maxinator


53   0   0   0
1. nəsil əcdad yazar
entry: 53
reytinq: 132
karma: 69
izləyən: 5
oxunma: 5,009






begomot osturağı

yeri-göyü inlətən, arximedin axtarışında olduğu istinad nöqtəsini lingsiz yerindən oynadan təbiət hadisəsi.

(youtube: )

8 əjdaha! maxinator

06.05.2015 - 16:46 #161534 mesaj facebook twitter

məhəmməd azərbaycanlı olsaydı

başlıqda simvol məhdudiyyəti var deyə mövzunu tam əks elətdirməyə bilər.
başlığın təxmini əhatə dairəsi belədi: məhəmməd azərbaycanda doğulub, peyğəmbərliyini azərbaycanda elan eləsəydi hansı reaksiayalara məruz qalardı? qohum-əqraba, tanış-tunuş onunla necə danışardı.

dubl 1

- salam dayday, məni çağırmısan?
- ooo məhəmməd salam. nə var, nə yox, necəsən?
- şükür, salamatçılıqdı. sən necəsən, neynəyirsən?
- neyniyək ee? gördüyün kimi. eşitdim təzə din çıxartmısan? danış görək, nəmənə şeydi?
- hə, danışım da. dayday mənə vəhy gəldi ki, bu məbədlərdəki, evlərdəki daşdan, taxtadan, baldan, xurmadan düzəldilən bütlər ilah deyil. yalnız bir ilah var, o da allahdı. allah məni özün..
- məhəmməd, yaxşı. atam balası, indi birini bilirsən, birini bilmirsən...
- dayday, m..
- atam, bir dəqiqə dayan, böyüyün sözünü kəsmə. biz də bilirik də onlar nədi, nə deyil; çörəyi qulağımıza yemirik ki? bəyəm bilmirik ki, onlarçün kəsdiyimiz qurbandı, verdiyimiz nəzirdi – bir işə yaramır? indi bircə sən ağıllı olub qabağa düşmüsən? bə..
- bəs bilirsizsə niyə belə eləyirsiz ki? niy..
- neynəmək istəyirsən? hə, deyək ki, çıxdın şəhərin ortasına başdadın danışmağa. nə olacaq? dayının balası, sən hələ cavansan, tanımırsan bu milləti. mən bilirəm, sən düz deyirsən, dediyin hər şeynən sözbəsöz razıyam. ancaq olan iş deyil. bu millət belə şeylər qanmır. o de, sənin arvadıvın əmioğlusu. adı nəydi o gədənin? nofəlin oğlu..
- vər..
- hə, o de nofəlin oğlu. yadına gəlməz sənin, sən deyəni 10-15 il əvvəl o da deyirdi də. axırı noldu bəs?
- n..
- qovdular. didərgin saldılar burdan. gül kimi işi gücü varıydı. neçə dənə obyekti, evi, torpağı, mal-qarası.. gedib bir-iki dənə xarici ölkə görüb, bir-iki dənə kitab oxuyub, elə bilib ki, bir-iki kəlimə danışsa burdakılar da ordakılar kimi olacaq. bu da axırı. indi nə var əlində? heç nə. hardadı? hansısa cəhənnəmin dibində. sən də elə olmaq istəyirsən? gül kimi ailən, uşaqların var, evin-eşiyin, dolanışığın yerində. başıvı aşağı sal, işivi gör də. dayı səni istəyib deyir e, bunları.
- mən..
- vallah bu xarabada bir zibil olan deyil. mənlik, sənlik deyil e. o tərəfdə iran, bu biri tərəfdə bu birisi.. bizim kimi deyillər ki? hərəsinin öz dini var, dəyişmək istəsələr elə onlar dəyişərlər də? bilirsən, niyə dəyişmirlər? ona görə ki, burda pul var. bu sən bayaq dediyin şeylərdən hərəsi filan qədər prosent götürür. bizimkilər də qazanır. tulapayı kimi də olsa yetim-yesirə, kasıb-kusuba əl tuturuq. belə bizim yaxşılığımızı istəyənsən, sən də götür bir ac doyuzdur.
- eləmirəm bəyəm?
- sözgəlişi dedim. bilirəm eləyirsən; əvvəl 5 eləyirdin, indi 15 elə. şükür, imkanın da yerindədi. nə vaxtdı alvernən məşğulsan, xaricdən mal gətirirsən – götür iki-üç dənə işbacaran oğlan, işi öyrət, həm savab qazanarsan, həm iki-üç baş ailənin əli çörəyə çatar, həm də 5-10 ilə onlar işləyərlər sənin yerivə. qabağı da fikirləşmək lazımdı axı. nə vaxta qədər arvad-uşağı burda qoyub ora-bura gedəcəksən? bilirəm, sən pis iş tutan deyilsən, biz də burdayıq, ailəndən muğayat oluruq, ancaq atam, dünya belədi də, bu gün varıq, sabah yoxuq. biz olmayanda kimə əmanət eləyib gedəcəksən? bunların hamısını fikirləşmək lazımdı. yoxsa sən də tutmusan ki, yox lat belə gəldi, uzza elə getdi, bal nə bilim neynədi.. biz bilmirik bəyəm?
- nə vax..
- əgər sən dediyin yola girsək, heç zad, onları da sındırıb tullayacağıq bir tərəfə. yuxarılara pul çatdırmaq olacaq? yox. gəlib buranı viran qoyacaqlar. onda bu vaxtın peşmançılığını çəkəcəksən. deyəcəksən ki, mən nə qələt eləyib o qədər milləti qırğına verdim? düzdü-düz deyil?
- ...
