insanı mənəvi cəhətdən böyüdən şey. 1.5 ildir tək yaşayır. Öz yeməyini bişirib, evi təmizləyib, azdan-çoxdan yadında qalmasa belə o yorğunluqla kitab oxuyub, özünə vaxt ayırdıqca, kommunal xərcləri ödəyib evə ərzaq üçün pulu hesabladıqca həqiqətən böyüdüyünü hiss edir. Əsas da pul bölgüsünü düzgün aparmaq. Vaxt olub ay sonu 2 manatı qalıb cibində. Vaxt da olub çox, lap çox..
Təkliyi sevməyənlər üçün çətin, cansıxıcı ola bilər 4 divar, ancaq ona son dərəcə xoşdur. Ailəsini sevmədiyindən deyil. Əksinə, onlar üçün yaman darıxır. Ancaq bundan savayı evə gəldikdə sakitlik, istədiyi vaxt istədiyi şeyi istədiyi tərzdə etmək rahatlığı-bu əvəzolunmazdır. Bəzən heç nə etmədən uzun müddət boş otura bilir. Bəzən "incəsənət"lə məşğul olub heç nəyi yığışdırmadan başını qoyub yatır. Bəzən qablar günlərcə yığılır yumur. Çox vaxt da belə olur. işdə çox səliqəli, evdə konfort sahəsində isə tör-töküntüyə meyilli. Vecinə deyil.
Heç kəsin deyinməyini eşitmək məcburiyyətinin olmamağı və evdə bütün işıqları söndürüb zil qaranlıqda oturmağı..
Niyə axı başqa cür olsun?
Ruhun doğuluş və ölüm dövranından *
sansara
qurtulmağına xidmət edən və bioloji ölümdən sonra bir bədəndən digərinə keçməsinə verilən ad.
Qədim hinduizm kitablarından biri olan *bhaqavad gita*da ruhun 8.640.000 canlı növündən keçərək axırda *samadhi*yə, yəni tanrı qatına qovuşacağı *
qovuşmalı olduğu
qeyd edilir (Maraqlısı budur ki, müasir elm yer üzündə 8.700.000 canlı növünün olduğunu təsdiq edir. ~e.ə. 400 illərində yazılan kitab bu məlumatı necə bilirdi?).
işin-peşən ancaq özünü bəzəmək, heç nə ilə məşğul olmamaq ancaq bəzəmək, bəzəmək, bəzəməkdirsə o biri həyatda ruhun gülə keçir. Çox tənbəlsənsə, yerindən qalxıb hərəkət etmirsənsə sonrakı həyatında ruhun ağaca keçir. Yəni nə istəyirsənsə, ruhun nəyə meyillidirsə, tanrı səni o formada təzahür etdirir. insan çalışmalıdır ki, ruhu bu *sansara*dan çıxsın.
insan 3 qunada yaşayır: *Tamas quna* - xaos, cahillik, dəyişməz və inaktiv, həyat amalları ancaq öldürmək, yemək-içmək, heyvan kimi yaşamaqdır. Bunlar öldükdə ruhları donuz bənzəri vəhşi heyvana keçir. *Rajas quna* - arzular, aslılıq, nəyə isə həddindən artıq bağlanmaqdır. Məsələn *rembrandt*. Bütün həyatını ancaq rəsm çəkməyə həsr edir. Və ya *Tesla* - fizikaya. Yəni hər şeyi yaddan çıxarıb ancaq bir şeyə köklənir. Dünyadan, gedişatdan uzaq düşür. Bu da yaxşı hesab olunmur. *Sattva quna* - kainatın axışına uyum, saflıq, aydınlıq və sülh tərəfdarı, özünü ilahi elmlərə həsr etmək. Bu qunada yaşayanları öldükdə tanrı daha yaxşı şəraitdə dünyaya gətirir və sansaradan qurtuluşa bir az daha yaxınlaşır. Ruh insan bədənindəki bu qəfəsdən qurtulmaq üçün mütləq şəkildə pis əməllərdən uzaq olub özünə yaxşı karma yığmalıdır. Əlqərəz, sattva qunada yaşamalıdır.
