ovchugs

254 0 0 0

1. nəsil yazar

Entry: 254

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

həyatın nə qədər cındır olduğunun anlaşıldığı anlar

+223 əjdaha

hazırlıq vaxtı bir qız var idi. aygün. çox xoşum gəlirdi, bəlkə də tarix fənnini sevməyimə, qəbulda 24 yazmağıma əsas səbəblərdən biri idi, aygünün gözünə yaxşı görünəcəm deyə oxuyurdum fənni elə, testlərimizi həmişə bir yoxlayırdıq, hazırlıqdan çıxıb facebook-da danışırdıq, lakin utancaq kimliyimdən dolayı heç bir vəchlə aygünə ondan xoşum gəldiyini deyə bilmirdim. yəqin ki, bilirdi o da. gözləyirdi, amma mən bacarıqsız bir ergen idim və bu işi elə hey uzadırdım. universitetə girdik, bütün gözəl qızlar kimi o da dillər universitetinə qəbul olmuşdu, mənim üçün bdu maraqsız idi, aygün idi maraqlı olan, yenə yazırdım bütün gün, könlüm də rahat idi ki, dillərdə oğlan zad elə çox deyil, aygün mənim olaraq qalacaq, indi yazacaqlarım baş verməsə bəlkə də mən hələ də sevgi elanı etməmiş aygünə yazmağa davam edirdim. tez-tez görüşürdük də aygünlə. təzə açılmış park bulvar idi sevimli məkanımız da, ona ali-ninoda kitablardan danışırdım, həmişə də bir kitab verirdim, oxuyub qaytarırdı. bir gün aygünün artıq mənə gec cavab yazmağa başladığını gördüm, özümü sındırmırdım, amma bu həyatda da ən qəbul etmədiyim şeylərdən biri kiminsə mənlə etinasız danışmasıdı, sadəcə mevzü bahis aygün idi deyə bir təhər vicdanımı susdurur, bütün bu laqeydliyə baxmayaraq aygünə yazmağa davam edirdim, və bir gün aygün mənə ümumiyyətlə yazmadı. 2 dəfə yazdım ayrı vaxtlarda, amma cavab gəlmədi. mən isə hər həftə olduğu kimi yenə getdim park bulvara. yox idi aygün, gəlməmişdi, depressiv modlara köklənib aygünü və ona verdiyim kitabı düşünürdüm, kitab mövzusunda dəhşət həssasam. günün müxtəlif vaxtlarında gah aygünə, gah da kitaba görə kədərlənirdim. növbəti həftə yenə getdim park bulvara. birdən onun səsini eşitdim. yadımdadı, mc-da sifariş verirdim nəsə, bütün səs-küy kəsildi park bulvarda, bircə aygün oldu eşidilən. döndüm, baxdım, eyni gözəllikdə idi. bəlkə də daha gözəl. özü də fərqli bir gülümsəmə var idi üzündə. nəsə deyəsən əlavə bir şey var idi ona xoşbəxtlik verən. mənə "gəl mənimlə, sənə sürprizim var" dedi. kitab da əlində idi üstəlik. nə sürprizi ola bilərdi ki. beynimdə min sual var idi, amma əsas aygün yanımda idi. bəlkə də bu 10 gün ərzində yalnız qalıb, ona sətiraltı göndərdiyim sevgi ipucularını tutub filan deyə xəyallar edir, sürprizini də bununla əlaqələndirirdim.
sürprizi nəydi? stolda bir qaqaş oturmuşdu. ibrahim. tarixdən bizimlə bir yerdə hazırlığa gələn ibrahim, mənim kimi avtobusla yox, öz maşını ilə gələn ibrahim. öz maşına ilə. ( qeyd: mətndə məntiqi vurğu bu cümlədədi) aygünlə sevgili olmuşdular. çaşdım birinci, çox xoşbəxt olun filan dedim, ibrahiminsə gözünün içi gülürdü, həmişə hazırlıqda dərsə zəif cavab verəndə o mənim gözümün içində olurdu bu gülümsəmə. ibrahim amma son zərbəni daha pis endirmişdi. aygün onun idi. mən yenə öz 346 nömrəli avtobusuma minib getdim, onlar da yəqin ki mersedeslə gedəcəkdilər.
5 il keçib bu hadisənin üstündən. bayaq evdə həmin kitabı tapdım. vərəqlədim, hələ də aygünün qoxusu qalır vərəqlərdə. ibrahim başqası ilə evlənib. facebook-da görmüşəm bu yaxında. aygün? o vaxtdan xəbərim yoxdur.

