bugün wiki təsadüfi son
sözaltı sözlük
məsləhət postlar mesaj Profil

persona_non_drama


40   0   0   0


blok başlıqlarını gizlət

Notice: Undefined variable: thisuser in /var/www/soz6/profilson.php on line 166
uşaq vaxtı kəndə qonaq gedərkən böyüklərin səni hansısa uşaqla dalaşdırması

Niyə baş verdiyi haqqında sorğulmağa macal tapmamış özünü savaşın tam ortasında tapdığın bir andır. Əslində o an üçün sən kütləni əyləndirmək üçün yaşayan nökər qladiatordan başqa heç nə deyilsən. Kərpic qəbiristanlığını xatırladan boz və monoton daşların ağuşunda ucaldılmış ucsuz-bucaqsız Ludus Magnusun bir barrakasında ölüm üçün yetişdirilən miskin damazlıq bir qladiator. Dayan, axı qladiatorlar əksərən bunu qazanc məqsədi ilə könüllü olaraq edirdi. Sənin isə belə lüksün yox idi. indi sən həyatın boyu heç görmədiyin bir həmyaşıdınla həyatda qalma şansını qazanacaq damnati'nin kim olacağına aydınlıq gətirməlisən. Axı bəlkə o həmyaşıdın da sənlə eyni xəyallara, eyni ideallara sahib olan həyat dolu, uşaqlıq arzusu beşiyinə basdırılmış bir nökər qladiator idi. Axı hamının azad və firavan yaşamağına kifayət edəcək qədər əsrarəngiz bir kainatda biz nəyi bölüşdürə bilmirdik?! Bunları düşündüyün anda çənənin ovurd nahiyəsində şiddətli istilik peyda olduğunu şövqlə hiss edirsən. Artıq qarşındakı rəqib ilk həmləsini etmişdir. Vəhşiləşmiş mutantın qəzəbdən bəbəklərində çaxan qığılcımlar göz qişasında şölə verirdi. Sən artıq əmin idin ki, o yaşadığı bu kənd mühitində həyatda qalmaq üçün meşə qanunlarını yaxşı öyrənmişdi. Onun bu həyatın mənasız romantikasını sorğulamağa taqəti qalmamışdı. Nəfəsini acgözlüklə sovuran bu döyüşçüyə iki şey lazım idi; bir qarın çörək və qılıncının tiyəsindən qədəhinə süzülən qanının son jaləsi. Çənəndən aldığın zərbə səni sarsmışdı. Bunu hiss etmiş olacaq ki, qəlbi nifrinliklə dolmuş kütlə baş barmağını aşağı endirərək bitirici zərbəni israrla yaxarırdı. Kənd uşağı ani bir hərəkətlə vücudunu günəşdən yanmış nazik qolları arasında sıxışdırdığı anda onun bu səfalət dolu sahədə nə zülmlər çəkdiyini dərisinin qabar tutmuş yanığından sezə bilirdin. Əzazil döyüşçü yorğun nəfəsi ilə qulağına pıçıldayaraq son misralarını dilə gətirdi: "Sənin kim olduğunu bilmirəm, ancaq mən bu arenada qardaşımın qanını torpağa bir etdim!"

eurovision 2023

Fransanın və ya Sloveniyanın udmalı olduğu, ancaq çox güman ki, Loreen'in udacağı yarışma

9 aprel 2025 azərbaycanda prezident seçkiləri

2023 türkiyə seçkilərirusiya-ukrayna münaqişəsinin gedişatına xüsusilə təsir edə biləcəyinə inandığım seçki prosesi.
Heç bir namizədin hələ ki rəsmi qaydada təsdiqlənmədiyi, ancaq xüsusi nəsə baş verməsə, aşağı-yuxarı təxmin edə biləcəyimiz namizədlərin qatılacağı siyasi tədbir.