Ey qurbanolduğum *
?
Bu başlığa heç vaxt yazmayacağımı yəqin edirdim. Səbəb və Ancağını başa salmağa ərindiyimdən direkt mövzuya bodoslama atlayıram. Bayaq Telefonumun iki metrdən kafelin üstünə atladığı kimi. Hal-hazırda bu entryni yazdığım telefonun ha.
Qadasını mən aldığım bu daşdəmir saat 5 sularında iki hissəyə ayrıldı. Ekran və telefon. adətən, insan əlindən nəsə önəmli bir şey düşürəndə ya həyəcanlanar, ya söyüb batırar. ən azından "offf" nidası işlədər. içində bütün private məlumatlarımı saxladığım )başqa heç bir yerə yazmamışam. Bir gün belə bir şeyin başıma gələcəyini bildiyim halda( mən vecimə almadan sadəcə lentasını birləşdirməyi yoxladım. mənim üçün gözlənilməz olsa da açıldı ekran. Ancaq Əslində açılmağını istəmədiyimi başa düşdüm o an.
Arada yadıma düşəndə fikirləşirəm hansı ara, necə, nəydən sonra bu qədər vecsizləşdim. Niyə başım da qopsa "əşş başdı da, uzağı unicorn alaram, namım yürüsün" şeyindəyəm. )?(
Yarasaların bir-birinə borc qan verməsi.
O gecə qurban tapıb kifayət qədər qan içmiş yarasalar Özünə ov tapa bilməmiş mağara yoldaşlarına içdiyi qanın bir hissəsini qusaraq borc verir. Ancaq insandan fərqli olaraq bu vampirlər heç vaxt "mən bu gün sənə 200 ml qan verirəm, sabah mənə 250 ml qaytaracaqsan" deyə verdiyi kreditin faizin almır.
Təkbaşına əksik qanundur. Plastik torba, şüşə kimi tullantıların dərdini ən çox çəkənlərdən biri olaraq deyə bilərəm ki, bu proses geridönüşüm konteynrlarının qoyulması ilə yanaşı getmirsə boş şeydir.
Plastik torba birdəfəlik qadağan olunsa kağız torbalar gərək olacaq. Həm də plastik qabağan olunursa fanta, cola kimi içkilərin aqibəti necə olacaq? Onları içib tullamaq olar, amma zibili atmağa torba tapmayaq?
Bundan əlavə, bu kimi qadağalardan əvvəl rayon və kəndlərə zibil konteyrnlarının qoyulması çox-çox daha vacibdir.
Tullantılar yandırılaraq məhv edilir. fikirləşmirlər ki, onun zəhəri təbiətə çox daha ağır fəsadlar verir. Əvvəlcə bunu düşünüb lazımi tədbirlər görülməli, sonra plastik torbaların qadağasına keçilməlidir.
Bir sözü üst-üstə təkrar etdikdə dinləyici üçün mənasının itməsini açıqlayan psixolojik fenomen. Həmçinin bir sözü çoxlu-çoxlu görmək, yazmaq da beyinə eyni toxluğu yaşadır. Məsələn "yastıq" sözünü sürətlə təkrarlayın. Yastıq, yastıq, yastıq, yastıq.... Yastıq sözünü tətikləyən neyronlar bir yerdən sonra "toxluq"a çatır, "yorulur".
Bunun səbəbi isə yastıq sözünü eşitdiyinizdə və ya işlətdiyinizdə beyninizdə canlanan yastıq şəkli )bu hər hansı bir mücərrəd isim də ola bilər, fərq etmir. O sözün sizdəki qarşılığı, yaratdığı hiss( dəfələrlə alovlanır, dəfələrlə... getdikcə mənası zəifləyir və random hərf yığınlarından yaranmış mənasız səsə çevrilir. Beynimizin yaşadığı bu toxluq bəzən başqa bir sözə, mənaya da keçid edə bilir. yastıq - qəsd kimi. Ki bu da transformation effect adlanır.
Təqribən 20 dəq gəzinəndən sonra söz6'ya şükr etdiyim sayt.
