ikinci qarabağ müharibəsi

arif yunusun öz mənbələrinə əsasən cəbhədən verdiyi xəbərlər. qeyd edim ki, prezidentin açıqlamasından 20 dəqiqə əvvəl yazıb bunları:

"dünən ermənilər ehtiyat qüvvələrini daşaltı və şuşikənd yaxınlığında gedən döyüşlərə cəlb edib. bu qrupun məhv edilməsindən sonra təcili şəkildə şəhərdə qalan son sivillərin xankəndinə evakuasiya edilməsi başlayıb. dünən saat 19:00 radələrində azərbaycan ordusu şuşikənd istiqamətində hücuma keçib və şuşadan xankəndinə gedən sonuncu yolu da ələ keçirib və beləcə şəhər tam mühasirədə qalıb. ardınca ordumuz qalaya ümumi hücum çəkib, şəhərə daxil olub və güclü şəhəriçi döyüşlər başlayıb. döyüşlər gecə-gündüz davam edib və hələ də davam edir. erməni tərəfinin dünən verdiyi açıqlamara görə vəziyyətin onlar üçün pisləşdiyini başa düşmək olurdu.

eyni zamanda yerevanda pərdə arxasında paşinyana böyük təziq olunur, istefası tələb edilir, o isə buna hələki razı olmur"

saat yarım sonra etdiyi əlavələr:

"şuşa azaddır! şəhərdə hələ də atışma səsləri eşidilir, lakin bu şəhərdən qaçmağa macal tapmamış əsgərlərin təmizlənməsidir. bununla birgə şuşanın düşməyi xəbəri xankəndidə böyük panikaya səbəb olub. şəhərdə qalan son 17 min sivil təcili surətdə şəhəri kəlbəcər yoluyla tərk etməyə başlayıb. kilometrlərlə uzanan tıxac var.

eyni zamanda azərbaycan ordusunun xocavənd şəhərinə girdiyi xəbərləri də gəzir, lakin hələ təsdiqlənməyib."

ikinci qarabağ müharibəsi

arif yunusun son verdiyi məlumatlara əsasən, döyüşlər əsasən şuşa və laçın ətrafında gedir. dünən (noyabrın beşi) kəşfiyyat qrupu qalaya daxil olub, düşmən mövqelərini öyrənib və qısa döyüşlərdən sonra daşaltıya çəkilib. həmin gün çanaqçı (avetaranots) kəndi də ordumuzun nəzarəti altına alınıb.

şuşanın müdafiəsinə qarabağın köhnə müdafiə naziri seyran ohanyan cəlb edilib (onun vəya oğlunun yaralanması xəbərləri də məncə burdan irəli gəlir). şəhər hal-hazırda üç tərəfdən mühasirədədir, və bizimkilər bircə kərkicahana gedən yolu açıq saxlayıb ki, şəhərdəki son sivillər çıxa bilsinlər. eyni zamanda şuşa-goris yolu da bir neçə gündür bağlı olduğundan xankəndidə 80 jurnalist blokadada qalıb. "reporters without borders" təşkilatı sayəsilə əlaqə saxlayıblar və onlara vardenis-ağdərə yolundan çıxmaq üçün noyabrın 8-i səhərinə qədər vaxt verilib.

havanın son günlərdə pisləşdiyindən dronlar bir neçə gündür rahat uçuş keçirə bilmir. bunu erməni mediasının yayınladığı görüntülərdə də açıq aydın görmək olur, hətta tank və zirehli texnikanı belə rahat işlədə bilirlər. hardasa ayın 8-nə havanın düzələcəyi gözlənilir.

şərq cəbhəsində isə heç nə sakit deyil. son bir neçə gündə xocavənd və ağdarə şəhərləri aviasiya ilə güclü şəkildə bombalanır və hətta ordumuz xocavəndə noyabrın 4-də uğursuz hücum gerçəkləşdiriblər. məqsəd şuşaya edilən hücum zamanı şərqdən gələcək dəstəyin qarşısını almaqdır.

bu dəqiqə hər şey ayın 8-i qalaya üç tərəfdən və havadan böyük hücum olacağına işarə verir. noyabrın 9-u bayraq günündə də şəhərin alınması hədəf olunur, əgər hər şey yolunda getsə təbii ki.