leon


774   0   0   0
leon
4.nəsil yazar
reytinq xalı: 1854
karma xalı:391
entry sayı:774
izləyənlər:13
sifariş sayı:0



sen beni öpersen belki ben fransız olurum.





son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə

leon 24 yaşına girmiş vasat yazar, dəxlisiz insan.

həyatda yolunu tapa bilməmiş, etdikləri edəcəklərinin təminatı olmamış, dünyaya bir xeyri dəyməmişdir.

gerçək eşqi yaşamamışdır, yuxarı vəzifədə yüksək maaşlı biri deyildir.

xəyallarına çatmaq bir yana, bəziləri və bəzi şeylər üçün xəyallarını düşünmədən yandırmış, öz əlləri ilə ümidsizlik dənizinə atmışdır.

cəsarətli olmalı yerlərdə qorxaq olmuş, sakit ola biləcəyi yerlərdə kükrəmiş, "kaş"larla dolu bir insan.

müsbət/mənfi siyahısı tutulacaq olsa, müsbətlər sırasına "mənfi cəhətləri heç kimin vecinə" deyil yazılacaq biri.

23 yaşında etmək istədiklərinin 10-da birini belə edə bilməmiş, günahı yalnız və yalnız özündə görən daim çalışan, çox yorulmuş biri.

ad günün mübarək.
böyrək daşı bir gün səhər qarnımda möhkəm bir ağrı ilə oyandım. ilk öncə bunun ümumi bir tualet ağrısı olduğuna qənaət gətirərək ağrı ilə tualetə qaçdım. lakin tualetə gedəmmirdim və eyni zamanda qarnımdakı ağrı da artaraq məni olduğum yerdə qıvranmağa sövq edirdi.

bir neçə dəqiqə sonra artıq bilinməzliyin verdiyi qorxu ilə birlikdə qardaşımı oyatmaq üçün inildəyərək irəliləməyə başladım. qardaşımı oyatdıqdan sonra ağzımdan çıxan tək şey isə "qharrrnımmmmmmm" oldu. daha sonra ağrı ilə yerə yıxıldım. qardaşım böyük ehtimalla ilk öncə zəhərləndiyimi düşündü, daha sonra işin düşündüyündən daha ciddi olduğunu anladı və birlikdə xəstəxananın yolunu tutduq.

həkim ilk başda bunun apendisitdən qaynaqlandığını düşündü, hətta kt-dən cavablar çıxdıqdan sonra birbaşa əməliyyat üçün hazır olmalı olduğumu dedilər. mən isə hələ də ətrafdakı danışıqları suyun altından eşidirmişcəsinə qarnımı tutaraq yataqda qıvranırdım. kt-dən cavablar çıxdıqda isə həkimin üzündə bir rahatlama gördüm.

"daş düşürdürsən."

necə yəni? bu qədər ağrı cəmi cümlətanı 4 mm daşdan ötrü imiş? yəni bədənimin bir tərəflərində xırda bir daş, hətta daşcıq tərpəndi deyə dözülməz bir ağrı yaşamışdım? inana bilmirdim. böyrək daşının bu qədər ağrı verəcəyinə inanmağım gəlmirdi. lakin gerçəklər bu idi. həkim bu daşın əməliyyatla asanlıqla çıxa biləcəyini desə də, qısa bir google araşdırması sonrası əməliyyat fikrindən vaz keçdim. bu daşı düşürtməli idim!

yazılan ürəkbulandırıcı dərmanlar, tabletkalar, sistemlər bir yana, hər kəsin dediyi bir şey var idi.

