PCprincipalwithoutmuscle


33   0   0   0
9.nəsil yazar
entry: 33
reytinq: 40
karma: 0
izləyən: 2
oxunma: 2,004
sifariş sayı: 3






mubi.com

Vpn ilə istifadə edilməli olan, cuzi bir ödənişlə minlərlə filmin əl çatan olduğu platforma. Vpn məsələsinə deyinməyimin səbəbi təəssüf ki, azərbaycandan bir çox film əlçatımlı deyil.
Xüsusilə kult və yeni qısa film arxivi ilə bənzərsiz bir platformdur.

dördüncü internasional

Lev Trotskinin "Keçid programı" əsaslı, dünya inqilabı, permanent inqilab, leninist təşkilat modeli və s. Kimi başlıca inqilabçı marksist prinsiplər əsasında qurulan beynəlxalq təşkilat. Trotskinin qətlə yetirilməsi ilə vəd etdiyi prespektivə heç vaxt çata bilmədi. Bu gün dördüncü internasionalının yenidən canlandırılması və beynəlxalq fəhlə təşkilatının yaradılması üçün bir neçə ciddi təşəbbüs mövcuddur.

azərbaycan ssr-in himni

Bir gün azərbaycandan çox uzaqda bir yerdə, mən xaric tamamilə xaricilərdən ibarət bir məclisdə, çox qəribə bir aksentlə yunan birinin mənə oxumağa çalışdığı himn. Çox təəccüblü idi ki, eyni məclisdə yer alan iki fərqli şəxs azərbaycanla bağlı, 30 ildir heç adı belə tutulmayan bu himndən başqa bir şey bilmirdilər.

Bu arada, sözlərini bilmədiyim üçün çox utanmışdım.

leica

Elit fotoaparat nədir sualının ən şübhəyə məhəl qoymayan cavabı ola biləcək fotoaparat. Xüsusilə optik lensləri ilə digər bütün rəqiblərini bir neçə mərhələ qabağlamağı bacarır desək, bir problem olmaz. standart məhsullarının Qiyməti nöqteyi-nəzərindən məsələyə baxsaq, təbii ki, məyus olacağıq. Ona görə də sadəcə xaricdə bir yerlərdə hər hansı bir fotoqrafın bu fotoaparatlarla çəkdikləri fotolarA baxmağı məsləhət görə bilərəm.

tarix oxuyanlar üçün məsləhətli kitablar

Sifarişə cavab verən yoldaşlara çox qatılmıram. Tarix oxumaq deyərkən başa düşülməli olan məqam nəzəri aspketdən "tarix nədir?" sualına cavab tapa biləcəyiniz kitablar, məqalələr, esselər oxumaqdan başqa bir şey olmamalıdır. Tarix nə xronoloji bölgülər içində öyrənilə bilər, nə də romantik dad almaq üçün romanlar içində əbəs edilə bilər. Oxumağa, öyrənməyə özlüyündə tarix nədir sualını dərd etmiş kitablardan başlamaq lazımdır (bir çox cərəyan və məktəb olduğu üçün konkret kitab adları verməkdən çəkinməliyəm)

selahattin demirtaş

Türkiyənin parlament partiyalarından olan Xalqların Demokratik partiyası və ya HDP- nin bu gün həbsdə olan keçmiş rəhbəri. Siyasi hakimiyyətin əlində girov olan selahattin Demirtaş siyasi məhbus statusu ilə 4 ildir ki, həbsdədir. Həbsində təqsirli bilinən qərarlar həm Avropa insan haqları məhkəməsi, həm də türkiyə konstitusiya məhkəməsi tərəfindən ədalətsiz hesab olunub. Qondarma ittihamlarla hələdə həbsdə saxlanılır.

ahmet kaya

Gözəl səsli, gözəl sözlü mübarizə adamı. Bir sənətkar olaraq həmişə bütün ictimaiyyətin problemlərini qabartmış, xalqının dərdlərini musiqiləri ilə dünyaya çatdırmışdır.

"çünkü ben sevdiğim kızı
yaşamak gibi
halkım gibi sevdiğim kızı
ki şiirini yazamayan
ve türküsünü söyleyemeyen halkım gibi
binlerce ve binlerce kurşunlanan halkım gibi
zincirlere vurulan
savaşlara yollanan
vergilere bağlanan halkım gibi"

Ps. Uşaq olarkən, kasetdə kim olduğundan xəbərsiz dinlədiyim şəxs. illər keçəndən sonra belə, kasetinin bizdə nə işi vardı deyə düşünürəm.

sözlük yazarlarından şüarlar

"Ya sosializm, ya da barbarlıq"
2020-ci il ilə daha da gözə batan şüar. insanlıq ya mədəniyyətin sonu ilə üzləşəcək, ya da bizi bu sona aparan kapitalizmi ortadan qaldıracaq.

