accept

dünyanın ən underrated qrupudur. 1968-də almaniyada qurulub amma 1976-a qədər band x olaraq çalıblar. udo dirkschneider yəni köhnə vokalistləri möhətşəm vokal istedada malikdir. bildiyimiz u.d.o qrupunun qurucusu olan udo.
1-2 ay əvvəl random bir metal playlistində amamos la vida ilə ilk dəfə tanış olmuşdum acceptlə. ondan sonra kill the paini görüb mahnıya qarşı platonik hislər bəsləməyə başladım. bu kill the pain dünyanın ən mükəmməl amma yenə də underrated qalmış mahnılarındandır. həm də məncəsiz filan çünki metal dinləyən də dinləməyən də sevər bunu. bir guitar solosu var ki,dream theater sololarını belə ötüb dünyanın ən super guitar solosu laureatıdır. bu şahəsərin vokalisti də mark tornillodur. amma açırsan youtubeda dinlənməsi azdır. bəlkə də mənim kimi başqalarının da mahnını paylaşa bilməyəcək qədər içsəlləşdirməsindən ola bilər. gecə dinlənəndə biraz punch in the gut effekti verməsi ehtimalı yüksəkdir.

(youtube: )

(youtube: )

uşaqlıqda heyvanlara verilən işgəncələr

burda dəhşətli işgəncə entryləri yazanların hazırda dahmer olduğunu və gələcəkdə qurbanlarının üzə çıxacağını düşünürəm lol. mən uşaq olanda heyvanlarla həqiqətən heç işim olmurdu. hətta bir dəfə bizə gələn bir qonaq ayaqqabısı ilə bir uğur böcəyini əzmişdi. biz də onu götürüb basırıb salfetkadan qəbir daşı düzəltmişdik. anadan olduğu vaxtı da bilmədiyimizə görə elə həmin ili yazmışdıq üstünə. bir dəfə də həyətdəki pişiyin balası ölmüşdü heç 1 yaşı olmamışdı. onu da atam basdırmışdı biz də qəbir daşı düzəldib üstünə ölüm və doğum ili yazmışdıq altına da adını. səhvən koma vəziyyətinə düşmüş arıları,milçəkləri də müalicə etməyə çalışırdım.sadəcə bədbəxt qarışqalara qarşı biraz pis münasibət bəsləyirdim deyəsən ki,qarışqanın birini qayçının kəsən ucuna birini tutulan yerinə qoyurdum,qayçını bağlayanda ikisi də ölürdü. bəzən də qarışqaları salırdım razetkanın içinə üstündən tok qoşurdum heç fəxr eləmirəm elədiklərimlə whahaj. bir də işgəncə sayılmaz bu amma hörümçəkləri tiktak qutusuna salıb akvariumda tarantula saxlayırmış kimi hiss edirdim özümü. sonra da qutunun üstünə deşiklər açıb ordan hava yemək filan verirdim. hə sonra onlar öləndə onlara da qardaşımı çağırıb bir yerdə qəbir daşı düzəldirdik. mən qəbir daşı düzəldən olamalıymışam deyəsən peşə olaraq lol.
edit:həə indi yadıma düşdü böyük ölçülü heyvanlara dəyməməyimdə anamın “bir qohumun uşağı balaca olanda pişiyin ayağını kəsib indi özünün bir ayağı o birindən qısa qalıb” deməyinin də payı var idi.

