Ata bünövrədir. Ailənin,kiçik dövlətin bünövrəsidir.Qadının cəmiyyətdəki müqəddəs roluna hər kəs bələddir.Bəs ata? Hər şey kişinin qadına olan münasibətindən başlayır.Qadın güclü olarsa cəmiyyət sağlam olar. Bəs qadını güclü edən nədir?Yaradılış kişi ilə qadının ahəngindən yaranıb. Bu ahəngin q0runması üçün həm qadın, həm kişi münasibətləri elə tənzimlənməlidir ki, tamlıq bərpa olunsun. Qadın ilk öncə atada görür kişi obrazını. Atanı tanıdıqdan sonra formalaşır ideal kişi obrazı onun üçün.Bir ailədə ata anaya nə qədər sevgi verərsə qadın ailəsində xoşbəxtlik tapır,ailəyə sevgi göstərir və özünü,qadın obrazını reallaşdırır.Övlad üçün ata gücdür,ana sevgi. Fərqi yoxdur sən qız övladsan ya oğul. Qadın həyat yoldaşında hüzur,hömət,sevgi tapdıqca övladlarını da tam şəxsiyyət kimi yetişdirir çünki övladı onun həyat yoldaşı ilə özünün dünyalarının birləşməsidir.Övlad isə atanı güc olaraq gördüyü üçün özündəki daxili gücü daima ona sübut etməyə çalışır, ata nə qədər diqqətli, nəvazişli olarsa övlad özünə güvənməyə başlayır. Ümumiyyətlə fərdin özünü şəxsiyyət kimi yetişdirməsi ailədən başlayır,əgər o ailədə özünü tapa bilmirsə qaçır ətrafa,o ailədə xoşbəxtlik tapa bilmirsə həyatın istənilən zərbəsində özünü bədbəxt hiss edir,incik,qırğın olur. Kişinin qadına sevgi göstərmədiyi yerdə qadın da özünü xəşbəxt hiss eləmir və əslində bütün problemlər burada yaranır.Qız övladısansa ata sənin üçün dayaqdı,qorumadı,güvəndir.O özünü formalaşdırmaq üçün hansısa kişiyə ehtiyac duymur artıq,atasında tapa bilmədiklərini başqalarında axtarmır. Oğul övladsansa ata sənin üçün ideal kişi obrazıdır, hansı ki,oğul övlad hər zaman atası kimi olmağa meyillidir. Atasız qadınlar var,xoşbəxtliyi,hüzuru,güvəni tam olaraq hiss edə bilməyən qadınlar.Onlar hər zaman şübhəlidir,onlar özlərini 1:0 arxada hiss edirlər,çünki onlar özlərini qorumağı öyrənir,nazı ilə oynanmamış qadınlar var hansi ki,ataları heç onların nazını çəkməyib onlar savaşda hiss edirlər özlərini və qalib olmaq üçün həyatın hər çətin üzünə tab gətirməyə çalışırlar. Atasız kişilər özlərində daim məsuliyyət hiss edirlər,"mən güclü olmalıyam,mənim çiynimdə ağır yük var", onlar çox yorulur həyatda çünki ideallarını tək formalaşdırıb reallaşdırmalıdırlar. Anlaşılması çətin deyil ki, atasız ailə yaralı ailədir,yaralı ailə isə yaralı cəmiyyətdir.