(baxma: yadplanetlilərin istilası)

Potensial namizədim olaraq, hələ ki, ilqar məmmədovu düşünürəm, ancaq məni seçkinin şəffaf keçiriləcəyinə inandırmalıdı.
Nəzərə alsaq ki, Azərbaycanda keçirilən prezident seçkilərində səsvermə prosesi 125 seçki dairəsi üzrə 5641 məntəqədən aparılır. Seçki müşahidəçisi kimi qeydiyyatdan keçən 35789 müşahidəçini məntəqələr üzrə bölsək, orta hesabla hər məntəqəyə 6 müşahidəçi düşür. Məntəqədə seçki müşahidəçiliyi baxımdan üstün olmaq üçün hər məntəqədə ən azı 4 müşahidəçi olmalı olduğunu fikirləşsək, bütün səsləri qoruya bilmək üçün 23859 müşahidəçi lazımdır. Nəzərə alsaq ki, hər məntəqə üçün nümayəndə və məşvərətçi kimi 1 partiya üzvü də seçki prosesində təmsil oluna bilər, deməli 5 mindən çox partiya üzvünü də bu işə cəlb etmək lazımdır.

indi maraqlı sual bundan ibarətdir. Partiyalardan 5000 üzvlük bəlgəsi tələbini ödəməkdə çətinlik çəkən REAL partiyası hansı əsasla seçkilərin şəffaflığına təminat verə bilər? Ümumiyyətlə, REAL partiyası bu qədər kütləvilik yarada biləcəyinə, 30 min insanı səfərbər edəcəyinə necə inanır? Seçki prosesi ilə bağlı maarifləndirmə işlərinə dair hansı işlər görür? Nəzərə alsaq ki, seçkiyə artıq 2 ildən bir qədər artıq vaxt qalıb, deməli, biz indidən bu partiyanın seçki kampaniyalarını görmək istəməkdə haqlıyıq. Ümid edirəm, seçki ərəfəsində bu kimi suallara aydınlıq tapa biləcəyik.

azərbaycanda anarxizm

Tarixi 1904-cü ilə qədər söykənən bir cərəyan. O dövr yerli səlahiyyətlilərin verdiyi məlumata əsasən, Bakıda 40-a qədər anarxist qruplaşmalar mövcud olmuşdur. Azərbaycanda anarxizmin iki qolu tarixən təşəkkül tapmışdır. Anarxokommunistlər və anarxokapitalistlər.

Azərbaycanda fəaliyyət göstərən anarxokommunist qruplaşmalara "Anarxiya", "Qara Qarğa", "Azad", "Qırmızı Yüzlər", "Qırmızı Bayraq", "Bunt", "Torpaq və Azadlıq", "internasional" kimi təşkilatları aid edə bilərik.
Anarxo-kapitalist qruplaşmalara isə "Mübarizə", "Terror", "Anarxist Bombardmançılar", "Fərdiyyətçi Anarxistlər" və "Bakı Terrorçular Cəmiyyəti" aid idi.

Hər iki cərəyana aid olan qruplaşmalar sistemə qarşı qəddar mübarizə üsullarına, sui-qəsd və partlayışlara görə daim təqib edilmişdir. 1908-ci ildə "Qara Yüzlər" təşkilatının 50 üzvü Sibirə sürgün edilmişdir. 1909-cu ildə aparılan silsilə əməliyyatlar nəticəsində "Qara Qarğa", "Terror" və "Qırmızı Bayraq" qruplaşmalarının bütün üzvləri həbs edilmişdir.

Bu dövrdə repressiyalardan qaçan qruplaşmalar Bakı kəndlərinə sığınmış, Bibiheybətdə anarxokapitalist "Mübarizə", Balaxanıda "Bunt", Qara Şəhərdə "internasional" qrupları təsis olunmuşdur. Daha sonradan zavod fəhlələrinin təsis etdiyi "Anarxiya" qruplaşmasının ana məqsədi sosial-demokratiya prinsiplərinin bərqərar olması idi. Sonradan "Anarxiya" özlüyündə anarxokommunist fraksiyaya bölünmüş və bir-birlərini tənqid edərək ayrılmışdır.