Bir oxuyucu kimi gördüyüm qədəri ilə səs vermək, like/disslike kimi düymələr yoxdur, yəni rəqabət də yoxdur. Bu yaxşı bir şeydirmi, ya pis, orası müzakirəyə açıq, amma atışmaların olmayacağı düşüncəsindəyəm. Anonimlik yox, hamı öz ad-soyadı, hətta öz şəkli ilə qeydiyyatdan keçir, bu qarşısındakını ağzına gələn sözlərlə söymək hallarını aşağı salır.
Axtarış edirəm, nəticə yox. Bu səfər var olan başlıqları axtarışa verirəm, yenə nəticə yox.
Və ironik olaraq hamının 10-15 təqibçisi var, amma heç kəsin "təqibçiləri" bölməsində müsbət bir rəqəm yoxdur. *
allah allah
Söz6 səmimiliyi görə bilmədim. Ola bilsin bunu istəməyənlər getsin, amma adicə bizim sistem robotu üzümə söysün, öpüb başıma qoyaram, o dərəcə. *
sistem robotu fetişi
Hər nöqtəsi səmimidir buranın. Başına döndüyüm söz6'ım.
Bu zaten sözünün dilimizdə işlək halını alması da insanların gözünə niyə belə batır anlaya bilmədim. Zatən ərəb sözüdür və əslində, təbii olaraq, özü-özündən mənasını verir.
Günlük həyatda 10 minlərlə ərəb sözü işlədən insanların bir bu zatən sözünə ilişib qalmaları, onu gündəmə gətirmələri, ciddən, ağıl-sirr ərdiriləcək mövzu deyil.
Bildiklərini danış, ancaq ağıl öyrətməyə çalışma,
Danışılanlara diqqətlə qulaq as, ancaq hər şeyi doğru kimi qəbul etmə;
Səssiz qalmaq nəyisə bilməmək mənasına gəlmir, çox danışmaq da çox şeyi bildiyini göstərmir,
Hamını özünə bərabər gör, hər kim olursa olsun bir insanı zəif görmək ağılsızlığın, çox böyük görmək isə qorxaqlığın əlamətidir.
Kiçik ölçülü, üstündə alabəzək metalik tükləri sahib, səs və melodiya təqlid edəbilmə bacarıqları çox inkişaf etmiş serçəkimilər dəstəsinə aid quş
Cücü, giləmeyvə və meyvə ilə qidalanır. aprel-iyun aylarında açıq mavi rəngli yumurta qoyur.
Bayaq həyətdə kitab oxuyuram, fikrim təmiz kitabdadı. Birdən gördüm başımın üstündə sığırçın cək-cək vurmur, qışqırır. Fikrimi yayındırırdı, nəsə kitabı bir az boşladım, keçdim quşu izləməyə. Başımı qaldırıb hər baxanda quş irəli səviyyəli həssaslıqla bundan xəbərdar olub (sadəcə başımı çevirirəm, bilərəkdən bədənimi tərpətmirəm ki qorxmasın) uçaraq uzaqlaşır. Başımı aşağı salıb kitabı oxumağa başlayandan 1-2 dəqiqə sonra yenə başımın üstündəki turbaya qonur. Ağzında da yem var. Hər üzümü ona çevirəndə dəliyə dönüb uçaraq uzaqdakı söyüd ağacına qonur. Vəhşi heyvan olub-olmadığımdan şübhə etdim. Bu quş niyə belə qorxur məndən. Mübaliğəsiz 7-8 dəfə təkrarlandı bu hal. Həm bezdim, həm də özümə də maraqlı gəlir axı, görəsən, bu quş mənim azacıq hərəkətimdən, gözlərimdən necə belə tez xəbər tutub uçur? Çox ütopikdi qurban olum. Sən bir sığırçınsan, qarğa olsan başa düşərəm. Ən sonda kitabı qaldırdım üzümə. Artıq onu müşahidə edən bir insan sifəti görmədiyindən səs nisbətən azaldı. kitabın ucundan gizlicə baxanda gördüm balaları evə gələn atanın üstünə cuman azyaşlı uşaqlartək səslərin atıb başına qışqırışırlar. Experiment completed.
