harry potter

Uşaqlığımın əvəzolunmaz filmi. Serialının çəkildiyini görmək həm həyəcanlandırdı, həm qorxutdu. Hansı ki lotr əfsanəsinin fiyasko serialından sonra qorxmamaq əldə deyil.
Bir neçə gün əvvəl Harry Potter Felsefe taşı-nın trailerı təqdim olundu. Filmlərdə getdikcə tündləşən rəng paleti hekayənin getdikcə ciddiləşən və ağırlaşan tonunu əks etdirirdi və bu izləyiciyə ləzzət edirdi. ancaq ilk sezondan bunu görmək göz zövqümü oxşamadı. Ki buna görə etmədiklərini bilirik. Çox güman bütün sezonlar bu cür davam edəcək. Ümumi bir hollyvvood havası sezilir. bu cür tünd, mavinin çalarlarını soxuşdurmaqlarını bəyənmədim.

Süpürgələrdə fərqli bir şey etmək istəyiblər anlayıram, ancaq göz alışmayıb deyə qəti sevə bilmədim. Filmlərdəki süpürgələrin coolluğu burda 0.
Soundtrackləri hər nə qədər hans zimmer bəstələyəcəyi üçün ümidli olsam da trailerdakı vasatdır.

Və, əlbəttə ki, snape dogg.. Sizin mən xiyar zehniyyətinizə qusum. Nə gərək var irqçiliyi bu qədər gözümüzə soxmağa? Kitabda açıq aşkar )kitabları türkçə oxumuşam, türkçə yazacam( soluk sarımtrak tenli, kanca burunlu, yağlı, omuzlara kadar uzun saçlı təsvir edilən bir obrazı tünd dəri rəngində, geniş basıq burunlu, rasta saçlı birinə çevirməklə ayrı seçkiliyə və ötəkiləşdirməyə qarşı fantastik addımlar atıblar, əhsən )!(
Dəyişdirmək var dəyişdirmək var, sarışın dudley və petunia-nın qara saçlı olması, yaşıl gözləri dəfələrlə vurğulanan harry-nin mavi gözlü olması )məcburiyyətdən( kimi kiçik fərqlər göz yumula biləcək dəyişikliklər idi. Bu isə gülünc dərəcədə axmaq bir addımdır. Barı saçını düzləşdirərdiz, yağlı, yapışan bir şey olardı.. nə bilim.. mənimki də sözdür heç.. Bu boyda özbaşınalıq olar? iyrəndirirsiz özünüzdən. Bu gedişlə Voldemortu trans, lupini çinli, siriusu da 15 yaşlı albino canlandırar.

Harry, ron və hermione üçün seçilən aktyorlar və istedadları son dərəcə qane etdi. Dumbledore zehmindəki dumbledore ilə birəbir uyur. Adamın 80 yaşı var, 7 ilə ölər deyə dərd çəkirəm indidən.
Minerva McGonagall yaxşıdır. Hagrid də ki.. gözümüz o şirin, tonton Hagridə alışıb, düzdür, ancaq Nick Frost da pis deyil. Katherine Parkinson - Molly, nə olar o isti ana qucağı hissiyatını bizə hiss etdir. Petunia sanki bir az overacting edir o səhnədə, bilmirəm, tam bölümü izləyəndə əmin olacam. Dudley və Vernon'ı bir qədər çəkili görmək istəyərdim. Ollivander okay. Neville çox şirindir.
Ümumi mənada filmlərlə müqayisə etmək aktyorlara haqsızlıqdır, sadəcə kitab ilə bənzərlik axtarmaq lazımdır. Snape xaric bütün aktyor seçimləri qənaətbəxş üstüdür.

Yenə də yiğidi öldür hakkını yeme, həddindən artıq kiçik detallara yer verilməsi və filmlərdə görə bilmədiyimiz bir çox səhnəni burda görə bilmə ehtimalının olmağı insanı həyəcanlandırır doğrudan da.
)trailerı izləyərkən gözləri dolan bu deyidli elə bil. Hareketlere bak hareketlere, şimbilli(

pickpocket

Türk əsilli underrated alt metal, post hardcore qrupu. Yaradıcılıqlarına sadəcə 2 albom sığışdırıblar, ancaq yaradıcılıq deyirəm sizə. insanın canını alır. Hayalle gerçek arasında albomu başdan sona içimdəki tufanı yansıdır. Çox güman ölənə kimi dinləyəcəm.


Hayalle gerçek arasında - çox sərt hədə-qorxu gəlir.
"Karanlık tam karşında
Çığlıklar atıyor
Dur sakın kaçma
Hayalle gerçek arasında"

Kork benden - o qədər içdən oxuyur ki, deyirsən gəl bir yumruq da mənə ilişdir, qadan alım.
"Bitkin düşmüş düşünceler
Kafan karışık şimdi
Pervane olma etrafımda
Ağlama lan yosma"


Karanlığı beklerken - Üsyanla başlayıb çöküşlə sonlandırırlar. Hər kəs kimi. Üsyan edib susuruq. Sonda hansı üsyanımız nəticə verir?
"Ben de beklerim karanlığın çökmesini"

Rüyalarım - rüyalarına sarılan insanların ürəyini buz kimi soyudar.


Özgürlük - Buraları azadlıqla yıxmağa gəlmişəm.
Bu yaxınlarda instanbulda konsertləri oldu, gedib bu mahnı ilə vəhşicəsinə headbang etmək var idi. Bundan sonrakı səfərlərə amen deyək.
"Korkma lan haykır hayata
Sen de vermeden son nefesini"


ilk - ümidsizlik dolu ağır kədər ehtiva edir.
"Bedenim soğuk
Kalbim uzaklarda
...
Vazgeçtim hayatımdan"
insana ölümü arzuladır.


