Ahadesquieu


512   2   0   0
Ahadesquieu 3.nəsil yazar
reytinq xalı: 1281
karma xalı:483
entry sayı:512
izləyənlər:10
sifariş sayı:3

son yazdıqları| | əl əməyi göz nuru| favori seçdikləri| favori seçilənləri| bütün entryleri| saxlanılanlar| lövhə/blog

pənah hüseyn Bir dəfə jurnalistlər bundan soruşublar ki, Pənah məllim, deyirlər siz email işlətməmisiniz heç vaxt. Düz söhbətdi? Pənah məllim də qayıdır ki, kim deyirsə yalan deyir. Emailim pə[email protected], parolum da səkkiz dənə a hərfidir.
Ps: mail və parol şəxsim tərəfindən gopa basıldı.
bu şəhərdə Doğurdan da artıq bezdirib. Bunları Space tv-dən başqa heç kim vermir. Onlar da nə deyib verir bilmirəm mən.
Zalda oturan adamlar elə gülürlər ki, elə bil eyni zarafatları eşitmirik. Nə qədər şit, nə qədər bayağı. Hər konsertdə standart olan zarafatları var. Elarizə sataşırlar, sarkisyana və ya ermənilərə sataşırlar, bölgə ləhcələrini parodiya edirlər, bir də ki, toy. Hardasa artıq 10 ildir belə gedir. Başqa heç nə yoxdur və millət də bir həftə sarayı doldurur bu şeyləri izləmək üçün.
yazarların siqaretə başlama yaşları 23. əsgərlikdə söz vermişdim ki, gələndən sonra çəkəcəm. Çəkdim də. Amma artıq ləzzət eləmir. Daha başqa şeylərdən dad almaq istəyirəm. Bir neçə gündür çəkmirəm.
lao tzu "Qabı palçıqdan düzəldərsiniz, ancaq onu istifadəyə yararlı edən içindəki boşluqdur" deyən adam.
bobby fischer Bobby Fischer 1943-cü ildə Çikaqoda anadan olmuşdu. Atası alman biofizik, anası isveçrə doğumlu bir müəllim idi. Hər iki valideyni əslən polyak yəhudiləri idilər.
iki yaşında olarkən atası vəfat etdi Fischerin. Anası ailəni dolandırmaq üçün işləyirdi və uşaqlar tək qalmağa məcbur olurdular. Bacısı Fischer darıxmasın deyə ona bir şahmat almışdı və təxminən 6 yaşından etibarən şahmat öyrənməyə başladı. Sonrakı intervyularının birində belə bir dialoq var
-Nə vaxt öyrənməyə başladınız şahmatı?
-6 yaşında.
-Bəs nə vaxt öz gücünüzün fərqinə vardınız?
-7 yaşında.
15 yaşında Fischer artıq ABŞ çempionu idi və 2500 xalı keçdiyi üçün artıq grandmaster adını almışdı. Ard-arda 7 il ABŞ çempionu oldu. 1966-cı ildə Grandmaster Botvinnik Fischerin 6 il içində dünyanın ən yaxşı şahmatçısı olacağını iddia etmişdi.
60-cı illər Fischer üçün çox qalmaqallı keçmişdi. SSRi şahmatçılarının bir-birilə oynadıqları oyunlarda razılaşdırılmış heç-heçələr edərək yorulmadıqlarını və buna görə də digər rəqibləri rahat məğlub edərək çempion olduqlarını başa düşdü. Bundan sonra SSRi-də olan heç bir turnirə qatılmadı.
Oynadığı hücum tərzi aqressiv şahmat əslində xarakterinin əlaməti idi. Öz həyatında da aqressiv, uzlaşmaz, tərs, asi insan kimi yadda qalmışdı. Şahmatda da heç vaxt bərabərliyi sevməz, həmişə qazanmaq üçün oynayardı.
Hər zaman təşkilatçılarla dava edirdi. Salonun işıqlandırılması, yerinin rahatlığı, otağın istiliyi, izləyicilər ilə arasındakı məsafə kimi məsələləri böyük problem halına gətirirdi. 1967-ci ildə Tunisdə oynadığı turnirin son oyunlarına lider olaraq girərkən, birdən-birə turniri tərk etdi. Otağının qapısını döyənlərə "məni rahat buraxın" deyə qışqırırdı. "Atasız-anasız uşaqlar ac qurdlar kimi böyüyürlər" demişdi bir dəfə.