-başa düş. vallah səni fikirləşib deyirəm. srağagün rəis, onun qardaşı zad gəlmişdilər. oturub danışırdıq. söz səndən düşdü. dedilər ki, əntiqə oğlandı, iş bacarandı, böyük-kiçik yeri də bilir, bircə bu işləri olmasa..
- dey...
- özün durub millətə allah böyükdü, ona itaət eləyin deyirsən,, ancaq burda mənim sözümü kəsirsən. budu sən dediyin? ayıbdı ki..
- yox, m..
- hə, bir də olmasın. istəyirlər işi səninlə görsünlər. onların da kalan malı gedir xaricə. ordan da mal gətirirlər. ancaq işlətdikləri adamlar bir az əliəyridi. bunlar da başqa adam yoxdu deyə, day heç nə deyə bilmirlər. sənə əmanət eləmək istəyirlər, sən də ki, belə.
- ...
- fikirləş də. indi 10 qazanırsan, onlar versə 100 qazanarsan. demirsən, "allah buyurur ki, yaxşılıq eləyin"? al buyur. qazanarsan 100-ü lap burdakı bütün aclara əl tutarsan. bundan böyük yaxşılıq? elə deyil?
- ...
- bayaq da dedim. yekə ölkələr var, özün də əlli dəfə gedib görmüsən, başqa dinə sitayiş eləyirlər. onlara görə, biz kafirik. elə yıxmaq istəsələr birinci onlar yıxarlar da. çox yox, hərəyə mincə adam göndərsələr viran qoyarlar buranı. niyə eləmirlər bəs? ona görə ki, hələ vaxtı deyil. hələ onlara da sərf eləmir. sən elə bilirsən ki, çıxıb deyəcəksən, allah, yaxşılıq - zad, burdakılar da qəbul elədi deyək – bizi rahat qoyarlar, onlar? yox. tutub öldürərəcəklər, ya türməyə basacaqlar arvad-uşağın qalacaq küçələrdə. bizim də əlimizdə olan-qalan nə varsa alacaqlar. istəyirsən belə olsun?
- isa d..
- nə isa, nə musa? burda sənə bir kitab söz danışıram, sən isadan yapışmısan. allah sənə deyib ki, mənimçün ailəvi viran qoy? milləti qırğına ver? allah demir sənə ki, yaxşılıq elə? hamımız öldük, getdik; kim eləyəcək onda yaxşılığı?
- yaxşılıq təkc..
- qurtar da sən mənim canım. gedib orda-burda görmüsən ki, büt zad yoxdu, bir-iki dənə də kitab-mitab oxumusan, gəlib burda da özündən oyun çıxardırsan.
- əvvəla mən oxumaq bilmirəm. kim deyir ki, yoxdu? oralarda da var. 5-10 nəfər adam var, onlar da tək-tənha monas..
- əvvəla, oxumaq bilmirsən, get öyrən. ikincisi bilməyə-bilməyə nə danışırsan? qoy bilənlər danışsın da. de, özün dedin tək-tənha yaşayırlar. deyəsən nofəlin oğlu da elə onlara qoşulub, olub sərgərdan. çox yerdə yoxdu deyirsən, malades.. dürüst adamsan, bir az da ağıllı ol. sual ver də, özünə niyə yoxdu? orda ki, yazmağı, oxumağı bacarırlar? bəs onların oxuyanı niyə çıxıb demir ki, belə-belə. bizdə də o qədər oxuyan var. səndən ki, bacarıqsız deyillər. zehinli, fəhmli adamlardı. onlar niyə ortalığa düşmürlər? demirsən ki, fikirləşmək lazımdı, onda haqqı-nahaqdan ayırmaq olacaq? bəyəm bir sənsən ağıllı? bizim başımız yoxdu, biz fikirləşə bilmirik?
- bilmirl..
- yox, lap yaxşıca bilirik. ancaq ona görə, sənin kimi atlanıb ortalığa düşmürük ki, lazım deyil. vaxtı gələndə hər şey dəyişəcək. qurban olum manata, yazığı gəlir, çörəkpulumuzu göndərir, oturub şükür eləməkdən, gör nə işlər tutursan. dəyişəcək, belə qalan deyil. ancaq ki, sənlik mənlik deyil. böyük siyasət var burda. oxumağı, yazmağı bacarmırsan, hələ bir deyirsən ki, yox mən dəyişəcəm. hara dəyişirsən, kim qoyur dəyişməyə?
- all..
- de, bax, məsələn, yəhudilər. burda burnumuzun dibindədilər. nolsun ki, onlar da bir allaha inanırlar? onlardan oğraşını görmüsən, bu dünyada? hə? de dəə. deməli yaxşılıq zad, allahlıq deyil. sənin dediyivə inansaq belə çıxır ki, mən pis adamam. ancaq o qədər yetim-yesirə əl tuturam. hansı cuhud köpəyoğlunu görmüsən, gəlib qonşusuna bir tikə çörək verib desin ki, “qonşu, götür ye, ac qalma” ? görmüsən?
- qonşusu ackən özü tox yatan bizdən deyil. onl..
- ayy sağol. deyirəm də, bizdən deyil. ancaq sən istəyirsən ki, biz də onlar kimi olaq. onda bu qədər ac-yalavacın axırı necə olacaq? təkcə allahnan olmur axı. bunun sonrası da var. bax yenə deyirəm, başıvı sal aşağı, işinnən məşğul ol. sənə kim deyir ki, yaxşılıq eləmə. elə, ancaq bir iş tutanda bunun sonrasını da fikirləş. bir ölç-biç ki, qohum nə deyər, qonşu nə deyər.