Ne farkeder - Çox xatirələri bölüşdüyüm o möhtəşəm mahnı.
3:13-də başlayan bass gitar incəliyi.
Qəlbi və ruhu aqressiv mühakimə edir.
Hələ o son 30 saniyə..
"Canlansa bedenler
Kapansa yaralar
Affedilse yalanlar
Ne fark eder?"


Unutamam - tərk edib gedən kimsə varsa çox içli dışlı olmayın. Qarşı tərəfin istəməyəcəyi səhv addımlar atdırar.
"Söyle nerde sözlerin
Sen söylerken ben dinledim"


Vazgeç - gəl öldür məni. Al canımı. Doğra, tök.
Aç o kor gözlərini, gör həqiqəti.
"Herşey tam bir yalan
Tek gerçek sensin
Vazgeç aramaktan, sormaktan, kaçmaktan, korkmaktan
Çare hep sende"


Son - Nəticə verməyən cəhdlərin sonunda açıb dinləniləsi mahnıdır.
"Bu son kurban umudun yolunda
Bu son oyun tanrının huzurunda"


Boşver üzülme -)Uyan albomundan ən sevdiyim( ümid qırıntıları səpələnmiş təsəllilər.
"Görmese de gözlerim
Benim ışığım içimde
Elbet bugünler de biter
Boşver üzülme"

antidepressant sonrası

Antidepressant qəbulu sonrası insanda yaranan mənfi və ya müsbət təsirləri ifadə edir.
Psixiatr depressiya diaqnozu qoyduqdan sonra )hər nə qədər qəbul etməsəm də( 9 ay SSRIs )seçici serotonin geri alım inhibitorları( qrupuna daxil olan Escitalopram 10 mg qəbul etdim. ilk günlərdə başımı yastıqdan qaldıra bilməyəcək qədər yuxululuğa səbəb oldu. 1 həftə yarım tablet içib sonra tam tabletə keçdim. Yuxululuq anidən keçdi və məndə yavaş-yavaş vecsizliyə səbəb olurdu. Psixiatr 1 ay iç, sonra yenidən seans edərik demişdi, ancaq sonrakı seanslara da getmədim. Di gəl ki içməyə davam edirdim. Əsəb kontrolum pis idi, bu dərman hardasa 60% azaltmışdı. Çünkü pəncərəmdəki bitkidən fəqsiz idim artıq. Libidomu 0-a endirdi. Sevgilimə pis təsir etdiyinə əmin idim, ancaq hiss etdirmirdi.
Qəbul etmə səbəbim bir tərəfə "buraxdıqdan sonra yenə əvvəlki kimi ola biləcəm, görən?" deyə dərd çəkirdim. Heç nə hiss edə bilmirdim.
ilk həftə yarım tablet, sonrakı günlər günaşırı yarım tablet qəbul etmək şəklində )daha da alışdıra-alışdıra buraxmaq üçün özümdən uydurduğum metodika( hardasa 1 ay olar buraxmışam. Libidom 20% geri qayıdıb. Belə bomba bir təsir yaratmadı məndə. Əksinə o günə qayıda bilsəm qəbul etməzdim. Siz siz olun tək antidepressanta bel bağlamayın, arada bir psixiatrın özü ilə də seans alın.
Kimi dindirsən uşaqlıqdan bir travması, dərdi var. Heç kimə bölüşə bilmədiyim uşaqlıq travmamı və hal-hazırki qayğımı danışıb ağlayarkən tapmışdım özümü. Qəbul etmək istəmədiyim bir reallığı danışarkən isə bədənim tir-tir əsirdi.

Mühakimə edilmədən dinlənəcəyimizi bilsək nə də çox şey danışarıq əzizlərimizə. Bizi öz beyinlərindəki şəkillərə soxmağa çalışan, yontub biçmək istəyən insanların əlindən hara qaçasan? Sevirəm deyib buraxıb gedənlərin buraxdığı ağır yükü necə atasan qəlbindən? Onları günahlandırmaqla rahatladasan özünü, yoxsa onlara inanan səfeh qəlbinə tökəsən hirsini, kinini?
Kimya çox şeydir bilirəm, ancaq, bəlkə də, sizə lazım olan kimyanızı deyil yanı başınızdakıları dəyişməkdir?

qəribə hiss etdirən bəzi şeylər

insanların ölümünə şahid olmaq.
işim gərəyi çox yaşayıram. Son anlarında ailələri ilə halallaşmaq istəyən, həyata tutunmaq üçün dərindən nəfəs alan ya da, ümumiyyətlə, "əl çək məndən, imkan ver ölüm" deyən gözlərinin içinə baxmaq doğrudan da qəribə hiss etdirir. Nəfəsin kəsiləcək qədər uzun cpr cəhdlərinə baxmayaraq əlinin altında ölən o insanların fürsəti olsaydı əzizlərinə son dəfə nə deyəcəkdi? yaxınları bunun üstəsindən necə gələcək? görəsən, ruhu indi hardadır? Çəkdiyi əzab sonlandımı?
Düşünürəm ki, ölüm gedənlər üçün mərhəmətli, geridə qalanlar üçün çox amansızdır.
"Ölümün necə olsun istəyərdin?" desələr "sevdiklərim ilə vidalaşa biləcəyim bir şəkildə" deyərdim.
Əlbəttə, sevdiyiniz biri qalıbsa.
Çünkü yaxşı və ya pis nə yaşanız da sonda o son sözlər xatırlanır.

breaking bad

Ailə başçısı çəkingən kimyaçı Walter White-ın ağciyər xərçəngi diaqnozu qoyulduqdan sonra narkobaron Heisenbergə çevrilməsini incə-incə, ustalıqla işləyən əjdaha amerikan serialı.

