orjinaladam


64   0   0   0
5.nəsil yazar
entry: 64
reytinq: 258
karma: 46
izləyən: 8
oxunma: 1,506





Əgər insanlar başa düşsəydilər ki, beşmərtəbəli evin altıncı mərtəbəsi də ola bilər, onda nə vardı ki...


sevil atakişiyeva

günlərdir ağlımdan çıxmayan, təəssüf ki valideyn təzyiqinə dözməyib intihar etmiş qız.

mən orta məktəbdə oxuyanda (deyəsən 7-ci sinif idi) məhəlləmizdə bir nəfər intihar etmişdi, ələkbər adlı oğlan, məndən 2-3 yaş böyük olardı. futbol oynayırdıq bir dəfə, atası gəlib onu hamının qabağında döymüşdü - heç bilmirəm nəyə görə idi açığı. üstündən heç bir həftə keçməmişdi ki, özünü asdı ələkbər. atasını günahlandıran olmadı təəssüf ki, polis gəldi, işi bağladı, getdi. həmin il, valideynlərlə bağlı nəsə inşa yazırdıq məktəbdə, mən də açığı bu hadisədən təsirlənmişdim biraz. belə bir cümlə yazmışdım ki, heçkim özünü öldürməyə dəyməz, hətta valideyn də olsa qaçıb gedə bilərsən özünü öldürməkdənsə. (əslində bu da düz deyil, qalıb problemi həll etməyə cəhd etmək olar ən azı, sadəcə mən uşaq idim - qaçmaq daha asan görünürdü) nəysə, sözümün canı odur ki, müəllimə mənə o inşada 5 yazmadı, dedi ki sənin bu fikrin yəni valideyni günahlandırmağın mənim xoşuma gəlmir. həmin dərsi məhz bu mövzuya həsr etdi və hamımıza "valideyn nə edirsə düzdü, nə deyirsə etməliyik" fikirlərini aşılamağa çalışdı, ələkbəri günahlandırdı. biz yeni nəsilik, lisey uşaqlarıydıq, əslində məncə heç uşaqların vecinə olmadı bu fikirlər. amma müəllimlər və valideynlər uşaqlıqdan bizə təzyiq göstərirlər ki öz istədiyimizi etməyək, böyük sözündən çıxmayaq və s.

Sözümün canı odur ki, imkanınız varsa heç olmasa öz uşağınızı daha normal şəraitdə böyüdün, müəllimlərini, özünüzü və yoldaşınızı tanıyın. Əmin olun ki, uşağınıza heçkim təzyiq göstərmir və o öz fikirlərində və hərəkətlərində azaddır. sevil olmasaydı, ələkbər mənim yadımdan çıxmışdı. bir müddət sonra sevil də hamımızın yadından çıxacaq, nəsə dərs götürmək lazımdır amma. Yoxsa bu kimi hadisələr hələ çox başımıza gələ bilər.

14 əjdaha! orjinaladam

24.02.2021 - 16:18 #320718 mesaj facebook twitter

sözaltı etiraf

təxminən 4 ildir ki, bu ölkədən getmək istəyirəm. xaricə magistr oxumaq üçün getmək, daha sonra işləyib orada qalmaq. son 1 ildə ielts, gmat və s. imtahanlara hazırlaşıb, xeyli universitetə müraciət etmişdim. artıq cavablar gəlir, qəbul oluram müxtəlif ölkələrə, müxtəlif universitetlərə çünki nəticələrim kifayət qədər yaxşı idi. qısası, sentyabrda gedə bilərəm amma getmək vaxtı yaxınlaşdıqca deyəsən daha çox çətin və stressli olur.
sözlük, mən indi nə etməliyəm bilmirəm. sadəcə düşünürəm ki, buradan getsəm də, burada qalsam da bunlar mənim xoşbəxtliyimə təsir etməyəcək. getmək istəyirəm çünki bakıda heçkimlə düz gəlmir mənim söhbətim və münasibətim. düşüncələrim mentalitetimizdən və orta-statistik azərbaycanlıdan bir xeyli fərqlidir. ("xoşbəxtlikdən" deyim yoxsa "təəssüf ki" deyim, bilmirəm) getmək istəmirəm, çünki gedəcəyim ölkədə qala biləcəyimdən əmin deyiləm. ən çox da bu qeyri-müəyyənlik qorxudur ki, gedəndən sonra nə olacaq.
deyirlər ki, qərar verə bilməyəndə qəpik atın (püşk) çünki qəpik havada olanda siz başa düşəcəksiz ki, hansı üzü istəyirsiz. bax, mən indi elə bil havadayam və başa düşürəm ki heç yerə düşmək istəmirəm. çünki hansı üzə düşsəm də ağlım digər üzdə qalacaq.

bütün gecə fikirləşməkdən yata bilmədiyim üçün indi bura yazıram, çünki özümü çox narahat hiss edirəm, içimi harasa boşaltmaq lazımdı.