14 əjdaha! maxinator

12.07.2014 - 00:04 #126673 mesaj facebook twitter

marksizm və üsyan

lenin in 1917-ci il sentyabrında (13 ya 14) rsdfp mk-ya yazdığı, 15 sentyabr tarixli partiya yığıncağında oxunmuş proqram-məktub. proqramda, rusiyanın tarixi şəraitinə müvafiq olaraq, marksist nəzəriyyəyə əsaslanan silahlı üsyan konseptini inkişaf və tətbiq yolları araşdırılmış, bir ay sonra çarlıq üsul idarəsinin dağılması ilə nəticələnən böyük oktyabr inqilabında isə, artıq bolşeviklərin əsas sənədi halına gəlmişdir. məktubda üsyanın üç əsas komponenti kimi bunlar qeyd olunur.
- "üsyan, müvəffəqiyyətli olmaq üçün, qəsdə deyil, partiyaya deyil, qabaqcıl sinfə əsaslanmalıdır.."
-"üsyan xalqın inqilabi yüksəlişinə arxalanmalıdır"
- "üsyan, yetişməkdə olan inqilabın tarixində elə bir dönüş nöqtəsinə arxalanmalıdır ki, bu zaman xalqın ön sıralarında fəallıq, inqilab düşmənlərinin və inqilabın qətiyyətsiz, yarımçıq və zəif dostlarının sıralarında isə tərəddüd ən güclü səviyyədə olsun"

bunlarla birlikdə lenin həm də, marksizmin üsyan nəzəriyyəsini digər sol üsyan nəzəriyyələrindən, xüsusilə də, lui ogüst blankın üsyan nəzəriyyəsindən -blankist metod- hansı cəhətləri etibarilə ayrıldığını göstərmiş və onların ayrılıqda yığcam tənqidini vermişdir.

