Nellie Crain

795 0 0 0

9. nəsil moderator

Entry: 795

life is coming back to me

blok başlıqlarını gizlət

lights, camera, action!

yazarların ruh halı

qolqota təpəsi

kitsune

sözaltı fotoqrafiya

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

həyata dair gülümsədən detallar

+84 əjdaha

Bayaq nənəm zəng edib, biraz nənəmlə, babamla danışdım. Nənəm deyinir ki, baban eləbil sibirdədir, elə bərk-bərk qalın geyinib. Pişik kimi də peçin yanında oturur. Öz aralarında zarafatlaşırlar, söz atırlar şirin-şirin.
babamla danışdım, hal-əhval tutdum. Sağollaşanda deyir kaş bir ekran, monitor ola, ürəyimizi göstərə sizi nə qədər çox istəyirik, nə qədər çox sevinirik uğurlarınıza. Gözüm doldu danışanda, ürəyim isindi.
nənəmlə sağollaşdım, telefonu söndürmədən qoydu kənara, eşidirəm mən də dediklərini. Babama deyir ki, bu uşaqlar irəli getdikcə bütün dərdimi, ağrılarımı yaddan çıxarıram, ürəyim sevinir.

indi təbəssüm yayılıb sifətimə, günün gərginliyi getdi üzərimdən. Sevilmək və sevildiyini görmək həqiqətən gözəl hissdir.

68 əjdaha! 12.11.2021 20:08, Nellie Crain

#339753 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözaltı günlük

+65 əjdaha

neçə gündü ürəyim partlayır, yazmasam olmaz. fikirlərimi ifadə etmək üçün daha uyğun başlıq da tapmadım, bura yazıram.

bir neçə gün əvvəl səngərdən olan videoda əsgərlərimiz arasında belə bir dialoq keçir:
+əziyyətiniz yerdə qalmasın.
-a.y.e jizn voram!
+zəhrimar, a.y.e-nin yeridi?
-şəhid olanda bu videonu paylaşacaqlar e mədəni olun.
+onsuz da mahnı qoyacaqlar da.
-hə, mahnı qoyacaqlar.

bir neçə gün əvvəl tanış qızlardan biri bu videonu whatsapp statusunda paylaşıb altdan o gülməkdən gözündən yaş gələn smileni qoymuşdu. mən isə videoya baxanda ürəyim ağrıdı. gör nə gündəyik ki, əsgərimiz deyir "onsuz da mahnı qoyacaqlar da". məncə gülməli deyil, əksinə çox ağır cümlədi. ölümü gözə alaraq cəhbədə vuruşursan və şəhid olsan ailəndən başqalarının sadəcə reyting xətrinə şəklini, videonu paylaşacağını bilirsən. vallah, çox acınacaqlı durumdur e. iyrənirəm artıq reyting xətrinə şəhidlərimizin, hərbçilərimizin, yaralılarımızın şəkil və videolarından istifadə edən bu cəmiyyətdən. sözün əsl mənasında ürəyim bulanır belə insanlardan. 2-3 dənə eyni mahnı, şəkillər, sonra da tiktokda, instada reyting güdmək.
uzaq tanışlarımızdan biri müharibə vaxtı itkin düşmüşdü, cəmi 19 yaşı var idi. ailəsi bütün xəstəxanalara, cəbhə bölgələrinə səs-soraq salmışdı təki sağ tapılsın deyə. 5 gün əvvəl nəşini gətirdilər, mühasirəyə düşüb şəhid olublar bir dəstə. səhərsi gün anamın telefonunda statuslara baxırdım. ambulansdan tabutu düşürəndə ətrafda 2 cürə insanlar var idi; göz yaşıyla ağlayan yaxınlar və əlində telefon, yaxşı çəkmək üçün bir-birini ayaqlayan iyrənc insanlar. hara gedir bu cəmiyyətin axırı?! dşünməkdən ağlımı itirəcəm. dərmanlar əsəblərimi sakirləşdirir amma kədərə heç nə etmir.

53 əjdaha! 24.11.2020 21:51, Nellie Crain

#311397 şikayət

bir azərbaycan qadınının təcavüz gündəliyi

+58 əjdaha

.

"bizim kişilər nə qədər yanıq olsa da, təcavüzə meyillilik azdr, yox dərəcədə".
buna deyən lazımdı ki, siktir get, onsuz sikilib beynin. bəzi dalbayovların beynində təcavüz təkcə məcburi cinsi əlaqədir. xeyr, marşrutda fürsət tapan kimi adamı əlləməyə çalışan daydaylar, tində adamı gözüylə rentgendən keçirən sülək qaqaşlar, düz yolla getdiyin yerdə arsızca söz atan əclaflar hamısı təcavüzkardılar. sadəcə əllərinə fürsət düşmür cinsi təcavüz eləsinlər.

bilmirəm bu statistikanı haralarından uydurublar. buna inanan varsa, day sözüm yoxdur. belə hallar azı 5 dəfə başıma gəlib, hətta çox.

