14 may 2023 türkiyə seçkiləri

Azərbaycanlıların, xüsusilə də özünü siyasi ekspert sayanların nə qədər kasad fikirli olduğunu sübut edəcək seçkidir. Türkiyənin siyasi mühiti yaxşı mənada Azərbaycandan bəlkə də bir əsr qabaqdadır və bizdən fərqli olaraq onlarda həqiqi mənada müxalifət var və arxasında da haqlı səbəblərə görə böyük güc toplayıb. Həmin gücün qabağında da hansısa tiranın zorla dura biləcəyinə inanmıram. Hətta şərdoğan uduzub milləti küçəyə salsa belə öz işini çox daha çətinləşdirəcək. Çünki bizdən fərqli olaraq Türkiyədə öz əsl qurucularına və onun ölkənin təməlinə qazıdığı demokratiya və sekularizm anlayışlarına hörmət inanılmaz dərəcədə çoxdur. Buna görə də hətta çox ələ keçirmək istədiyi ordu belə özünə doğru çevrilə bilər. Nəysə bugün hər şey bəlli olacaq onsuz. Ən gözəli isə Türkiyənin bəlkə də ilk dəfə əsl böyük qardaş kimi Azərbaycana nəyin necə olmalı olduğunu öyrədəcək seçki olacaq və bizdəki o cahil ərdoğançı kütlə sevinə bilməyəcək. Şərdoğansız Türkiyə görmək ümidi ilə.

mərc oyunları

ümumiyyətlə mərc oyunları, kazinolar və buna oxşar bütün şeylər dünyanın ən çirkin sistemləridir. nə siqaret, nə içki, nə də narkotik bağımlılığı olmayan biri kimi bunların tələsinə necə düşdüm, nələr başverdi hələ də başa düşə bilmirəm. uduzduqca uduzduran, insanı özünə nifrət elətdirən oyunlardır. maddi sıxıntılar olan dönəmdə isə xüsusilə insanların vəziyyətindən istifadə edirlər. eyforiya yaşıyıb qazandığın bütün pulları qəpik-qəpik burnundan gətirən, günlərlə acı çəkdirən və ancaq borc və dərdini artıran oyunlardır bunlar. nə qədər insanın nəfsindən, ehtiyacından istifadə edib bədbəxt edən və elə məhz buna hesablanmış sistemdir mərc. nə edirsiniz edin heç vaxt yaxınlığına belə düşməyin. əgər hansısa məbləğ itirmisinizsə lənət şeytana deyib itirdiklərinizi nə qədər tez unutsanız və içinizdəki "qoy bunu da oynayım düzələcək" hissini nə qədər tez yox etsəniz özünüzü bu bataqlıqdan o qədər tez çıxarmış olarsız. ekşidə bu mövzuda yazılan bir neçə bədbəxtlik hekayəsini oxusanız görəcəksiniz ki, nə qədər itirmənizə baxmayaraq birgün qəti şəkildə qərar verib birdəfəlik bu oyunlardan uzaq qalmaqla özünüzə ən böyük yaxşılığı etmiş olacaqsınız. səhvlərinizdən dərs çıxarın, itirdiklərinizi unudun və hər şeyə (normal iş və əziyyətlə pul qazanmağa və s.) yenidən başlayın. hər şey yaxşı olacaq.

biz kimik sualına veriləcək cavablar

Biz azərbaycanlıyıq. Biz Vaqif kimi dahilərin bığ-saqqalına ilişib səhnədə ürəyini partladan, Zeynəbləri isə hər cür imkan tanıdıb villalarda yaşadan millətik. Elçibəyə "keçibəy" deyib, heydərlərə isə könüllü əzilən millətik. Mikayıl müşfiqə sahib çıxa bilməyən ancaq Səməd Vurğun, Çingiz kimi saray şairlərinə ziyalı deyən millətik. Biz yetim şəhid qardaşını təhqir edən, tez-tez bizi alçaldan, ac-yalavac qarınlar hesabına məmur qarnı dolduran rejimə göz yuman millətik. Biz bəxtiyarın arxasında durmayan, Rusiyadan gələn şarlatan bloqqerlərin qabağına isə kütlə ilə qaçan millətik. Biz azərbaycanlıyıq.