"daşın düşməyi səndən asılıdır!"

və belə də etdim. hər gün binada 7ci mərtəbəyə qədər pilləkənləri hoppanaraq çıxdım və hoppanaraq düşdüm. dizlərimi əlimə toxunduraraq qaçmağa başladım. ip tullanmağa və tullanarkən konsantrasiyamı saxlamağa çalışdım. gündə litrlərlə su içib, armud, şaftalı, xıyar, qarpız kimi bilimum içinin böyük qisminin maye olduğu meyvələri tükətməyə başladım.

derkən ikinci bir sancı baş verdi. daş yerindən tərpənmişdi. bu dəfə ki sancı keçən dəfəkindən daha az deyildi. bəlkə də daha artıq idi. lakin ağrının nədən baş verdiyini bilmək, bilinməzliyin verdiyi qorxunun itməsi ilə nisbətən dözməyə başlamışdım. daha sonra onsuzda bu ağrıdan 1 dəfə də yaşadım.

və nəhayət daşımın düşdüyünü dedilər. düzdür bədənimdən çıxmağıma şahid olmadım. çıxıbsa belə bunu görməmişdim. lakin sonuncu yoxlanışlarda artıq bədənimdəki 4 mm daşın görünmədiyini dedilər. sevincək olmuşdum. lakin mənim üçün hər şey bitmiş deyildi.

o gündən bəridir duzlu qidalardan maksimum uzaq dururam. bol su içib aktiv şəkildə idman etməyə başlamışam, qazlı içkilərdən, fast-foodlardan uzaqlaşmışam. yəni istəmədən də olsa, başıma gələn şeylər uzun müddətdir davam edən qeyri-sağlam həyat tərzimin dəyişməsinə böyük səbəbi oldu.

və əgər kimsə böyrək daşı ilə bağlı bu başlığı oxusa, sözüm sənədir! qorxma, bol hərəkət et və bol su iç. və bunu daş düşdükdən sonra da davam et.

ps: burda yazdıqlarımın heç biri tibbi məsləhət deyildir və oxuyucuların mənim yazdıqlarımı etdiyi üçün başına gələnlərdən bəndəniz məsuliyyət daşımır.

tanım: özü kiçik, ağrısı böyük şey.
community əfsanə bir serialdır. dəyəri bilinməmişdir. ən sevdiyim bölümləri, şübhəsiz, paintball, documentary bölümləridir. digər bir cəhətdən favori sezonum 2-ci sezondur. dan harmonun olmadığı 4-cü sezon o qədər sevilməsə də, mən ondan sonrakı 2 sezonu 4-cü sezondan daha az bəyənirəm. bunda çox sevdiyim bəzi xarakterlərin serialdan çıxması da böyük bir səbəbdir.

serialda diqqət çəkən bir şey rick and morty ilə olan paralellikdir. ikisinin də yaradıcısı dan olduğu üçün oxşarlıqlar qaçınılmazdır, bu, oxşarlıqdan daha böyükdür.

1. bizim hekayəmizdən əlavə bir evil xarakterin olması və ümumiyyətlə, bizim xarakterlərlə əlaqəsi olmasa belə, onların olduğu bölümlərin çox sevilməsi evil morty, evil abed, evil troy, the darkest timeline

2. serialın davam etmə strategiyası. məsələn, community-nin məşhur haştagı #sixseasonsandamovie six seasons and a movie, rick and morty-də isə rick and morty 9 more seasons

3. tematik bölümlər. community bunun zibilini çıxartsa da, rick and morty-də də bunu yavaş-yavaş görməyə başladıq. həm də bəzi bölümlərdə imkansızlıqdan edilə bilməyən tematik hissələrin rick and morty-də həm cizgi film, həm də büdcəyə görə rahatlıqla edilə bilməsi.

4. paralel kainatlar. bunu çox uzatmağa ehtiyac yoxdur. məhşur remedial chaos theory bölümü və ondan sonra yaranan the darkest timeline ilə birlikdə bir neçə timeline və s. rick and morty-nin ana teması olmasına baxmayaraq, community-də də çox təmiz şəkildə işlənmişdir.

ümumiyyətlə, rick and morty sevənlər göz atsın. absurd komediya sevənlər göz atsın. metahumor, pop-culture reference humor sevənlər mütləq izləsin. trailer-dən romantik komediya və ya təhsil komediyası izlənimi alan varsa, qaçaraq uzaqlaşsın. çünki bu serial streets ahead.