ilk dəfə 8-ci sinifdə məktəbə gedərkən tində 2 əclaf durmuşdu. belə bir dialoq oldu:
"-nətərdi?
-bomba kimi"
ilk dəfə başıma gəlirdi deyə boğazım düşünləndi, əclafın gözünə baxıb "itoğlu" deməkdən başqa heç nə gəlmədi əlimdən. o da hırıldayırdı iyrənc-iyrənc. özümü öldürmək istəyirdim, özümə nifrət yaranmışdı. lezvayla qıçımı kəsirdim hirsimdən, çünki biləyimi kəssəm evdəkilərə hesabat verərdim gərək. çox çəkmişdi toparlanmağım. ilk travmam oldu təcavüz barədə, oğlanlara nifrət edib iyrənirdim onlardan. hamısından. amma keçdi zamanla, yenidən başıma gələnə qədər.

10-cu sinifdə məşğələyə avtobusla gedirdim. araxa qadın var idi, bir kişiylə qonşu idi deyəsən. "Şeytan bilsə ki sən varsan, heç doğulmazdı" dedi. bunu eşitdim, amma anlamamışdım. təsadüfən o kişinin oturacağının önündəki yer boşaldı, mən oturdum. hiss elədim ki, əli çiynimə, kürəyimə dəyir. dedim yəqin yanlışlıqla olub, biraz qabağa sürüşdüm. yox, yenə çiynimə toxunurdu. sonra... sonra hiss elədim ki, barmaqlarını oturacağın altından salıb məni əlləməyə çalışır. onda dərk elədim məqsədini. qışqırmaq istədim, amma səsim çıxmırdı. həm səsimi çıxara bilməzdim, işin üstü açılsa əclaf atamın əlindən sağ çıxmayacaqdı. üstəgəl kəndin ziyalı ailəsinin övladıyam, hamının dilinə düşərdim axı. hah, dümək qız özü şərait yaradıb! şokdan və hirsdən titrəyirdim, durub lap öndə ayaqüstə dayandım çatana qədər. məşğələdən qayıdanda həmin köynəyimi cırıq-cırıq edib atdım. hamamda bədənimi sürütürdüm, duş gelini bitirdim 2 saat içində. duşun altında diz üstə çökqb ağlamışdım, iyrənirdim özümdən. hamıdan iyrənirdim. hər cürə təmasdan qaçınırdım, kimsə yanlışlıqla toxunsa belə diksinirdim. fikrimi dərsimə verə bilmirdim, qorxu içində gəzirdim. mən hələ uşağ idim e, 40 yaşlarında adam nə qədər yanıq, cındır ola ki, əlinə, sikinə yiyə dura bilməyə. mən də uşaq ağlımla özümü günahlandırırdım ki, mayka geyinmirəm, yəqin altdan geyindiyim paltarın izi görünür, ona görə olub.

bir dəfə də yenə məşğələyə gedəndə qarşıdan 50-li yaşlarında bir kişi gəlirdi. dayandırıb soruşdu ki, aptek hardadır? dedim orada küçənin tinində. sonra şey dedi, "mənim qızım 8-ci sinifdə olub, başına bir iş gəlib. siz qızlara olur, nə deyirsiz? hə, aybaşı. elə olanda onun belini ovxalamaq, yaxınlaşmaq olar?". wtf, bilmirəm deyib qaçdım oradan. yenə heç kimə deməmişdim. iyrənc tünd bir parfüm vurmuşdu. bəzən metroda filan o qoxu yenə burnuma gəlir, istəmsizcə ətrafa boylanıb uzaqlaşmaq istəyirəm oradan. sonra qızlar məşğələdə danışanda eşitmişdim, həmin adam qızları dayandırıb belə gic-gic suallar verirmiş.

zamanla anladım ki, mənim günahım deyil. nə geyinməyimdən asılı olmayaraq, belə təcavüzkarlar hər yerdə doludur. artıq belə şeylərə qarşı əvvəlki kimi utancaq, səssiz deyiləm. anladım ki, utanmalı olan mən yox, onlardır. ən son metroda sürtünməyə çalışan əclafa səsimi qaldırıb "əlinə yiyə dur, evindəkiləri əlləyərsən" deyəndə rəngi atmışdı, səslərini çıxara bilmirlər elə olanda.

və saymadığım daha nə qədəri. bir ayağı məzarda olan, 70 yaşında kişi də gözünü zilləyib adama baxır, üzünə baxmağa iyrəndiyim çeçenka qaqaşlar da, arvadının əlindən tutub gəzən sözdə namuslu kişiciklər də. belə cındırlardan geriyə qalan isə travmalar, hər kiçik təmasdan qaçınmaq olur.

hələ də bu entrydəki kimi #318368 dölbeyinlər var. buna rəğmən ölkədə təcavüzü yox dərəcəsində sayan adam birbaşa şüursuzdur.

indiyə qədər heç bir entrydə bu qədər əzab çəkməmişdim yazarkən. kökləri kəsilsin.