Quşbeyinli falan deyirik di instinktə bax.
Balalarını qorumaq üçün potensial düşmənin yuvasını görəbiləcəyinə qarşı güclü instuisiyası ilə məni heyran qoymuş quş növü. Çox əzmkardır.
Dan dilində (danimarkada danışılan skandinav dillərindən biri) *sort sol*, yəni qara günəş mənasına gələn bir fenomen də var ki, o hamınızın ən az bir dəfə internetdə görmüş olduğu sığırçın quşlarının sürü halındakı "rəqsi"nə deyilir.
Persefona qədim yunan əfsanələrində Zevs ilə Demetra'nın qızıdır. O qədər gözəl olmuşdur ki, yeraltı dünyanın allahı aid (bax: hades)
persefonaya vurulur və Aid qardaşı Zevsin tövsiyəsi ilə onu ölülər dünyasına qaçırır. Oranın qaydalarından bixəbər Persefona Aidin verdiyi nardan yeyərək əbədi orada qalmağa məhkum edilir. Belə ki, ölülər dünyasında hər hansı bir şey yeyən kəs bir də yer üzərinə çıxa bilməz. Anası Demetra günlərcə qızını axtarır, axırda Yeri və Göyü izləyən Helios Demetraya yazığı gəlir, "Qızını ərinin gizli icazəsiylə qaynın qaçırıb" deyərək Demetranın ürəyinə "su sərpir". Hara su? Əsəb çıxır kəllə-çarxa. Məhsuldarlığın və bərəkətin tanrısı olan Demetra yer üzərindən əlini çəkir, güllər çiçəklər solur. Lakin ana qəlbi işte, əlləşir-vuruşur, axırda qızının ilin 6 ayı Yer üzərinə göndərilməsinə icazə alır. O gündən bu günə Persefona baharın başlanğıcı ilə əlaqələndirilir. Persefona yer üzərinə çıxdıqda güllər çiçəklər açır, ətraf yaşıllaşır, məhsuldarlıq artır. Nə vaxt ki o ölülər dünyasına Aidin yanına getməyə məcbur olur, bu zaman bitki örtüyü quruyur, təbiət cansız hal alır.
Konfutsiyə görə kamil insan 2 ən mühüm fəzilət sahibi olmalı— insanpərvərliyi və borc hissi ilə fərqlənməlidir.
Kamil insan təmiz, səmimi, qorxmaz insandır, hər şeyi görür və bilir, danışığında diqqətlidir, işlərində ehtiyatlıdır. Şübhələndiyi bir şey haqda məlumat toplayır, qəzəbləndiyini hiss edəndə hərəkətlərini ölçüb-biçə bilir, alış-verişdə düzgünlüyü gözləyir, gənc yaşlarında istəklərini idarə etməyi bacarır, yetkin yaşlarında dava və küsüşmədən çəkinir, qocaldıqda xəstəlikdən qaçmağa çalışır.
Əsl kamil insan ləziz yeməklərə, var-dövlətə, həyati ləzzətlərə biganə olmalıdır.
O özünü büsbütün yüksək ideallara, həqiqət axtarışlarına, insanlara yaxşılıq etməyə həsr etməli, heç bir işdə öz xeyrini, şəxsi mənfəətini güdməməlidir.
Konfutsiyə görə səhər həqiqəti dərk etmiş kamil insan, axşam arxayın şəkildə ölə bilər.
Böyük əksəriyyəti elə bilir ki, yoqa müəyyən poza/vəziyyətlərdə dayanıb onunla sağlamlığın müəyyən bərpasına yönəlmiş hərəkətlərdir. Hamı bunu belə başa düşür. Lakin qətiyyən elə deyil. Yoqa əsasda 8 mərtəbədən ibarət bir sistemdi. Son nəticədə ruhən Allaha qovuşmaq üçün tətbiq olunan bir sistem. Son ucda Allaha qovuşmaq mərtəbəsi isə Samathi adlanır.
Yoqa sözünün bir çox tərcüməsi vardır, lakin təxminən mənası qədim sanskrit dilində qovuşmaq, məşğul olmaq, üsul deməkdir.
