Notice: Undefined variable: querycheckrows2 in /var/www/soz6/sds-themes/vengeful-light/header.php on line 171

naümid


65   0   0   0
naümid
9.nəsil yazar
reytinq xalı: 167
entry sayı:65
karma xalı: 0
izləyənlər: 2
sifariş sayı: 4







son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə

aramicə (bax: aramey dili)
arami sözü türk dilindədir. azərbaycan dilində bu dilin adı "aramey dili", millətin isə adı arameylər şəklində keçir.
etimologiyalarını öyrəndikdə təəccübləndirən sözlər küftə - fars dilindəki "döymək" mənasını verən koftən felindən gəlir, mənası "döyülmüş" (kofte) deməkdir. Azərbaycan dilindəki "küftə" sözü isə böyük ehtimalla tat dilinin təsiri ilə bu şəkildə tələffüz olunur (tatca - döymək - küftən, döyülmüş - küftə)
rojava Rojava, və yaxud, Şimal və Şərqi Suriya Muxtar idarəetməsi Suriyanın şimal şərqində yerləşən və de fakto muxtariyyəti olan ərazidir. 2011-ci ildə başlayan Suriya vətəndaş müharibəsi ilə ortaya çıxan güc vakumu nəticəsində yerli əhali üzərində Suriya rejiminin təsiri zəifləmiş, beləcə ərazinin nəzarəti yerli Kürd qruplarının əlinə keçmişdi. iŞiD-lə qarşı mübarizəyə qarşı YPG YPJ kimi yerli kürd qrupları mühüm rol oynamışdır. "Rojava" sözü Kürd dilində "qərb" mənasını verir, və ərazi Kürdistan regionunun qərbi olduğuna görə tarixən Rojava adlandırılıb. Lakin yerli etnik azlıqlarla qarşı daha inklüziv siyasət yeritmək üçün 2016-cı ildə Rojavanın rəsmi adı dəyişdirələrək "Şimal və Şərqi Suriya Muxtar idarəetməsi" qoyulmuşdur. Rojava muxtar regionunun əsas rəsmi dilləri Kürd, ərəb, süryani və türk (türkmən) dilləridir və bu dörd dildə yazılar Rojavanın emblemi üzərində öz əksini tapır. Bundan əlavə olaraq erməni və çərkəz icmalarının rəsmi inzibati işlərində erməni və çərkəz (adıgey) dilləri də istifadə olunur. Rojava hal-hazırda bir anarxist cənnəti hesab olunur. Buradakı bütün ictimai işlər heç bir dövlətin və mərkəzi hökümətin qatqısı olmadan, yalnız icma tərəfindən demokrtatik şəkildə həyata keçirilir. Bu barədə ətraflı məlumat üçün Rojavanın ictimai və sosial baxımdan özünüidarəetmə forması haqqında hazırlanmış bu sənədli filmlərə baxa bilərsiniz:
(youtube: )

(youtube: )

(youtube: )
tirsik.net Formatca sözaltı sözlüyə xeyli bənzəyən, tərkibindəki entry-ləri kürd dilində olan bir vebsayt link . Saytın əsil adı Tirşik-dır (azb. oxunuşu: tırşık). Bu saytda interfeys dili olaraq Kürd dilinin təkcə Kurmanci ləhcəsi yox, həmçinin Zaza dili də seçim olaraq mövcuddur. Tirşik-ın sözaltı sözlüklə xeyli oxşarlıqları var: məsələn hər iki sözlükdə həqiqi yazar olmaq üçün, və ya umbaylıqdan (tirşik-də çemoz) çıxmaq üçün azı 10 entry yazıb moderatorlar tərəfindən təsdiqlənməlisiniz. Sözaltı sözlükdən fərqli olaraq isə, tirşik-ın saytında filmlər, kitablar və radio bölmələri də mövcuddur. Saytın həmçinin belə bir maraqlı xüsusiyyəti var: siyasətlə bağlı başlıqları oxumaq üçün ən azı 100 entry-si olan təsdiqlənmiş bir yazar olmalısınız, əks halda bu cür başlıqları aça, oxuya və ya entry yaza bilməzsiniz.