46 əjdaha! 27.06.2021 18:21, Nellie Crain

#330864 şikayət

yasın beş mərhələsi

+58 əjdaha

(baxma: five stages of grief)
(bax: Kübler-Ross modeli)

1969-cu ildə isveçli psixiatr elisabeth kübler-ross tərəfindən ortaya atılmış modeldir. psixiatr bu barədə ilk "On Death and Dying" adlı kitabında bəhs edib. elmi araşdırmalar bu beş mərhələni tam olaraq təsdiqləmədiyi və insanların yas dövrünü fərqli keçirdiyi üçün əksəriyyət tərəfindən bu model qəbul olunmur və boş fərziyyə hesab edilir.

yas - yaxınından ayrılıq, boşanma, ölüm, ölümcül xəstəlik sonrası hiss edilən ağır kədər və iztirab duyğusudur. bu modelə görə, yas tutan insan 5 mərhələdən keçir.

1. inkar mərhələsi
bu mərhələdə insan reallığı inkar edir, qəbullanmır. gerçəklikdə yox, bir növ yaşamaq istədiyi düşüncələr içində yaşayır. bir növ bədənin müdafiə mexanizmidir, şok və inkar duyğusu insanı uyuşdurur, belə ani və ağır dəyişikliyə qarşı durulur. inkar mərhələsindən çıxmağa başlayanda insanın basdırdığı duyğular üzə çıxır və ağır kədər yüklənir.
məsələn, ağır xəstəlik diaqnozu zamanı inkar etmək, analiz cavablarının yanlış olduğu düşünmək. daha sonra reallıq ağır gəlir.

2. qəzəb mərhələsi
bu mərhələdə insan reallığı qəbullanır, basdərdığı duyğular qəzəb və küskünlük şəklində ortaya çıxır. bir növ maskalanma mexanizmidir. insan baş verənlərin özünə qarşı ədalətsizlik, haqsızlıq olduğunu düşünür. hirsini qarşı tərəfə tökür, başqalarını günahkar görür.
məsələn, ayrılıq zamanı qarşı tərəfin ona pis davrandığını deyib nifrət ifadələri işlədir.

3. şərtləşmə, sövdələşmə mərhələsi
insanın ümid, tutunacaq çarə axtardığı mərhələdir. xüsusən tanrıya üz tutulur - məsələn, "allahım, bu iş düzəlsin, bir daha bu yanlışları etməyəcəyəm". ya da "kaş belə etsəydim", "əgər belə etsəm", "bəlkə belə olsa" deyə ümid yeri axtarmaq. insanın kədərdən qaçıb ümid yeri axtarması.
məsələn, intihar edən dost haqqında "əgər keçən dəfə yazsam, görüşsəm, bəlkə özünə qəsd etməzdi" düşüncəsi.

4. depressiv mərhələ
yasın səssiz dövrlərindən biridir, insan özünü dibdə hiss edir, çıxış yolu görmür, tükənir. reallıq ağır gəlir, ümidsizlik bürüyür. həyatının geri qalanı ilə nə edəcəyini bilmir.
məsələn, birinin ölümündən sonra artıq həyatın mənasız görünməsi, davam etməyin mənasız olduğu düşüncəsi.

5. qəbullanma mərhələsi
insanın reallığı qəbullanıb davam etməli olduğunu anlama mərhələsidir. qəbullanma mərhələsi insanın xoşbəxtliklə dolub kədərdən uzaqlaşması demək deyil. sadəcə, reallığı qəbul edirsən və sonrakı seçimlər, addımlarda bunu nəzərə alırsan. insanın mental durumunun stabilləşdiyi dövrdür. ağrı qəbul edilir artıq, edəcək bir şey olmadığını bilirsən.
məsələn, çox sevdiyin, lakin toksik münasibətdə olduğun sevgiliylə ayrıldıqda bunun hər ikiniz üçün yaxşı olduğunu dərk edirsən.

44 əjdaha! 09.09.2021 17:42, Nellie Crain

#335964 şikayət

sözaltı art

+47 əjdaha

"i'm not in danger i'm the danger".

39 əjdaha! 30.11.2020 02:20, Nellie Crain

#311959 şikayət

asan görünən amma əslində çətin olan şeylər

+52 əjdaha

(bax: Dərs oxumaq)

Kənardan lap asan görünür valideynlərə, bir də xüsusilə qonşudakı qeybətcil xalalara.
məşğələ vaxtı anam deyirdi ki, hər şərait var oxumağın üçün, adam kimi dərs oxu. amma vallah, dərs oxumaq, yəni zehni iş adamı fiziki işdən çox yorur. abituriyentlərə ona görə çox yazığım gəlir, hamı "heç nə etmirsiz, dərs oxumaqdı da" deyir, amma onların işləri lap çətindi. hələ ki, ailələrin gözləntiləri yüksəkdirsə.
abituriyent vaxtı qonşularımız da deyirdi "az nağarır ki, məşğələyə gedir gəlir də, oxumağa nə var"...
Universitetə qəbul olub sosiallaşdıqdan sonra daha da çətinləşir oxumaq. Fikrin telefonda, sözlükdə, görüşəcək dostlarda qalır. Sən isə oturub dərs oxumalısan. Asan görünsə də işgəncə kimidir bəzən.