1972-ci ildə Spassky ilə "əsrin oyunu"na gəlmək üçün minbir şərt irəli sürdü. Ən çox problem yaradan şey isə məbləğ məsələsi idi. Fischer qalibə veriləcək məbləğin az olduğunu iddia edirdi. Sonunda bir ingilis bankerin şəxsi təşəbbüsü ilə Fischerin istədiyi məbləğ qarşılandı və Fischer əsrin oyununa gəldi. ilk matçda böyük səhvə yol verib məğlub oldu. ikinci oyun günü nə qədər gözlədilərsə Fischer gəlmədi. Çünki, ABŞ-a qayıtmışdı. Sonunda Kissingerin telefon zəngi nəticəsində Fischer razı salında və oyuna qayıtdı. Spasskyni 7-3 hesabı ilə məğlub edərək dünya çempionluğu əldə etdi. Sonrakı bir neçə il turnirlərə qatılmadı. 1975-ci ildə Karpovla ünvan matçına çıxmamaq üçün hər cür fırıldağı elədi. Hətta 5 milyon dollar təklif edilsə də qəbul etmədi. Taa ki 1992-ci ilə qədər.
1992-ci ildə qız dostunun təkidi ilə Spassky ilə Yuqoslaviyada yenidən oynadı və qazandı. O vaxtlar Yuqoslaviya embargo altında idi və ora getdiyinə görə Fischer cinayət məsuliyyətinə cəlb ediləcəkdi. Ona görə də Yaponiyada yaşamağa başladı.
Deyilənə görə hətta iCC-də onlayn matçlar da oynayırmış. Təbii ki, bu bir fərziyyədir. Dəqiq məlumat deyil.
Onu ABŞ-a dəvət edən tək ABŞ prezidenti George Bush haqqında "Gördüyüm ən axmaq ABŞ prezidentidir" demişdir.
11 sentyabr günü canlı yayıma bağlanan Bobbynin ilk sözü belə olmuşdu: "Bu gün mükəmməl bir gündür".
Sonra Yaponiyada da həbs olunduqdan sonra oranı tərk etmək məcburiyyətində qalmış və islandiyaya köçmüşdür. islandiyadakı ilk müsahibəsində də Busha, Yaponiya baş nazirinə, Yəhudilərə babat geydirmişdi.
Bu gün şahmat bu qədər populyardırsa, şahmatçılar yaxşı pul qazanırlarsa, hamısı Fischerin işlərinin nəticəsidir.
Ömrünün sonuna qədər tərs, barışmaz, aqressiv, tənha yaşayan adamın ölərkən son sözləri belə olmuşdu "Heç bir şey bir insan toxunuşu qədər azaltmır dərdləri".
martin heidegger Dili o qədər qəlizdir ki, almanların özləri belə oxuyanda başa düşməkdə çətinlik çəkirlər. Bunun əsas səbəbi isə özündən sözlər, terminlər yaratmasıdır. Hətta belə bir deyim var ki, Heidegger almanca yazmayıb, Heideggercə yazıb.
azərbaycanlıların tərifləmək ənənəsi O gün təsadüfən ictimai tv-də ilanlar haqqında verlişə rast gəlməyimdən sonra idrak etdiyim xəstəlik. Deməli, proqram ilanlar haqqındadır. ilanlar bir canlı növüdürlər və təbiətdə balansın qorunması baxımından yaxşı və pis tərəfləri var. Amma, proqramın qonaqları ilanları elə tərifləyirlər, elə tərfiləyirlər, sanki 2008-ci il dünya iqtisadi böhranını ilanlar həll ediblər. Tərifləmək var tərifləmək var. Belə yüngülvari bir şey olsa burda haqqında başlıq açmaram. Amma, dəhşətli şəkildə tərifləyirlər. ilanlar çox yaxşı heyvanlardılar... Onlar olmasa biz neylərdik... Bizim ilanlar çox səmimidirlər... Onlara dəyməsən onlar da sənə dəyməyəcəyinə zəmanət verirəm... Su içəni vurmurlar... imam yandıran deyillər... və sair və ilaxır.