23 əjdaha! orjinaladam

05.02.2021 - 10:03 #319317 mesaj facebook twitter

ielts

https://starkcamp.com/ielts-aca

Yuxarıda göstərilən saytdan istifadə edərək Listening və Reading hissələrinə rahatlıqla hazırlaşa biləcəyiniz imtahan. Cambridge kitabları computer-delivered formatda paylaşılıb.

https://www.ielts-mentor.com/48-ielts-vocabulary/vocabulary-for-academic-ielts-writing-task-1/528-vocabulary-for-academic-ielts-writing-task-1-part-1

bu saytın köməkliyi ilə writing task 1 üçün lazım olan sözləri və cümlə quruluşlarını öyrənə bilərsiniz. Eyni saytda müxtəlif başqa səhifələrdə də maraqlı məlumatlar var, mən ən çöx göstərilən linkdən istifadə etmişəm.

https://www.ieltsg.com/2018/01/ielts-writing-task-2-academic.html
https://www.ieltsjacky.com/ielts-task-2.html

writing task 2 üçün yuxarıdakı linklərdən istifadə edə bilərsiniz. həm ümumi struktur, həm də cümlə strukturu baxımından kömək edəcək.

12 əjdaha! orjinaladam

18.12.2020 - 21:35 #313815 mesaj facebook twitter

erdinger

ən məşhur məhsulları Weißbiers (buğda pivəsi) olan alman pivə istehsalçısı. bakıda əsasən erdinger Weißbiers və erdinger dunkel (tünd rəngli) tapmaq mümkündür. 5.3 % alkoqol dərəcəsi var. 6-7 manata tapmaq olur adətən.

0 əjdaha! orjinaladam

09.11.2020 - 18:06 #309863 mesaj facebook twitter

təhminə

Zaurik, — dedi, bunu bil: mənim barəmdə çox şey danışırlar və bundan sonra, məhz bax elə sənə daha çox iftiralar uydurub deyəcəklər... Əgər ürəklərinə damsa ki, biz səninlə doğrudan-doğruya xoşbəxtik, bunu heç bir vaxt bağışlamayacaqlar bizə... Yüz çirkab tökəcəklər başımızdan və çalışacaqlar ki, bunların hamısı sənin qulağına çatsın. Amma mən istəyirəm ki, sən bir neçə şeyi dəqiq biləsən, Zaur. Birincisi odur ki, məlaikə-zad deyiləm, bu barədə heç bir illüziyan olmasın. Amma bu da həqiqətdir ki, mən hələ heç kəsi səni sevən kimi sevməmişəm və indiyəcən hələ heç kəsə də deməmişəm ki, onu sevirəm... Bax ən böyük, ən əsas həqiqət budur... Zaurik, dünyada bir həqiqət, bircə həqiqət var — qəlbin həqiqəti və səadət, xoşbəxtlik də elə budur, vallah... Bax bu axşam var dünyada, bu meşə var, quşlar oxuyurdu bu meşədə, sən varsan, mən varam, bir-birimizi sevirik, bir yerdə olanda bəxtiyar oluruq, — budur bax həqiqət və bundan başqa heç bir ayrı həqiqət yoxdur. Sən uçub Moskvaya gəlmisən, orada aerodromun qalereyasında uzaqdan səni görüb bilirsən necə sevindim! Bəs sən? Bəs sən?..
— Mən də...
— Görürsən... Bax bu dəqiqələr var e, bu şoseylə Moskvaya gedirik ikimiz — sən və mən, — Bəxtiyarlıq budur, Zaurik, həqiqət, ən böyük həqiqət də budur... Ayrı bir həqiqət arama bizim münasibətlərimizdə... Bir yerdə olduğumuz dəqiqələrin xoşbəxtliyi ilə yaşa... Budur əsl həqiqət...

4 əjdaha! orjinaladam

30.08.2020 - 21:23 #303655 mesaj facebook twitter

geoguessr

https://www.geoguessr.com/ adresindən daxil ola biləcəyiniz möhtəşəm oyun/app. gündə cəmi bir xəritəni pulsuz oynamaq mümkündür. limitsiz oynamaq üçün 1.99 dollar ödəmək lazımdır. son zamanlar tapdığım ən maraqlı və gözəl şey budur.

verilən xəritənin adından/mövzusundan asılı olaraq hər hansı bir ölkənin, şəhərin və ya dünyanın hər hansı yerinin bir hissəni görürsünüz. sonra yolda axtarışa çıxaraq həmin yeri dəqiqliklə dünya xəritəsində göstərmək lazımdır. yoldakı işarələrin, yazıların, maşınların, coğrafiyanın, ağacların demək olar ki, hər şeyin özünə görə əhəmiyyəti var.