bunlara bax: (bax: jeff winger), (bax: britta perry), (bax: abed nadir), (bax: shirley bennett), (bax: annie edison), (bax: troy barnes), (bax: ben chang), (bax: pierce hawthorne), (bax: craig pelton), (bax: greendale community collage)
leon heç kimin vecinə olmayan aşağı reytinqli spin-off.
haillucifer yeni yaşına girmiş yazar. təbrik edir və uğurlar arzu edirəm.*
final space hələ 2 sezondan ibarət olan olan rogers imzalı möhtəşəm animasiya serialı. ilk sezonu, xüsusilə, gözəl olmaqla birlikdə, 2-ci sezonda lore-un dərinləşməsini bəyəndim. lakin bu serialda əksik olan bir şeylər var nə olduğunu tapa bilmirəm.

bəlkə xarakterlər arası əlaqə, bəlkə hekayənin nisbətən sürəti və bəzi hissələrinin çox zəif olması. amma mooncakehue-ni çox sevdim. the gary-nin kvn-ə olan nifrəti möhtəşəm idi. əlavə olaraq deyim, rick and morty-dən daha çox futurama-ya bənzəyir.
better call saul 5-ci sezon çox gözəl idi. lalo, saul, kim, mike. hər birinə dastan yazmaq olar. amma uzun yazmaq üçün həvəsim yoxdur. sadəcə olaraq demək istəyirəm ki, better call saul mənim gözümdə breaking bad-i sollamışdır.
doctor who soxacam edəcəyiniz işə. doctor who-ya bu qədər hörmətsizlik edib də, hələ necə chibnall-ı showrunner kimi saxlayıblar, bbc ümumiyyətlə ilk növbədə buna necə qərar verib anlaya bilmirəm.

bu sezon gözəl olan yeganə şey master idi. sacha dhawan doğurdan da gözəl iş çıxardıb.

uzun-uzun yazmağa heç bir həvəsim yoxdur. lakin 60 illik lore-un içinə etdiyi üçün chibnall və chibnall sevərlərə təşəkkür edirəm.
bojack horseman və bir gözəl şeyin daha sonuna gəldik. olduqca kədərli və əslində, xoş bir son idi. bojack horseman-ə yaraşan tərzdə. spoiler-ə keçməzdən əvvəl bu serialın, son bölümünə qədər böyük bir kədərlə, hətta zarafatlarda belə kədərlə gülümsəyərək izlədim. çünki bojack bizim bildiyimiz, lakin çox vaxt ifadə etmədiyimiz, edə bilmədiyimiz (bəzən qorxduğumuzdan, bəzən də adını qoya bilmədiyimizdən) qorxular, hisləri bizə yaşatmış və təsvir etmişdir. hər kəs bojack horseman serialındakı hər bir xarakterdə özündən bir parça görür. komediya və hollywood dünyasına lağ etmə üzrə qurğulanmış bir serialdan bu tonlara gəlməsi həm serialın, həm də serial içərisindəki xarakterlərin necə inkişaf etdikləri, nə qədər çox şey yaşadıqlarını göstərir.

hər bir keçən bölümlə xarakterlər getdikcə dərinləşmiş, gerçək dünya dərdlərindən bəhs etməyə başlamış, hollywoo-nun sürreal aləmini gerçək dünyanın dərdləri ilə birləşdirərək edilməsi çox çətin bir şeyi bacarmışdı. xarakterlər ilə özümüzü bənzətmək. çünki serialdakı bütün xarakterlər bu və ya digər şəkildə hollywood-da gördüyümüz tərzdə xarakterlər idi. milyoner aktyor və aktrisalar, onların menecerləri, ən yaxın dostları, yancıları və s.

yox. serialı bu qədər gözəl edən birinin baş rolunda at olan bir şəxsin sevilməmə problemi üzrə həyatda baş verən bütün pis şeylərin səbəbini keçmişə və başqalarına atması, məsuliyyət götürdükdə isə işlərin öhdəliyindən gələ bilməməsi, üstəlik daha bərbad hala gətirməsi ilə paradoksal bir depressiyaya düşməsini bizə keçirdə bilməsi, bu hadisələrdə özümüzdən bir parça tapa bilməyimiz idi.

final bölümünə keçərkən bunu qeyd edim ki, əgər gülmək üçün izləyirsinizsə, birinci sezonu bir təhər gedəcək, lakin 2-ci sezondan etibarən komediya üçün o qədər də yaxşı bir seçim olmadığını anlayacaqsınız. yox, əgər maddi hər şeyə sahib bir milyonerin özünü axtarma və "yaxşı hiss etmə" səyahəti üçün olduğunu anlasanız, bir daha çətin qarşılaşacağınız bir dad alacaqsınız.