Bizim tarixə baxsanız eyni şeyi insanlar haqqında da edirlər. Şah ismayıl Bakı əhalisinin kökünü kəsirdi az qala. Onu da tərifləyirik. Rəsulzadəni də tərifləyirik. Ona şarlatan deyən Səməd Vurğunu da tərifləyirik. Hüseyn Cavidi, Müşfiqi də tərifləyirik. Onların ölümündə iştirak etmiş Bağırovu da tərifləyirik. Kommunist Süleyman Rüstəmi də tərifləyirik. Milliyətçi Xəlil Rzanı da tərifləyirik. Elçibəyi də tərifləyirik. Heydər Əliyevi də tərifləyirik. Hamını, hamını tərifləyirik. Sanki bizim tariximizdə kim varsa hamısı yaxşıdır. Bizimdirsə yaxşı olmalıdır. Bizim olanları bəyənməyənlər pisdirlər. Burada tarixdən silməyi nəzərdə tutmuram. Məsələn, Almanlar da hitleri tarixlərindən silmirlər. Ancaq, onunla fəxr də etmirlər. Bizdə elə deyil. Milyonlarla günahsız insanın qanı əllərində olsa da fərq etmir. Bizimdirsə yaxşıdır. Kiməsə pis deyildiyini heç vaxt eşitmirik. Ən pis halda da "o haqq dünyasındadı, biz nahaq. Hər şeyi allah bilər" deyib yola veririk. Bu yəqin ki, sosioloji bir şeydi. Tariximiz o qədər kasaddır ki, üç-beş nəfəri də ordan çıxarsan ümumiyyətlə heç kim qalmayacaq. Sanki, ona görə də yaxşı-pis bütün şəxsiyyətlərdən inamla yapışırıq. Hamısının yaxşı olduğuna inandırmağa çalışırıq özümüzü. Bunun başqa bir açıqlaması ola bilməz.
hər kəs tərəfindən sevilən adam Siz də məni bağışlayın, sikən adamdır. O qədər gücü var ki, heç kimin cəsarəti çatmır ona nəsə deməyə. Güc həm pul, həm nüfuz, həm vəzifə, həm də qolunun gücü ola bilər. Yoxsa ki, bu qədər fərqli insanın eyni insanı sevməsinin başqa bir açıqlaması ola bilməz. Siz məclislərdə filan görmüsüz bir vəzifəli, imkanlı adam gələndə hamı necə yaltaqlanır. Bax elə onu deyirəm.
atarlı Təxminən iki il əvvəl içində mən də olmaqla bir neçə yazara evində plov qonaqlığı vermiş yazar
daron acemoğlu "why nations fail" adlı kitabını ingilis dilində oxumağı məsləhət gördüyüm iqtisadçı. Təbii ki, əgər orta səviyyə ingilis diliniz varsa. Dili həqiqətən də çox rahatdı. Bu həm kitabı daha yaxşı başa düşməyinizə kömək olacaq, həm də ingilis dilinizi inkişaf etdirəcək. Türk dilinin nə qədər rahatçılığı varsa bir o qədər də ziyanı var. Başqa dil öyrənməyə imkan vermir.
zındıq "zənd avesta"ya inanan adamlara müraciət üsulu. Yəni zərdüştçülərə zındıq deyirlərmiş qədim ərəblər.
martin heidegger "Eynək məsafə baxımından bizə o qədər yaxındır ki, düz burnumuzun üstündə durur. Ancaq, bizi əhatə edən dünya baxımından qarşımızdakı divardan asılan tablodan daha uzaqdır bizə. Eynəyin bizə yaxınlığı gündəlik təcrübədə o qədər az hiss edilir ki, fərqinə belə varılmır" deyən dahi şəxs.
mixail tal Oyunlarının analizindən dəhşət zövq aldığım grandmaster. Şahmatın adətən normal bir gedişi olur. Bir yerdən sonra artıq hiss edirsən ki, iplər qopmağa başlayır və kimsə oyunda üstünlüyü ələ keçirir.
Amma bu məllimin oyununda belə olmur. Oyunda heç nə yoxkən, birdən-birə çox qəribə bir daş qurban verir. Hətta vəzirini də. Halbuki konkret heç bir qazancı yoxdur. Amma oyunda elə bir xaos yaradır ki, bir at bir piyada ilə filan qalib gəlir.
graviton Əsas odu ürəklərdə var olan yazardı
400 manat maaş alıb 4 uşaq doğmaq 400 manat maaş verən qədər 4 uşaq doğan da günahkardır. Əlbəttə ki, 400 manat maaş azdır. Kifayət etmir. Amma sən bilə-bilə ki, dövlət 400 manat maaş verir, nəyə görə o dörd uşağı doğub bədbəxt edirsən? Dövlətlə prinsipə düşmüsənsə, get birinci maaşların qaldırılmasına nail ol, sonra doğarsan və ya doğuzdurarsan. Burda itirən bir dənə məsum uşaqlar olacaqlar. Onların günahı deyil axı dövlət 400 manat maaş verir. Əsas da unutmayın ki, prezervatif almaq, uşaq böyütməkdən min dəfələrlə ucuzdur.