189 əjdaha! 05.07.2016 19:11, ovchugs

#220362 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

güldürən hadisələr

+106 əjdaha

xaricə getmişdim bir dəfə. ağlınıza xaric deyəndə tez mavi daniz, sarı saçlı, qumral bədənli qızlar, diskoteka və s. gələ bilər, elə deyildi də amma ki. kasıbın olanından deyib 70 faiz yol xərcinin geri qaytarıldığı bir youth in action tədbirində moldovaya getmişdik. moldova dediyin bizim gəncəbasar zonası kimi bir yerdi, kişinyovun əsas küçəsi ilə gəzirsən, sağa dönəndə birdən qabağına toyuq saxlayan xala çıxır, gəncədəsən də elə bil ki, sadəcə sanki gəncədə mc açıblar bidənə. nəsə məsələdən uzaqlaşmayım çox, tədbir heç kişinyovda da deyildi, adını indi unutduğum, əvvəl bakıda t nömrəsinə layiq görülən avtobusla gedilən (242t, 247t, 1t və s. tipində marşrutkalar), paytaxtdan 2-3 saatlıq məsafədəydi hardasa. moldovadı, brolar. hamı rus dilində danışır, hava soyuqdu, keçmiş geyimlər falan deyə-deyə özümü sanki ictimai tv-də gedən 1970-ci illərə aid sovet filminin içində hiss edirdim. çox təəssüf ki, bu filmdə baş rol mən idim və mövzumuz da tragikomediya idi. özüm haqqında qısa deyim ki, ingilis dilini bilirəm, yəni ən azından qarşımdakı məni başa düşür danışanda, rus dili isə, əgər olduğum bir ortamda heç kim rus dilini bilmirsə o zaman avtomatik bilirəm deyirəm, belə palit eləməsəm çox şeyi başa düşüb özümü yola verə bilirəm deyək, amma iş nəsə müzakirə etməyə filan gəlsə zibili çıxır. və moldova elə yerdi ki, həmişə iş rus dilində nəsə müzakirə etməyə gəlir. məsələyə keçək. bu moldovanın adını bilmədiyim şəhərində 4 nəfər qaldığımız otaqda otepleniya işləmirdi, bütün tədbirdəkilər gecə rahat-rahat yatır, bir biz gecə yatanda kurtka filan da geyinib yorğanın altına girirdik. soyuq da necə də, yanımda yatan türk namaz qılan zad adam idi, tezdən 6 soyuğunun dərdindən bütün namazları qəzaya saxlayıb gecə qonşuda qılırdı. soyuq bizi dinimizdən çıxarır, əzginləşdirir və mutasiya edirdi. nəysə, bu minvalla günlər davam edərkən bir dəfə başqa tədbir iştirakçısı dedi ki, bəs bizdə də elə idi vəziyyət, otepleniyanı yandırdım, başladı işləməyə. ağlıma batdı, tək başıma otaqda olduğum bir vaxtı otepleniyanı açmağa çalışdım. gel gelelim ki, mənim uşaqlıqdan zəifim var bu mövzuya, qardaş mən bilmirəm ki, krant hansı tərəfə açılır, işıq necə duranda sönülü ya yanılıdı, açar hansı tərəfə burulur. məndə yoxdu da buna qarşı refleks, gərək yoxlayım. otepleniyani da “açdım” da belə. olmadı. işləmədi. o qaqaş mənə demişdi ki, gecələr bizim otaq isti olur deyə qızlarla olmazın oyunlar oynayırıq, dəli kimi əylənirik filan. könlüm bunu qəbul edərdimi? yox! getdim tədbirin əsas təşkilatçısının yanına, danışdım ingiliscə, olmaz belə dedim, donuruq biz, müşteri memnuniyyeti, təriflədiyiniz avropa budurmu zad basıb bağladım, dedi ki, sən azərbaycandan idin də, təsdiqləmiyimlə birgə tez “ti qovorish po russki” sualini verməyi bir oldu. donuram mən biri belə anidən sual verəndə. hə dedim, nə soruşa bilərdi ki. məni göndərdi otel administratorunun yanına. bəlanı başıma almışdım. 3 gün ərzində rus dilindən qaçan mən indi birbaşa rus dilinə doğru irəliləyirdim və məni heç nə qurtara bilməzdi. adminstator qoca arvad idi, danışdı elə rusca, hey nəsə deyirdi, 90-cı illərin uşaqları olaraq rus dilini bütün anlayıb o danışa bilməmək hissini hamımız bilirik də. bu administrator da danışıb-danışıb sonda mənə “ponyatno?” dedi. hə dedim, nə deyə bilərdim ki başqa. anladığım otağa getməm və göndəriləcək ustanı gözləməyim idi. getdim, qoca, 50-li yaşlarında bir kişi gəldi. “shto sluchilos” deyən kimi yarım saat əvvəldən beynimdə hazırladığım cümləni şaqqıldatdım! “otepleniya ne rabotaet”. bu yaxınlaşdı otepleniyaya, və.. dadadadammm. otepleniyanı bayaq qurdalamışdım axı. əvvəlki vəziyyətinə qaytarmaq yadımdan çıxıb. dayday otepleniyanı qurdalayan kimi gördü ki, bağlıdı. açdı və üstümü də qışqırdı ki, bu bağlı imiş də, niyə gətirmisiz məni bura. zibiləqalmış moldovanın ən əsəbi ustasını göndərmişdilər .. mənsə dayını buraxa bilməzdim, gözümün qarşısına mafiya oynadığımız qızlar, namazını qıla bilməyən türk gəlirdi, din də, əyləncə də məndən bunu tələb edirdi.. o otepleniya işləyəcəkdi. rus dilində izah etməyə başladım, yadımdadı qırıldanırdım “ya otkril, ti zatkril” falan, bu sözləri dediyimi xatırlayıram, dayday isə heç nə başa düşmür və əsəbiləşirdi, elə bilirdi ki, mırtdaşıram onla. nəsə pis bir şey edə biləcəyimi düşünürdü bəlkə də. mən artıq müəyyən bir məqamda dayıya “mən rus dilini bilmirəm, gözlə rus dilini bilən adam gətirim” dedim. daha doğrusu demək istədim, nə demişəmsə dayı elə bildi ki, ona deyirəm ki, sən rus dilini bilmirsən, celallendi türkler demiş, qışqırır ki, mən bilirəm rus dilini, sən bilmirsən, nə istəyirsən məndən, ayə səsi götürüb oteli. qaça-qaça çıxdım otaqdan, bütün telefonları, əşyaları, hər şeyi - otağı açıq şəkildə tanımadığım bir rus dayıya qoyub qaça-qaça getdim rus dilini bilən dostumu tapmağa. gəlmişəm ki, buna tez gəl. bu da elə qaçdı ki, elə bildi ermənilərlə davam düşüb nəsə. lan salak, ermənilərlə davam düşsə məni buraxarlar ki, get başqa azərbaycanlıları köməyə gətir? nəysə iki nəfər otağa gəldik, dayı voobshe özünü itirdi ki, döyəcəyik bunu. bir təhər dostum bunu sakitləşdirdi ki, uşaqdı, bilməyib filan. o otepleniya düzəlmədi, lənətli idi nəsə, bizə başqa otaq verdilər, köçdük ora. ipisti otaq idi, amma qızlar yenə yox idi, hər gecə həmişəki kimi o biri otağa gedirdilər, deməli məsələ otepleniyada deyilmiş, otağı başqa cür isidirlərmiş..

türk də yenə yatırdı səhərlər, fetöcü idi nə idi, niyə yoxsa mənə yalandan deyirdi ki namaz qılır? bəlkə də gecə qonşuya gedirəm deyəndə o biri otaqdakı partilərə gedirmiş.. kto znaet?