0 əjdaha! orjinaladam

18.07.2020 - 19:38 #300541 mesaj facebook twitter

glenfiddich 15

Məncə ən yaxşı glenfiddich. Həm 12, həm də 18 illikdən daha yaxşı dada malikdir. Həmçinin öz qiymət aralığında tapa biləcəyiniz ən yaxşı viskidi demək olar.
Sitrus aromasını rahatlıqla hiss etmək olur, çox yumşaq və insanı rahatladan içkidir.

1 əjdaha! orjinaladam

11.07.2020 - 18:35 #299741 mesaj facebook twitter

glenfiddich 12

Yaşıl butulkası olan 12 illik single malt viski. Çox da boğazı yandırmır, yumşaq hesab oluna bilər. Digər viskilərə nisbətən qiyməti çox baha olmadığı üçün yoxlaya bilərsiniz.

0 əjdaha! orjinaladam

11.07.2020 - 18:31 #299740 mesaj facebook twitter

the balvenie doublewood

Balvenie-nin 12 illik single malt viskisi. Içdiyiniz vaxt meyvə aromasını, dadını hiss etmək mümkündür. Glenfiddich, glenmorainge kimi maltlardan daha şirin amma daha yaxşı dadı var məncə. Bakıda müxtəlif şərab evlərində və supermarketlərdə tapa bilərsiniz.

1 əjdaha! orjinaladam

11.07.2020 - 16:43 #299731 mesaj facebook twitter

dünya sənin dünya mənim

sözləri məmməd araza, musiqisi niyaməddin musayevə məxsus olan və niyaməddin musayev tərəfindən ifa olunan möhtəşəm mahnı. girişində 2 dəqiqə heç bir söz olmadan bizi gözlətsə də, sonradan deyilən mənalı sözlər hərşeyi unutdurur.

https://www.youtube.com/watch?v=RujcdRf6mNk

Bir taleyin oyununda cütlənmiş zərik,
Yüz il qoşa atılsaq da qoşa düşmərik.
Bir zərrənin işığına milyonlar şərik,
Dünya sənin,
Dünya mənim,
Dünya heç kimin...

Bu get-gəllər bazarına dəvədi dünya ,
Bu ömür-gün naxışında həvədi dünya.
Əbədiyyən qəh-qəh çəkər əbədi dünya,
Dünya sənin,
Dünya mənim,
Dünya heç kimin...

Çevrəsindən çıxsa əgər sevda fırfıran,
Bir ümidin ətəyindən tutub da fırlan.
Eşidirsən: pıçıldayır yıxılan, duran;
Dünya sənin,
Dünya mənim,
Dünya heç kimin...

Bu get-gəllər bazarına dəvədi dünya ,
Bu ömür-gün naxışında həvədi dünya.
Əbədiyyən qəh-qəh çəkər əbədi dünya,
Dünya sənin,
Dünya mənim,
Dünya heç kimin...

3 əjdaha! orjinaladam

08.07.2020 - 17:56 #299460 mesaj facebook twitter

sevgi mahnısı

Sözlərini aşağıda görə biləcəyiniz möhtəşəm mahnı. "Sənə olan sevgimi sənə də alçaltmaram" azərbaycan musiqisində eşitdiyim ən gözəl cümlədi.


Keçdiyin bütün yollar
Qəlbimdən keçib gedir
Gözlərin bu dünyaya
Sevilməyi öyrədir
Kirpiklərinlə qorun
Saçlarınla yaşın, yar
Amandı, yar, baxışlar
Gözəlliyin daşınar
Ürəyimi atsam da,
Öz sevgimi atmaram
Sənə olan eşqimi
Sənə də alçaltmaram
Mehriban gülüşünlə
Nərgizlər yaranıbdı
Mehriban baxışınla
Dalğalar yaranıbdı
Kipriklərinlə qorun
Saçlarınla yaşın, yar
Amandı, yar, baxışlar
Gözəlliyin daşınar
Ürəyimi atsam da,
Öz sevgimi atmaram
Sənə olan eşqimi
Sənə də alçaltmaram

6 əjdaha! orjinaladam

06.07.2020 - 21:29 #299268 mesaj facebook twitter

təhminə

Zaurun bir dəfə də olsa haqqında yaxşı nəsə düşünüdüyü və aşağıdakıları həsr etdiyi obraz.

--spoiler--

Sən elə bilirsən ki, mən kütəm, keyəm, heç nə başa düşmürəm. Mən sənin bütün dediklərini, duyduqlarını hiss eləyirəm. inan mənə ki, hiss eləyirəm. Sənin davamın olmaq istəyirəm, həyatının mənası olmaq istəyirəm. Mən səninçün həm ikinci, həm Üçüncü, Dördüncü, Beşinci, Altıncı, Yeddinci, Səkkizinci, nə bilim neçənci, neçənci olmaq istəyirəm. Məktubumu qutarıram, son sözü yazıb kibrit çəkib bu məktubu yandırıram. Son söz... Təhminə ...