4 əjdaha! maxinator

23.11.2013 - 04:57 #79253 mesaj facebook twitter

tənqid silahı

marksist tənqid nəzəriyyəsinin, ən əhəmiyyətli momentlərindən biridir. hegelin hüquq fəlsəfəsinin tənqidinə əlavənin giriş hissəsində, marks onun xarakteristikasını belə verib - "tənqid silahı əlbəttə silahlı tənqidin yerini verməz, maddi qüvvəni maddi qüvvə ilə yıxmaq lazımdır; lakin nəzəriyyə də kütlələrə hakim olan kimi, maddi qüvvəyə çevrilir. nəzəriyyə öz təsdiqini insanda tapdıqca, kütlələrə hakim olur və radikallaşdıqca da öz təsdiqini insanda tapır. radikal olmaq, məsələni kökündən qavramaqdır. söhbət insandan gedirsə, bu kök insanın özüdür (...)". hegelçi totalitar dialektikanın əksinə, marks, insan varlığını, insani fəaliyyəti, inqilabi nəzəriyyənin mərkəzinə yerləşdirmiş və daha sonra təkmilləşdirəcəyi bu nəzəriyyənin insana, onun (ictimaiyyətə qarşı duyduğu) etik məsuliyyətinə dolaysız şəkildə bağlı olduğunu göstərmiş, substansın əbədi sabitliyi barədə klassik görüşləri (inqilabi vəziyyət yetişdiyində tənqid silahının - silahlı tənqidlə eyniliyini göstərməklə) kökündən baltalamışdır. *

2 əjdaha! maxinator

15.11.2013 - 04:29 #77300 mesaj facebook twitter

iki kitabla ordinarius olan yeniyetmələrə məsləhətlər

bu gün gördüm, bir yoldaş, kvant materializmindən danışırdı - kvant materializmi nə olan şeydir, bilmirəm. amma çox yəqin ki, hansısa elmi əsası yoxdur. çünki özlüyündə statik materializm (vulqarmaterializm) metafizikadır. elm mən bilən keçən əsrin əvvəllərində birmənalı olaraq bu tip materializmdən imtina edib (maraqlananlar, hekel, büxner vəs.-in təmsilçisi olduqları bu cərəyana qarşı qarşı marksın, engelsin, kunun tənqidlərini oxuya bilərlər). marksist materializmin isə hansısa təbiət elmindəki (o metodla yeni biliklər istehsal edən), tətbiqindən xəbərdar deyiləm. hər nə isə məsələ bu deyil, ola bilsin ki, mən yanılıram.

son 5-6 ilin trendlərindən biridir, 3-4 populyar elmi (təbiət elmlərini nəzərdə tuturam) yazı filan oxuyub, əllameyi cahan olmaq. bu, əsasən 17-22 yaşlarında, atasına-anasına acıq eləyib allaha, dinə söyən yeniyətmə tayfasının mərəzidir; "elmi" (kontdan betər pozitivist) dillə danışmaq, stereotiplərə qarşı daha qatı stereotiplərlə "mübarizə" aparmaq vəs. əvvəla bu yolun yolçuları bilməlidirlər ki, qəbul olunan məlumatı kritik filterdən keçirmədən qəbul eləməyin özü elə dinsayağı doqmatiklikdir. bu məlumat/bilik qırıntıları ilə "maarifçilik" eləmək isə, müstəsna həyasızlıqdır . görürsən uşaqlar çıxır, biq bənqdən girib, biq krançdan çıxırlar, şrödingerinn pişiyinin ağzına girib, ələddinin lampasından çıxırlar, üstünə də bir ovuc kvant tozu əlavə eləyirlər, qalırsan məəttəl ki, ay qardaş, siz bunları hansı ara öyrənib, xətm elədiniz, öyrəndiklərinizi nə vaxt analiz elədiniz, ağlınızın süzgəcindən keçirdiniz ki, hələ bunların üzərində öz həyat fəlsəfənizi də qurursuz? həyat fəlsəfəsini yığcam formada belə təqdim eləmək olar: dini "neprav" çıxarmaq və allahın var olmadığını isbat etmək arasında gedib gəlmək, çox vaxt bunları bir-birinə qarışdırmaq.