82 əjdaha! 03.11.2016 17:08, ovchugs

#236036 şikayət

yazarların başına gələn maraqlı hadisələr

+38 əjdaha

mən də hamı kimiyəm. taksiyə minəndə utanıram qıraqdakılardan, "yox valla, tələsiy idi deyə mindim, yoxsa mən də kasıbam, mən də əhmədli uşağıyam" demək istəyirəm avtobusdakılara. ona görə adətən gecə vaxtı taksiyə minməyi sevirəm, heç kim olmur, həm başqalarının baxışı qorxun olmur, həm də ki bütün yolboyu "avtobusa minsəydim 5 manat qabaq idim" fikri olmur beynində.
elə bir gecələrin birində atam tərəfindən verilmiş tapşırıqla avtovağzala göndərilmişdim. təcili şəkildə rayona sənəd göndərməli idim, qaçış yolum yox idi. 9111-ə zəng etdim, 3.50 azn-ə apararam dedi. (9111 ilk dəfə tanıdığım taksidi. ona görə həmişə ona zəng edirdim, komfortzon-dan çıxa bilmirəm, qorxuram ki başqasına zəng edərəm, məni sayıb gəlməzlər zad. elə buna görə də hələ də catv işlədirik evdə. dəyişdirəmmirəm də. alınmır) gəldik, dedi "səni gözləyim, geri apararam da". utanıram elə olanda, birinə əlavə məsuliyyət verəcəyəm kimi düşünürəm, birdən gec gələrəm, mənə görə müştəri itirər falan deyə düşünürəm, yox dedim. avtovağzalda sənədi bir taksi tapıb verdim, geri qayıtmaq üçün yenidən 9111-ə zəng etdim. 4.80 qəpik dedi. eyni yola. bunu təbii ki qəbul edə bilməzdim, kapitalizmin mənimlə bu qədər mırtdaşmasını niyə də qəbul edim axı. niyə bayaq 3.50 idi deyə sual verdim, izah etdi ki yol filan uzundu qayıdanda, çox məntiqli gəldi izahı, heç bir etiraz edə bilmədim. həmişə belə məqamlarda cavab verə bilmirəm, sonra ağlıma gəlir ki "gərək belə deyərdim".
nəysə, 9933-ə zəng etdim, 4.50-ə gələ bilərik dedi. avtovağzalın yanına dedim, hə dedi. çıxdım yuxarı, gözlədim. düz 40 dəqiqə. gecə saat 3-də heç avtovağzalda olmusunuz? olun bidəfə. saykodu oralar. 2 nəfər avtovağzalda bir-birinə rab battle edə-edə getdi, 2 maşın nəsə çemodanlar falan dəyişirdi, həyat çox qəribədi oralarda. hər an nəyəsə ilişə biləcəyimdən qorxurdum və üşüyə-üşüyə taksimi gözləyirdim..
40 dəqiqədən sonra zəng gəldi, taksi şoferi idi, "qaqa sən azneftdə hardasan" dedi. azneft nədi, avtovağzaldayam dedim, ola bilməz, sən azneftdəsən dedi. gecə saat 3-də tanımadığım adama azneftdə olmadığımı bildirmək üçün allaha and içdim, elə inandı bir təhər. zəng etdim 9933-ə, sifarişi ləğv etdirdim. əlimdə olan 1 saat avtovağzalda gözləməyim, və 9933-ə verdiyim 60 qəpik telefon danışığı idi.
geri avtovağzalın qabağına da qayıda bilmirdim. ordakı taksilər bayaq aparaq deyəndə imtina etmişdim və indi utanırdım onlarla üz-üzə gəlməkdən. "noldu, tapammadın taksi? yenə qaldın bizə?" baxışı atacaqdılar və biabır olacaqdım deyə içim-içimi yeyirdi.
ordan şamaxinkaya qədər gəldim yeriyə-yeriyə. 9111-ə zəng edə bilmərəm, başqa taksi servisinin də başıma 9933-ün oyununu gətirəcəyini qorxuram. ilk taksiyə mindim, soruşmadım qiymət falan, birbaşa adresi dedim. neynim. 8 manat istədi gələndə. verdim, başqa çıxış yolum yox idi, uduzan mən idim.
evə gəldim, sakitcə yatağıma girib günün məğlubiyyətini yaşamağa başladım. 40 dəqiqədən sonra tanımadığım nömrədən zəng gəldi:
- qaqa, mən bayaqdan səni axtarıram, sən axı hardasan bu azneftdə?
9933 hələ də məni azneftdə göstərirdi.. bəlkə də hansısa taksi şoferi hələ də azneftdə məni axtarır..

34 əjdaha! 02.04.2017 17:05, ovchugs

#250072 şikayət

mehman hüseynov

+30 əjdaha

bu adam haqqında onu deye bilerem ki, bir defe qol-qola giren iki şexsin şeklini atmışdı sancaq sehifesine ki bes azerbaycanda mavileşme gedir. men de yazdım ki, senin onlardan icazesiz şekli bura atdığını bilseler, adamlar seni mehkemeye verer ve çox da zor eder. girib facebook profilimden baxıb harda oxuduğuma, yazmışdı ki men senin müellimlerinden hüququ yaxşı bilirem, çaşma, başına oyun açıram. amma bele de ki qelet eleyer başıma oyun açar. heç kim bu sözü tanımadığı adama dememelidir. düzü şekillerini filan da evveller men de beyenirdim müeyyen qeder, yani ki indi de etdiklerini deyerlendirirem deyerdim hetta, amma bir bayaq dediyim hadise, bir de ki menim iki qrup yoldaşım qız, sırf bunun fealiyyetini beyenirler deye dostluq göndermişdi facebook'da, ictimai fiqur kimi qebul edilmiş bu adam qızları tanımadan ikisini de ayrı-ayrı kinoya devet etmişdi. mence dövletin de bu şexsi hebs etmemesinin sebebi odur ki, saxlayırlar ki, baxın görün müxalif genclik ne gündedir ki, simaları budur.

28 əjdaha! 14.01.2014 18:29, ovchugs

#92311 şikayət

ana

+29 əjdaha

ata ilə mama türkiyəyə getmişdi, qardaşım rayonda, bacım isə yenə türkiyədə, başqa bir şəhərdə idi. bakıda, evdə təkəm yəni. evdəkilərlə normalda zorla söhbət edən mən, mamanın təkidi ilə gündə 2-3 dəfə skype ilə danışıram. bir dəfə yenə skype ilə danışmaq üçün məcbur baxdığım kinonu yarımçıq qoymuşam, özü də dayımgildən zəng edirlər birinci ki, bax skype ilə zəng edəcəyik ha, yəni online olub zəng etmirlər, xəbərdarlıq edirlər zəng etməmişdən əvvəl. hə, ondan sonra mən də əlimdə kompyuter yemək qazanını filan göstərirəm ki, mama dəqiq bilsin ki, yemək yemişəm ya yox. nəysə, zəng elədi, mən də istəyirəm ki, tez danışaq, kinoya davam edim. mama da başladı bacımdan danışmağa ki, o da imtahanını yaxşı verib türkiyədə, whatsapp-da danışmışam. mən də necə oldu bilmirəm, o an boşluğa gəlib dedim ki, bəs mama mənə niyə yazmırsan ki whatsapp-a heç. qayıtdı həvəslə ki, sən nə vaxt whatsapp-a girirsən ki, heç şəkil qoymamısan indiyə qədər, telefona marağın yoxdu ki. bacın yaxşıdı sənə baxanda.
o an mən necə utandım. mamamı whatsapp-da bloka atmağım yadımdan çıxmışdı, garibim də bilmir axı bloka atanda necə olur. yəqin bir-iki dəfə mənə yazmaq istəyib, görüb getmir, şəkil zad da yoxdu, deyib ki, uşaq gedib atasına oxşadı, telefona heç marağı yoxdu.
üstünü vurmadım orda danışanda, dedim ki, bundan sonra tez-tez girəcəm mama yaxşı. blokdan çıxartdım elə həmin gün. sabahısı mənə whatsapp-da mesaj atmışdı ki, əziz oğlum, sabah yeməyini yedinsə günorta əmingilə get, bibin sənə nəsə bişirər. maman. -*
p.s. analarınızı bloka atmayın, gənclər. mən indi guya gecə mənim online olduğumu görməsin deyə atmışdım, amma heç qarışmır ki. arada durğu işarələrini qoya bilmir deyə nöqtəsiz, sualsız cümlələrlə axşam olacaq yeməyi yazır, evə saat neçədə gələcəyimi soruşur. o qədər -*