44 əjdaha! 01.02.2021 20:53, Nellie Crain

#319063 şikayət

sözaltı səhnəcik

+38 əjdaha

Hekayə üçün animasiya hazırlamağı düşündüm, amma sonra həm həvəsim qaçdı, həm də gördüm götüm üçün deyil. part ı olan obrazların tanıtım videosunu hazırladım.
not: qrafiklərin heç biri reallığı əks etdirmir, hamısı xəyal məhsuludur və əyləncə məqsədlidir.

(youtube:

)

iştirakçıların siyahısı:
(bax: kafkanın playboy jurnalları)
(bax: fantamaz)
(bax: haillucifer)
(bax: omnia mutantur nihil interit)
(bax: kəllə-paça)
(bax: nellie crain)
(bax: Reyn)
(bax: eva zaynn 13)
(bax: mariya kürüsü)
(bax: sarayfüqərası)
(bax: apollo)
(bax: exlaqsızexlaqlı)
(bax: Hərtərəfli insan)
(bax: aygun_news)
(baxma: itsmesabi)
(bax: burdan qubadlıya qədər gedən adam)
(bax: bakirfikir)
(bax: albert einstein)
(bax: timidus)

29 əjdaha! 22.07.2021 23:36, Nellie Crain

#332619 şikayət

sözaltı art

+38 əjdaha

kim olduğunu tapanlara göydən 3 alma tullayacam!

31 əjdaha! 10.05.2021 15:47, Nellie Crain

#327226 şikayət

bakıda rahat öpüşməyə yerlər

+59 əjdaha

"biraz açıq yerlərdə öpüşəndə camaatın anası-bacısının narahat olduğunu nəzərə alsaq, faydalı bir neçə məkan qeyd edəcəm.
ümumiyyətlə, göz önündə öpüşməyin tərəfdarı deyiləm, gözdən uzaq rahatçılıq daha yaxşıdır.. -*
"gedin saatlıq evdə ya oteldə öpüşün aq" deyənlərə indidən deyim ki, virus təhlükəli saatlıq evlər, yaxud nikah şəhadətnaməsiz buraxılmayan otellər sevişməyə lazım olar, öpüşməyə sərf eləmir.
nəysə, sözü çox uzatmadan keçim entryə.

1. içərişəhərdə Əzim Əzimzadə parkı.
parkda "Old Garden" restoranı var, onun arxa(yaxud yan, not sure) tərəfində düz barının dibində skamya var. qısa müddətli öpüşlər üçün işə yarayar. amma restoran işçiləri hər an polisə zəng edə bilər, ayıq olun.

2. içərişəhərin kimsəsiz küçələri.
mərkəzdən uzaqlaşdıqca dar küçələr var, orada ayaqüstü öpüşə bilərsiz. çox da rahat sayılmaz əslində.

3. dağüstü park.
yağışlı, tufanlı havada tam rahatlıqla, uzun-uzun öpüşməlik yerdi. məzarlar olmayan tərəf ağacların arasında skamlayalarda oturub rahat ola bilərsiz. onsuz soyuq təsir etməyəcək. -* amma hava yaxşı olanda polis çox olur, tutulsaz zibilə düşəcəksiz. işçilərin polislə əlbir olma ehtimalı böyükdü.

4. dərnəgüldə dəmiryolunun kənarı.

öpüşmək üçün rahat, amma oturmaq üçün narahat yerdi. otlar paltarınıza yapışsa da, öpüşməyinizə kimsə qarışmayacaq. sadəcə arabir adamlar keçir, ayıq olun.

5. BDU'nun yanındakı park.
öpüşmək olar, amma rahat öpüşmək mümkün deyil. çünki adam çox olur, + uşaqlarıyla gələn xeyli valideynlər. qısa öpüşlər olar, amma rahat olmayacaqsız.

6. Cyrstall Hall ətrafındakı skamyalar və bayıl burnu adlanan ərazi.
velosipedlə gedə bilərsiz, o tərəflərdə adam az olur. xüsusilə qaranlıq düşəndə rahat-rahat öpüşə bilərsiz.

7. qəbirstanlıq.
öpüşmə istəyinizi tam doyura biləcəyiniz əvəzsiz məkan. inandırıcı olmaq üçün girişdə qərənfil ala bilərsiz. ölülərdən başqa kimsə görməz öpüşdüyünüzü. bəlkə arabir mollanı görərsiz, ya da qəbirlərə cadu basdıran xalaları. birazca ayıq-sayıq olsaz 0 xətayla doyunca öpüşərsiz. sizə hansı qəbirstanlıq rahat olsa onu da seçin.

hələ ki, ağlıma bunlar gəldi. yadıma düşdükcə editləyərəm.

