Son yazılanlar
uşaqlıqda allah zənn etdiyi
ludwig wittgenstein
sürət hüseynov
ingilis dilində şakur-şukur danışanlara baxıb demotivasiya olmayın. Onsuz da ingilisdilli ölkədə yaşamadığınız müddətcə o qədər mükəmməl danışmağınız mümkün deyil. Önəmli olan nə üçün öyrəndiyinizi bilməyinizdir. O səviyyəni sıxın, ondan artığı kefinizə baxır.
Şəkilçiləri ilə birlikə yoxsa ayrı deyə dəqiqləşdirilməli olan zad, şey. Çünki, hind-avropa dillərindən fərqli olaraq bizim dildə şəkilçilər sözə bitişik yazılır. "Yaxınlaşdırdıqlarımızdansınızmı" sözünün kökü "yaxın"dır, qalanı leksik yaxud qrammatik şəkilçilərdir.
Nə bir qəpiklik meyxanaçı, nə bir qəpiklik şair olmayan adam. Ədəbiyyatdan, şeirdən bir az başı çıxan, bir az mütaliəli istənilən adam açıq şəkildə bunu hiss edə bilər.
Ətraf mühitə ən uyğun olan canlıların yaşaması, digərlərinin məhv olması prosesi. Ən güclü deyil, ən uyğun olan. Fil qarışqadan güclüdür, amma elə bir mühit yarana bilər ki, fillər hamısı məhv olar, qarışqalar yaşayar. Məsələn, dinozavrların məhv olub quşların yaşaması kimi.
Təbii seçmənin olması üçün fərqli-fərqli canlılar lazımdır. Bəs əgər hər canlı özü-özünün kopyasını yaradırsa, necə bir hüceyrədən bu qədər fərqli canlı ortaya çıxdı? Onun da səbəbi mutasiyadır. Mutasiya nəticəsində fərqli növ canlılar yaranır, təbii seçmə nəticəsində bəziləri sıradan çıxır, qalanları davam edir.
Vaxtilə Türkiyədən ucuz qiymətə sifariş edilə bilən qoruyucu vasitə. indi bilmirəm qiymətləri nə yerdədir. Qiymətinin baha olacağını düşünəndə iki şeyi yada salmaq kifayət edər:
1. Bir ay ərzində qarşı cinsin hamilə qalması ehtimalına görə keçirəcəyiniz stresi
2. 4 il ərzində pampersə verəcəyiniz pulu.
Cibinizdə 10-15 manat da yoxdursa bir zəhmət sikişməyin day :d
Mükəmməl olmayan və mükəmməl cəmiyyətə ehtiyac duymayan idarəetmə sistemi. Demokratiya suverenliyin xalqa məxsus olması deməkdir. Onu kimin idarə edəcəyinə özünün qərar verməsidir. Bu sistemdə Trump kimi, Hitler kimi adamlar seçilə bilərmi? Bəli. Amma bu sistemin də əksi "ideal" insanlar tərəfindən idarə olunmaqdır ki, Bəşər Əsəd, Qəddafi kimi adamların nə qədər ideal olduğunu görürük. Yəni, demokratiya mükəmməl deyil, amma hələlik ən yaxşısı odur.
Azrepin Jamal Ali ilə birlikdə ən yaxşı siyasi replərini yazan reper.
Heç nə gözləmirəm həyatdan, o da heç nə gözləmir.
Seçki sözdədi, əslində seçib seçilir özləri.
Polisi çağırmağa da yox ehtiyac - onlar özü gəlir.
Bunlar özgədi, get tut, podvala sox və döy gətir.
12 ildən sonra Azərbaycana dönən bir vaxtların siyasi fəalı. Son illərdə Meydan TV-dən ayrılması və hökumətə yaxın ritorikası ilə bu günün mesajını verirdi açığı. Elmir Mirzoev və Ramiz Yunus yolunu davam etdirir. "Meydançılar"ın həbsindən 3 həftə sonra Bakıya gəlməyi də "manidar"dır.