günəş kremi

#372015 bu entrydən də yola çıxaraq bir əlavə olaraq mən də günəş kremi barədə bildiyim hər şeyi paylaşmaq istərdim.
ilk növbədə günəş kremi müxtəlif dərəcəli spf yəni sun protection factora malik kremlərdir. müxtəlif nəmləndirici və ya anti-age kremlərinin üzərində də çox zaman bu spf yazısını görə bilərsiniz. əsasən ən geniş istifadə olunan günəş qoruma faktoru 15 ,30 və ya 50 olur. bəzən insanlar belə də bir yanılmaya düşür ki faktor nə qədər çox olarsa o qədər uzun müddət qoruma təmin edir ancaq əslində faktorun yüksəkliyi sadəcə günəş şüalarının hansı hissəsindən qorunacağınızı bildirir. ancaq spf 30 ilə 50 arasında düşünülənin əksinə böyük bir qoruyuculuq fərqi yoxdur. spf 30 uv şüalarının 96 faizini,spf 50 isə 98 faizini bloklayır. bir çox dermatoloqlar spf 30 üstü günəş kremlərini tövsiyə edir.
günəş kremləri qoruyucu xüsusiyyətinə görə fiziki/mineral və ya kimyəvi olur. mineral günəş kremləri üzün səthində qalxan kimi durub günəşi bloklayır. kimyəvi olanlarsa dəriyə əmilir. qiymətlər hamımıza məlum olduğu kimi dəhşət dərəcədə yüksək olsa da hazırda ən əlçatan və keyfiyyətli spf la roche posay anthelios günəş kremidir. bu həm də fluid olduğuna görə belə yapış- yapış krem təsiri bağışlamır,dəridə yağlı hiss qoymur amma parladır. yağlı dərilərə tövsiyə edilməkdədir. bu da mineral günəş kremidir.
bir də günəş kremlərinin tərkibi barədə bilməli olduğunuz şey odur ki,tərkibcə bunlar əsasən iki cür olur: titanium dioxide və zinc oxide günəş kremləri. titanium dioxide fda tərəfindən external use yəni kənari istifadə üçün təsdiqlənmiş olsa da kanserogen riski daşıyan bir maddədir. ancaq təcrübələr göstərib ki zinc oxide kremlər də titanium oxide kremlər qədər qoruyuculuq göstərmir. burası biraz problemli məsələdir. bir də bir sıra başqa maddələr var ki günəş kremi alanda içində olmamasına diqqət yetirmək lazımdır. bu qadağan maddələrdən əsas istifadə olunanları octocrylene, homosalate, triclosane , oxybenzone, octinoxatedır ancaq özünüzdə qısa bir google araşdırması ilə tapa bilərsiniz bu maddələri. marketlərdə,kozmetik mağazalarında ən çox gördüyüm floresan beauty adlı bir firmanın günəş kremidir. ancaq bunun tərkibində bu maddələrin bir çoxu var. qiyməti də ucuzdur ancaq rus saytlarında da haqqında yazılan komentlərə baxsanız 80 faktorlusunun belə normal qorumadığı yazılıb. yəni alınası deyil.
bir də günəş kreminin istifadə qaydası. standart qayda 2 barmaq qaydasıdır. şəhadət və orta barmaq boyu günəş kremini sıxıb üzə və boyna çəkmək lazımdır. hə bir də bu tip qadınlar üçündür ki, istifadə etdiyiniz krem əgər waterproof yəni su keçirməz və ya suya dayanıqlıdırsa double cleanse etmək daha məsləhətlidir komedon əmələ gəlməməsi üçün. bir də nə günəş krem istifadə edirsinizsə edin intensiv günəş şüaları altında gəzirsinizsə ya da sahildə və s. mütləq 2 saatdan bir yenilənməlidir. son olaraq da bir yanılma var ki,brunette nisbətən tünd rəng dərili insanlar günəş kremi istifadə etməsinə ehtiyac yoxdur amma bu səhv fikirdir. ola bilər yanmırsınız,ancaq günəş işığı sizin də dərinizə zərər vurur.
bir də toxunmaq istədiyim bir nöqtə diy günəş kremləridir. bunların çoxlu reseptləri var internetdə çoxu da yerkökü yağı və s. ehtiva edir. buna da alimlər və dermatologlar deyir ki,hər tapdığınızı üzünüzə sürtməyin. bir də bunlar pharmacy günəş kremləri qədər qorumurmuş bunu da mən demirəm alimlər deyir.
bunlar 2 il əvvəl günəşdə yanmaqdan bütün dərisi soyulduqdan sonra ağlı başına gəlmiş bir insanın tövsiyələridir. ümid edirəm ki,günəş kremi qədər onun növ və istifadə qaydasınının da önəmli olduğunu çatdıra bilmişəmdir. hal-hazırda ozon təbəqəsindəki dəlinməni də nəzərə alanda zərərli miqdarda uv şüalarına məruz qalırıq və bunlar da melanoma riskini ciddi ölçüdə artırır. ona görə də günəş kremi cavan yaşlı demədən hamı üçün çox vacibdir. təəssüf ki,bu qədər intensiv qorunmaq da d vitamini səviyyələrini aşağı salır amma onun da çarəsi var. ona da bir entry yazacağam.
hamınıza günəşdən heç məhrum qalmadığınız,doya-doya zövq aldığınız gözəl parlaq günlər arzu edirəm^_^.
edit: bu entryini yazanda içimdən pr mütəxəssisi çıxıb, amma indi mən də o qədər günəş kremi işlətmirəm. qızmar günəşdə filan işlətsək bəsdir düşüncəsindəyəm artıq amma əlbəttə ki istifadə individual ehtiyaclara görə olmalıdır.