Hindistanda min illər əvvəl şifahi şəkildə ötürülüb gələn bu sistem təxminən 2-3 min il bundan əvvəl *Vyasadeva* adlı bir hindli müdrik (baxma: quru) (baxma: yoq) bunu yazıya köçürür.
8 mərtəbə özü 2 hissəyə ayrılır.
Birinci 4 mərtəbə *Hatha* yoqa adlanır. (Vurğu ilk hecada) Yəni Günəş və Ay yoqası.
ikinci 4 mərtəbə isə *Raja* (raca) yoqa. Raja şah deməkdir. Bu əsas məsələdir, çünkü artıq şüur prosesləri daha basqındır.
Yoqanın əsas və ali məqsədi Allaha qovuşmaqdır. Allaha isə elə hər adam qovuşa bilməz. Bunuçün bədən və ruh təmiz, bir-birilə vəhdətdə olmalıdır.
1. Mərtəbə: *Yama*. Bütün maddi və mənəvi pis vərdişləri öldürmək. Yama *hinduizm*də ölüm allahıdır.
2. Mərtəbə: *Niyama*. Bütün maddi və mənəvi yaxşı vərdişləri özünə cəlb etmək.
3. Mərtəbə: *Asana* (vurğu ilk hecada). Müxtəlif pozalar. Asanların əsas gözəlliyi ondan ibarətdir ki, tutaq ki bir yeriniz ağrıyır, hansısa orqanınızda problem var. Buna uyğun hərəkət seçilir. O hərəkəti edərkən fikrin/şüurun ora cəmlənir, bütün enerjin ora gedir. Gözünün qabağına gətirir, təsəvvür edirsən. Sağalır...sağalır...sağalır, vəssalam. Şüuru ora yönəltməsən bu mexaniki duruş olur. Yəni mənası olmur. Asana sanskrit dilində gözəl duruş, xoş duruş deməkdir.
4. Mərtəbə: *Pranayama*. Nəfəs hərəkətləri. Prana hinduizmdə həyat verən nəfəs deməkdir. Prana enerjisi, yəni ki, həyat enerjisini özündə cəmləmək.
Hatha yoqa primitiv yoqadır. Daha çox fiziki əsasları özündə birləşdirir. Raja yoqa isə onun mürəkkəb hissədir. Daha çox psixika ilə əlaqədardır. Bax burda gəlirik dananın kuyruğunun koptuğu yerə.
5. Mərtəbə: *Pratyahara*. Hiss və duyğuların idarə olunması. 5 lamisə orqanının ötəsinə keçmək.
6. Mərtəbə: *Dharana*. Zehni sakitləşdirmək və onu bir nöqtəyə cəmləmək. Digər diqqət dağıdan faktorlardan uzaqlaşmaq.
7. Mərtəbə: *Dhayana* Çox daha dərin konsentrasiya və meditasiya texnikaları.
8. Mərtəbə: *Samathi* Bu mərhələdə isə şüur ali ruha qovuşur.
Bunlara ona görə mərtəbə deyilir ki, bir-bir, sıra ilə çıxmaq lazımdır. Yoqlar buna bütün həyatlarını həsr edir.
Mahnıları çöküş, maddə aslılığı, din, ruhi xəstəliklər, təslimiyyət, aqressiya, siyasət və bu bənzəri mövzular üzərində yazır.
O məşhur ifadədə də olduğu kimi, Chrisin hələ uşaq yaşlarından musiqiyə böyük marağı olub.
Ağır depressiya və yuxusuzluqdan əziyyət çəkərkən 1 il boyunca nəinki mahnı yazmaq, qulaq asmağı belə dayandırır. "Bir də heç vaxt mahnı yaza bilməyəcəyimi düşündüm." deyə qeyd edir. allah qoruyub.
Ancaq bu cür ağrı-acıdan belə mükəmməl əsərlər ortaya çıxardı. Fikirləşirsən ki "yaxşı ki yaşayıb". nə qədər əclafca səslənsə də.