--spoiler--

bir çox insanın şikayət etdiyinin əksinə, bojack-ın ölməməsini və finalın bu şəkildə bitməsini çox sevdim. bojack-ın ölümü olduqca sadə, gözlənilən və asan olardı. həmçinin serialın fəlsəfəsinə də tərs gələrdi. hər bir şeydən əvvəl, bu serial nihilist tona sahib idi. bütün xarakterlər bir şəkildə sabahdan ümidini kəsmiş insanlar idi. ona görə də, mən finalda diane və bojack-ın qəribə bir sakitçiliklə səmaya baxmalarını final olaraq qəbul edir və həyatımda gördüyüm ən sadə və gözəl düşünülmüş finallardan biri olduğunu düşünürəm.

xarakterlərə ayrı-ayrı keçəsi olsaq,

bojack horseman - ailəmizin the horse-u. son bölümün ilk saniyələrində öldümü-ölmədimi deyə ikiləmdə qalsaq da, ölmədiyini görməyimiz məni rahatlatdı. lakin bunun əvəzində, bir mənada etdiyi bütün şeylərin cəzasını çəkmək üçün həbsə göndərildi. artıq etdiyi şeylərin cəzasını çəkdiyi üçün ruhu sakitləşmişə bənzəyirdi. ancaq pc ilə danışanda yenə də özünü saxlaya bilməyən və sevilmək istəyini bastıra bilmədiyini görmüş olduq. onun üçün hekayəmiz hələ yarımçıq qalmışdı. həbsdən çıxdıqdan sonra "gerçək həyata" adaptasiya ola biləcəkmi, yoxsa yenidən bir şəkildə işləri batıracaqmı, məlum deyil. ancaq ikincisinin baş verməsi daha böyük bir ehtimaldır.

todd chavez - ailəmizin keçmiş yancısı. keçmiş çünki öz işinə sahibdir, sevdiyi qızla birlikdə qalır, ailəsi ilə arasını düzəldib. hekayədə xoşbəxt sonluğa sahib, ümumiyyətlə sonluğa sahib yeganə xarakterlərdən biridir.

princess carolyn - ailəmizin işkolik meneceri. bütün hekayə boyunca kariyerası ilə yüksəlməyə və dərdlərindən qaçmağa çalışmışdır. finalda judah ilə evlənməyi, bir mənada məntiq evliliyini seçməsi onun üçün anlaşıqlı bir şey idi. lakin o da bunun bir son olmadığını, səhərisi gün işinin olacağını bilir. hekayəsi tamamlanmışdır.

mr.peanutbutter - ailəmizin labradoru. hekayə boyunca daim cütlük halında kimləsə takılmış, onları və özünü xoşbəxt etmək üçün çalışmış, finalda isə artıq tək olmağın, özünün kim olduğunu anlamağa başlaması onun üçün ən gözəl sonluqlardan biri idi. ilk dəfə idi ki, qarşısındakını xoşbəxt etməyə çalışmır, anlamağa çalışırdı və ilk dəfə idi ki, özü üçün bir şeylər edirdi. lakin bir sonluğa sahibdirmi, demək çətindir.

diane nguyen - ailəmizin yazıçısı, dışlanmış hiss edəni. serialda bojack ilə birlikdə ən mürəkkəb xarakterə və inkişafa sahib insandır. dərdlərinin daim onu xüsusi etdiyini hiss etməsi üçün dərdlərindən ibarət kitab yazmağa çalışmış, lakin alınmadığında pulp fiction tərzi ucuz ergen dedektiv kitabları yazmağa başlamış və bu işdə uğurlu olmuşdur. sevdiyi insanla evlənmiş, la və hollywoo xarakterlərindən tamamilə uzaqlaşmağı seçmişdir. lakin bu onun üçün bir sonluq deyil, çünki öz kitabını nə vaxtsa yazmaq istəyəcək, keçmiş arvadından ötrü huiston-a köçmüş guy ilə nə vaxtsa bunun üzərində dava edəcək. çünki o diane-dir. hekayəsi sabah davam edəcək, baxmayaraq ki, bəlkə də onunla sonuncu dəfə danışırdıq.