primitivist

primitivizm azərbaycanca ifadə edilərsə, ibtidaipərəstlik/ibtidaiçilik 19-cu əsrin sonu,20-əsrin əvvəllərində meydana gəlmiş,xüsusilə postempressiyonist rəssamların mənimsədiyi bir incəsənət hərəkatıdır. primitivist isə primitivizm cərəyanını izləyən sənətkarlara verilən addır. primitivistlər texnoloji tərəqqinin gətirdiyi hər şeyin insanlar üçün mənfi olduğunu düşünür,ibtidai həyat tərzini üstün tuturlar və əsərlərində də bunu əks etdirirlər. rəsmlərdə daha çox canlı rənglər,yer-yer cubism ünsürləri təsvir edilir. primitivizmin əsas təmsilçilərinə henri rousseau və paul gauguin aid edilir. henri rousseaunun “the sleeping gypsy”,”the dream”, paul gauguinin “arearea” əsərlərini məşhur primitivist rəsmlərinə misal göstərmək olar. ancaq mənşə olaraq cərəyanın ilk nümunələrini paul gauguinin tahitidə olarkən çəkdiyi rəsmlər təşkil edir. tahitiyə köçərək müasirləşmənin nemətlərini qəbul etməyən gauguin tahitili qadınlarla,az yaşlı qızlarla yatıb müasir əxlaq normalarını da inkar edir və rəsmlərində onları təsvir edir. ancaq bu şübhəli anarxizmin sonu yaxşı olmur və sifilisdən tərk-i-diyar edir. gauguini vincent casselin canlandırdığı gauguin:voyage to tahiti filmini də izləyərək primitivizm və rəssamın həyatı barədə məlumat ala bilərsiniz. bu da bəzi primitivizm nümunələri:
“delightful land”-paul gauguin

“the snake charmer”-henri rousseau

“arearea”-paul gauguin

sifarişi verən: derek

w.a.s.p.

80-ci illər qrupu olduğunu solistin vokalı ilə üzünüzə çırpan qrup. "sleeping in the fire" mahnıları heavy metal tarixinin ən mükəmməl və ən underrated qalmış balladalarındandır. bayaq hades üçün persephone,joey üçün pizza,freud üçün eynəkləri nə qədər əzizdirsə mənim üçün də o qədər əziz olan həftəlik spotify metal mixlərimin birində yenidən rast gəldik və ən az 10-cu dəfədir loopda qulaq asıram an etibarilə. 2:06 dan başlayan guitar solo hissəsi sadəcə sadəcə möhtəşəmdir. bu arada sevgidən də "the lucifer's magic" olaraq bəhs edir. bu "live in the raw" mahnılarındakı "that loosens the magic" olaraq dəyişdirilmiş və daha wild hala gətirilmiş versiyasıdır. taste the love,the lucifer's magic that makes you numb. eşqi filan da alov olaraq. məsələn, the passion and all the pain are one,you are sleeping in fire .