Serialı izləməyənlərin oxumalı olduğu hissə:
Namıdeğer Heisenbergimiz vaxtilə 2 dostu ilə qurduğu Gray Matter Technologies şirkətindən naməlum səbəblərlə öz hissə payını 5 min dollar kimi gülünc bir rəqəm qarşılığında satıb ayrılır. Sonradan öyrənirik ki, şirkət 2.16 milyard dollar dəyər əldə edir.
Walter garibim isə milyardlar qazanacaq bütün o potensialını, sahəsindəki professionallığını ortalama bir məktəbdə kimya dərsi keçərək, ailəsini dolandırmaq üçün məktəbdən sonra avtoyumada işləyərək hədər edir. Özünün əfəl, özgüvənsiz bir versiyasına çevrilir. Bir neçə il qalan ömründə ailəsinə miras olaraq kimyaterapiya xərclərini yox, evin ipoteka borcu, uşaqların universitet xərcləri, gündəlik xərclər ilə birgə 737 min dollar buraxmağın kifayət edəcəyini hesablayır )1x5 "Gray Matter" bölümündə(. Zamanla bu hədəf milyonlara, yüz milyonlara yüksəlir.

Öz şagirdi Jesse ilə Metamfetamin işinə girişir və çölün düzündə daracıq karavanda, çətin şəraitdə, qısıtlı imkanlarla yüksək səviyyə kimya bilgisi sayəsində 99.1% saflıqda meth bişirir )digərlərinin bişirdikləri maksimum 60-70% saflıqda olur(. Bişirdin methi bişirməsinə də, necə satacan? Yetimin ömrü az qalıb, pərakəndə satışla 3-5 keşlə bu işin olmayacağını anlayıb topdan satmağın yollarını axtarırlar. Olaylar da burda başlayır. Jesse başda kifayət qədər malll olsa da, Walter kimi bir üstad ilə az da olsa beyin qazana bilir )irəliləyən sezonlarda qatar səhnəsində məsələn. idea ona aid idi(. Topdan satış üçün bir neçə üsul yoxlayırlar. müəyyən bir gəliri çıxmaq şərtilə hamısında krizis yaşayırlar.
Walt, ax Walt! Düşdüyün o qorxunc durumlardan necə beyninlə, ustalıqla sıyrılırdın sən. b*ka basan Jesseni də qurtarırdın. Mütləq 3 bölüm şans verin. Həyatınızdan 2.5 saat ayırın. 2013-də izləmişdim və 75%-ni unudmuşdum. Bir gecə ansızın təkrar başladan və 2 həftədə, bitməsin deyə az-az izləyib yuxularımda kartel başçılarına çevrilməyimə səbəb olan o möhtəşəm ekran əsəri! Yetəri qədər həyat dərsi aldıracaq cinsdəndir. Çünkü lanet olsun adamım dibinə qədər həyatın içindəndir!

keçək entrynin serialı izləmiş olanların oxuyacağı hissəsinə:
ilk başda bunu deməliyəm ki, Skyler-a 2 sezon boyunca haqq verib 3-cü sezonda ted məsələsində nəsil nəcabətini söydüm. Ancaq arxandan işlər çevirən, gizli-gizli telefon görüşmələri edən, günlərlə evə gəlməyib gülməli yalanlar uyduran həyat yoldaşınız olsa siz də ilk 2 sezondakı Skyler-ın tutumunu sərgiləyə bilərdiniz. Boşanmaq istədiyi halda boşanmayan, sirlərini gizlədiyin halda hələ də yaxanı buraxmayan insana qarşı əlindən heç bir şey gəlməyəndə "Ted ilə yatmışam" deyib adamın çilədən çıxacağını ümid edərək qurtulmağı hədəfləyirdi. çünkü sevmədiyi, nifrət etdiyi bir evliliyin içində idi. Əlində də polisə vermədən walt-dan qurtulmağın heç bir yolu yox idi. Övladlarının təhlükəsizliyini, ailəsinin əmin-amanlığını istəyən, Walt-un əməlləri sayəsində bunun mümkün olmayacağını düşünən, yetəri qədər çoxbilmiş, afirist bir qadın olsa da, empatiya qurun. Siz onun yerində olsa idiniz nə edərdiniz? Ağlın itirdi səy qızı səy. mühasibatçısı olduğu ted-in şirkətində tedin qaçırdığı vergi sənədlərinə imza atdığı üçün əlli-ayaqlı getməkdən qorxub walt-dan gizli pulları verməyi xaric, empatiya qururam. Çirkli pulları yuduqca, arxasında hər zamankı pısırık yox güclü, dominant əri gördükcə pul onu dəyişdirir. əsl ikiüzlülük burda başlayır.

Oğulları "Flynn" çox lazımsız, serialda yer verilməsə heç nə itirilməyəcək bir yanxarakter olası xarakter.

Jesse isə özündə yaxşı insan olmağın gətirdiyi həddindən artıq saflıq və mallıqla insanı illallah etdirən bir tip. Manipulyasiya olunmağa çox müsait. Hər fürsətdə arxasını toplayan walt-a güvənmək yerinə Gus, Mike kimi sonradan gəlmələrə bel bağlayır. Özünü önəmli hissedir paşam.
Yenə də o bəzi şapşallıqları gülməlidir. 2x6-da )dəqiqə 22( alovlanan generatorun üstünə çölün düzündə olan qalan son sularını boşaltmağı və VValt-un əlində yanğınsöndürən ilə ona baxarkənki aldığı o sifət xd Emilionu küvetdə sulfat turşusu ilə əritməti və s xd
Və təbii ki, bütün o bitch səhnələri sksj
Heil Hitler bitch, spike into the mic bitch, where is my money bitch, miserable son of a bitch, just try to stop me bitch, you are my free pass bitch, i made you my bitch, yeah bitch, magnet, you listen to me bitch.