(youtube: )
(youtube: )
- Chris elə rejissorudur klipin və bunun haqda ayrıca danışmaq lazım gəlir. Belə təhlil etmək olar ki, qara rəng, gözləri ağ personaj Chrisin daimi gördüyü halüsinasiyalardır. Körpə isə saflıq və təmizliyi simvolizə etdiyindən qarşılaşdığı çətinliklərdə heç bir qəbahəti olmayan, həyata biixtiyar atılmış insanları təmsil edir. 1:09-cu saniyədə körpəni kompleks formalı, nə olduğunu heç özü də bilmədiyi 'şeylər' qabağına səpələnmiş vəziyyətdə görürük. Nəyi necə etməli olduğumuzu bilmədiyimiz, bütün bu xaotik seçimlər qarşısında acız qalan bizlər.
Yaşlı kişi aqressiv hərəkətləri ilə (1:30) təhlükəni, yoldakı barierləri təmsil edir.
Çətinliklər onu əlinə aldıqda körpə başlayır ağlamağa (1:56). O isə istehza və məzə ilə gülür. Eyni depressiya kimi.
Həyatın zarafat anlayışına so ...
"Goodbye my friends
Goodbye to the money
Adieu to the fuckers that think that is funny
i just want to turn the lights on
in these volatile times"
(youtube: )
(youtube: )
- spit it out
"And it breaks my heart
People need love"
Gənclik illərində (1995) qurduğu qrup *Sneaker Pimps* Becoming x albomu ilə milyonlarla kopya satır. O vaxtdan bir X sevdası var imiş. Becoming x i am x olur. Maraqlı detaldır.
Ps: tanıyıb kəşf etməyimə vəsilə olan *nellie crain*ə double təşəkkürlər. Adamsın.
Sənin həyatdan nə gözlədiyinə görə dəyişən məsləhətlərdir.
Hər halda maksimum uğur və ətrafında hörmət qazanmaqdırsa əsas məsələ heç bir halda əsəbiləşməməkdir.
Səni incitməyə çalışan, damarına basan insana əsəblərinin onun birazdan incinəcək eqosundan daha önəmli olduğunu hiss etdir, əziz oxuyucu. Nə qarşısında olur olsun -debillik, haqsızlıq, ədalətsizlik- əsəbin heç bir zibili həll etməyəcək. Ya get danışıq bacarığın üstündə çalış, irəlilət və onu adambalası olmağa razı sal, ya da sakitcə uzaqlaş. Bu həm mental, həm fiziki sağlamlıq gətirəcək sənə. işdə müdir cındırlıq edir? Onsuz da edəcək, istəyirsən çıx. Ancaq 10 saniyə durub fikirləşəndə "bu əsəb nəyi dəyişəcək?" Tutarlı cavab tapa bilmirsən. Əksinə, zibil edir atır hər şeyi. Səni qəzəbləndirməyə çalışan insancığa bax, gül. Mümkünsə səsli gül. ilk dəfələrdə saxta gələ bilər, sonra bu reallığa çevriləcək. Həqiqətən də, vecinə olmayacaq. Beyini inandırmaq çox asandır. Belə danışdığıma baxma, mən səndən, ondan, bundan, hamısından tez əsəbiləşən, yumruğuna əngəl ola bilməyən tiplərdən olmuşam. Ancaq bu hissi idarə etməyə başlayanda çox irəli getdiyini başa düşəcəksən.
Hörmət də ardınca gələcək. Çünkü bükə bilmədiyin biləyi öpəcəksən.
Kökən olaraq hinduizmdə ruhun samsaradan qurtulmasını, azad olmasını ifadə edən məfhumdur. Ancaq buddizm, siqhizim, caynizm kimi inanc sistemlərində də öz əksini tapır.
indi deyə bilərsiniz ki, bunun nirvanadan fərqi nədə oldu?
Əsas fərq ondadır ki, nirvana yüksək mənlik/şüur halıdır və prinsip olaraq "həyata keçirilmə" yeri elə bu dünyadır. Ölümdən sonra yox.