son olaraq hollyhock - onun etdiyi başa düşüləndir. illər sonra qalmaqallı biri qardaşı çıxmışdır və qardaşının o qədər "yaxşı" biri olmadığı, hətta "iyrənc" biri olduğuna şahid olmuşdur. buna görə də, illər sonra cəmi bir neçə illik qardaş fiqurundan uzaqlaşmağı seçmişdir. kədərli, ancaq başa düşüləndir.

--spoiler--

mükəmməl bir səyahətin sonuna gəldik. bura qədər bizlə olan hər kəsə təşəkkürlərimi edirəm. gözəl bir gecə idi.
2019 sabah sonuncu gününü yaşayacağımız dalbayob il.
no time to die 2020 tarixli daniel craig'in sonuncu dəfə 007 olaraq qarşımıza çıxacağı film. ilk dəfədir ki daniel craig james bond filminin adı bir ifadə oldu. james bond filmlərinin adı əksərən cümlə şəklində olduğu üçün (yadımda qaldığı qədərilə), bu james bond filminə belə bir ad vermələri bir vida olaraq çox şık olub.

trailer'ə gəldikdə isə, çox bir şey vəd etmədi açıqcası. rami malek'in canlandıracağı villain barədə çox bir şey bilməsək də, qüvvətli bir təsir bağışlamadı. eyni zamanda trailer'də göstərilən action sekansları da qane etmədi. bəlkə də bir çox şeyi final trailer'ə saxlayırlar, bilmək olmaz.

(youtube: )
the irishman 2019-cu il tarixli martin scorsese rejissorluğunda çəkilmiş, robert de niro, al pacino, joe pesci kimi əjdəhaların birlikdə çəkildikləri son film. film haqqında geniş analiz etməyə gəlmişdim. ancaq başlığının belə açılmadığını görüb həddindən artıq təəccübləndim, qazım da qaçdı.

daha sonra analiz gələcək.
star wars star wars, bir sevdadır. filmləri, animasiyaları, komiksləri, kitabları ilə birlikdə böyük bir qalaktikadır. bir çoxlarının dediyi kimi "dünyanın ən gözəl nağılı "once upon a time" ilə deyil, "a long time ago in a galaxy far far away" ilə başlayır.

2 günəşli Tatooine planetində başlayan epik və sonu gəlməz macəra içərisində bir eşq, bir ailə, bir siyasət, bir yüksəliş və bir düşüş hekayəsidir. içində minillikləri əhatə edən, sayısız qəhrəmana sahib, insanların deyil, fikirlərin və ideyaların döyüşdüyü əfsanəvi bir arenadır.

filmlərdə hər nə qədər skywalker ailəsinin və onun ətrafındakı bütün qalaktikada nələr baş verdiyini öyrənsək də, yan materiallarla bu qalaktika hekayələrlə daha da zənginləşmiş, daha da ayaqları yerə basan sağlam bir məkana çevrilmişdir.

star wars fəlsəfədir. içərisində gücü əhatə edən bir fəlsəfəyə sahibdir. yaxşılığın aliliyi, pisliyin nə qədər asan olduğu və qalaktikadakı hər şeyin bir tarazlıq üzərində qurulduğundan bəhs edən bir fəlsəfə.

star wars bir çoxlarının düşündüyünün əksinə başlanğıcda səslənən əsas temasıyla deyil, force temasıyla yadlarda qalan və sevilən bir hekayədir.
(youtube: )


star wars evimizin və sıxıcı planetimizdən qalaktikadakı sonsuz sayıda macəraya açılan bir qapıdır. bəzən son texnologiyanın ev sahibliyi etdiyi bir planetə, bəzənsə texnologiyadan xəbərsiz bir qəbiləyə baş çəkmək, bütün bunlarla birlikdə qalaktikadakı pis qüvvələrə qarşı mübarizə aparmaqdır.

markanın disneyə satılması ilə kitabları və komikslərinin bir qismi kainatdan çıxardılmış və star wars legends adı ilə dışlanmışdır. yeni seri kimi lazımsız və mənasız, nədən bəhs etdiyini özlərinin belə bilmədiyi trilogiyayla zibili çıxmışdır. təzə bir şey yoxladıqlarını qeyd edirlər hər dəfə, lakin master yoda'nın o məşhur məsləhətini unudurlar. "do or don't. there is no try".

may the force be with you, dostlarım.
rick and morty 4-cü sezonu tam qaz davam edən gözəllik.