Heç kimə yamuk yapmayan tək xarakter Saul-dur!

Mike-ı sevənləri isə başa düşmürəm. Gus "get filankəsin beynin partlat" desə sorğusuz-sualsız partladacaq sabiq polis, seri katil. Nəyini sevirsiz ə bunun?
Hank-in yarı sempatik, yarı kibirli tərzindən mütevellit qərarsızam. VValter-ı o kitab sayəsində tapmağı əvvəlcə yerimdə dura bilməməyimə, evin içində o yan bu yan gəzişib sinir kirizi keçirməyimə səbəb olmuşdu. Andrea-nın oğlunun zəhərlənməsi planını o cür ustalıqla quran, son səhnədə kamera çiçəyə yaxınlaşanda ağzımı açıq qoyan vvalt necə oldu da bunu düşünə bilmədi? Ümumiyyətlə, dəftərdəki w.w. məsələsindən sonra vvalter o kitabı tualetdə niyə saxlamışdı? Özü də meth işini sonlandırandan sonra. Bu kiçik diqqətsizlik belə günümüz dünyasını əks etdirən bir reallıqdır. Şeytan ayrıntılarda gizlidir və nə qədər dahi də olsan, yüz ölçüb bir də biçsən gözdən qaçan detallar ola bilir. Vvalt da bir insan idi və onun bu yönünü göstərmək istəyiblər, bəlkə də.

Marie kleptomanyak psixi problemini kənara qoysaq belə, yekəağızlığına, walter-ın üzünə qarşı "niyə öldürmürsən özünü?" dediyinə görə qıcıq oluram bu xarakterə. Mənasız, boş bir insandı.

Walter baba isə tək dərdi sevdiklərini qorumaq, ailəsinə sahib çıxmaq, qalan qısa ömründə o əzikliyi bir kənara qoyub, hörmət gördüyü, sayıldığı bir həyat yaşamaqdı. Hank tərəfindən ağır söyüşlər yediyi, döyüldüyü, əlinə fürsət keçsə bir qaşıq suda boğulacağını bildiyi halda, Hank-in canı üçün bütün mal varlığını )11 milyon dollar( verməyə razı olan, adam kimi adam.

Gəldi gedər 2-3 insan üçün ata fiquruna çevrilmiş walter-ı qurban verən dölbeyin jesse. Walter-dan həyat dərsi alan, hər dara düşəndə vvalter-a qaçan jess, ona ən böyük zərbəni endirir. Ancaq vvalt-un buna baxmayaraq son planında jesse-ni o düşdüyü çuxurdan qurtarması, polislərə qarşı Skyler-ı aklaması hər şeyi ilə adamın dibi olduğunu və başından sonuna qədər bunun belə davam etdiyini göstərir. Sonda da olmaq istədiyi adam olmağına səbəb olan meth laboratoriyasında ölməyi seriala yaraşan bir final idi. Bu adam meth işini buraxdıqdan sonra xərçəng səbəbi ilə ölsəydi ürəyim partlayardı.

Serial hər izləyici üçün özlüyündə dilemma yaratmağına görə məndə ayrı bir yeri var.
Jane-in ölüm səhnəsində vvalt içəri girib qızın yatış pozisyasını səhvən dəyişməsəydi qız boğulub ölməyəcəkdi çünkü bilərək yan yatmışdı. Ancaq bu qızın Jesse-nin həyatını puç edəcəyini bildiyi üçün ölümünü ağlarayaq, əzab çəkərək izlədi.
Qeyd: Jane-dən qıcıq qapırdım.
Walter qızın ölümünə səbəbkar yox bir növ təkan verən olsa belə qız iradəsiz bir keş olduğu üçün onsuz əvvəl-axır öləcəkdi. bu walter-ı burda günahkar edir yoxsa qurtarıcı? Bu və bunun kimi bir çox dilemma məni sarsıdır, sözün əsl mənasında. Elə məsələ də budur. Ailəsini, sevdiklərini qorumaq üçün günaha batmaq, özünü hər daim sipər etmək, övladlarının xatirəsində pis insan kimi qalmağı gözə almaq...
Və bunu heç vaxt başa düşməyəcək olan sümsük flynn. Sənə walter jr. deməyə dilim gəlmir.
Skyler həbsə düşməsin deyə polis tərəfindən dinlənildiyini bildiyi o telefon görüşməsində )5x14 dəqiqə 40( bütün günahın özündə olduğunu və skyler-ı buna məcbur etdiyini, hədələdiyini deməsi Ən çarpıcı səhnələrdən biri idi mənə görə. Walter-ın Holly-ni qaçırıb sonra ağlamağına dözə bilməyib geri verdiyi səhnədə )5x14 dəqiqə 39( gözlərim doldu. ilk müalicədə xərçənginin kimyaterapiyaya verdiyi cavabı həkimdən eşidəndə sözün əsl mənasında ağladım.
ilahiləşdirməyimin səbəblərini dilim döndüyüncə izah etdim.
sən ölməz şəxsiyyətsən, Walter White.

sözaltı günlük

Dilləndirmədiyim bütün həqiqətlər ortaya çıxır. Uzun müddətdir üstünə torpaq atdığın kədər yenidən bar verir. Nədir bu fələk salıb məni çarxına yaxamı buraxmır? Axı o qədər güclü deyiləm. Məğlub oluram axı bu savaşda. Yavaş yavaş tükənirəm. Sevinimmi bu halıma yoxsa ah nalə töküm? Nə qazanacaq mənə bunları yaşadaraq tanrı? 2 tərəfimdəki mələk də üz döndərib. Hansı dəftərə yazacağın bilmir bu zəhrimarı.