Edit: tirşik-də bu gün səhər qeydiyyatdan keçmişdim, və artıq adıma başlıq açıb xoş gəlmisən deyirlər. Saytın maraqlı xüsusiyyətlərindən biri də budur ki, profilinizi yaradarkən sizdən özünüz haqqında məlumat vermənizi, hansı şəhərdə yaşadığınızı, hobbilərinizi və s. soruşur. Azərbaycandan olduğum və əslən kürd olmadığıım görüləndə də bu cür diqqət çəkdim xD
bakı ləhcəsi öyrənəcəklərə tövsiyələr Hansı kəndin ləhcəsini öyrənəcəyini müəyyənləşdirsin. Bakının fərqli kəndlərində bəzi nüanslar var tələffüz baxımından. Hansı kəndin ləhcəsini öyrənmək istəyirsə, o kənddə vaxt keçirmək, həmin kənddən insanlarla, xüsusilə də yaşlı nəslin nümayəndələri ilə, tanış olub danışmaq və söhbətləri diktofonla yazmaq pis olmaz. Səs yazılandan sonra sakitcə oturub tədqiq etmək olar ləhcənin bütün xırda detallarını.
hansı filosofsan testi 88% sartre/camus çıxdı. maraqlı gəldi, bir az oxuyum onları, camus vabşe oxumamışam heç.
qəvvali Mənbəyi Cənubi Asiya olan sufi musiqi janrı. Deyilənə görə, əsası 13-cü əsrdə Delhidə yaşamış Sufi müqəddəsi Əmir Xosrov tərəfindən qoyulmuşdur, və o dövrdən bəri bu musiqi Sufi məbədlərində ibadət zamanı oxunurmuş. Qəvvali musiqisinin sözlərini adətən islam dini ilə bağlı olan qəzəllər təşkil edir və bu qəzəllərin mətni Məhəmməd Peyğəmbərin və imam Əlinin mədhiyyəsi məzmununda olur. Qəvvalinin ən məşhur ifaçılarına Nüsrət Fateh Əli Xanı, Əziz Mian Qəvvalı və Səbri qardaşlarını misal göstərmək olar.
nüsrət fateh əli xan bu sifarişi verən: benedictus
Pakistanlı Qəvvali ifaçısı. Əsil adı Pərviz olan ifaçı 1948-ci ildə Pakistanın Puncab əyalətində anadan olub. Onun atası, ailəsinin 600 il davam etdirərək nəsildən nəsilə ötürdüyü Qəvvali musiqisi ilə oğlunun məşğul olmamasını, və əvəzinə daha yüksək statuslu bir peşə seçməsini istəsə də, Pərviz qəvvali məclislərində oxumağa başlayır və Nüsrət Fateh Əli Xan adını qazanır. Nüsrət Fateh Əli Xan 1997-ci ildə ingiltərədə vəfat etmiş və vətəni Puncabın Faysalabad şəhərində basdırılmışdır. O, hal-hazırda Cənubi Asiyanın tarixində indiyə qədər yaşamış ən böyük Qəvvali ifaçısı kimi tanınır. Onun ən məşhur mahnılarına misal olaraq "Dulhe Ka Sehra Suhana Lagta Hai"
(youtube: )
, "Dil Galti Kar Baitha Hai"
(youtube: )
və "tumhe dillagi bhool jani padegi"-ni
(youtube: )
misal göstərmək olar.

P.S. özümün Nüsrət Fateh Əli Xanın ifasinda ən çox sevdiyim parçalar bunlardır:
(youtube: )

(youtube: )

(youtube: )
rufus wainwright çoxumuzun tanıdığı məşhur Şrek filmində yer alan Hallelujah mahnısının ifaçısı. Mahnının originalı 1984-cü ildə Leonard Cohen tərəfindən bəstələnsə də, Şrek filmindəki soundtrek versiyasını 2001-ci ildə Rufus Wainwright səsləndirib:
(youtube: )
.
1 2 3 4 5 6 7 8 9 10 11 12 13 14 15 16 17 18 19 20