Nirvanaya yüksəldikdə hər hansısa bir ruha qovuşma, hər hansısa bir metafizik varlıqla bir olma halından söhbət gedə bilməz; şüurun bütün dünyəvi istəklərdən azad olduğu əbədi xoşbəxtlik, qorxusuz, tam aydınlanmış, sakitlik halıdır. Mokşa isə ölümdən sonrakı prosesdir və brahma (tək uca mənlik) ilə bir olmaqdır.
Hərçənd 6 nəhəng ortodoksal məktəb mokşanın bu dünyadamı olduğu, yoxsa yalnız ölümdən sonra mümkünlüyü barədə konflikt yaşayır. *
Hansılar olduğunu saymağı özümə borc bilirəm, bizim dildə başqa mənbə yoxdur. Sıxıcı terminlər..
Nyana, Vaisesika, Mimamsa məktəbləri mokşanın yalnız ölümdən sonra mümkün ola biləcəyini müdafiə edir.
Samkha və Yoga məktəbləri isə bu dünyada baş verdiyini müdafiə edənlərdəndir.
Vedanta məktəbi və Advaita alt məktəbi mokşanın yalnız bu həyatda baş verdiyinə inanır.
Vedenta ənənəsinin Dvaita və Visistadvaita alt məktəbi isə mokşanın bu yaşamdan ölüm sonrasına qədər uzanan və tanrıya əbədi sevgi və bağlılıqla dəstəklənən sonsuz hadisələr seli olduğua inanır.
Bu altı ortodoks məktəbindən əlavə Carvaka hindu inancının bəzi heterodoksal məktəbləri isə ruh və mokşa temasını, ümumiyyətlə, qəbul etmir.
Gələk bu dünyada mokşanı nəyin mümkün qıldığına.
Bu dünyadasansa ruhun necə samsaran çıxmışdır? Naradaparivrajaka Upanishad-a görə bütün nəfsani istək və duyğulardan azad olmuş şəxs aşağıdakı keyfiyyətlərə sahibdir:
-özünə yönələn hörmətsizliyə və qəddar sözlərə qarşı əsəbini cilovlayar, başqaları ona necə davranır davransın yenə də alicənab davranar.
-qəzəbli biri ilə qarşılaşanda ona eyni reaksiyanı verməz, sakit və yumşaq tərzdə cavab verər.
-işgəncə ilə üzləşsə belə həmişə həqiqəti deyər və həqiqətə inanar.
-xeyir-dua üçün can atmaz və başqalarından tərif gözləməz.
-heç bir canlıya zərər verməz və ya incitməz, bütün yaşayan varlıqlar onun üçün dəyərlidir.
-başqalarının arasında yalnız olduğu qədər rahatdır.
-bir ağacın altında bir kasa və köhnəlmiş paltarda belə dilənçilər evində, kənddə, şəhərdə olabiləcəyi qədər rahatdır, şikayət etməz.
-xarici görünüşlər, bər-bəzək onun üçün heç bir əhəmiyyət daşımır, ali olan bilgidir.
-ona görə tanrıya səcdə, yalvarmaq, ataların ruhuna tapınma yoxdur. Mənlik bilgisindən ali heç nə mövcud deyil.
-həmişə təvazökar, cəsur, coşğulu, aydın və qərarlı zehnə sahib, açıq sözlü, mərhəmətli, səbirli və gözəl sözlər danışar.
Ölü dil. Əşyaların cinsiyyətlərə ayrıldığı dil. Məsələn səhv xatırlamıramsa daraq qadın idi. *
dı fak
Tərcüməni öyrənmək ayrı bir dərd ikən bir də cümlədə qanunauyğunluğu qorumaq üçün cinsiyyətlərini öyrənməli idin. *
rus dili
Yadımda qalan bir də o məşhur sum es est sumus estist sunt ifadələridir ki, tərcüməsi ilə əlaqədar heç bir fikrim yoxdur. *
dürüst ol, canımı ye
Sanki köməkçi feil kimi bir şey idilər. *
bir meşox umbay gəlir
Dərsdə bir qələtdi edib latın dili müəlliməmə "latın dili ölü dildir" demişdim, demək istədiyim danışan xalqı yoxdur, day niyə ömrümüzə oturub o gündən hər dərsdə "Aha, uşaqlar, onsuz da latın dili ölü dildir, danışıq dili deyil ona görə də gündəlik ifadələr günümüzdə bilinmir" tərzi səy cümlələrlə beynimizi kəpək edirsən ki!