amamos la vida

accept metal qrupunun objection overruled albomundan ispanca ada malik mahnısıdır. ispanca həyatı sevirik deməkdir. guitar riffləri mükəmməldir. sözləri də elə musiqisi kimi mükəmməldir. headbang metal olmasa da superdir.lyrics:
in times of peace
times of war
the sky remains the same
you reach for the stars too far away
the one who's born in misery
is left without a chance
but still holding on to naked life
amamos la vida
amamos la vida
what a time - what a place
for someone who's lost
it's hard to survive
in the jungle of life
amamos la vida
amamos la vida
is there someone to hear me
is there noone to see
is there someone to hear me
doesn't anybody care
a single tear in the river of life
the dogs have turned their backs
today a face - that you don't know
and tomorrow it's you
amamos la vida ...
a single tear in the river of life
amamos la vida
amamos la vida
xüsusilə də today a face - that you don’t know
tomorrow it‘s you

femcel

femceli anlamaq üçün birinci incel sözünə baxaq. incel involuntary celibate sözünün qısaltmasıdır. yəni könüllü olmayan şəkildə cinsi fəaliyyətlə məşğul olmayan. azərbaycanda qızlı oğlanlı hamı involuntary celibate olduğu üçün bunu açıqlayanda azərbaycanı cinsi bazda yox romantik münasibət səviyyəsində nəzərə almalıyıq. məsələn,qızların alicənab yerinə avara adam seçməsi başlığında ağlayan insanlar incel hesab oluna bilər. yəni özlərinin dişilər tərəfindən bəyənilməməsinə müxtəlif bəhanələr uyduran özgüvənsiz erkək homo sapiens. əksər hallarda misogynist xüsusiyyətlər də göstərirlər. femcel isə incelin dişi versiyasıdır. bu daha yeni məşhurlaşan bir ifadədir. femcellərin də incellərin də ümumi problemi özlərində düzəliş edib hamını eyni tutmamaq əvəzinə insanları pisləmələri kimi xroniki bir problemə malik olmalarıdır. femcel də bunun dişi versiyasıdır. femcellərə də məsələn “oğlanlar ancaq orası burası bəzəkli ağılsız qızlara baxır” deyən qızları göstərmək olar. bunlar da yenə bir “genelleme” xəstəliyindən əziyyət çəkirlər və passiv agresiv,bəzən həmcinslərini alçaldan söz və hərəkətlər nümayiş etdirirlər. buna da hər nə qədər mən xoşlasam da fleabagi nümunə kimi göstərmək olar. və son olaraq da femcel və incellərin ortaq düşməni stacy və chadlərdir. sifarişi verən: sherlock homo