48 əjdaha! 09.06.2021 19:15, Nellie Crain

#329437 şikayət

acı uşaqlıq xatirələri

+37 əjdaha

təxminən 5-6 yaşım olan olan vaxtlar imkanımız çox zəif idi. atam hələ təzə-təzə banka işə girmişdi. 2 yaş böyük bacım mənə öyrətmişdi ki, atamdan heç nə istəmə alması üçün, pulu çatmır deyə pis olur atam. maaşını alanda özü alacaq* həqiqətən də alırdı .
bir dəfə həyətdə oynayanda atam soruşdu ki, nə alım sənə? mən də bacımın sözlərini xatırladım, "heç nə istəmirəm" dedim. amma ağlım kəsmirdi deyə yoqurt sevdamdan keçə bilmədim, "amma maaşını alanda mənə yoqurt alarsan, indi pulunu xərcləmə" dedim.

atamın gözləri dolmuşdu, heç nə demədi, gülümsədi. o baxışı unuda bilmirəm əsla... çarəsizlik, kədər və sevgi dolu idi. axşam işdən gələndə çoxlu yoqurt almışdı.
elə bilirdim maaşını alıb, sevinirdim...

28 əjdaha! 13.06.2021 16:34, Nellie Crain

#329640 şikayət

sözaltı art

+38 əjdaha

"escape 'till the sunset"

"when life give you lemons, just capture it and paint!"

30 əjdaha! 10.06.2021 15:58, Nellie Crain

#329485 şikayət

zamanla geridə qaldığı üçün darıxılan şeylər

+36 əjdaha

Disiplin, həvəs, çalışqanlıq və inam.

Bayaq evdə abituriyent vaxtından saxladığım sınaq nəticələri və bəzi qeyd dəftərlərimə baxırdım. Sınaqlarda 25/25 düz yazdığım riyaziyyat, kimya və digər fənnlər olub. nə qədər effort, inam sərf edirdim. indi ortada heç nə qalmayıb. Abituriyent vaxtı ya uni, ya da ölüm kimi beynimdə idi hər şey, qəbul olmasam dünyanın sonu kimi görürdüm deyə bəlkə o qədər çaba sərf etmişəm, survival modda idim rəsmən. Sanki bütün enerjimi onda sərf etmişəm. indi heç bir imtahana, ümumiyyətlə, vacib heç nəyə elə hazırlaşa bilmirəm.
Biologiya dəftərim var idi, nə qədər qeydlər yazırdım. Məşğələdəki hamı dəftərimi götürüb köçürürdü. Tək dəftərimdir ki, başdan sona yazmışam. Həmişə bütün dəftərləri yarımçıq istifadə edirəm.
indi amma heç nəyi düzgün yazmıram, hər şey, hərəsi bir dəftərdə, yarısı kompüterdə, yarısı telefonda, yarısı sözlükdə.

Bəlkə də, böyüdükcə insan anlayır heç nəyin ölüm qalım məsələsi olmadığını.
Amma o zamankı disiplin, gələcəyə ümid və çalışqanlığım indi olsaydı kaş.
Bu da belə bir təəssüratlarımdır...

27 əjdaha! 10.09.2023 14:01, Nellie Crain

#378460 şikayət

sözaltı meme

+39 əjdaha

31 əjdaha! 12.08.2022 00:04, Nellie Crain

#356985 şikayət

sözaltı art

+34 əjdaha

(bax: le petit prince)

28 əjdaha! 04.06.2021 22:41, Nellie Crain

#329181 şikayət

iyə

+34 əjdaha

Kökü qədim türk dillərindən gələn, təbiətin qoruyucu ruhlarına verilən ümumi ad. Gözəgörünməz, xoş niyyətli varlıqlar sayılırlar və olduqları yeri qoruyurlar.

Azərbaycan və digər türk elləri mifologiyasında adları keçir. Demək olar ki, hər şeyin öz iyəsi var. Torpaq, duman, meşə, ev, məscid, alov, hava, su və s. aralarında ən müqəddəs sayılanı su iyəsidir.
Ərdov Su ruhunu təmsil edən mifik varlıqdır.
Suda yaşadığı deyilən ərən adlı mifik varlıqlar var ki, suyun ruhuna bağlıdırlar və suyu qoruyurlar.
Azərbaycanda çox məşhur olmasalar da, digər türk ellərində daha çox inanc var iyələrə.

27 əjdaha! 03.07.2022 17:23, Nellie Crain

#353240 şikayət

creep

+34 əjdaha

sözləriylə insanın ürəyinə ağrı salan, kövrəldən, "mən niyə yaşayıram ki" dedirdən *radiohead*in ən tanınmış mahnılarından biri.
bilmirəm nə yaşayaraq yazılıb bu sözlər, amma insana çox təsir edir. bu mahnı radiohead başlığına yazmaq əvəzinə "creep" deyə başlıq açmağa məcbur etdi məni.
indiyə qədər qulağ asırdım, amma heç vaxt sözlərinə diqqətlə fikir verməmişdim. o gün avtobusda olarkən diqqətlə dinləyəndə ürəyimə ağrı saplandı eləbil.
"I want you to notice
When I'm not around
So fuckin' special
I wish I was special"
cümlələrə bax bir... hələ qulağ asarkən ağlına kimsə gəlirsə, eyvah onda. nə məcbur idi bizi belə yaralamaq?
mənə görə, qrupun ən gözəl mahnısı olmasa da, sözlərinin gözəlliyi və dərinliyi danılmazdır.