aias gülüşü

Gülmək yaxşıdır, gülərkən etiraz etmək də, amma aias gülüşü özlüyündə sonluğa işarət edir. Haqlı olan, amma xoşbəxt olmayan sonluğa və dərs olaraq bizə göstərir ki, riyakar xoşbəxtlikdənsə, haqlı olmaq daha vacibdir.

aias gülüşü

bu sifarişi verən: loddard
Sofoklın aias tragediyasında bəhsi keçən istehzalı, rişxəndli və ya üsyankar gülümsəmə. Troya müharibəsinin yunan qəhrəmanlarından olan Aias (ajax), tanrılar və krallar tərəfindən ədalətsizliyə məruz qaldığına inandığı üçün üsyan qaldırar, lakin sonda tanrıların gücü ilə yarışa bilmədiyi üçün məğlub olar. intihar edərkən kədər və ağrı dolu özünə bir gülümsəmə qonar və bu gülümsəmə aias gülüşü olaraq adlandırılar.
qeyd etmək lazımdır ki, gündəlik həyatda dəfələrlə qarşılaşdığımız bu gülümsəmə, bəzi hallarda çox məşhur hadisələrə də səbəb olmuşdur.
məsələn türk sosialist deniz gezmişin, niyə güldüğünü soruşan hakimə "divardakı ədalət yazısına" güldüyünü dediyi hadisə, bu rişxəndli gülümsəməyə verilən biləcək ən məşhur misallardandır.

jorge luis borges

bu sifarişi verən: why so serious qadan alım?
Əqidə üçün ölmək, onun üçün yaşamaqdan daha asandır.
Sevgilərin və yanlızlığın şairi deyirdi bunu

efrim menuck

bu sifarişi verən: anyone

Əfsanəvi post rock qrupu olan Godspeed you black emperor qrupunun qurucularından olan kanadalı musiqiçi. Eyni zamanda silver mt.zion qrupunun da qurucuları arasında yer alır. 1994-cü ildə godspeed you black emperor qrupunun ilk albomu hesab edilən All Lights Fucked on the Hairy Amp Drooling albomu sadəcə 33 ədəd kasetə yazılmış və çox təəssüf ki, günümüzə gəlib çıxmamışdır (ümid edirəm ki, bir gün bu kasetlərdən biri tapılacaq).
O hələdə aktiv musiqi həyatını davam etdirir və dünyanın bir çox yerində qrupu ilə konsertlər verir. Bakıda onları görmək möhtəşəm olardı.

tarix

Bir tarixçi olaraq entriləri oxuyub, alnıma şapalaq vurduğum başlıq.

hamimiz.com

Saytdakı məlumata görə həyatda deyiləm. Bəlkə də, onlar məndən yaxşı bilir...

rövnəq abdullayev

2020-ci il Gürcüstanda baş tutan parlament seçkilərində Bidzina ivanaşvilinin Gürcü arzusu partiyası üçün səs dilənib (bir çox yerdə pul yedizdirmək və təhdidlə), gürcüstan azərbaycanlıları üstündə haqsız təsir quran şəxs.

ermənilər

Hind-avropa dillərində danışan, yaxın şərq mənşəli xalq. Əsasən xristian dininə sitayiş edən xalq, klassik ortodoks kilsələrindən olan erməni həvari kilsəsinə bağlıdır. Türkiyə və Livanda azınlıq müsəlman qruplar şəklində də yaşayırlar. Qədim və zəngin tarixə sahib olsalar da, min ilə yaxın dövlətsiz qalmışlardır. Çar rusiyasının dağıldığı dövrdə, mərkəzdə elan edilən millətlərin öz müqəddəratını təyin etmək hüququndan yararlanaraq digər qafqazlı qonşuları ilə birlikdə azadlığını elan edən ermənistan respublikasının azərbaycanlı və kürdlərlə birlikdə əsas əhalisi (çoxluq) olmuşlardır. Erməni dilində danışırlar. Dilin iki yayğın dialekti mövcuddur: şərq və qərb. Unikal erməni əlifbası müqəddəs Mesrop Maştots tərəfindən tərtib edilmişdir. Bir çox mənbələrə görə O, həm də qədim alban əlifbası və gürcü əlifbalarınn təsiscisi hesab edilir.

stalin

Sovetlərin bürokratik olaraq pozğunlaşmasının əsas siması. inqilabın qatili olan bürokratlar qrupunun başı, dünyada baş verən, baş verə biləcək onlarca inqilabın qatili və öz bürokratiyasını qorumaq adına Moskva məhkəmələrindən on minlərlə insanı ölümə məhkum edən şəxs.

sergey yesenin

Onu tanıdığımdan illər keçsə də, şeirlərini oxumaqdan imtina edə bilmədiyim şair. Başqalarının da qeyd etdiyi kimi, necə başlayım, nədən danışım bilmirəm. Özünüz onu tanımağa çalışın.

dövlət

istehsal münasibətlərinin bir parçası olan və zamanla öz mövcudiyyətini itirəcək olan şey (azərbaycan dili çox çətindir)

/ 20 »

blok -   başlıqlarını gizlət

Son bəyənilənlər