qəbiristanlıq

bugün bir qrup yoldaşımla taksidə qəbirstanlığın yanından keçdik. həmin yer mənim yaşadığım yerə yaxın olduğundan bilirəm ki,təxmini 2-3 km2 ərazidə 4 qəbirstanlıq var orda. bunu ona deyəndə dedi ki,məncə qəbirstanlıqların yaşayış yerlərinə yaxın salınması düzgün deyil yəni orda yaşayan insanlar üçün narahat edici ola bilər. başımla razılaşdığımı bildirsəm də sonra fikirləşdim ki,doğurdan narahatlıq vericidirmi.bəlkə də biz onların təbiətlə bütünlüyünü pozub onları narahat edirik. balaca olanda mən də çox qorxurdum qəbirstanlıqlardan. sanki daşlardakı insan şəkillərinin bir ruhu var imiş,onlar da mənə baxırmış kimi gəlirdi. hələ bizim evə yaxın təpənin üstündə bir qəbir var. 90cı illərdə ölmüş bir kişi qəbri. gecə vaxtı ordan keçəndə ən çox ondan qorxurdum. babam öləndən sonra isə bir neçə dəfə getdim qəbirstanlığa. daha əvvəl heç vaxt bir qəbirstanlığın içində gəzməmişdim. amma qəribə şəkildə orda başqa heç yerdə olmayan bir sakitlik,rahatlıq hiss elədim. ordakı hamının bir vaxtlar hiss eləmiş olduğu hisləri. haradasa belə bir söz eşitmişdim;"qəbirstanlıqlar dünyada ən zəngin yerlərdir,çünki kəşf edilməmiş icadlar,düşünülməmiş fikirlər,ifadə edilməmiş hislərlə doludur". ən qəribəsi odur ki,başqa insanların yoxluğu varlığından daha çox yaşamağa təşviş yarada bilir insanda. orda basırılan hamı özündən asılı olmadan sabah bir şansı olacağını düşünürdü. hamlet kimi tirad atmaq istəmirəm amma bəlkə də ölməzdən 1 həftə əvvəl o da qəbirstanlıqda qəbirlərə baxıb bizim kimi sahibinin neçə yaşında öldüyünü hesablayırdı illər əvvəl ölən bir yaxınının üstündəki alaq otlarını təmizləməyə gələndə. boş- boş dərdlərimdən şikayətləndiyim günlərdə yolun üstündəki qəbirstanlıq dəyir gözümə bəzən və 2 gün sonra bütün dərdlərimin üstünün mərmərlə örtülə biləcəyini fikirləşib “sktir et nə əhəmiyyəti qalacaq ki” deyirəm. heç nəyi fikirləşmədən əbədi sakitliyin içində olanların daha şanslı olduğunu da fikirləşirəm bəzən. amma yenə də həyat artıq həyəcanlandırmayanda yaxşı olur qəbirstanlıqda gəzib hələ də səni gözləyən bir çox şansların olduğunu bilmək. yaşamaq çox da matah bir şey deyil amma ölmək üçün də tələsmək lazım olmadığını hiss elətdirir qəbirstanlıqlar. anadan olanda default yüklənən ölüm qorxusu və sakitlik axtarışını bir anda hiss etmək düşüncələrini yeniləyir insanın. balkonu həmin təpədəki qəbirstanlığa baxan ev tikdirən mollanı daha yaxşı başa düşürəm. ya da bəlkə işini yaxşı görmək üçün motivasiya qaynağı tapıb bilmirəm. bildiyim odur ki,qəbirstanlıqlar ölü insanlar qədər canlı insanlara da lazım olur. əksər hallarda darıxanlara və ya tək hiss edənlərə,bəzən narkomanlara,bəzən küçədə yatan birinə,bəzən də mənim kimi melanxolika tutması keçirənlərə.

dinner for few

kapitalist və imperialist sistemləri tənqid edən möhtəşəm bir qısa animasiya filmidir. içərisində çoxlu simbolizmə yer verilib. biraz da heyvanıstan göndərməsi var sanki. mütləq mütləq baxmanızı tövsiyə edərdim link
spoiler alert
deməli ilk öncə otel. otel dünyanı təmsil edir. masa qurulmuş otaq isə dövlətləri/zümrələri. masada oturan donuzlar siyasətçiləri/dövlət başçılarını/yüksək təbəqədən şəxsləri. bir insan görürük donuzlara yemək hazırlayan. bu isə sistemin özüdür. otaqdakı əşyaları götürüb bir maşına atır və yemək olaraq çıxarır. bu isə dünyanın bütün ehtiyatlarının necə egoistcə qeyd etdiyimiz “donuzlar” üçün sərf edilməsi. onların vecinə deyil dünyanın vəziyyəti,təki mənfəət olsun. maşın isə yəqin ki,sənayeni təmsil edir. sonra pişiklər. pişiklər isə alt və orta təbəqə,ümumiyyətlə xalq. resurs bol olduqda həmin siyasətçilərə çatan payın çok kiçik bir hissəsindən xalqa da çatır. resurs azaldıqca isə xalq həmin andaca unudulur. pələng xalqın baş qaldırmasını,üsyanını təmsil edir. xalqın birliyi donuzları yox edə bilər. bir də masanın altında gördüyümüz zəncir. yüksək qüvvələri bir-birinə bağlayır və təklikdə qarşı çıxanı elə o anda aradan götürür. üsyan bir masanı dağıda bilir amma masalar olmadan da sistem işləyə bilməz. ona görə sistem də xalqın baş qaldırışına mane olur və yeni masalar yaradır. bu da bu sistemin sonu olmayan bir zəncir olduğunu göstərir.