28 əjdaha! 15.03.2015 21:03, ovchugs

#152542 şikayət

səməd vurğun

+30 əjdaha

burda yeniyetmələr görürəm, utanmaz-utanmaz səməd vurğunu bəyənmirlər filan, siz də məni çox üzrlü sayın amma ki, "azərbaycan" şeirini əzbərləyib ədəbiyyat tanıyırsınız, hal-hazırda koelyo zad oxuyursunuz ha, ona görə bəyənmirsiniz? (koelyo oxuyanları ümumiyyətlə ədəbiyyatdan başı çıxmayıb tənqid edənləri fərqləndirmək üçün xüsusi vurğuladım, yoxsa saramaqo, böll, lagerkvist filan da oxuyan şəxslərə eyni zamanda bunu aid edə bilərəm.) yox, siz bəlkə 1930-cu illərdə yaşamısınız, dövrün konkret şəraitini yaxşı bilib dəyərləndirə bilirsiniz buna görə də? ümumiyyətlə hər şeydə marjinal olacaqsınız deyə bir məcburiyyətiniz yoxdur axı, inanın mənə, yəni ola bilər ki, hər hansı bir şeyi atanız da, siz də bəyənirsiniz eyni anda, ya bəyənmirsiniz. sırf atanıza, geniş mənada götürsək ümumiyyətlə keçmişə bütün adət-ənənələrimizə əks gedəcəksiniz deyə bir qayda yoxdur. ədəbiyyatı təhlil etmək istərkən, təbii ki, dünya ədəbiyyatını hamımız oxumalıyıq filan, amma vurğunun ədəbiyyatı olmasaydı, bu dəqiqədə azərbaycan ədəbiyyatı olaraq füzulinin qəzəllərində metaforaları təhlil etməklə məşğul idik, indi həvəslə oxuduğumuz aqşinlər, ramiz rövşənlər, kəsəmənlilər, novruzlar (və ya sevdiyiniz hər hansı başqa müasir şair.) - hamısına səməd vurğunun təsiri vardır, birbaşa və ya dolayısı yolla.
rus ədəbiyyatında söz var ki, bəs bütün ədəbiyyat qoqolun "şinel"indən çıxıb, mənə görə də yeni azərbaycan poeziyası vurğunun "azərbaycan"ından çıxıb.
hə satqınlıqla əlaqədar filan, siz sadəcə heç vurğun həyatını oxumamısınız, ümumi bilgiləriniz 11-ci sinif ədəbiyyat kitabından və facebook-da yazılan paylaşımlardan o tərəfə keçmir təəssüf ki, həmin dövrdə digər şairlərin də şeirlərini (hamısına aid ssri təbliği olan şeir göstərə bilərəm.), bağırovun vurğuna konkret münasibəti haqda filan hansısa ədəbiyyatçı belə olmayan sərdar-mərdarlardan eşitmisiniz və bununla özünüz mühakimə hüququ tapırsınız hardansa.
repressiyada səməd vurğun və ya rəsul rza filan, öldürülməyib deyə fəxr eləməlisiniz yoxsa müşfiq, cavad filan da repressiyada qurban olmasa indi onlar haqda da belə sözlər deyirdiniz, siz insanı yaşam - həyat naminə verdiyi mübarizə üçün günahlandırırsınız və bunu edərkən çoxunuz əsgərliyə getməmənin yollarını axtarırsınız. uğurlar sizə.

25 əjdaha! 10.01.2015 02:19, ovchugs

#143689 şikayət

alter ego

+19 əjdaha

#147991 nömrəli entrydə sözaltı sözlüyü günahkar çıxararaq intellektual sferada yazdıqlarının atmacalardan daha az bəyənildiyini vurğulayır. hörmətli gənc, orda istinad verdiyin #147969 entry-ini sən bilgi qaynağı olaraqmı görürsən? hər hansı şirkətlər arasında olan davanı qeyd etmisən orda sən, bunu da onsuz hal-hazırda yazarlarımız soz6-da edirlər hər gün. yəni istinadında özün super bir paradoksa imza atmısan. bilgi elmə dayanmalıdır və soz6-da ancaq bilgi paylaşılacaq deyə də bir qayda yoxdur. ekşi sözlük-ün bütün en beğenilen entry-lərini oxuyan biri kimi deyə bilərəm ki, ilk 100-ə demək olar ki, heç bir intellektual paylaşım düşmür. bu vikipediyada məqalə yaratmağa bənzəyir, yəni könüllü şəkildə insanlara yardım edirsən, necə deyərlər bunu sən yox, gələcən nəsillər qiymətləndirəcək. #147439 entry-mdə də bildirdiyim məsələlərdi, çox da şey eləmə yəni. özün vaxtilə sözaltı-dan qızı necə öpmək lazımdı deyə məsləhət almısan, indi burdan bilgi mənbəyi kimi filan gözləyəndə çox səmimi çıxmır. nothing personal deyərək çıxışıma yekun vururam.

18 əjdaha! 11.02.2015 00:04, ovchugs

#148191 şikayət

20 yanvar 1990-cı il hadisələri

+20 əjdaha

hər mənasız abbreviatura qısaltmasına uyğun gənclər təşkilatı yaradıb, aldıqları müxtəlif dəstləklərlə mənasız kampaniyalar (kitab oxumaq flashmobu, isti geyin, soyuq düşün və s.) həyata keçirən müasir gənclər 20 yanvar tarixi gəldikdə birdən tənqid donuna bürünürlər, bəs nəyə görə ancaq bu gün profil şəklini dəyişir insanlar, bəs ayın 21-i yenə hər şeyi unudacağıq filan. elə bil bütün bunu yazan şəxslər məsələn 8 mart tarixində dərsə getməyib evdə oturanda dərdə düşür ki, buna bax bir, bizim 20 yanvarımız var, 20 faiz torpağımız işğal altındadır, amma biz hansısa bayramı qeyd edirik. səmimi olmaq lazımdır. ta qədim zamanlardan insanlar öz yaxınlarını itirdikdə bunun hansısa vasitə ilə yasını saxlayıblar onsuz. (baxma: cümə axşamları, üçlər, yeddilər, qırxlar, illər.) qədim romada döyüşçülərin həmişə müharibəyə getməmişdən əvvəl "memento mori" (ölümü xatırla.) yazılan lövhənin altından keçdiklərini oxumuşdum bir yerdə. yenə ölüm həmişə sizinlə bir yerdədir. onun nəfəsini hiss edirsiniz onsuz da. bir nəfərdən çox insanın ölümü artıq statistikaya girir, yəni bütün gün xəbərlərdə nə qədər insanın ölməsi haqqında müxtəlif başlıqlar oxuyursunuz və adi statistika kimi də keçirsiniz. təsəvvür edin ki, bu sizin yaxınınıza baş verir. bəs onda necə olacaq? atanız ölsə onun ildə bir dəfə yasını tutmayacaqsınız? ya bacınız onun hər il qəbri üstünə gedir deyə lağa qoyacaqsınız bəlkə onu? demək istədiyim odur ki, ölümdən qaçış yoxdur, 20 yanvar günündə ölən 150-dən çox şəxsin hansı amal məqsədilə həyatına itirməsini belə buraxsaq (baxma: vətən uğrunda canından keçmək.) həqiqətdir ki, onlar artıq həyatda deyillər. düz 25 ildir yoxdurlar, düz 25 ildir ki, onların ailəsi bu itkini hiss edir, və bəlkə də, həmin ailələr bu tədbirin belə geniş keçirilməsi vasitəsilə öz övladlarının xalq tərəfindən unutulmadığını görüb az da olsa təsəlli tapır. siz isə isti yerinizdən rahatlıqla tənqid edirsiniz. əslində siz nəyi tənqid etdiyinizi də bilmirsiniz ki, belə baxanda. bu gün qarabağ qaytarılsa belə, 20 neçə ildi niyə geri qaytarılmayıb deyib tənqid etməyə çalışacaqsınız. siz həmişə stəkanın o boş tərəfində qalacaqsınız.
yəqin ki, kalendarında bizim qədər qara kvadratlar olan ölkələr azdır. tarix belə istəyib, bu dövlətdə anadan olmusunuz, təbii ki, fəxr etmək məcburiyyətində deyilsiniz, nə aşırı milliyyətçi olmalısınız, nə də dövlət sevən biri. amma ən azından bu dövlətin dilində düşünürsünüzsə bəzi standart anlayışlara hörmət etməlisiniz. o qara kvadratlar bizimdir, nə bilim, sən beyrəyi də, yalançı oğlu yalancıqı da eyni şəkildə öz tarixinin parçası qəbul etməlisən, ruslarla meyilli ibrahimxəlil xanı da, iranı seçən cavad xanı da. bunlar sənin millət kimi formalaşmağının parçası olan şeylərdir. bu millət, bu mentalilet, bu dil. - doğrudur, sən seçməmisən. bəlkə sən də la-da doğulan bir amerikan olmaq istəyərdin, bəlkə deyəndə ki, elə hamımız da istərdik, amma hal-hazırda bunu oxuyursansa deməli elə deyil. ona görə də "oyunu qaydalarına görə oynamalısan". necə ki, səni 20 yanvarda yas saxlamadığına, profil şəkli dəyişdirmədiyinə görə tənqid etmirlər, sən də edənləri tənqid etməməlisən. heç kim demir ki, qara geyinməlisən filan bu gün. öz həyatını yaşa, sırf normal günlərdəki kimi. sadəcə sərhədlərini bil, sənin azadlıqların mənim azadlarım başlayan yerdə bitir. bu prinsipi yaddan çıxartmamaq lazımdır. çox da şey eləməyin yəni.
not: nə profil şəkli dəyişirəm, nə də dəyişənləri tənqid edirəm.

16 əjdaha! 19.01.2015 19:19, ovchugs

#145268 şikayət

əsgərlik xatirələri

+29 əjdaha

yəqin bilirsiniz ki, əsgərlikdə məzuniyyətə hamını birdən buraxırlar. yəni 80 nəfər məsələn bir çıxır. kim əvvəl gedə bilirsə, adətən daydaylı olur.
yeməkxananın qabağında sıranın düzülməsini gözləyirdik. tanımadığım bir əsgər gəlib, yanımdakı məzuniyyətdən yeni qayıdan uşaqla danışmağa başladı:
- sən də daydaylısan babat.
- o niyə?
- bəs necə hamıdan qabaq məzuniyyətə çıxa bildin?
əslində həmin əsgərin atası ölmüşdü deyə onu 4 gün tez buraxmışdılar. ağlaya-ağlaya da getmişdi.
astadan gülüb cavab verdi:
- kaş dayday hesabına olardı.

28 əjdaha! 18.02.2016 04:42, ovchugs

#199431 şikayət

if i were a boy

+13 əjdaha

yeni tanıdığım, entry-ləri xoşuma gələn bu yazarın plagiatçı olduğunu bilməyimlə yerlə-yeksan oldum bu gün. əvvəlcə plagiatı göstərim:
#134649 entry'nin axrı tamamilə http://kulis.az/news/9565 məqaləsindən götürülmüşdür.
qəbul edirəm, söz6-da həmişə fav almaq, entry-lərinin bəyənilməsi filan adama xoş gəlir, hətta bəzən sırf bunun üçün çalışırsan ki, qəşəng entyrlər atasan filan. Amma səncə də dəyər yuxarıda görünən, entry-nin bəyənildiyini xəbər verən o qırmızı parçasına görə kiminsə əməyini, konkret bu nümunədə Qismətin məqaləsini oğurlayasan, bir (c) işarəsi göstərmədən, sanki özün belə düşünürmüşsən kimi paylaşasan?
Biz səni, ümumiyyətlə bütün sözlük yazarlarını öz entry-ləri, öz dəsti-xəttləri ilə sevirik. Bizi biz edən, söz6-ya maraq qatan hərəmizin individuallığı, nə bilim 33-cü dərəcədən masonun siyasi düşüncələri, qasimin gicləmələri, timidusun söz6 məhəbbəti, rumpeletskinin məlumat yağan entry-ləri filan deyilmi?
Fərqlənmək üçün səhv yolu seçmisən, gec olmadan qayıt. söz6 səni qəbul edəcək!

12 əjdaha! 24.11.2014 23:17, ovchugs

#135873 şikayət

sözlük yazarları

+14 əjdaha

bekarsınız siz, dostlar. son vaxtlar hər hansı bir yazarın başlığının altına baxanda ancaq şikayət görmək olur, sən ondan nəsə oğurladın, sən bundan nəsə plagiat elədin. qruplaşlamalar filan yaratmısınız, başım da çıxmır, hərə birini müdafiə edir, guya biri kimisə ifşa edəndə ona nəsə mükafat verəcəklər, elə həvəslə girişirsiniz ki. bütün dünənin ən çox bəyənilənləri'ndə bir-birinizə atdığınız sözlər olur, vallah görməzlikdən gəlməyə çalışıram neçə gündür, görürəm ki, dayanmaq bilmirsiniz. bunu oxuyanda da çox da qoz qoymayacaqsınız yəqin ki, amma olsun. sizin yazdığınız entry-ləri oxuyanda (iki tərəfi də nəzərdə tuturam.) ancaq ego görmək olur, yəni heç də sözlüyün gələcəyi, plagiatlığın üstünün açılması filan elə də maraqlandırmır, bunu uşaq da seçər yazılarınıza baxanda.
sonra utanmadan bir-birinizin intellektuallığını tənqid edirsiniz, tanımadığınız anonim yazarlardan daha savadlı olduğunuzu filan iddia edirsiniz. məsələn götürək məni, hardan bilirsiniz ala kiməm mən? ay sosioloji tarixindən elə edərsiniz, ay ekşi sözlükdə belə yazaram, mənə nə dəxli var? mən soz6-da sənin real kimliyinə qiymət verirəm ki? oxuduğun ünvanı zad yaz da onda özün haqda, biz də işimizi bilək. yəni niyə elə düşünürsünüz ki, siz məndən savadlısınız? hardan elə qərara gəlirsiniz? burda mən deyəndə də ego partlaması eləmək istəmirəm, mən altında bütün yazarları ümumiləşdirirəm.
tamam, biz də bilirik ki, plagiat pisdir, amma bunu entry filan da yazanda daha səmimi, başa düşülən yazmaq olmaz? bir-birinizə niyə söz soxursunuz ki? ala uşaq bağçasına dönüb bura bütün, mən bu söhbətləri 9-10cu sinifdə filan eləmirdim. biri səviyyəsiz şəkildə sataşır, o biri də cavab verib bu səviyyəsiz şəkildə sataşmaqla məzələnir. hə, canım, sən cavab yazanda elə bilirsən ki, eyni səviyyəyə düşmədin.
özünüzə gəlməyə səsləyirəm sizi. neçə gündür sizin ucbatınızdan sözlüyə girib baxışmaqla çıxıram. adamın həyata həvəsini öldürürsünüz, və eyni zamanda sözlüyə də. bilirəm ki, mən tək deyiləm, çoxdur belə yazarlar da. öz adıma deyim ki, mən burda heç bir yazara adına görə qiymət vermirəm, yəni söz6-da sanbalım var adı ilə gəzməyinizin elə də adı yoxdur, sizi yazar kimi isbat edən yazdığınız entry-lərdir, belə yekə-yekə hamınız zor yazaram iddiası edib son yazdığınız entry-lərdə yeniyetmələrdən fərqlənmirsiniz. bitirin day bu söhbəti, vallah ayıbdır. elə bil söz6 entryləri deyil, azərbaycan səhifəsində "erməniyi öldürən neçə nəfər olar?" başlığı ilə atılmış şəklin kommentləridi.

13 əjdaha! 04.03.2015 03:20, ovchugs

#151052 şikayət

güldürən dialoqlar

+12 əjdaha

qrup yoldaşımla getmişdik "şaurma"ya. getdi satıcının yanına:
- xanım, sizdə döş var? (toyuğun döş ətini nəzərdə tutur.) bundan sonra xanım da çaşır, təkərə düşür, uşaqlar da gülür eləyir, bu da guya vəziyyətini düzəltmək istəyir:
- xanım, sizi nəzərdə tutmuram, mağazada döş əti olur?
(baxma: rusdillilərin etdiyi səhvlər.)

9 əjdaha! 10.01.2014 16:52, ovchugs

#91056 şikayət

istəşmək

+11 əjdaha

adətən rayon kəndlərində oğlanla qızın bir-birini qarşılıqlı sevməsinə verilən ad.
keçmiş zamanlarda (söhbət ata və analarımızın vaxtından gedir.) bu sözün yerinə sevişmək deyirlərmiş, yəni qarşılıqlı şəkildə sevmək. lakin daha sonra türklərin həyatımıza daxil olması və sevişmək sözünün potensial seks olaraq başa düşülməsindən sonra kənd camaatı alternativ vasitələr axtarışına çıxır və istəşmək sözünün üstündə dayanır. istəşmək kənddə necə işləyir, nümunə göstərim.

- o qızı həsən istəyir, ondan uzaq dur.
- istəyir istəsin də.
- elə yox! onlar istəşirlər!
- hə, başa düşdüm. allah xoşbəxt eləsin.

istəşmək o deməkdir, qızın da razılığı var, nə vaxtsa oğlana "hə" deyib, indi mesajlaşırlar, arada qız bulağa ya mağazaya gedəndə yolda oğlanı görür, danışıb eləyirlər. məsələn evlənən oğlan kənddən qız almaq istəyəndə sevgilisi olan qız haqda deyirlər ki, "onun istəşdiyi var".
(baxma: sevişməyin, istəşin)

10 əjdaha! 07.02.2014 04:31, ovchugs

#97906 şikayət

xərçəng xəstəliyini tvitterdə yaşayan qız

+10 əjdaha

http://video.ntvmsnbc.com/olmeden-onceki-son-tweetlerini-atti-2.html
Amanda adlı qız, xərçəng olduğunu öyrənənə qədər həyatının necə keçməsi, xərçəng olduğunu öyrənməsi və daha sonrası. Ölümünə qədər atdığı tvitlər bu videoda göstərilmişdir.
Not: ağır duygusallıq içerir.

10 əjdaha! 18.01.2014 22:34, ovchugs

#93352 şikayət

messidən nifrət etmə səbəbləri

+12 əjdaha

2014-cü ilin dünya kuboku ərəfələri idi, getdiyimiz bir partidə ətrafı yalnız rus və ingilis dilinin sədaları bürümüşdü. vəziyyət elə idi ki, azərbaycan dilini bilən insanlar başqa bir xarici dildə danışırmış kimi hesab olunurdu, parti-nin absurdluğu barədə isə onu deyə bilərəm ki, insanlar rəqs edərkən ekranlarda argentina və iran (!) oyunu göstərilirdi. olduğum ortamda demək olar heç kimi tanımadığımdan yalqız şəkildə qıraqda oturur, gənclərin xarici mahnı ritmlərində bədənləri yelləməsini (baxma: dans etmək) heyranlıqla seyr edirdim. bildiyimiz bahalı diskotekalardan biri idi, tekilanın qiymətinin normal qarşılanması üçün hələ 2-3 dənə tekila içib o sərxoşluğa gəlmən lazım idi yəni. azərbaycanlı ağlı ilə çıxıb super marketdən dostumla tekila almış, başımıza çəkib parti-yə girişmişdik. rus və ingilis dili arasında bəlkə də uğur qazanmağımız üçün son şansımız idi.
oyun da gedirdi. 60-cı dəqiqələri filan idi. uşaqlıqdan ancaq içəndə oynamağı bacarıram, belə sıxılan bir tipim var yoxsa. oynayan da mən deyiləm, o içdiyim tekiladı, məni oynadır. (bundan sonra mətndə özümü tekila adlandıracam.)
nəysə, tekila girir qızların arasına. mahnının səsi yüksək olduğunundan bütün xarici mahnılara ağzını oynadır yalnız, onsuz da heç kim bilmir onun sözləri düz oxuyub oxumadığını. artıq 2-3 qızla oynamağa başlayır, ürəyində heç olmasa bayaq içkiyə mağazada verdiyi pulu çıxardığını düşünən tekila hətta dans kruqunun ortasında rəqs etməyə belə cürət edir. ortamda yavaş-yavaş sevilməyə başlayır.
oyun da gedir orda. 80-ci dəqiqələrdi.
bir qızla hətta ortada yalnız ikisi rəqs edir. tekilanın diqqətini dj çəkir. dj-ə mahnı sifariş vermək də olur. ağlına ideya gəlir o an. bütün azərbaycan təşkilatlarında, kamplarında oxunan o mahnı! tunak tunak tun. tunak etdirəcək, bütün ortamın sevimlisinə çevriləcəkdir.
dj-lə danışır, ancaq ingilis və rus dilli mahnılar qoyuram deyən dj-i bir təhər xahişlə tunak-ı qoymağa razı salır. ingilis dilini çox yaxşı bilən dostuna elan etdirir: dairə düzəldin, mənim etdiyim hərəkətləri mənimlə təkrar edin falan sözləri ingilis dilində səslənilir məkanda.
oyunun 90+ dəqiqələridi. oğlanlar tekilanın uğurundan narahat olaraq futbola baxırlar, qızların fikri tekiladadı.
və tunak tunak başlayır. hamı oynamağa başlayır yavaş-yavaş. gülənlər var. tekila gözlərdə özünə qarşı marağı sezməkdədi... və birdən. messi qol vurur. 90+da. ortalığı qışqırıq səsləri götürür. hamı ekranların qabağına gedir..
tukturuktuk tukturuk tukturuk taktak.. tekila çıxıb gedib, yenə ovchugs olmuşam. ortadayam, dostumla ikimiz tək tunak tunak tun oynayırıq. messi komanda yoldaşları ilə qucaqlaşıb qol sevincini qeyd edir. qızlar da oğlanlarla haşır-nəşirdi.
tukturuktuk.. dj mahnını kəsir. messi bir daha varyoxsuz olduğunu təsdiq edir. dostuma çönüb deyirəm:
- bilirsən də ronaldo fələstinə bir milyon dollar verib.
- hə, mən gedim o qızların yanına.
tək qalıram, ağlıma tekilanın araz marketdə də baha olduğu gəlir, gərək aşağıdakı rahat marketə gedərdim deyə düşünürəm..

8 əjdaha! 19.01.2017 22:58, ovchugs

#243195 şikayət

cavid ağa

+11 əjdaha

burda başlıq açılmasını qınayanlar da var, çox meşhurdur deyib destek olanlar da. cavid ağa tebii ki meşhur bir adam deyil, her hansı bir rayonda yaxınlaşıb cavid ağa kimdi deye soruşsan yeqin ki, serkerde deye filan cavab vererler. xoş ümumiyyetle küçe reportyajlarında hacıbeyovu tanımır xalqımız. neyse, qayıdaq meseleye. burda bezi adamlar yazıb ki, bes meşhur olmasa nece bu qeder adam entry yazıb başlığa. söz6'nın yazarları ne yazık ki, bütün azerbaycanı temsil ede bilmir ki. hamımız azdan-çoxdan internete giren, buranın fenomenlerini tanıyan adamlarıq, ve cavid ağa da fenomendir. özü isteyerek ya yox, deye bilmerem bunu. yani ki, onu tanıyan bizik, azerbaycan xalqı yox. amma bu o demek deyil ki, onun adına başlıq açılmamalıdır, ümumiyyetle maraqlı olan her şey haqqında müzakire olunsun deye başlıq açılması normaldır, mence. bu adam da bize maraqlı olmasa bu başlığa bu qeder entry girilmezdi yeqin.
ask.fm'deki cavablarını men de beyenmirem, amma orda bele onu follow edirikse demeli adam bize maraqlıdır da. hem beyenmesen de, beyensen de adamın düşüncesi budur. o kimise mecbur etmir ki, swinger barede. yazır, xoşuna gelmir oxuma. düşünceye göre teqib edeceksense de söz6'da ne işin var demezler adama? deyerler. yani ki, men cavidi sevmirem bele, burda da hamı bilir tenqid elemişem babat, amma haqsız tenqidin de yeri yoxdur axı. saygılar.

10 əjdaha! 15.02.2014 12:58, ovchugs

#100301 şikayət

yazarların kompleksləri

+7 əjdaha

imişli rayon olimpiya kompleksi.

6 əjdaha! 18.01.2014 01:50, ovchugs

#93148 şikayət

osmanlı imperiyası

+7 əjdaha

osmanlının sonunu gətirən hadisələrdən biri kafes adlandırılan sistemdir. kafes sisteminə görə şahzadə namizədlərini qardaş qətlindən qorumaq üçün xüsusi evlərə salırmışlar. bundan sonra sultanlar həmçinin həmin şahzadənin hakimiyyətə planlaşdırılmış vaxtdan əvvəl gələcəyindən qorxaraq onlara həmin yerləri tərk etməyə icazə vermirmiş. bununla da şahzadələr xalqdan uzaq düşürmüşlər, həm onların hakimiyyətə gəlməmişdən əvvəl uşaqları da olmasına icazə verilmirmiş. ona görə də 19-cu əsrdə sultanların çoxu xalqın nə istədiyini bilməyən, xəstə, kafesdə qalanda qız görmədiyindən bütün gün vaxtını hərəmxanalarda keçirən insanlara çevrilirmiş və bu da imperatorluğun sonunu gətirir daha sonralar.