anar nağılbaz Qadına oral seks elədiyinə görə yox, evli ola-ola, həyat yoldaşı hamilə ola-ola ona xəyanət etdiyinə görə tənqid edilən reper. Yoxsa ki, yesinlər oral seksi. Oral seks boş şeydi. Əsas məsələ ailə qurduğun, yaxşı gündə, pis gündə yanında olacağına söz verdiyin qadına xəyanət etməkdir. Xəyanət edəcəydinsə, gedib başqa qadınlarla yatacaqdınsa evlənməyəydin. Gedib ölənə kimi oral seks edəydin. Şəxsən mən sona qədər dəstəkləyərdim səni. Deyərdim ki, alan razı, verən razı. Məni qıdıqlayan heç nə yoxdur. Amma sən biriylə evlənmisənsə, bir nikah müqaviləsi imzalamısansa, qarşı tərəfin sənə xəyanət etməyini istəmirsənsə, sən də eyni şeyi etməməlisən. Düşünün ki, Anarın yox, onun həyat yoldaşının videosu çıxaydı elə. Qan düşərdi ya yox? Kişi olmaq o demək deyil ki, sən həyat yoldaşına xəyanət edə bilərsən. O sənin spermlərindən, qanından, genlərindən gələcək övladı qarnında daşıyanda sən gedib oral seks etdiyi qadına "sənin a*cığının dili mənim arvadımın dilindən yaxşıdır" deyirsənsə mənim gözümdə bir qəpik dəyərin yoxdur. Ona görə də vecimə olmayan hadisədir Anarın ölümü. Məncə Yaxınlarından başqa heç kimin də vecinə deyil.
Məni yandıran odur ki, bir adam hər cür hoqqadan çıxır, ölən kimi hamı başlayır onu tərifləməyə. Bir insanın ölməyi onun elədiklərinin üstündən xətt çəkmir. Bunları evlənməmişdən qabaq düşünəydi. indi artıq gecdir.
tiflis Zənnimcə Bakıdan qat-qat gözəl olan şəhər. Təbii ki, Bakıda olan müasirlik, göydələnlər, saray kimi metrolar, mədəniyyət evləri, super təmirli parlament binası filanı yoxdur. Yuxarıda da deyildiyi kimi, təxminən 2000-lərin əvvəllərindəki Bakını xatırladır. Amma vacib bir məqam var ki, şəhərin özünəməxsus bir ruhu var. Hündür binaları yox deyiləcək qədər azdır. Adətən 2-3, ya da 5 mərtəbəli evlərdir. Qoca nənələr qapının astanasında oturub siqaret çəkirlər, söhbət edirlər, ya da ki, heyvanlarını sığallayırlar.Ən xoşuma gələn tərəfi də odur ki, əhalisi Bakıya nisbətdə qat-qat azdır ki, hələ bunun turist tərəfini fikirləşin. Turistlər olmasa şəhər ümumiyyətlə boş qalar. Metrolar boş, avtobuslar boş, küçədə adam adamın belinə çıxmır. Avropalılar qədər olmasa da bizimkilərə baxanda gülərüz insanlardılar. Üzlərindən qaramat və zəhirmar yağmır. Ən azından çay içdiyiniz kafedəki ofisiant qıza çox gözəl olduğunu dediyimə görə( ki, qız həqiqətən də gözəl idi. Padxod eləmək məqsədilə deməmişdim) bir çayın pulunu istəmədi :d . Bizdə onu desəydim yəqin ki, çay başımda dağılmışdı.
Ümumilikdə ölkənin gəliri ancaq turizmdir. Turistlər üçün hər şəraiti yaradıblar. Yuxarıda da qeyd etdiyim kimi Tiflisdə yerli əhalidən çox turist görürsən. Ola bilər ki, hal-hazırda bizdən zəifdilər iqtisadi cəhətdən. Amma, yaxın 5 ildə bizi keçəcəkləri dəqiqdir.
1 2 3 4 5 6 7 8 9 10 11 12 13 14 15 16 17 18 19 20