(youtube:

)

When you were here before
Couldn't look you in the eye
You're just like an angel
Your skin makes me cry
You float like a feather
In a beautiful world
I wish I was special
You're so fuckin' special
But I'm a creep
I'm a weirdo
What the hell am I doin' here?
I don't belong here
I don't care if it hurts
I wanna have control
I want a perfect body
I want a perfect soul
I want you to notice
When I'm not around
So fuckin' special
I wish I was special
But I'm a creep
I'm a weirdo
What the hell am I doin' here?
I don't belong here
She's running out the door (run)
She's running out
She run, run, run, run,
Run...
Whatever makes you happy
Whatever you want
You're so fuckin' special
I wish I was special
But I'm a creep
I'm a weirdo
What the hell am I doin' here?
I don't belong here
I don't belong here

26 əjdaha! 22.03.2021 20:17, Nellie Crain

#322680 şikayət

bilmədiyi mövzu haqqında danışan insan

+31 əjdaha

bu sifarişi verən: benedictus
isanda ikrah hissi oyandırıb ürək bulandıran insandır.
son vaxtlar da yaman çoxlayıb hər yeri başlarına götürüblər. xüsusilə müharibə mövzusuna hamı nə gəldi yazır, eləbil hamısı politoloq zaddı. bu gecə (11.10.2000) Gəncəyə raket atılması ilə bağlı xəbərlərə baxıram you tube-da. xəbərləri hazırlayan türk mediasıdır. bizim ağıllı adamlarımız yenə öz şərhlərini böyük hərflərlə əsirgəmirlər:
"BU ALiYEV NiYA VURMUR O YEREVANI QOY GORSUNLAR GUNLARiNi. HARDASAN AY ERDOGAN UMiDiMiZ SENEDi AT BOMBANI ONLARIN BAŞINA. PUTiN QALAT ELiYiR BiLARiK Ki ERMANiLARi YER ÜZÜNDAN SiLiB OLDUK. ALLAHU AKBAR * göyü göstərən barmaq emojisi "
altdan da özü ağıldakılar tökülüşüb ki, hə qaqaş ağzına sağlıq düz deyirsən. hə blət, bircə siz ağıllısız! fikirləşməyib ki, yerevanı bombalasın, putini saymasın? heyif, bu dölbeyinlər qədər ağılları çatıb fikirləşmir heç kəsin!
tək siyasət deyil, hər sahədə var bilmədiyi mövzu haqqında alim kimi danışanlar. koronavirus, din, neft, valyuta və s. hamısını küçə söhbəti edib özlərincə mühazirə yürüdürlər. *rumpeltelskin* demiş, ağızları asfalta sürtüləsidi.

25 əjdaha! 11.10.2020 08:53, Nellie Crain

#306075 şikayət

sözaltı sözlük e-kitab arxivi

+33 əjdaha

25 kitablıq big ideas kitab seriyasının 17 kitabının yandex linkləri. çox super kitablardı, oxuduqca oxumaq istəyirsən. əjdahalayıb keçməyin, bir göz atın mütləq. philosophy və movies xüsusən maraqlıdı. digərlərini də tapım linkləri əlavə edəcəm.

the sherlock holmes book:
https://yadi.sk/i/3ZiEQ18ob7SFng
the shakespeare book:
https://yadi.sk/i/ko7ZyXSmPtr6_Q
the math book:
https://yadi.sk/i/4-l4A8R3RsAv1g
the movie book:
https://yadi.sk/i/mmlEx8Chy7Ehrg
the economics book:
https://yadi.sk/i/73IMVpy-lGVLCg
the psychology book:
https://yadi.sk/i/BOlgrr51W8eLeA
the science book:
https://yadi.sk/i/ssdHjQUIcWGt1w
the business book:
https://yadi.sk/i/nwO7K6_U0S3y4A
the crime book:
https://yadi.sk/i/dvAZ_YI3wQstvA
the religions book:
https://yadi.sk/i/q69K5UQDspVR9w
the classical music book:
https://yadi.sk/i/FRkGiWB6V6_ttQ
the mythology book:
https://yadi.sk/i/q70wc_f5noOdAw
the philosophy book:
https://yadi.sk/i/4BplF_tuGWMfMA
the art book:
https://yadi.sk/i/cho-ehvI2I-V5Q
the history book:
https://yadi.sk/i/6o4ssSjyR3lcmw
the feminism book:
https://yadi.sk/i/vdygrp_LFQjqwQ
the politics book:
https://yadi.sk/i/HDjeUt3HICP6OQ

bir də əlavə olaraq *marvel cinematic universe* ensiklopediyası var. bütün marvel personajları haqqında keyfiyyətli və şəkilli məlumatlar. marvel fanları göz atsın bir.
https://yadi.sk/i/LDdobSTN09v2tw

not: bütün pdflər ingilis dilindədir.