(youtube: )

doğum gününü yalnız qeyd etmək

/>
Yalnız qeyd edib o bataqlıqdan çıxa bilməməyə gətirəbiləcək hal. Diqqət edin. Ad günüm bu gün deyil, ancaq adam özün nə qədər yalnız hiss edər a kişi. Aylar əvvəl tək girdim, güya bir dilim tort, şamla zadla maraqlı nəsə edəcəkdim. Təklikdən neynəydiyimi bilmirdim. Onsuz həmişə özümü tək hiss etmişəm, yeni yaşa tək girəndən sonra sanki tescillendi bu məsələ.
Yanımda olduğunu deyən insan nə qədər ürəyitəmiz şəkildə desə də bunu heç vaxt keçməyib mənə. Buraxa bilməmişəm içəri. Gəl bir fincan çay içək, ya pivələyək, o səmimiyyət mənə çox uzaq, çata bilməyəcəyim bir nöqtə kimi gəlib.
Sən aç tök içini, anlayıram səni, mühakimə etməyəcəm, sadəcə dinləyəcəm deyənlər də ki onları qınamıram bacara bilmirlər. Hər kəs ayrı bədənlərdədi, ayna neyronlar, empatiya zad boş şeydi əşi. insanlar istəməsə də öz baxış bucağından dəyərləndirir qeyri-ixtiyari. Və sənə qarşındakı sənin dərdindən öləcək qədər sevdiyini desə belə ağır həqiqətləri sər önünə, gəlib ağzının üstündən vuracaq.
Şiddətli dərəcədə yalnızam. Çox dərinlərdən gələn melanxoliya zahirə kədər sızıltıları kimi çıxır. Özüm belə tapıb çıxa bilmirəm axrına, ucundan tutub çata bilmirəm. Necə qurtulum, necə birinin yanında özümü rahat hiss edim, o insan sevdiyim belə olsa. Hamı yalan gəlir. Hamı mənfəətçi gəlir. Çıkar ilişkisi zir-zibil. Saf, təmiz, qarşındakını nə olursa olsun sarıb sarmalamaq... Başlıqdan kənara çıxıram, amma ruhum da içimdən çıxır. Hara töküm içimi ki ölməyib qalsam 10 il sonra oxuyub bəlkə də gülərəm. Hələ də aciz ümidlərim var. Sevirəm deyənin sən səhvlər etsən də, yıxılsan da əlindən tutub qaldıracağına. Üzünə vurmayacağına. ilahi dərəcədə sevginin var olabiləcəyinə.
Nəyi qoyub nəyi axtarıram.

böyümək

Uşaq ikən tam olaraq nə vaxt gerçəkləşəcəyini bilməyib böyük bir maraqla arzulanan şey.
Adətən, tək başına xəstəxanaya getdiyində, əvvəllər dərin duyğularla yanaşdığın məsələlərə qarşı boş və mənasız hiss etdiyində, o güclü dostluqların çox asan pozulabiləcəyinin dəfələrlə şahidi olduğun bənzəri anlarda uşaq saflığının qalmadığını, böyüdüyünü, başqaları kimi rəngsizləşdiyini hiss etdirən məfhum.

Heç istəməsəm də yaş artdıqca o boz insanlara çevrilirəm. Laqeyd, yeknəsəq, eqoist, qaraqabaq.
Heç nəyi mənalı görmürəm. bir şeyləri mənalı edən bizik. Yerdən gül qırıb sevgilinə verdiyində o gülün dəyəri dünyalar qədər olur qarşı tərəf üçün. Digərləri üçün isə adi bir güldən ibarətdir. Məna qatan bizlərik. Dəyərli edən bizlərik. Mənim üçün isə heç nəyin dəyəri qalmır. Böyüdüyümə görədirmi, bilmirəm. Sıxılıram. Ürəyim darıxır mənasında yox. Edəcək maraqlı bir şey olsa kefim açılar deyə yox. 4 tərəfdən görmədiyim divarlar sıxır.
Belə xəyal etmirdim böyüməyi. Uşaq ikən "bunu heç vaxt etmərəm, böyüklər niyə belə edir?!" Dediyim şeylərin 80%-ni etmişəm, bəlkə də.
Yolda görüb kaş pulum olsa da kömək etsəm dediyin dilənçilərin indi çoxunun fırıldaq olduğunu bilib üzünə belə baxmadan ötüb keçmək, bir çox məsələdə qarşı çıxdığın valideynlərinə yeri gəldiyində haqq vermək, uzun-uzun danışdığın doğmalarınla indi 5 dəqiqə belə mesajlaşa bilməmək... bilmirəm, sözlük, bəlkə də, bu soyumaq, vecsizləşməkdir. Yenə o 2-3 il əvvəlki heçözüdəbilmirə qayıdıram.
Ancaq mən uşaq gözlərimə qayıtmaq istəyirəm. Bircə günlük 5 yaşıma. Səhər durum cizgi filmə baxım, günortadan axşama kimi bağçada tək başıma oyun oynayım, sonra anam üstümü bulaşdırmışam deyə hirslənib danlasın, 2 dənə ilişdirsin təpəmə. Hamama basıb çimizdirsin, girim yerimə sabah nə oyunları oynayacağımın xəyallarını quraraq yuxuya gedim.