mən şəxsən bunu anlaya bilmirəm. bildiyim budur ki, istənilən sistemin inkarı özündə immanentdir (öz kəşfim deyil, hegeldən öyrənmişəm) - sistemin ilkin formasını inkar etmək üçün ona öz alətləri ilə toxunmaq lazımdır. yəni ciddi mənada bir dinin tənqidi (- əlbəttə ki, artıq bilik baş yarmır -), ancaq və ancaq onun öz içindəki dinamikanın çözümlənməsi ilə mümkündür. din antropolojik (tətbiqi elm kimi sosiolojik) hadisədir, faktdır - onun tənqidi üçün hansısa kvant mexanikasından, canlıların fiziolojik inkişaf nəzəriyyəsindən, elektrik cərəyanının naqillə ötürülməsindən, burda qanad çırpan kəpənəyin suriyada zəlzələyə səbəb olmağından, markov modellərinin keçid matrislərindən mədəd umursunuzsa, heç zad. bir yerə də gedib çata bilməyəcəksiniz, cool da görünməyəcəksiniz, qarşı cinsin marağı.. şaka lan şaka, sen devam et -)) konkret olaraq islam dini ilə probleminiz varsa, onu "neprav" çıxarmaq istəyirsinizsə, gedin kəlam öyrənin, islam fəlsəfəsi öyrənin. bacarsanız, bu hələ hansısa tanrı/allahın var olmadığını deməyə əsas verməyəcəyi üçün, növbəti mərhələ bu məfhumun (varlıq ehtimalı olan) irrasional olduğunu göstərməli olacaqsınız. bu isə çətin məsələdir - məşhur ifadəni azacıq dəyişsək, "əgər qara pişik orda deyilsə həqiqətən çətin məsələdir"

p.s. "işsizlik bir boş bulunmuşluktur" kəlamından mütəvəllid, bunu da əlavə etmək istəyirəm ki, yoldaşlar, elm başqa şeydir, elmçilik ideologiyası başqa şeydir. elmin məqsədi, daha çox elmdir, daha çox elmi bilik əldə etməkdir. məqsədiniz elmdirsə, özünüzü facebook səhifələrində, forumlarda əritməyin, gedin əvvəla minimal akademik təhsil alın(metodu öyrənmək üçün ən asan yoldur), ciddi elmi ədəbiyyat oxuyun, təcrübələr aparın, hipotezlər qurun, təzə biliklər istehsal etməyə çalışın. ideologiyanın məqsədi isə, öz tərzini yayğınlaşdırmaq, alternativlər arasındakı mübarizədə yeganə olmağını təmin etməkdir. sonuncu, hansısa problemin subyektiv dərkidir, bunun hansısa elmi bir əsası yoxdur - sadəcə olaraq etik məsuliyyətdir. etik məsuliyyətdən doğan aktivizm, fəaliyyət isə kor-koranə donkixotluqla yox, reallığın, qarşısında durulan faktın obyektiv və dolaysız dərki ilə mümkündür. bunu qeyd etməyi lazım bildim ki, nə istədiyinizi, nə etdiyinizi qarışdırmayasınız.