Pakistana peyvənd göndərməyən və Bakıya şollar suyu çəkdirməyən adam. Pakistana peyvənd göndərməsi ilə bağlı mifi buradan oxuya bilərsiniz:
https://faktyoxla.info/cemiyyet/haci-zeynalabdin-tagiyev-pakistana-peyvend-gonderibmis
Şollar suyu ilə bağlı məqaləni isə buradan oxuya bilərsiniz.
https://525.az/news/145355-sollar-suyu-bakiya-tagiyevin-pulu-ile-cekilmeyib-musellim-hesenovun-qeydleri
Son 10-15 ilin ən yaxşı şairlərindən biri ikən özünü gözdən salan adam. Hər şey haqqında danışır. ədəbiyyatdan, tarixdən, fəlsəfədən, siyasətdən, sosiologiyadan, publisistikadan, hər şey haqqında niyə danışmaq məcburiyyəti hiss edirsən ki? Adam bir şeyin ustası olar, ondan danışar da.
Bütün dünyada 1966-cı ilin finalında verdiyi qərarla tanınan azərbaycanlı hakim. Hamı topun xətti keçib-keçmədiyini, Tofiq Bəhramovun bunu necə gördüyünü müzakirə etsə də, özünün yazdığı kitabda deyir ki, topun üst dirəyə yox, üst dirəyə bitişən tora dəydiyini gördüyü üçün qolu verib.
Universitetdə fəlsəfə müəllimimizin dərsə gəlmədiyi gün. Bəli, dünyanın sonu olduğunu düşündüyü üçün.
Səslərin hər zaman partiyalara verilmədiyi sistem. Açıq-siyahılı proporsional seçki sistemlərində partiya ilə bərabər partiyanın spesifik namizədinə də səs verirsən.
Sosial və etnik fərqliliklərin olduğu dövlətlərdə demokratik institutların formalaşması üçün istifadə edilən model. Bu modeldə fərqli qruplar hakimiyyət bölgüsündə hər biri müəyyən pay əldə edir və daha stabil, demokratik cəmiyyət qurulur. Əsas elementləri proporsional seçki sistemi, federalizm, koalisiyalı hökumətlərdir. Əksi olan sistem üçün isə (baxma: centripetalism)
Əslində Azərbaycanda olmayan sistem. Azərbaycanda seçki sistemi (milli məclisə) majoritar kimi yazılsa da konstitusiyada, seçki haqqında qanuna görə qalib gəlmək üçün səslərdən yarısını yığmağa ehtiyac yoxdur. Digərlərindən çox yığsan kifayət edir.
Dövlətə xəyanət maddəsi ilə həbs edilmiş aktivist, Karl universitetinin dokorantura tələbəsi. Sübutlar barəsində hələ heç bir məlumat ictimaiyyətlə paylaşılmayıb (güman ki, sübut zad da yoxdur, sadəcə siyasi sifarişdir). Bir insanı haqsız yerə həbs etmək, üstəlik dövlətə xəyanət maddəsi kimi ağır bir maddə ilə həbs etmək çox üzücüdür. Bir gəncin (fikirlərini bəyənərsiz ya bəyənməzsiz fərq etmir) ömrünün 15-20 ilini haqsız yerə həbsdə keçirməsi ağır dərddir. Ümid edək tez zamanda azadlığına qovuşar.
ispaniyada Bask dilinin qadağan olduğu 1960-cı illərdə bəstəkar Mikel Laboa üzərində Bask dilində şer yazılan bir salfet görür. Txoria Txori adlı ölən bir quş üçün yazılan bu şer Franko rejiminə səsssiz etirazın simbolu idi. Bu şerdən təsirlənən Laboa ona musiqi bəstələyir.
Şerin sözləri belədir:
Əgər sənin qanadlarını kəssəydim
Mənim olardın, yox olmazdın.
Amma o zaman da quş olmazdın,
Mən isə quşu sevirəm.
Atletik Bilbao azarkeşləri də qazandıqları kuboku məhz bu bəstə ilə qeyd edirlər.
)
Zərdab rayonunda mədəniyyət evinin qarşısında yerləşən Zərdabinin heykəli. Hələ də elə zənn edirəm açığı
Dünya tarixinin "Amelie"dən sonra ən yaxşı film musiqilərinə sahib olan film. Emin Sabitoğlu bu film üçün yazdığı musiqilərlə məncə özünü də aşa bilib.
13 il yaxından tanıdığım insanla təntənəsiz toy edərək daxil olmadığım kateqoriya.
Son bəyənilənlər