champagne socialist

britaniyada sosializmi təbliğ edib sosialist həyat standartlarına uyğun yaşamayan liberal elit təbəqə üçün istifadə edilən ingiliscə ifadədir. bildiyimiz kimi sosializm sadəcə bir siyasi görüş deyil,həm də bir həyat tərzidir və sosialistlərin də özlərinə məxsus bayağı dəbdəbədən uzaq həyatları olmalıdır. champagne sosialistləri isə cəmiyyətin çox yüksək təbəqəsini təşkil edən və hər gün partilər verib yenə yüksək təbəqənin məsələlərindən danışıb qurtardıqdan sonra maddi bərabərlikdən və xalqın maddi problemlərindən söz açıb sosializmin çarə olduğu fikrini səsləndirən,əslində kapitalizmin necə deyərlər “mihəng daşı” olan insanlardır. bir növ zurnanın səsi uzaqdan xoş gəlir hadisəsi. bir də fransız sosialist partiyası nümayəndələri üçün istehsal edilmiş eyni adlı şərab var idi ironik şəkildə. bu ifadənin fransız versiyası isə la gauche caviar və ya caviar left/artıq qalmış kürü olur. şampan sosialistləri təşkil elədikləri partilərdə kürü yeyib şampan içib arada qalan vaxtda xalqın dərdi ilə dərdləndirdiklərinə görə olduqca məqsədəuyğun ifadələrdir. hətta köhnə fransa prezidenti jacques chirac fransız kommunist partiyası sədri georges marchais haqqında la gauche caviar ifadəsini işlətmişdi. bu tip elitlərin ədəbiyyatdakı təmsilçilərindən biri əsərlərində sosialist fikirlər irəli sürüb burjuavari həyat yaşadığına görə oscar wilde hesab edilir.
sifarişi verən: cornelius fudge

formaldehid

digər adı metanal olan aldehidlər qrupunun ilk nümayəndəsi olan maddə. formulu ch2o olub mənim də kimya suallarında görməyi sevdiyim maddələrdən biri idi. “qoruyucu” xassəsinə malik olduğuna görə bir çox boyaların,dırnaq laklarının,yeni geyim əşyalarının,kitabların və s. istehsalında istifadə olunan kanserogen bir maddədir. hətta saçlara edilən keratin baxımında da istifadə edilir hansı ki,çox zərərlidir. bir də bunun formalin adlanan suda 37%-li məhlulundan tibbi laboratoriyalarda meyitlərin və digər ölü preparatların çürümədən saxlanması üçün istifadə edilir. dəhşətli dərəcədə pis bir qoxusu var. meyitin içinə,üstünə hər yerinə injekt edirlər ki,meyit uzun müddət olduğu kimi qalır. əgər maska yoxdursa meyitxanaya gedən kolidorun başından meyitxanadan çıxıb o kolidoru keçənə qədər burundan nəfəs almağı dayandırmaqla çox üzr istəyirəm amma ağciyərlərin də anasını ağladan maddədir. bu maddəyə bir müddət məruz qaldıqda gözlərinizdə və boğazda yanma,ürək bulanma,qusma müşahidə olunur. bir də bunu bugün gördüm ki,qarın boşluğu orqanlarını qorumaq üçün meyitin piyliyini çıxarıb yerində formaldehid hovuzu yaradırlar. bir də meyitxanadakı dayının necə bu qədər formalinlə nəfəs alıb hələ də sağlam yaşadığını sorğuladan maddədir.