23 əjdaha! maxinator

11.11.2013 - 04:29 #76717 mesaj facebook twitter

1 əjdaha! maxinator

10.11.2013 - 03:27 #76514 mesaj facebook twitter

qeyri-səlis məntiq

qeyri-səlis çoxluqlar prinsipi ilə inşa olunan məntiq paradiqması. qeyri səlis çoxluq o deməkdir ki, burda, çoxluq elementlərinin çoxluqda təmsil olunması dərəcələndirilən və paylaşılandır. q.s.ç-da, hansısa a elementinin a çoxluğuna aidliyini bildirmək üçün, onun aidlik dərəcəsi də göstərilir. məs: a, 25 faiz a çoxluğunun, 35 faiz b çoxluğunun elementidir. bu funksiyanı g ilə göstərsək, g(a) ->[0:1], əgər g(a) sıfıra bərabərdirsə, deməli a elementi a çoxluğunda yoxdur. yox əgər a = 1 isə, a elementi a çoxluğunda bütünlüklə təmsil olunur və hansısa ixtiyari b, c, d çxoluqlarında təmsil olunmur. q.s.m də elə bu çoxluqlarda kəmiyyət dəyişikliyini ifadə etmə formasıdır.

q.s.m.-in ən əsas tətbiq sahəsi, süni zəkaya əsaslanan maşın öyrətmə alqoritmləridir.

3 əjdaha! maxinator

29.05.2013 - 12:28 #47685 mesaj facebook twitter

uşaqlıqda aliminium mis və butulka satmaq

fakir piçlər cəmiyyəti - hahaha filan-feşməkan..
metallarla aram balacalıqdan yaxşı olmayıb deyən, atamın içib evə yığdığı butulkaları satmışlığım olub. kişinin içməkliyinin raşotunu ordan götürmək olar ki, bir-iki həftə hər gün cibimdə bir şirvanım (97-98-ci illər - (bax: şirvanın şirvan olduğu vaxtlar)) olurdu. sonra bibimgildəki süd butulkalarına dadandım - iki reysə 2-3 şirvan. axırda da rəhmətlik babamın padvalı. orda da kitablarla tanışdım. vəlhasil, dediyim odur ki, lümpen proletarlıqdan - ziyalı proletarlığa keçidin hekayəsidir, uşaqlıqda aliminium mis və butulka satmaq

4 əjdaha! maxinator

25.12.2012 - 06:19 #26519 mesaj facebook twitter

heydərbabaya salam

ateistlərə, satanistlərə, bütpərəstlərə, metalçılara, darvinin-doukinzin rotvaylerlərinə, aqnostiklərə, əczməndi qırıqlarına, mao yoldaşıma kəm baxanlara, trotskist-menşevik hibridlərinə, imperializmin köləsi - yeni revizionist cəbhəyə, xalq cəbhəsinə, əbülfəz qurbanlıya vəs. türkün sözü kapak olacaq misraların müəllifi.

--spoiler--

heydərbaba, alçaqların köşk olsun,
bizdən sonra qalanlara eşq olsun.
keçmişlərdən gələnlərə məşq olsun,
övladımız məzhəbini danmasın!
hər içiboş sözlərə aldanmasın!

--spoiler--

1 əjdaha! maxinator

25.12.2012 - 06:06 #26517 mesaj facebook twitter

minimal dövlət

minimalist sənət əsəridir. bir növ torpaq, çox da alabəzək olmayan bayraq, 200 qr. cipsli fıstıq, 1.5 tl-lik antep fıstığı, 2.5 tl-lik quru badam - vəssəlam, şüttamam.

3 əjdaha! maxinator

25.12.2012 - 05:59 #26516 mesaj facebook twitter

0 əjdaha! maxinator

09.12.2012 - 19:54 #22490 mesaj facebook twitter

6 əjdaha! maxinator

30.11.2012 - 04:09 #19996 mesaj facebook twitter

3 əjdaha! maxinator

25.11.2012 - 21:54 #19726 mesaj facebook twitter

0 əjdaha! maxinator

25.11.2012 - 21:49 #19723 mesaj facebook twitter

4 əjdaha! maxinator

25.11.2012 - 21:47 #19722 mesaj facebook twitter

1 əjdaha! maxinator

25.11.2012 - 20:27 #19704 mesaj facebook twitter

1 əjdaha! maxinator

25.11.2012 - 20:22 #19701 mesaj facebook twitter

2 əjdaha! maxinator

25.11.2012 - 19:19 #19674 mesaj facebook twitter

3 əjdaha! maxinator

25.11.2012 - 19:14 #19672 mesaj facebook twitter

4 əjdaha! maxinator

25.11.2012 - 19:13 #19671 mesaj facebook twitter

/ 20 »

blok -   başlıqlarını gizlət

Son bəyənilənlər