"Anarxiya" qrupunun 27 iyun 1906-cı il bəyanından sitat:

“Müqəddəs intiqam ruhu hələ də yaşayır. Azadlığı sevənlər zəhmətkeş xalqımızı bütün parazitlərdən və cəlladlardan təmizləmək üçün mübarizəyə hazırdır. Zalımlarla danışılacaq yeganə dil güllə və bomba dilidir. indi anarxist-işçi Bakı proletariatının həyatında ilk dəfə anti-burjua terrorla öz sözünü deyir. işçilərin tələblərini təmin etməyə cəsarət etməyən parazit Boqdan Doluxanovu məhv etdik. Bizə pul verməkdən imtina etməyə cəsarət edən istismarçı Skobelev də məhv edildi. Dövlətin və burjuaziyanın bu sadiq köpəyi olan Dolpeniklərin casusu da yox edildi. Zorakılıq hər yerdədir və bu səbəbdən “üsyançı ruh” bu hərəkətlərlə kifayətlənə bilməz. Parazitlər və tiranlar saysız-hesabsızdır və intiqam hərəkətləri də saysız olmalıdır. Bu gün güllə yenə öz sözünü dedi. Anarxist fəhlənin intiqamlı əli yüksəldi və tanınmış Bakı cəlladı, istismarçı Jgentinin köməkçisi artıq “dövriyyədən çıxarıldı”. Bunlar ilk anti-burjua və dövlət əleyhinə hərəkətlərimiz olsa da, heç vaxt sonuncu olmayacaq. Xalqın oyanış saatı onsuz da yaxındadır, proletariat tezliklə özünü sosialist-dövlət adamlarının, bu yeni irticaçıların əlindən qurtaracaq və düşmənlərini amansız formada məhv edəcək. Bizim hədəfimiz parazitləri və cəlladları “dövriyyədən çıxarmaq” və bununla da kütlələrin qəlbini inqilabi bir fikirlə doldurmaq, qiyam əhval-ruhiyyəsini yüksəltməkdir.”

Həmin qrupun sağ fraksiyasına ayrılan fərdiyyətçilər isə solçuları belə tənqid edirdi:
"Yoldaşlar və vətəndaşlar! Son günlərdə baş verən hadisələr, yəni ekspropriasiya və qəsb bizi bu açıqlamanı verməyə vadar etdi. Bu ekspropriasiya ilə hazırda Doluxanov, Antonov, israfil Hacıyev və yerli mətbuat – Bakı və Kaspi qəzetləri məşğul olur. Doluxanovlar və yerli mətbuat proletariatın çəkdiyi əzabları dilə gətirmək əvəzinə Zeynalabdin Tağıyev üçün timsah göz yaşını tökür. Qəzet səhifələrində həbsxana tikilməsinə yüz minlərlə rubl xərcləyən “cinayətkar” Tağıyev təriflənsə də onun fabriklərində fəhlələrin iş saatlarının müddəti, işçilərin amansız istismarı barədə bir kəlmə də deyilmir. Yoldaşlar və vətəndaşlar! Yerli mətbuatın yalan yazılarına inanmayın. Cənab Tağıyevlər, Musa Katayevlər, Doluxanovlar, hökumət və burjua oğruları, qəsbkarların rəhbərlik etdiyi mətbuat işçiləri sizi məhv etmək istəyir. Buna cavab olaraq onlara deməlisiniz: “Xeyr, cənab Tağıyevlər, Musa Nağıyevlər, Doluxanovlar, Prokopoviçlər və israilsonovlar. Sizi qorumaq fikrində deyilik. Ekspropriasiya və qəsb etmənizi sağdan dayandırana qədər, kapitalist sistemi qoruyub saxlamadan və despotik hökumətləri dəstəkləməkdən imtina etməyincə soldan ekspropriasiya və qəsbkarlıq dayanmaz.