Ps: Uşaqlığım çox gözəl keçib. 5 yaşımda ağacların başında ev qururdum özüm üçün. Yay aylarında Al qızmar günün altında yarpaqdan budaqdan çadır düzəldirdim. Evdən kartof alma oğurlayıb həyətdə bişirib yeyirdim. Torpağı qumu qazıb min cür hoqqadan çıxırdım. Mətbəxdə nə tapsam qarışdırıb dünyanın ən zəhərli qarışımın düzəldirdim. indi rayona evimizə qayıtsam edərəm? O istək, o həvəs yoxdur axı. Bir neçə dəfə yoxlasam da alınmayıb.
Uşaq ruhumu geri istəyirəm.
Artıq dayanım. Böyüməyim.

tək yaşamaq

insanı mənəvi cəhətdən böyüdən şey. 1.5 ildir tək yaşayır. Öz yeməyini bişirib, evi təmizləyib, azdan-çoxdan yadında qalmasa belə o yorğunluqla kitab oxuyub, özünə vaxt ayırdıqca, kommunal xərcləri ödəyib evə ərzaq üçün pulu hesabladıqca həqiqətən böyüdüyünü hiss edir. Əsas da pul bölgüsünü düzgün aparmaq. Vaxt olub ay sonu 2 manatı qalıb cibində. Vaxt da olub çox, lap çox..
Təkliyi sevməyənlər üçün çətin, cansıxıcı ola bilər 4 divar, ancaq ona son dərəcə xoşdur. Ailəsini sevmədiyindən deyil. Əksinə, onlar üçün yaman darıxır. Ancaq bundan savayı evə gəldikdə sakitlik, istədiyi vaxt istədiyi şeyi istədiyi tərzdə etmək rahatlığı-bu əvəzolunmazdır. Bəzən heç nə etmədən uzun müddət boş otura bilir. Bəzən "incəsənət"lə məşğul olub heç nəyi yığışdırmadan başını qoyub yatır. Bəzən qablar günlərcə yığılır yumur. Çox vaxt da belə olur. işdə çox səliqəli, evdə konfort sahəsində isə tör-töküntüyə meyilli. Vecinə deyil.
Heç kəsin deyinməyini eşitmək məcburiyyətinin olmamağı və evdə bütün işıqları söndürüb zil qaranlıqda oturmağı..
Niyə axı başqa cür olsun?

viral konyuktivit

Gözün sklerasını və ağ qismini təşkil edən konyuktivanın virus mənşəli iltihabı. Gözün ağ qismindəki və qapaqlarındakı kapilyar damarların bu iltihablanma səbəbilə şişməsi və qırmızı hal alması səbəbilə pink eye, qırmızı göz xəstəliyi də deyilir. Allah qəni qəni lənət eləsin.

Heçözüdəbilmirin viral konyuktivit serüveni. hansı ki konyuktivit tipləri arasında düzgün müalicə edilməzsə ağır fəsadlar verəbilən, ən zəhlətökən formasıdır.
Xəstələnəndə yaşayanların hansı mərhələlərdən keçdiyini öyrənmək üçün oxumadığım sayt qalmadı. Həyatım iflic oldu. Günəş altında quruyub qovrulan bir bitkidən fərqsiz idim.
Oxuyun, qardaşlarım. Oxuyun, bacılarım.
imkansız kimi görünsə də, keçib gedirmiş.

1. Gün: qaşınma, göz qapaqlarının içində şiddətli qızarma. Üst göz qapağı yüngül şişməsi. Hələ ki o qədər də bəlli deyil.
2. Gün: simptomların bir az daha artması.
3. Gün: simptomların əməlli-başlı şiddətlənməsi. Gözdən şıpır-şıpır axan sular. Səhər xəstə göz qapaqlarının yapon kleyiylə yapışdırılmış kimi yapışmış vəziyyətdə oyanmaq. Xəstliyin ciddiyyətinin fərqinə varıb hafiften tırsmaq.
4. gün: gözünün içinə 1 çay qaşığı qum üflənmiş hissiyatı. Ilıq dəsmalla gözünə kompress edib yatmağa çalışmaq.
5. Gün: gözünüzə məhəmməd əli əl gəzdirmiş kimi şişməsi. göz ətrafı sümüyün ağrısı. Baş ağrısı.
6. Gün: davam edir. Bu ağrılar ki başladı Yata bilmək üçün tərəfimdən ağrıkəsici qəbulu tövsiyədir.
7. gün: ağrılar müəyyən qədər azalır. Amma qızartı, su axması davam.
8. Gün: kafasına görə şişiən göz qapaqları. Bulanq görmə. Görən hər kəsin "gözünə nolub???" Suallarından bezib "çəkmişəm" demək.
9. Gün: üz əzələlərini gərəndə (əsasən qızlar dodaq boyası çəkərkən etdikləri kimi) alt göz qapağı ilə göz arasında böyük bir uçurum görüntüsü.
10 gün: qırmızılıq və şişkinlik öz yerində. Heç vaxt sağalmayacaqmış kimi gəlir. Dərman tökdükdə gözdən axan qırmızı sular. Gözünü yediyim kapilyarlarım partlayır, yəqin. Sözün əsl mənasında qan ağlatdı.
11 gün: davam
12: gün eyni şey.
13: həyatdan bezmək.
14 gün: derken simptomlar cüzi yüngülləşir.
15 gün: batma hissi dözüləbilir hala gəlir. Su axmağı azalır.
16 gün: su axmağı tamamilə dayanır. Gözünün ağ qismi ağarmağa başlayır, bir az sarılıq var amma o da dərd deyil.
17 gün: uzaqdan baxanda xəstə olduğun o qədər də anlaşılmır.
18 gün: artıq qızarıqlıq sadəcə göz qapaqlarının altında qalıb.
19 gün: ağrı tamamilə yox olduğu üçün dərman damcılatmağı unudursan.
20 gün: üz əzələlərini gərdiyində gözünlə göz qapağın arasındakı o uçurum əvvəlki halını alır.
21 gün: göz qapaqlarının altındakı qızarıqlıq davam. Məsələ deyil.
25 gün: qızarıqlıq azalıb amma var. Ozodrop və deksa tökməyə başladım.
35 gün: gözün qaraslna da nöqtələr düşüyü üçün arada gözümə nəsə batır. Ozodrop Tökürəm, çox pis yandırır, ancaq sonra sakitləşir. Gözümün qarasında hələ də nöqtələr var. Zibilə qalsın konyuktivit.
60 gün: düz ad günümə düşürdü. Həkim baxdı dedi iynə vurmalıyıq. Gözündəki nöqtələr tez sovrulub getsin. Şok oldum ki nə iynə ala. Keyyidici damcı tökdülər. iynəni bir neçə yerdən batırıb vurdu. Batıranda hiss etmirdim ancaq gözümün içinə nəsə axdığını hiss edirdim. Onunla da gözümdəki arabir qaşıntılar və quruluq keçdi.
108 gün: yüngül konyuktivit keçirən, heç bir simptom verməyən o biri gözüm batmağa başladı. Kiprik qalıb elə bil. Həkim məzuniyyətdə olduğu üçün telefonla danışdım, bu xəstəlikdən sonra uzun müddət göz quruluğu qalır, deksametazon tök dedi. O yandırdığı üçün eyelos qarışığı deksa tökürəm. Sakitləşir biraz.
N-ci gün: oktyabrın 30u və gözümdə aylardır batma, tük qalmış hissiyatı var. 1.5 aydır Keratodrop damcıladıram. 5 aydır tam sağalmamışam.

