müddətdən sonra balığa hücum etməkdən əl çəkər. sonra şüşəni götürsələr də, o yenə də yeminə doğru getməz. çünki çarəsizliyə öyrəşmişdir. öyənilmiş çarəsizlik bu gün bir çox insanların problemidir. lakin glass ceiling daha çox gender, irqçilik, müxtəlif mədəniyyətlərdən olanların izolyasiyası ilə bağlı olaraq işlənən termindir. beləki, qadınlar, zəncilər və s. kimi diskriminasiyaya məruz qalan işçilər şirkətdə yüksək pozisiyalara istedadlı olsalar belə yüksələ bilmirlər. hətta yüksəlsələr belə onlarla eyni vəzifədə olan kişi həmkarlarından aşağı maaş alırlar. onlara mane olan şüşə tavan vardır çünki.