Yaşasın, inqilabçı təşkilat!

Yaşasın, inqilabçı terror!"

1906-cı ildə təsis edilmiş "Azad" qruplaşması Azərbaycanın ən böyük anarxist təşkilatı olmuşdur. 15 üzvlük idarə heyyətinin başında Ağa Kərim və Ağa Sanqulu dayanırdı. Onlar əsasən yerli milyonçularla düşmənçilik edirdi. Bu səbəbdən hər ikisi daha sonradan Sara Aşurbəylinin babası Teymur tərəfindən həbs edildi. Qoçu Ağakərim və Teymur bəy Aşurbəyovun arasında mübarizə haqqında Məhəmməd Səid Ordubadi xatirat dərc etmişdi.

Hazırda fəaliyyət göstərən və əsası 2013-cü ilin fevral ayında qoyulan "Bakı individual Anarxistlər Assosiasiyası" 3 şəxs tərəfindən təsis edilmişdir və özlərini anarxokapitalist "Bakı Terrorçular və Anarxist Fərdiyyətçilər Cəmiyyətinin" varisi hesab edirlər.

bakıda tıxacın səbəbləri

Bakının əhali sayının durmadan artdığı günümüzdə mütləq üstünə düşülməli olan araşdırma predmeti.
Bəziləri;

1. Bakıda əhali boom-unun yaşanması, regionlarda iş yerlərinin olmaması səbəbindən əhalinin Bakıya axışması

2. Bakıda iş yerlərinin əksərən şəhər mərkəzində cəmlənməsi, şəhərin düzgün urbanizasiya prosesindən keçə bilməməsi

3. Bakıya axışan kasıb əhalinin daha çox ucqar Bakı kəndlərindən və yaxud Xırdalan, Sumqayıt kimi şəhərlərdən ev ala bilməsi və işləmək üçün yenə şəhər mərkəzinə axışması, bu səbəbdən şəhər mərkəzinə girən bütün yolların iflic vəziyyətinə düşməsi

4. iş yerləri yetməzmiş kimi, bütün universitetlərin də az qala Bakıda cəmlənməsi

5. Kütləvi ictimai nəqliyyatın səmərəli olmaması, avtobusların 20 dəqiqədən bir basabasla gəlməsindən bezən əhalinin qəpik-quruşla pul düzəldib çarəni şəxsi avtomobil almaqda görməsi, şəhərin metro sisteminin kifayət qədər inkişaf etməməsi, ümumilikdə, şəhərin ictimai nəqliyyat vasitəsi ilə əlçatan olmaması

6. Yenə iş imkanlarının məhdudluğu səbəbindən əhalinin kütləvi taksi və kuryer fəaliyyətinə yönəlməsi

7. Keçidlərin olmaması (və ya əlverişli olmaması) səbəbindən piyadaların yolu necə gəldi ortalayıb keçməsi nəticəsində minik maşınlarının hərəkət sürətinin yavaşladılması

8. Prezident işə gedərkən yolların lazımından artıq müddətə məhdudlaşdırılması

9. Parklanmaların sayının yetərsizliyi səbəbindən sürücülərin maşınları yol kənarında saxlaması, bəzi sürücülərin parklanma yerlərinin olmasına baxmayaraq eşşək olması

insanyönümlü şəhər

sakinlərin ehtiyac və rifahını prioritetləşdirmək, təhlükəsiz, canlı və əlçatan mühit yaratmaq üçün dizayn edilmiş şəhər modeli. Uşaq meydançaları, park və yaşıllıqlar, piyadalar üçün keçidlər, yaşlıların və əlil arabasından istifadə edən sakinlərin hərəkət rahatlığı bu modelin əsas nəzər nöqtəsidi. ictimai nəqliyyatın səmərəli təşkil edilməsi, camaatın işinə-gücünə rahat və tıxacsız çatması üçün lazımi işlərin görülməsini özündə birləşdirən tədbirlər planı.