Tövsiyyələr: günəşə, küləyə qəti çıxmayın. Çıxası olsanız günəş eynəyindən istifadə edin. Gözünüzə pambığa batırılmış qaynanmış su ilə kompress edin. Çox soyuq olmasın. isti də sakitləşdirir. Bu həm də gecə göz qapağı yapışmalarını yüngülləşdirəcək.
Hər gün yastıq üzünü dəyişin. Evin hər yerini spirtləyin. Tez tez çimin, amma gözünüzü qoruyun, su dolmasın. Xəstə ikən adi oturanda belə özünə nifrət edirsən. Çimib bədəni sakitləşdirmək psixi olaraq kömək edir. Çox keçici xəstəlikdir. Hava damcı yolu ilə, sizin toxunduğunuz əşyalara başqalarının toxunması ilə sevdiklərinizə də bu zülmü yaşatmağınız çox asandır. Odur ki, hər kəsdən uzaq gəzin. Və ən əsası, əziz oxuyucu, Konyuktivitə qəni-qəni lənət oxuyun.
Heçözüdəbilmir bu murdar xəstəliyi də geridə qoydusa ölüm yoxdu ona iki cihanda.

2. gündən istifadə etdiyim dərman "Ayferon" hansı ki tapılması çox çətin oldu. 1 damcı. 14.47 azn.
Sonrakı saat "torax" 1 damcı. 10.44 azn
Belə-belə hər bir saatdan bir gözümə dərman tökürdüm. Dərman tökmək üçün dəqiqələri sayırdım. Ayferon çox pis yandırır. Torax sakitləşdirirdi.
Digər gözə keçməyinin qarşısını almaq üçün hər iki gözə də eyni dərmanları tökməyi tapşırmışdı doktor.
14. gündən "Virqan" göz üçün gel. 1 damcı, göz alt qapağına. 23.36 azn
Hardasa 18. Gündən ayferon bitdi.
"Eyelos" göz damcısı. Göz quruluğu üçün.
Kafama əsəndə tökürəm. 5.56 azn
Virus bədənə düşəndən sonra onsuz etdiyini edəcək, immuniteti qaldırmaqdır ən vacibidir. C vitamini gecikdirmədən alın. Mən fışıldayan tabletlərdən aldım. 20 ədəd. ~ 10 azn.
Deksametazon - 2.27 azn
Ozodrop - 18.4 azn
Keratodrop - 6.88 azn
Total: 91.30 azn.
Ozodropu doktor özü verdi sağolsun. Deyir "22 ildir doktoram konyuktivitin bu qədər şiddətli yayılıdığı ili görməmişəm. 8 il əvvəl yayılmışdı, amma bu il dəhşətdi"
Əlinizi gözünüzə vurmayın. Gözüzünü ovxalamayın.

3 dekabr: son mərhələdə deksa göz damcısı fayda verdi. Artıq qaşınmır gözüm.

Qeyd: bu mənin serüvenimdir. Ola bilər ki sizdə başqa cür keçsin. Əsasən immunitetdən aslıdır. Əgər hər hansı bir simptom hiss edirsinizsə qəti surətdə gecikdirmədən göz həkiminə gedin. Dərmanları səbrlə, vaxtı-vaxtında istifadə edin.

whatsappdan gələn son mesaj

şey, mən səni çoxistəyirəm... içimdən gəldi demək

Ulan! :'} səhər-səhər duyğulandırıldıq.
Və bunu yazanın geniş qəlbli təmiz biri olduğunu düşünəndə 10 qat artıq sevinirsən.

* boş başlıq dolduran heçözüdəbilmir? Sən nələrə qadirsən, qız.
* Sözlük var olduqca bu burda qalsın

semantik toxluq fenomeni

Bir sözü üst-üstə təkrar etdikdə dinləyici üçün mənasının itməsini açıqlayan psixolojik fenomen. Həmçinin bir sözü çoxlu-çoxlu görmək, yazmaq da beyinə eyni toxluğu yaşadır. Məsələn "yastıq" sözünü sürətlə təkrarlayın. Yastıq, yastıq, yastıq, yastıq.... Yastıq sözünü tətikləyən neyronlar bir yerdən sonra "toxluq"a çatır, "yorulur".