2-ci bölüm çox poxdanıydı deyərək zarafatımı edir və bölüm barəsində düşüncələrimi bölüşməyə başlayıram.

yazıda spoiler var.

məncə, 3-cü sezonun böyük bir kütlə tərəfindən digər sezonlardan daha az sevilməsinin səbəbi möhtəşəm bir potensial sahibi olan jerry xarakterini az görməyimiz idi. bu bölüm jerry xarakteri ilə yeni bir macəraya çıxdıq və həqiqətən də jerry-dən ötrü belə darıxdığımı hiss etdim. hər hansı bir insan niyə jerry-dən ötrü darıxsın? morty və jerry arasındakı dinamika klassik rick and morty dinamikası idi. lakin burda yer dəyişmə böyük bir yerdəyişmə var. morty burda rick-in rolunu üstlənərkən, jerry, xüsusilə ilk sezondakı morty-nin rolunu mənimsəyirdi. burda morty-nin rick-vari hərəkətləri və reaksiyası "gözümüzün qabağında böyüdü kerata" dedizdirdi.*

digər tərəfdən beth və summer-in hekayəsi də tinder, online-date app-lərinə, sosial mediaya babat geydirmələr izlədik. hekayənin zəif cəhəti, bu gözə soxmadakı fürsətdən istifadə edə bilməməsiydi. yəni zarafatlar çox kor gözə barmaq idi. sanki senarinin bu hissəsini dan harmon yazmamış kimiydi.

son olaraq da rick-in solo macərası. sırf rahat sıçsın deyə qalaktikanın, hətta paralel kainatların ola biləcək ən huzurlu yerini seçməsi güldürtdü. adam rahatına düşkündü olm. beləliklə də, 4 sezondur rick-in sıçmağa gedərkən səhnədən ayrıldıqda hara getdiyini öyrənmiş olduq.* daha fazla məlum sözü işlətmiyəcəm, zira iyrəncləşir bu entry.

digər bir tərəfdən, rick-in tənha və kefsiz şəkildə unitaza oturması mənə unity-li bölümü xatırlatdı. orda da rick tənha qalmış və koskoca paralel kainatlarda bir dənə də olsun yaxını olmadığını düşündürtmüşdü. o qədər gözəl və təsirliydi ki.*

ümumiyyətlə, əvvəlki bölüm qədər olmasa da, gayet gözəl bir bölüm idi. görək, növbəti həftə necə bir temayla qarşımıza çıxacaqlar.
half-life alyx valve tərəfindən rəsmi şəkildə elan edilən 1 və 2-ci oyun arasında keçəcək vr oyunu. deyəsən, möhtəşəm bir şey gəlir.
sonic the hedgehog 2020 tarixli eyni adlı oyun qəhrəmanı haqqında jim carrey-nin də iştirak etdiyi film.*

sonic-in bundan əvvəlki animasiyası iyrənc olduğundan fanlara qulaq asıb stilini dəyişdiriblər, çox da yaxşı ediblər. hə, film pis olacaqmı? pis olacaq. mən kinoteatrda izləyəcəyəmmi. hell yeah.

linketto:
(youtube: )
rick and morty 4-cü sezonu ilə möhtəşəm şəkildə qayıtmış serial. faşizm, merkantilizm, irqçilik, sjw barəsində geydirmələr etmiş, bol-bol güldürmüş, içərisində yer alan səhnələrlə vay beee. dedizdirmişdir.

bölüm barəsində geniş şəkildə entry girmək boynumuzun borcudur, ancaq bu burda beləcə qalsın.*
1 2 3 4 5 6 7 8 9 10 11 12 13 14 15 16 17 18 19 20