the phantom of the opera

1.le fantóme de l‘opéra- gaston leroux tərəfindən yazılmış və 1909-cu ildə ilk dəfə nəşr olunmuş kitab. kitabın mövzusu 1880-ci illərdə içində ruh peyda olduğu şaiyə edilən paris opera house və içindəki qara bir fiqur,yanan qorxulu gözlər kimi təsvir edilən ruha həsr edilib.

2.kitab əsasında yazılmış muzikal broadway tamaşası; illərdir broadwaydə göstərilən nadir muzikallardan hesab edilir. oyunun musiqilərinin bəstəkarı və yazarı andrew lloyd webber,musiqilərin sözlərini yazan isə charles hart və richard stilgoedur. ilk dəfə 1986-cı ildə səhnələşdirilib. 25 illik premierası münasibətilə isə 2011-ci ildə oyun london royal albert hall’da səhnəyə qoyulub. hətta hər il səhnələşdirilən oyun pandemiya vaxtı il dönümündə 48 saatlıq youtubeda canlı tamaşaçılara təqdim olunub. oyunu hazırda new york broadway’də və royal albert hallda xeyli miqdar pul ödəməklə bilet alaraq izləmək mümkündür. mən sadəcə internetdə yerləşdirilən halını izlədim ancaq bununla belə musiqilər,səhnələr,geyimlər sadəcə möhtəşəmdi mütləq mütləq vaxt tapanda izləməniz tövsiyə edilir. londonda canlı izləmək də mənim bucket listimə əlavə edildi.

3.muzikalın nightwish qrupu tərəfindən edilən coverı. bu da vokal və sözləri ilə möhtəşəmdir.

4.iron maiden phantom of the opera adlı mahnısı var ki,yuxarıdakı 3 maddə ilə əlaqəsizdir ancaq dinlənməsi şiddətlə tövsiyə edilir.

xoşbəxt

insan sözünün qabağına sabit şəkildə gəlməsi ən çətin sifətlərdən biri ola bilər. çox xoşbəxtəm deyirsən amma müddətsiz deyirsən. deyirsən mərhəmətli insan, ağıllı insan, vecsiz insan amma neçə dəfə eşitmisiniz kiminsə xoşbəxt insan ifadəsi işlətdiyini? bir neçə dəfə eşitmişəm mən dayıların işlətdiyini filankəs xoşbəxt adamdır kimi. amma ümumilikdə çox az eşitmişəm. məncə ona görə işlətmirlər ki,xoşbəxt insan sadəcə qısa bir müddətlik oluruq. yaralanmış insan,ağlayan insan,gülən insan kimi. bədbəxt insan sözünü çox eşitmişəm amma. əgər həyatında "bədbəxtliklər" çoxdursa birinin,deyirlər "ə bu nə bədbəxt adamdı". amma kim sayır ki,onun bədbəxtlikləri xoşbəxtliklərindən çox ya azdır. böyük ehtimalla insan təbiətinin pessimist yönümlü olması ilə bağlıdır. optimist insanı da çox görmədiyimizə görə eşitmirik bəlkə bu ifadəni. amma heç bir başqa dildə də eşitməmişəm indiyə qədər elə ifadə. happy person. yazan da belə anlıq səslənir. indicə ağızdan çıxan kimi xoşbəxt insan sadəcə insana çevriləcək kimi. dünyada olmağın da ən çətin olduğu şeylərdən biri olması ilə də bağlıdır bəlkə. amma bir yandan da daim olmağa özümüzü məcbur etdiyimiz bir şeydi xoşbəxt. deyəsən həyatda ən çox nə olmağa çalışırsansa onu olmaq çətinləşir. nəysə kimsə bir gün üzümə sən çox xoşbəxt insansan deyəndə özümü həqiqətən axtardığımı tapmış kimi hiss etməyəcəyimdən də çox əminəm. məncə biz xoşbəxtliyi axtaran amma əslində qeyri-xoşbəxt olmağa proqramlanmış npclərik.