Bunun səbəbi isə yastıq sözünü eşitdiyinizdə və ya işlətdiyinizdə beyninizdə canlanan yastıq şəkli )bu hər hansı bir mücərrəd isim də ola bilər, fərq etmir. O sözün sizdəki qarşılığı, yaratdığı hiss( dəfələrlə alovlanır, dəfələrlə... getdikcə mənası zəifləyir və random hərf yığınlarından yaranmış mənasız səsə çevrilir. Beynimizin yaşadığı bu toxluq bəzən başqa bir sözə, mənaya da keçid edə bilir. yastıq - qəsd kimi. Ki bu da transformation effect adlanır.

Qeyd: uşaq vaxtı həmişə bunun niyə olduğunu başa düşməyə çalışırdım.

intihar edərkən dinləyəcəyimiz mahnılar

* Çox güman 1 il sonra 1 il əvvəl yazdığım "emosional" entrylər kimi keçərliliyi qalmayacaq mahnılar. Ona görə bas getsin prinsipi ilə hissetdirdiklərini şəpləyirəm.
Düşünəndə ki, mənim kimi psixologiyası güclü birinə * öz aləmində mahnılardan başqa heç nə kədəri bu cür hiss etdirib düşüncə buluduna soxa bilmir. Sırf buna görə duyğusuz insanlarla bölüşüb qulaqları ilə qulaq asmaqlarının şahidi olmaq istəmirəm.
Ancaq dözə bilməsəm də hər dəfəsində edirəm.
Amenra - A Solitary Reign

(youtube: )

sözaltı günlük

Ey qurbanolduğum * ? Bu başlığa heç vaxt yazmayacağımı yəqin edirdim. Səbəb və Ancağını başa salmağa ərindiyimdən direkt mövzuya bodoslama atlayıram. Bayaq Telefonumun iki metrdən kafelin üstünə atladığı kimi. Hal-hazırda bu entryni yazdığım telefonun ha.

Qadasını mən aldığım bu daşdəmir saat 5 sularında iki hissəyə ayrıldı. Ekran və telefon. adətən, insan əlindən nəsə önəmli bir şey düşürəndə ya həyəcanlanar, ya söyüb batırar. ən azından "offf" nidası işlədər. içində bütün private məlumatlarımı saxladığım )başqa heç bir yerə yazmamışam. Bir gün belə bir şeyin başıma gələcəyini bildiyim halda( mən vecimə almadan sadəcə lentasını birləşdirməyi yoxladım. mənim üçün gözlənilməz olsa da açıldı ekran. Ancaq Əslində açılmağını istəmədiyimi başa düşdüm o an.

Qulaqlığımın 1 saat cibimdə yuyulmasından sonra təzəsindən yaxşı işləməsi yadıma düşdü. * "Şans"a, "şanssızlıq"a inandığım deyil. ifadə etmək üçün Üstümdə nə qədər şanssızlıq və eyni zamanda da nə qədər şans olduğunu hiss etdim.

Arada yadıma düşəndə fikirləşirəm hansı ara, necə, nəydən sonra bu qədər vecsizləşdim. Niyə başım da qopsa "əşş başdı da, uzağı unicorn alaram, namım yürüsün" şeyindəyəm. )?(

təkcə mənmi edirəm deyə düşünülən şeylər

Kəlimələri sürətlə təkrar edib mənasının itməsinə şahid olmaq (bax: semantik toxluq fenomeni)

roustam

bu sifarişi verən: Nellie Crain
Səsi və özünəməxsus oxuyuşu ilə adamı istəmədən heyran buraxan musiqiçi.
Bilənlər bilir hələ-hələ heç kimə heyran olub baxmıram.
Ümumiyyətlə, baxmıram.
Ancaq yaşına və ölkənin musiqi standartlarına nəzər salanda qürur duyuram rüstəmlə.
Bu haqda deməyə çox şey var.
Bulud mahnısı uçmağı və başqa bir arzunu ürəyində yara etmiş insanların hiss edə biləcəyi bir mahnıdır. Yara demiş, yara klipində şirin mimikaları var, qızların könlün yakar bu uşaq xd

(youtube: )

(youtube: )

covid-19 əleyhinə vaksin olunan yazarlar

Pfizer vurdurdum ayın 5-i. Vaksindən 1 saat sonra bütün əsəblərim oyandı, hər şey qıcıqlandırmağa başladı. Neytral ruh halımın üstünə ilk 2 gün birdən-birə qapqara buludlar çökdü. Gərginlik teması placebo-zad deyil. Hələ də özümü ələ almağa çalışıram. Normalda dünya vecimə deyil. özüm belə vecimə deyiləm. Tanıyanlar bilir, ayaq serçə barmağım qapının küncünə dəyəndə gülən adamam.
Vaksin vurdurduğum gün axşam 7-də yuxu basdı yatdım. bir də səhər 6-da oyanmışam )o da məcbur(. Qoysalar 12-yə qədər yatacaqdım.
ilk 1-2 saat ürəkbulantısı, yüngül başgicəllənmə, 3 gün də qolda ağrı oldu.
iynə yerinə yapışdırılan yara bandını 5-10 dəqiqə sonra çıxartmaq lazım imiş. mən 1 gün saxlamışam * fetiş!?
4 gün keçdikdən sonra belə yuyunanda qaşınmağa başladı. Ən salamatı salafandan, şardan falan bağlayıb elə yuyunmaqdı. Çünkü qaşıntısı ayrı əsəbiləşdirir.
5 gün sonra varsa alkoqol həyatınıza geri dönə bilərsiniz.


Yaddan çıxan ikinci Doza editi: bütün əvvəlki simptomların çox cüzi forması. Bir az şiddətli olanı əsəb pozuntusu oldu. Ancaq 1 -2 gün.

hedonutopia

Yunan dilində "hedone" - həzz, "topia" - yer, məkan mənasına gələn, okyanus mahnıs ilə həzzmi, əzabmı verdiyi bəlli olmayan qrup.

(youtube: )