--spoiler--

2 əjdaha! orjinaladam

29.06.2020 - 23:20 #298768 mesaj facebook twitter

brooklyn nine nine

bugünə qədər başlığının olmamasına təəcübləndiyim serial. 2013-cü ildə ilk dəfə yayımlanıb və baş rolda andy samberq var. netflix üzərindən izləmək mümkündür. tipik qadın-kişi münasibətlərindən bəhs edən sitcomlardan fərqli olaraq özünəməxsus bir ssenarisi, xarakterləri və zarafat anlayışı var. boş vaxtlarınızı əyləncəli keçirmək üçün çox faydalıdır.

1 əjdaha! orjinaladam

18.06.2020 - 21:50 #297813 mesaj facebook twitter

sözlük yazarlarından aforizmlər

Əgər birini tanımaq istəyirsinizsə, sadəcə onun yanında sakit qalın. Sizin haqqınızda nə fikirləşirsə, deməli özü o xüsusiyyətləri daşıyır. insanlara həmişə qeyri-müəyyənliyə bir ad vermək maraqlıdır.

5 əjdaha! orjinaladam

13.05.2020 - 15:25 #295508 mesaj facebook twitter

george costanza

Seinfeld serialına baxma səbəbim olan obraz. Qətiyyən tipik bir filmin, serialın qəhrəmanı ola biləcək səviyyədə yazılmasa da insana məxsus zəifliklərin hamısını daşıyır və hər səhnədə güldürməyi bacarır. George yalan danışır, heçkimə bağlanmaq istəmir, valideynləri ilə vaxt keçirməyi sevmir, işləməyi sevmir, ümumiyyətlə məsuliyyətdən qaçır. Yəni hamımızın içində var george, sadəcə ortaya çıxarmaq lazımdır. Ən gülməli səhnələri "marine biologist" "opposite" və "hamptons" epizodlarındadı fikrimcə.

--spoiler--


Do you ever get down on your knees and thank God you know me and have access to my dementia?
I’m disturbed, i'm depressed, i'm inadequate, - i've got it all.
Please, a little respect, for i am costanza, lord of idiots.
I'm the opposite of every guy you've ever met.


--spoiler--

1 əjdaha! orjinaladam

28.04.2020 - 08:09 #294565 mesaj facebook twitter

breaking bad

karantindən istifadə edib bitirdiyim serial. bütün serial boyunca skyler-a nifrət etsəm də, bitirdikdən sonra fikirləşəndə görürəm ki, onun da özünə görə haqlı tərəfləri var idi.
ümumiyyətlə, serialda bütün hadisələr və obrazlar çox real əks olunub. Tək xoşuma gəlməyən səhnə Hankın bütün məsələni kitabla öyrənməsi oldu. Walter çox diqqətli adam idi, o kitabı unutması biraz qəribə alındı. Həm də hankın daha ağıllı şəkildə öyrənməsini istəyirdim sanki.

1 əjdaha! orjinaladam

27.04.2020 - 09:30 #294514 mesaj facebook twitter

you

ilk sezonu maraqlı, ikinci sezonu sıxan netflix serialı. psixi problemləri olan bir oğlanın sevdiyi (və ya sevdiyini düşündüyü) qızlarla olan qarşı olan obsessiv münasibətindən bəhs olunur. Uşaqlıq travmasının, qısqanclığın, güvənsizliyin insanları nə qədər pis vəziyyətə sala biləcəyini görə bilərsiniz. Joe-nun özü ilə danışmağı və həmişə düşündüyündən fərqli şeyləri qarşısındakı insana deməsi çox real əks olunub.

1 əjdaha! orjinaladam

27.04.2020 - 09:26 #294513 mesaj facebook twitter

sex explained

netflix üzərindən izləyə biləcəyiniz mini serial. seksi çox az detal verərək fantaziyalardan doğuma qədər izah edir. içində çox maraqlı statistikalar, eksperimentlər və müsahibələr paylaşılıb. yaxşı olar ki, partnerinizlə birlikdə izləyəsiniz, həm özünüzü, həm də onu bilgiləndirməyə və başa düşməyə kömək edəcək.

1 əjdaha! orjinaladam

27.04.2020 - 09:20 #294512 mesaj facebook twitter

0 əjdaha! orjinaladam

12.04.2020 - 16:57 #293709 mesaj facebook twitter

0 əjdaha! orjinaladam

07.04.2020 - 22:37 #293533 mesaj facebook twitter

/ 20 »

blok -   başlıqlarını gizlət

Son bəyənilənlər