e-democracy

Digər adı ilə internet demokratiyası. Seçki, səsvermə, virtual dövlət kimi komponentləri özündə birləşdirən bir model. Bu modelin tərəfdarları belə düşünür ki, seçki və referendumları, ümumiyyətlə dövlətin bütün xidmət və fəaliyyətlərini artıq internet üzərindən həyata keçirməyin vaxtıdır, çünki Z nəsli səs vermək üçün bülleten qutusuna getməyə ərinir. Bundan başqa inanılır ki, belə olduğu təqdirdə seçkilər əlçatan olmaqla birlikdə həm də şəffaf olacaq. Bəli, ölkənin taleyi artıq Əfruz müəllimlərin büsqalterlərindən asılı olmaya bilər. Amma şəffaflıq mövzusu mübahisəlidir. Bir halda ki, seçki prosesinə hack yolu ilə müdaxilə edilməyəcəyinə heç kim zəmanət vermir. Bir də bu Z nəsli artıq belinə güc verib bir zəhmət seçki günü məntəqəyə getsin

night watchman state

dilimizə hərfi mənada "gecə gözətçisi dövlət" deyə tərcümə olunan dövlət modeli. "dövlətlə dövlətçilik eləmək olmaz"çı monarxiyanın tam əksinə "xalqla xalqçılıq eləmək olmaz" deyən minarxiya nizamı. daha çox sağ-libertarianların müdafiə etdiyi, icra olunsa, insanlığın azadlıq baxımdan nirvanaya çatacağına inanılan məhdudlaşdırılmış idarəetmə forması. bu fəlsəfəyə görə, dövlət olmalıdır, ancaq o yalnız məhkəmə, polis və s. kimi hüquqların qorunmasına xidmət edən qurumlardan təşkil olunmalıdır. dövlət heç bir halda qanunverici və icraedici funksiya yerinə yetirməməlidi

kərimə dövlət

Daha çox şiə ədəbiyyatında rast gəlinən, imam Mehdi adlı dini fiqurun gəldiyindən dərhal sonra qurulucağı güman edilən "ideal dövlət".
Son zamanlar ortalama bir azərbaycanlının həyatında ən azı bir dəfə eşidəcəyi qədər populyarlaşan, daha çox irana bağlı "Hüseyniyyun" və "Müsəlman Birliyi Hərəkatı" kimi proksi cərəyan mərkəzləri tərəfindən sıxca istifadə edilən termin. Adının mənşəyi haqqında tutarlı bir fikir yoxdur. Bir neçə hədislərdə və Xomeininin nitqlərində bir neçə istifadə olunmuşdur.

pastafarianism

aid olduğum din. azərbaycanda birgün daha çox kütləsi olacağına ümid edirəm

blue whale

əsasən 2015-ci ildə populyarlıq qazanmış və təkcə rusiyada 130-a yaxın yeniyətmənin intiharına səbəb olmuşdur. oyunun son - 50. missiyasında intihar etmək tələb olunur. oyuna qoşulmaq üçün chatroom-da administratorla əlaqə saxlamaq lazım gəlir. bu zaman məsul şəxs sizə oyuna başlamağa əmin olub-olmadığınızı, başladığınız təqdirdə geri dönüşün olmayacağını bildirir. razılıq versəniz sizə bir təsdiq linki göndərilir. bu linkə clicklədiyiniz an cihazınızın ip adresi məsul şəxsin əlinə keçmiş olur. verilən tapşırıqlardan boyun qaçırdığınız anda sizə, ailənizə, yaxınlarınıza vs. təhdid və şantajlar olunur. oyun 50 missiyadan ibarətdir. hər missiyanı tamamladıqda bunu təsdiq edən şəkil vy. video administratora göndərilməlidir. ilkin missiya olaraq qolunuza ülgüc vasitəsi ilə balina çəkməyiniz tələb olunur. ikinci missiyada sizdən 4:20-də oyanıb gizli link vasitəsi ilə göndərilən videoları izləməyiniz və musiqiləri dinləməyiniz tələb edilir. oyunun digər missiyalarında skype vasitəsi ilə digər "balina"larla (oyunun digər istifadəçiləri ilə) söhbət etmək, yüksək damdan ayaqları sallamaq, körpünün üzərindən bir müddət aşağı baxmaq, gecə dəmiryolu reyslərində gəzmək, qəbristanlıqda gecələmək, biləyinizə "f57" yazısı yazmaq vs. kimi öhdəliklər verilir.