Heç kimlə də mübahisə aparmıram, plus da hayasız idi *
bu yerdə kərəmi ağlamaq tutur
, əşii dedim.
Məsələ orasındadır ki, bir semestr öyrənməyə işgəncə çəkib ucu-ucuna keçdiyim bu dilin illər sonra elə bir mahnısın tapdım ki, heyif dedim.
Adamı dilə aşiq etmə potensialındadır.
(youtube: )
(1.25 sürətdə dinlənilməsə aşiq etmə potensialı enir)
Pfizer vurdurdum ayın 5-i. Vaksindən 1 saat sonra bütün əsəblərim oyandı, hər şey qıcıqlandırmağa başladı. Neytral ruh halımın üstünə ilk 2 gün birdən-birə qapqara buludlar çökdü. Gərginlik teması placebo-zad deyil. Hələ də özümü ələ almağa çalışıram. Normalda dünya vecimə deyil. özüm belə vecimə deyiləm. Tanıyanlar bilir, ayaq serçə barmağım qapının küncünə dəyəndə gülən adamam.
Vaksin vurdurduğum gün axşam 7-də yuxu basdı yatdım. bir də səhər 6-da oyanmışam )o da məcbur(. Qoysalar 12-yə qədər yatacaqdım.
ilk 1-2 saat ürəkbulantısı, yüngül başgicəllənmə, 3 gün də qolda ağrı oldu.
iynə yerinə yapışdırılan yara bandını 5-10 dəqiqə sonra çıxartmaq lazım imiş. mən 1 gün saxlamışam *
fetiş!?
4 gün keçdikdən sonra belə yuyunanda qaşınmağa başladı. Ən salamatı salafandan, şardan falan bağlayıb elə yuyunmaqdı. Çünkü qaşıntısı ayrı əsəbiləşdirir.
5 gün sonra varsa alkoqol həyatınıza geri dönə bilərsiniz.
Yaddan çıxan ikinci Doza editi: bütün əvvəlki simptomların çox cüzi forması. Bir az şiddətli olanı əsəb pozuntusu oldu. Ancaq 1 -2 gün.
Tanış olmağımın qəribə bir xatirəsi olan əsər. Çox belə ağlıma gəlməyən bir yerdə, bir otelin yataq otağında gördüyüm, görən kimi də vurulduğum əsər. Onunla mənim aramda qravitasiya qüvvəsi 1-ə 5 artmışdı o an, aşiq olmuşdum. Hər bir nöqtəsini böyük heyranlıqla incələdim. Mal ağlıma da gəlmirdi ki, şəklin çək, axtarışa ver, tap. gələndən sonra yadımdan çıxmışdı. üstündən 4-5 ay keçdi, hardasa yenə qabağıma çıxdı, ulan dedim, Gustav, naptın.
Ümumiyyətlə, adından da göründüyü kimi, lap adını qoyun bir qırağa şəklin özü iki əks cins arasında olan sevginin məsum təcəssümüdür. Rənglərin coşqunluğu, sarının o şıltaqlığı hansısa başqa diyarları xatırladır. Elə bil ki, bu dünyadan deyil, fərqli bir məkanda, cənnət diyarında sürdürürlər mövcudiyyətlərini. Sevgiləri də rəngarəndir, sehrlidir. Arxanın tünd, özlərinin parlaq rənglərlə əks olunması, çox yəqin ki, sevgilərinin hər yeri behiştə çevirdiyini simvolizasiya edir.
Bir sözlə, estetikanın vəcdə gəldiyi rəsmdir.
Gecələr ağız suyu ifrazının minimuma enməsi zamanı çoxalan bakteriayalar və həzm sistemi kanalında əmələ gələn qazların meydana çıxardığı hal. Təbii ki, buna dişdəki çürüklər, diş daşları, dişlərin arasında qalan yemək artıqları da daxildir.
)