23 əjdaha! 02.12.2020 10:59, Nellie Crain

#312199 şikayət

azərbaycanda dəb halına gələn peşələr

+36 əjdaha

(baxma: təlimçi)
(baxma: şəxsi inkişaf koçu)

göz dəyməsin, baxırsan 5 nəfərdən 3-cü şəxsi inkişaf, motivasiya təlimləri keçir. hamısı da 20-25 yaşlılar. həyatda ən böyük uğuru 100 nəfəri zoom görüşünə yığmaq olan şəxs uğura gedən yol haqda məsləhət verir. karantindən sonra da lap çoxaldılar. axırda da iştiraka görə heç nəyə yaramayacaq, random appdə düzəldilmiş sertifikat verirlər.

karantin təzə başlayan vaxtlar qruplardan birinə elan atmışdılar, spikerin köhnə məşğələ yoldaşım olduğunu görüb facepalm elədim. hansı ki, riyaziyyat məşğələsində eyni qrupda idik, düzəməlli oxumurdu heç, avaranın biri idi. müəllim də ciddi adam idi, oxumadığına görə qovmuşdu. indi "uğurlu olmağın yolu" deyə təlim keçir. -* nitq qabiliyyəti desən o da yox idi heç. özü inkişafa çatmamış insan başqalarına necə ağıl öyrədir, maraqlıdı mənə.

30 əjdaha! 12.01.2021 20:52, Nellie Crain

#316913 şikayət

comptia a+

+33 əjdaha

*Computing Technology Industry Association** Hesablama Texnologiyalarının Sənayesi Assosiasiyası ın sertifikasiya proqramı, ya da sertifikatı deyək. Nəhayət bu gün əldə etdim mən də, sevincimi sizlə bölüşüm jeje.

Qısaca məlumat versəm, CompTIA A+ sertifikatı namizədin kompüterin aparat və proqram təminatı üzrə ixtisaslaşdığının göstəricisidir. *iT* sahəsində olan beynəlxalq səviyyəli sertifikatlardan biridir. *Microsoft*, *Oracle*, *Cisco*, *Dell*, *HP* kimi şirkətlər də dəstəkləyir sertifikatı.

CompTIA A+-in ən son versiyası CompTIA A+ 2015 Edition sayılır. Sertifikatı əldə etmək üçün iki imtahandan keçmək lazımdır: CompTIA A+ 220-901 və CompTIA A+ 220-902.

CompTIA A+ imtahanları başlanğıc səviyyədə olan iT mütəxəssislərə lazım olan bacarıqları, ən azı 12 aylıq iş təcrübəsi və ya laboratoriya şəraitində iş bacarıqları nəticəsində əldə etdikləri bilikləri qiymətləndirir ümumən. Əsas olan müştərinin tələbləri əsasında komponentləri yığmaq bacarıqlarıdır. həmçinin, qurğuları, kompüterləri və proqram təminatını quraşdıra, konfiqurasiya edə və lazımı işləri bacarmaq lazımdır. Bir də şəbəkə və təhlükəsizlik texnologiyalarının əsaslarını başa düşülməlidir.

Sertifikatın yararlılıq müddəti 3 ildir. Sertifikatı təzədən təsdiq etmək üçün ən son A+ imtahanlarından keçmək və ya CompTIA-nın Davamlı Təhsil (Continuing Education, CE) proqramına qatılmaq lazımdır. CE proqramı müvafiq sənaye biliklərinin başa düşülməsini göstərən təsdiqlənmiş tapşırıqlara cəlb olunmaqla Continuing Education Units (CEU) qazanmaq imkanı verir. A+ sertifikatını yeniləmək üçün iyirmi CEU əldə etmək və CE proqramına illik 25 dollar ödəniş etmək lazımdır.

Cisco CCNA, CompTIA Network+ və Microsoft MCSE kimi sertifikatları A+ sertifikatından sonra alan zaman CEU-lar tam şəkildə əldə edilmiş olur. CE proqramı haqqında ətraflı məlumat da CompTIA-nın saytında var.

26 əjdaha! 28.04.2022 22:47, Nellie Crain

#349195 şikayət

pantural

+32 əjdaha

.

bu çıxışı ilə bir daha sübut etmişdir ki, elmlə hər şey olmur, gərək adamın qabında olsun düşüncə. 3d max-ı super bilsə də, tipik mentalitetçi qaqa qəlibindən çıxa bilməyib hələ.
əclaf, sənə girib-çıxanı yoxdur kim nə geyinir. təhrik olursansa, nəfsini tərbiyə eləməyi öyrən. "təbiətim gərəyi" deyib heyvani instiktlərini əlində bayraq etməklə deyil, adamın gərək düşüncəsi olsun. təbiəti ortaya soxursansa onda açıq geyinənlər də təbiəti gərəyi özünü göstərmək istəyir. əlinə, sikinə, nəfsinə yiyə dura bilməyən belə potensial qatillər var.
potensial təcavüzcü olduğunu konkret göstərmişdir, psixoloji müalicəyə ehtiyacı var əclafın:

şübhəsiz, mentalitet keşikçiləri adama arxa-dayaq durur. hamısının qanına sinib cahillik.

sırf geyiminə görə hansısa gijdıllağın səni əlləməyi, zorlamağı özünə haqq görməsi adamı hər şeydən diksindirir.