richard almeida de oliveira

başlığı gördükdə sosial şəbəkələrin birində "richard almeida azərbaycan millisində oynayacaq, o artıq bir azərbaycan türküdür" ifadəsi yadıma düşür. yox əş əslən rio de janeiro türklərindəndi. özü də oğuz elinin santa fe boyundan. dəhşətlisi budur ki. stat sarkazm niyətinə açılmamışdı. adam yazdığını kifayət qədər ciddiyətlə müdafiə etməkdən də qalmır, azərbaycanlı olan hərkəsin türk sayıldığını düşünürdü.

rus dilli azərbaycanlılar

qəribə olan rusdilli azərbaycanlıların rusca danışması deyil, işin qəribə qismi yerli azərbaycanlıların də yarı rus, yarı azərbaycanca danışaraq ortaya əcaib bir kreol dil çıxarmalarıdı. nə məcburdu, qadanızı alaram? iki dayı oturub kart oynayırlar, dayının biri qayıdır: "ala görmürsən, u vas yest balşoy kart na ruki də, nöş vırnıxırsan?"

asosial insan tipi

әsasәn iki növü olur. ya sosial olaraq aktiv olma qabiliyyәtinin azlığı, ya da sosial aktivasiyalara hәvәssizlik, biganәlik kimi. yuxarıdakı entry birinci hal üçün bir nümunәdi. asosiallığın ikinci növünü isә mәn yeniyetmәlik dövründә yaşamışam. әslindә bütün problem ünsiyyәt yetәrsizliyi deyil, ünsiyyәtә hәvәsimin olmaması idi. hәrdәn bütöv bir hәftәni boş-boş uzanıb tavana baxaraq keçirә bilәcәyimi düşünürdüm. insanlarla әlaqә saxlamaq ürәyimi bulandırırdı. qohumlar evә gәlәndә özümü otaga kilidlәyib çıxıb getmәlәrini gözlәyirdim. sinif yoldaşlarım zәng edib harasa görüşә çagırdıqda müxtәlif bәhanәlәrlә yola verirdim. insan içindә olmaq cәhәnnәm kimi gәlirdi. nәqliyyatdan istifadә etmәmәk üçün kilometrlәrlә yolu ayaqla gedәrdim. küçәdә gәzәrkәn kimsә mәnә nәsә soruşmasın deyә qulaqcıgla gәzәrdim. psixoloqlara görә belә hal yaş dövrü ilә әlaqәdar hormonal pozulma ilә әlaqәli imiş. universitetә başladıqdan sonra bütün bu hallardan qurtuldum, nәhayәt.

sızanaqlardan ən tez qurtulmağın yolu

limon vә bal әn çox tәsir edәn tәbii vasitәlәrdi. belә kimyәvi olaraq salisil spirtinin 3 qr. mәhluluna vә ya soltilovaya kislota'ya aspirin preparatını әzib qatmaq lazımdı. yox deyirsiz ki, mәn elә günü bugün qurtulmag istәyirәm, lazer әmәliyyәti var. amma bir az maddi sarıdan tәrlәyәcәksiniz.

/ 20 »
Notice: Undefined variable: user_id in /var/www/soz6/sds-themes/vengeful-light/profile.php on line 1356


blok -   başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1363

Son bəyənilənlər