wilhelm gustloff

isveçrənin nasist partiya başcısının adı ilə adlandırımış və 1945-ci ildə sovetlər tərəfindən batırılmış gəmidir. çox böyük bir təsadüf nəticəsində ya da bəlkə də təsadüf deyildi, gəmi adını aldığı nasistin doğum günündən 50 il sonra eyni gündə batırılmışdı. bizim bildiyimiz ən məşhur və ölümcül gəmi qəzası hollywoodun da təsiri ilə titanic olsa da əslində rəsmi olaraq 5348 ancaq itkinlərlə birgə 9343 nəfərin ölümü ilə tarixin ən dəhşətli qəzası bu gəmidə olub. əslində gəmi 1936cı ildə hərbi məqsədilə inşa edilmişdi. ancaq müharibənin sonlarına doğru alman köçkünlərini də daşıyırdı. elə 30 yanvarda çıxdığı sonuncu səfərində də sərnişinlərinin çox hissəsi əsgərlər bir hissəsi isə bu köçkünlər idi. köçkünləri isə əsasən uşaqlar və qadınlar təşkil edirdi. normalda səfərə çıxan zaman gəmi 3 dənizaltı ilə müşayiət olunmalı idi amma həmin gün 2 dənizaltı gəminin çıxış saatına çata bilmədi və sadəcə 1 ilə çıxmalı oldu. buna görə də sovet dənizaltısının gəmini batırmağı daha asan oldu. hal hazırda gəminin qalığı polşa yaxınlığında sadəcə 50 metr dərinlikdədir ancaq war grave yəni müharibə abidəsi olaraq çıxarılmır. 1960da almanların bununla bağlı çəkdiyi nacht fiel uber gotenhafen filmi də var. bu da gəmi:

bluesky.social

twitterı elon musk aldıqdan sonra onun köhnə sahibi və qurucusu jack dorseyin yaratdığı sosial media platformu. bənzər temalardı sadəcə bluesky bilmirəm nə əhəmiyyəti var amma decentralized sayılır. yəni içində birdən çox sosial media sistemi olacaq və onlar arasında açıq əlaqə yaradıla biləcək. mərkəzləşmə olmadan. bunu da geniş istifadə olunanda görərik yəqin nədir nə deyil. bir də hələ ki sadəcə dəvət kodu ilə girmək olur. istifadəçi axınını kontrol altında saxlamaq üçün imiş. dəvət kodu almağın da hələ ki tək yolu internetdə dilənməkdir birazdan normal sign up sisteminə keçər yəqin. biraz da nazlansalar bu kod barədə insanların həvəsi qalmayacaq heç istifadə etməyə. amma hələ ki gördüyüm qədəri ilə xeyli maraq yaradıb. dünəndən etibarən də androidlərdə istifadəyə açılıb.

molla nəsrəddin

ilk məhəllə uşaqları entysini gördüm bayaq və bütün entrylərini oxudum. tanım gözəl qızlar entrysi indiyə qədər oxuduğum ən səmimi və oxuması maraqlı entry olan yazardır. tam əmin deyiləm amma ən çox dragonize edilən entrydir yəqin ki. bir də cəmi 8 işi var amma avtobiografik roman paraqrafıdır elə bil hamısı. artıq favori yazarımdır. bir də molla nəsrəddindən daha orginal bir təxəllüslə kitab filan yazsa çox gəşəng olar məncə. bir müddətdir yazmırmış amma yeni entrylərini səbirsizliklə gözləyirəm.
(bax: yazarların ən sevdiyi yazarlar)