28 əjdaha! 11.07.2021 22:33, Nellie Crain

#331913 şikayət

sözlükdəki qız yazarlar

+35 əjdaha

8 mart münasibətilə təbrik etdiyim əziz yazarlarımızdır. tək bu gün deyil, hər gün özünüzü dəyərli hiss edin, çünki hamınız çox dəyərlisiz * elə oğlan yazarlarımıza da aiddi bu .
bu mahnı da məndən sizlərə:

(youtube:

)

27 əjdaha! 08.03.2021 11:25, Nellie Crain

#321745 şikayət

kiçik xoşbəxtliklər

+30 əjdaha

sevgilimin verdiyi kitabı oxuyarkən təsadüfən səhifənin arasında onun saç telini tapdım... refleks olaraq saçı götürüb kənara atacaqdım, birdən fərqinə vardım onun saçı olduğunu. ürəyim elə həyəcanla atdı ki, qəlbimə elə xoşbəxtlik doldu ki, bir neçə dəqiqə hipnoz olmuş kimi saça baxaraq qaldım.
bəzilərinə mənasız görünə bilər. lakin insan aşiq olub üstünə də uzaq məsafəli münasibət yaşayanda bir saç telindən belə xoşbəxt ola bilir... indi sanki səhrada sərin bulaq tapmış kimi hiss edirəm özümü. çox xoşbəxtəm, çoox.
beach house - space song

(youtube:

)

25 əjdaha! 16.08.2021 23:19, Nellie Crain

#334312 şikayət

sözlük yazarlarına iradlar

+31 əjdaha

nöqtə və vergüllərdən sonra boşluq qoyun. adamın gözü çıxır oxuyanda. bəziləri hələ durğu işarələrindən əvvəl boşluq qoyub sonra qoymurlar, bu da başqa aləmdir.
sırf başlıq açıb entry yazmaq xətrinə başlıq açmayın. başlıq açanda da çalışın entrynizdə tanım olsun. 1 cümlə copy-paste yazmaq sizi sözlük yazarı etmir.
entryniz ardıcıl olaraq eyni səbəbdən xəbərlənir ya düzəldilirsə, qaydalara bir göz atın. entrylərdə ":d, ))), ;)" kimisindən smaylik istifadə etməyin.
ən əsası, yersiz söyüş və təhqirlə entry yazmaq sizi bomba birisi kimi göstərmir.
(bax: sözlüyü rahatlamaq üçün qəhbəxana zənn etmək)

23 əjdaha! 16.11.2020 22:38, Nellie Crain

#310735 şikayət

sözaltı etiraf

+31 əjdaha

özümdən çox narahatam.
gələcəyimdən çox narahatam.
artıq həyatımın ipləri əlimdən çıxırmış kimi hiss edirəm və necə toparlayacağımı da bilmirəm.
maddi və mənəvi tükənmişlik də bir tərəfdən.

Yeniyetməlik vaxtlardan baş qaldırıb uni vaxtlarında birtəhər öhdəsindən gəldiyim anger issues, əsəbilik, aqressivliyim yenidən baş qaldırır. qonaq getdiyimiz yerdə ağzını marçıldadanlara görə süfrədə hirsimdən çəngəli əlimə batırmaq, sırf insanlara əsəbiləşirəm deyə günlərlə evdən çıxmamaq, qab-qacaq sındırmaq, dərman içib yataqda gün keçirməklər bir-birini izləyir son 1 həftədir. it kimi qapıram hamını. Arada özümü sosiallaşmağa məcbur edib planlar qururam, amma son dəqiqə cancel edirəm. Canımı sıxır hər şey. Bayaq da otaqdakı ağcaqanada əsəbiləşib hirsimdən ağladım. Tab gətirə bildiyim sayılı insan var.
həmişə nifrət etmişəm deyingən insanlara. Bu aralar mən də deyinirəm hər şeydən, öz-özümə olsa da əsəblərimi pozur. Kassada sıra gözləmək əvəzinə ağzımın içinə girən xalanın başına çırpmaq istəyirəm aldığım makaronu. Eskalatorda sol tərəfdə dayananları dartıb aşağı itələmək istəyirəm. Ağzını marçıldadanların sifətinə boşqab çırpmaq istəyirəm. Kafedə hörpüldədib nəsə içənlərin sifətinə qaynar kofe atmaq istəyirəm. Səsim tutulana qədər çığırıb içimdəki əsəbi, nifrəti, aqressiyanı tökmək istəyirəm.

yorulmuşam. və normal bir insan olub sakit həyat yaşamaq istəyirəm.

24 əjdaha! 03.07.2023 02:13, Nellie Crain

#374646 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

Nellie Crain

son bəyənilənlər:

oxuyucuların bəyəndikləri: