şepardın fili

https://i.imgur.com/eb6ufmX.jpeg

çəhrayı pul

Hökumətlərin və təşkilatların ianələr vasitəsilə LGBT icmasının dəstəyini qazanmasını bildirən termindir. ABŞ-də buna "Doroti dolları", Britaniyada isə "çəhrayı funt" deyilir.

çəhrayı salon

Yaponiyada oral seks xidməti təklif edən xüsusi fahişəxanaları bildirən termindir. Yapon dilində pinsaro (ピンサロ) da deyilir. Çəhrayı salonlar qanunla qadağan olunduğu üçün yemək təklif edən yer kimi maskalanıblar.

çəhrayı eynək

Həyata və hadisələrə pozitiv baxmağı, belə demək mümkünsə reallıqları görmək istəməmək mənasında işlədilən ifadədir. Optimizmi bildirir.

çəhrayı fillər görmək

Çox içki içdikdən sonra hallüsinasiyalar görməyi bildirən bədii ifadədir. Cek London 1913-cü ildə yazdığı əsərdə alkoqolik personajın "mavi siçanlar və çəhrayı fillər" gördüyü təsvir olunmuşdu. Qəribə olsa da, real həyatda da nadir hallarda çəhrayı rəngli fillərə rast gəlinir.

dandadan

2024-cü ildə çıxan, ilin ən yaxşı animelərindən biri. Baş qəhrəmanlar həm bədheybətlərdən, həm yadplanetlilərdən qaçmağa çalışırlar. Həm animasiya keyfiyyəti, həm janrları yaxşı qarışdırması, həm personajları ilə mənim könlümü fəth edən manqa adaptasiyasıdır. link

10 yen oyunu

Yaponiyada gənclərin qrupca oynadığı bir anonim dürüstlük oyunudur. Ortaya bir sual atılır, məsələn, "kimlərin həyatda sevdiyi biri var?". Olanlar qəpiyin üst tərəfi ilə, olmayanlar isə arxa tərəfi ilə cavab verirlər. Qəpikləri dəsmalın altına qoyub qarışdırırlar deyə kimin hansı cavab verdiyi anonim qalır.

gokon

Yaponların "group dating" dedikləri şeydir. Biri oğlanlardan, digəri qızlardan ibarət olan iki qrup bir araya gələrək tanış olmağa, münasibət qurmağa çalışır. Adətən blind date kimi olur, iki qrup bir-birini tanımır. izakaya, restoran tipli yerlərdə keçirilir. Yaponca "konpa" (qrup) və "godo" (birlikdə) sözlərinin birləşməsindən yaranıb.

anohana

2011-ci ildə yayımlanmış 11 seriyalıq anime serialıdır. Tam adı "Ano Hi Mita Hana no Namae wo Bokutachi wa Mada Shiranai" (Həmin gördüyümüz çiçəyin adını hələ də bilmirik) kimi gedir. Anime yaxın bir dostun ölümünün öhdəsindən gəlməyə çalışan dost qrupu haqqındadır. insanı ağladan anime kimi məşhurluq qazansa da, mən izləyəndə mənə o qədər təsir etməmişdi. link

taçinbo

Yaponiyada fahişəliyin bir növüdür. Yolda dayanıb onları otelə dəvət edəcək müştəri gözləyən fahişələri bildirir. Yapon dilində "taçi" sözü "dayanmaq" deməkdir. Yaponiya hökuməti taçinbolarla mübarizə aparmağa çalışır. Məsələn, Osaka hökuməti maarifləndirmə aparmaq üçün taçinboların çox olduğu küçələri sarı rəngə boyayıb

hallyu

"Koreya dalğası" mənasına gələn termindir. Cənubi Koreya populyar mədəniyyətinin xarici ölkələrdə məşhurluq qazanmasına deyilir. K-Pop, Koreya serialları və filmləri, manhvalar buna nümunə kimi göstərilə bilər. Xüsusilə, BTS və Blackpink qrupları, "Squid Game" serialı, Oskar qazanan "Parazit" filmi xeyli populyardır.

çəhrayı otaq

Türkiyə həbsxanalarında məhkumun partneri ilə seks ilə məşğul olması üçün nəzərdə tutulan xüsusi otaqlardır. Özünü yaxşı aparan məhkum ziyarətə gələn arvadı və ya əri ilə çəhrayı otaqda vaxt keçirə bilər. Türkiyədə çəhrayı otaq sistemi ilk dəfə 2013-cü ildə yaradılıb, indi ölkədə 600-dən çox çəhrayı otaq var. insan hüququ müdafiəçiləri çəhrayı otağın mükafat kimi yox, ehtiyac kimi qəbul olunmasını tələb edirlər.

the disastrous life of saiki k.

bu yaxınlarda izləməyə başladığım, 2 mövsümdən ibarət anime serialıdır. Absurd komediya janrındadır. Əsas personaj Saiki Kusuo adlı lisey şagirdidir. Onun görünməz olma, supergüc, telepatiya, teleportasiya kimi gücləri var, amma bunu ancaq ailəsi bilir. Adi lisey həyatı yaşamaq istəsə də, müxtəlif absurd vəziyyətlərlə qarşılaşır.

3 seriya qaydası

ingiliscə "3-Episode Rule" gedir. Anime seriallarının izlənilmə vərdişi haqqında qaydadır. Son illərdə aktuallaşıb. Bu qaydaya görə izləyicilər anime serialının yaxşı olub olmadığını ilk 3 seriyada qərar verirlər. 2018-ci ildə aparılmış araşdırmaya görə anime izləyiciləri animeni ən çox 3-cü seriyadan sonra tərk edirlər. 3 seriya qaydasına aldanmamaq lazımdır. Məsələn, "Steins;Gate" animesi bu qaydanın ən böyük qurbanıdır. Ən yaxşı animelərdən biri hesab olunsa da, ilk 3 seriyası bir az maraqsız olduğu üçün nə qədər adam animeni atır.

suriya bayrağı

2024-cü ildə Bəşər Əsəd rejiminin devrilməsindən sonra dəyişən bayraqdır. Bayraqda əvvəllər olan iki qırmızı ulduzu indi üç yaşıl ulduz əvəz edir. Qırmızı zolağın da yerini yaşıl rəng alıb

shoujo shuumatsu ryokou

2014-2018-ci illərdə Yaponiyada yayımlanmış manqa seriyasıdır. 2017-ci ildə yayımlanmış anime adaptasiyası da var. Hekayə postapokaliptik dünyada kettenkrad üzərində səyahət edən iki qızın səyahəti haqqındadır. Sakitləşdirici, rahatlaşdırıcı və avanqard atmosferə malikdir. Ən yaxşı manqalardan biri kimi qəbul olunur. link

hitobaşira

qədim dövrlərdə Yaponiyada qəsr və ya körpü tikintisi zamanı binanın altına insanların diri-diri basdırılması adətidir. inanırdılar ki, struktur belə daha möhkəm olacaq. Amma bu adətin əfsanəvi olduğuna inanılır. Hərfi tərcümədə "insan sütunu" mənasına gəlir.

yakisuqi

yaponlarda ənənəvi taxta qoruma üsuludur. Taxtanı kömürləşdirib səthini daha dözümlü edirlər, beləcə, termitlər və digər cücülər taxtaya yaxın durmur. Taxtanı kömürləşdirmək üçün 3 taxtanı üçbucaq formasında boşluq yaradacaq formada bağlayırlar, boşluğu kağız topla yandırırlar. Son vaxtlar dekorativ məqsədlə istifadə olunur.

aptronym

sahibinə əcayib şəkildə uyğun gələn şəxsi ad. Məsələn, Useyn Bolt aptronim hesab oluna bilər, çünki bolt ingiliscə "ildırım" deməkdir. Ya da kinonun pionerləri Lümye qardaşlarının soyadı da aptronimdir, çünki "lümye" fransızca" "işıq" deməkdir.

qrinvoşinq

ictimai dəstəyi qazanmaq üçün şirkət və ya qurumun yalandan və ya olduğundan daha artıq şəkildə özünü ətraf mühit dostu kimi göstərməsinə deyilir. Məsələn, BMT-inin iqlim Dəyişikliyi Tədbiri (COP) bəziləri tərəfindən qrinvoşinq hesab olunur, çünki tədbir iştirakçıları konfranslara qatılarkən böyük karbon emissiyasına səbəb olur. Bəzi şirkətlərinin öz məhsullarını təbiətə ziyan vurmayan məhsul kimi təqdim etməsi də qrinvoşinqə misaldır.