7 əjdaha! 06.01.2014 21:16, ovchugs

#89727 şikayət

çayxanalarda yaşanan ləpə problemi

+8 əjdaha

deməli problemi qısa olaraq anlatmağa çalışacam, əminəm ki, hamınızın da başına gəlib. gedirsən çayxanaya, dost kruqu ilə filan, normal dəstgah deyirsən. hər çayxanada dəstgah-da müxtəlif ölçüdə ləpələr gətirir, və bütün müştərilərə də standart olur. problem də elə bundan sonra başlayır, a kişi. nə bilim, deyək ki, həmin çayxanaya iki nəfər getmisən, orda bəs rəhbərlik qayıdır ki, burda oturmusunuzsa mütləq dəstgah deməlisiniz, deyirsən, ləpə gələndə damarın tutur. başlayırsan yeməyə, elə də şeydi ki, bir başladın dayanammırsan, iki nəfərə qurtarmalısan temasına düşürsən. bu hamımızda var yəqin, özü də əsas uşaqlıqda öyrəşmişik yeməyin az zad olmasına, indi arxada yemək qoyanda nəyəsə xəyanət edirmişsən kimi gəlir. yeyirsən elə o ləpədən, çox da yedin, vsyo. həmişə oxumuşam ki, deyirlər enerji verir zad bu. harda verir? həmişə yeyirsən, daha da əhval-ruhiyyəni zibilə qoyur, durduğun yerdə bir dəxlisiz kədər gəlir, guya çayxanaya dostunla oturub söhbət edəcəksən adı ilə gedib, o ləpələri bütün qurtardığın üçün nəsə dəxlisiz bir ağırlıq hissi ilə çıxırsan.
bu birinci hal, biri də var gedirsən çayxanaya, 7-8 nəfər dost qrupu ilə. yenə deyirsən dəstgahı, eyni ləpəni gətirirlər. pul vermisən axı, beynində tez hesablayırsan ki məsələn dəstgah 20 manatdı, adama 3 manat, deməli azı 3 manatlıq yeməliyəm. dostunun da biri düşür e ləpənin qırağından. düşürsən ləpənin canına ki, birdən o 3 manata düşən pay qədər ləpə çatdırmazsan, çay zad qalır qıraqda, eləyəcəyin söhbət yaddan çıxır, tez 5 dəqiqəyə ləpəni qurtarırsan. fikir versəniz görərsiniz ki, çayxanalarda zad ancaq söhbət eləməyə bütün dəstgahdakı ləpə, konfet zad qurtarıb qənd qalanda başlamaq olur. yoxsa ilk 5-10 dəqiqədə elə bil aclıqdan çıxmış adamlara ilk dəfə yemək verirsən.
ona görə də burdan çayxana və restoran rəhbərliklərinə səslənirəm, adam sayına görə dəstgahlardakı ləpələrə diqqət edin zəhmət olmasa, az adam olanda az ləpə qoyun, çox olanda da çox. bizi bu dərddən qurtarın. indidən təşəkkürlər.

8 əjdaha! 25.01.2015 01:47, ovchugs

#145969 şikayət

ovchugs

+7 əjdaha

nikinin mənası acı ergenlik dövrlərimə gedib çıxır. bluetooth-da qız tutan vaxtları idi camaatın. mən də adımı ovchu qoymuşdum ki, guya ki qız ovçusu filan olacam. olmadı. birin də tutammadıq.

7 əjdaha! 06.01.2014 21:18, ovchugs

#89728 şikayət

ofis planktonu

+5 əjdaha

iş saatı zamanı adətən işdənkənar fəaliyyətlərə məşğul olan işçiyə jarqonda verilən ad. ofis planktonu deyə adlandırılan kateqoriya bütün iş günü əslində öz əmək funksiyasını yerinə yetirməyib çay içmək, facebook-a girmək, boş-boş söhbətlər etmək, özü işləmirmiş kimi başqalarına da mane olmaqla 8 saatı yola verən işçilərdir.

5 əjdaha! 10.01.2015 01:52, ovchugs

#143685 şikayət

ovchugs

+6 əjdaha

11 ayın əsgəri.

6 əjdaha! 02.05.2016 15:10, ovchugs

#212431 şikayət

yaysız il

+5 əjdaha

1815-ci ildə tambora vulkanının partlaması və avropanı örtən duman buludu ilə yayın hiss edilməyi il. deyilənlərə görə həmin vaxt maria shelley, corc bayron kimi yazarlar bir araya gəlir və bu qəribə hadisədən ilhamlanaraq yeni əsər yaratmaq üçün bir mərcə girirlər. daha sonra shelley frankesteini yazır, corc bayronun yazdığı əsər isə sonra digər bir yazıçıya vampirləri yaratmaqda ilham verir.

5 əjdaha! 24.01.2014 04:13, ovchugs

#94766 şikayət

the grand chessboard

+4 əjdaha

əsli polşalı olan amerikan politoloq zbiqnev kajimej bjenskinin də eyni adlı əsəri. əsər dünya siyasəti haqqındadır.
(bax: böyük şahmat taxtası)

4 əjdaha! 06.01.2014 22:37, ovchugs

#89784 şikayət

qarabağ fk

+7 əjdaha

azərbaycanda ən xoşuma gəlməyən komanda. indi siz məni burda vətən, millət xaini, satqın kimi filan qələmə verə bilərsiniz deyə fikrimi bir az izah edim. qarabağ klubunu bəyənməməyimə əsas səbəb bir nömrədə azarkeşlərinin "qarabağ pulu olmadan pullu netfçini udur" kimi absurd iddialarıdır. a kişi, o boyda azersun holding dayanır arxanızda, pulu olmayan adam azərbaycan üçün heç də elə-belə oyunçular hesab edilməyən reynaldo və digər əcnəbiləri necə oynada bilir? bundan əlavə elə demək olar yöndəmli bütün milli oyunçularımız da qarabağda oynayır. hə, sizin heç pulunuz yoxdur axı. bundan əlavə bir də "avropa fatehi" yakıştırması var ki, bu da insanı cin atına mindirən başqa səbəblərdəndir. nə edib fateh oldunuz? avropa liqasında qruplara qalmaq? rozenborqu udmaqla olur fatehlik? bax, mən avropa oyunları dəstəkləyirəm qarabağı, hətta interlə oyuna stadionda baxırdım və qol vurulanda da qucaqlamışdım yanımdakı tanımadığım daydayı. nə də olsa ölkənin adıdır filan, amma qarabağın ondan əvvəlki oyunda əllə topu ram etməsi də var idi də, o qolun verilməsi necə haqsızlıq idisə, inter oyunundakı da eyni söhbətdir.
qarabağ nə vaxt ki, qaçqın temasından çörək yeməyi dayandırıb, kasıbçılıqdan dəm vurmayacaq, o zaman mənim üçün normal komanda halına gələcək. son olaraq futbolu siyasətə qarışdırmayın, agalar. qarabağ futbol komandasıdır, o uefanı qazansa belə bu qarabağı bizə geri verəcəklər demək deyil.

6 əjdaha! 19.05.2015 00:57, ovchugs

#164599 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

ovchugs

son bəyənilənlər:

oxuyucuların bəyəndikləri: