dördüncü meymun


424   1   0   0
dördüncü meymun 3.nəsil moderator
reytinq xalı: 1259
karma xalı:804
entry sayı:424
izləyənlər:15
sifariş sayı:0

son yazdıqları| | əl əməyi göz nuru| favori seçdikləri| favori seçilənləri| bütün entryleri| saxlanılanlar| lövhə/blog
Masadakı ağzıaçıq siqaret qutusu
Dişlərini ağardıb elə bil.
Sağlamlığımla zərər vurmaqla hədələyir, bic-bic gülür mənə.
Mənsə əvəzində bir-bir çəkirəm dişlərini.

Nəçə ildi o minarədən yıxılmır o azan.
Elə bil yol nişanı kimi dikilib ora;
Uşaqlara məktəbi,
Qocalara məzarlığı göstərir.
Dan yeri sökülür yavaş-yavaş...
Deyəsən onun da yerinə göydələn tikəcəklər.

sözlük yazarlarının yazdığı şeirlər #220681 -dəki şeirə misraardı
(youtube: )


erik satieyə və oğlum zəkiyə

əgər hər il eyni yağışlar düşəcəksə şəhərə,
öz nəfəsin donduracaqsa burnunu,
deməli pis günlərin xatirəsidi bu payız,
çətin vaxtların xəbərçisidi.

hələ ən pis adamı görməmisən, oğlum,
ən dadsız yeməyi yeməmisən,
ən gözəl musiqini dinləməmisən,
hələ bu yağış nə xatirə deyil, nə xəbərçi,
amma dinləyə bilsən satie deyərdi sənə hər şeyi.

deyərdi ki,
"babammm... bam bam bam ba ba bamm"

əgər hər il eyni yağışlar düşəcəksə üstümüzə,
deməli davam edəcək bu toplu kədər.
küçədə islanan adamlar bir növ yağış qardaşı kimi baxacaq bir-birinə,
amma heç kim danışıb, aydınlıq gətirməyəcək buna,
heç kim deməyəcək ki, bu hamımızın yağışıdı,
bunlar hamımızın yalanıdı.

əgər hər il eyni yağışlar düşəcəksə səmadan,
bu gün mənim başıma düşən yağış nə vaxsa sənin ayağına düşəcək, oğlum.
suyun təbiətdəki dövranı acizdi məsələni izah etməyə.
"babammm... bam bam bam ba ba bamm"
sözlük yazarlarının yazdığı şeirlər Vivaldiyə, "incil" ə və ölmüş xristian dayıma

"Matta" da neçə fəsil var?
Arada çaşır adam.
incil ən müqəddəs kitab,
Vivaldi məşhur adam.

Saxla "yay sonatası" nı,
Bu gecədən qoş "payız".
Bu il nəsə çox yubanıb,
Tüfeyli, sərxoş payız.

Heç çatmadı bu il bizə
Uca ruhun xaçı da.
Dünəndən yarpaq tökübmüş
Qonşunun ağacı da.

Həvarilər iş görübmü
Soyuğa hazır, əmin?
Vivaldi, üçüncünü ver,
Payız qoydu qədəmin.

Bir kişi əl açıb göyə,
Əli üfürür payız.
Kişi vəhy aldı sanır,
Gizlincə gülür payız.

Tozlu maqnitafonunun
Kişi basır düyməsin,
Vivaldi hövlank oyanır,
icra edir bəstəsin.

Uzanır kişi yatağa,
Yaxınlaşırıq həmən:
Ata, oğul, müqəddəs ruh,
Vivaldi, payız və mən.
lütfi zadə Elmə çox ciddi töfhələr verməsinə baxmayaraq "azərbaycana nə verib" sualı ilə "neprav" çıxarılan alim.
Bir kasıbın balasının qarnını doyurubmu? fitrə çıxarıbmı? ameada illərini avaraçılıqla keçiribmi? Kitab yazıb, ön sözündə heydər babanın ruhunu izzətləndiribmi? Qeyri səlis məntiqin ideyasının qurandan bəhrələndiyini bəyan edibmi?
Əlbəttə yox. O dünya insanıdır. Ən azından bu arqumenti, onu konservativ düşüncəli həmvətənlərimizə qarşı müdafiə edərkən deyirik.
Amma lütfi zadənin azərbaycan üçün nəsə etməli olması fikri ilə onun ölümünə yaxın azərbaycanla bağlı dedikləri eyni məntiqin nəticəsidir. Hərfi mənada qeyri səlis məntiqin.
Adam deyir ki, ilham əliyev diktator deyil, yaxşı liderdir, rüşvət azərbaycan xalqının mədəniyyətidir, demokratiya qısıtlı olmalıdır və s.
indi, a dünya insanı, sənə lazım idi azərbaycanda dəfn olunmaq? Yaxşı deyək ki ölümü hiss elədin, sentimentallıq vurdu o "fındıq" başına, olmayan yerdən vətən xiffəti çəkdin... Bəs heç vaxt birgə yaşamadığın xalq haqqında niyə fikir irəli sürürsən? Tamam, bunu da qəbul eləyək hardasa ki, bir səhvə düşüb önyarğı eləmisən, ofşordan, guardiandan xəbərin yoxdur, ilhamı yaxşı lider olaraq görürsən. Bəs söz azadlığı ilə bağlı niyə gicləyirsən? Gərək amea-da avara alim olaydın, kitab yazanda orda kimlərəsə tərif yağdırmalı olaydın, yuxarılara rüşvət verməkçün aşağılardan yığaydın? Əlbəttə onda azərbaycan üçün nələrsə etmiş sayılacaqdın, heç kim də sənə "fındıqbaş" deməyəcəkdi.
(bax: mətbuat katibinin lütfi zadə açıqlaması)
sözlükdəki ərgənlər ifşa edilib, trollanmaları üçün açılmış başlıq. fərqi yoxdu bu ərgən 17 yaşındadı, ya 30. beyni yetişməyibsə format daxilində biz sıxaq heç olmasa. zatən timidus dünyanı fırlanır, o biri moderatorlar da baxmırlar kim nə yazır.
bəsdi də ala ömrümüzə oturduz. format da hərləmirsiz, baxan da yoxdu. gedin tvitterdə orxan ata favlayın da ala. hiss eləmirsiz ki bura sizlik deyil? nə məcburdu axı yazırsız? əsəbləşəndə gedin sızanaqlarınızı sıxın da, burda niyə üfunət yayırsız?

birincisini mən verirəm, istəyən nikaltısında yazsın ürək sözünü.
(bax: ölü götün qənimi)
#259893
#259703
#259696
və s.
pixlr.com Online photoshop kimi tanınsa da, əslində çox da funksional olmayan photo editor. Əsas yaxşı tərəfi layerlər arasında rahat işləyə bilməkdi.
gülüş sözlükdə ikinöqtə və bağlanan mötərizə işarələrinin kombinasiyası ilə ulduz şəklində görünən və haşiyədə "glş" olaraq yazılan zad.
komediya, ironiya, istehza, manipulyasiya və s. səbəblərdən yarana bilir.
qəhqəhə, təbəssüm, hətta mücərrəd halı mövcuddur.
haşiyə: mücərrəd halının konkret adı yoxdur. səssiz ünsiyyət; yazı ünsiyyəti zamanı ortaya çıxır. məsələn, bir nəfər sənə yazdığı mesajda gülməli zarafat eləyir. təbəssüm edəcəyin və ya qəhqəhə çəkəcəyin qədər gülməli olmur. sadəcə xoş bir zarafat olur. o an içində nəsə gülümsəyir, amma bu, əsla gülüş deyil.

Gülüş etiraz metodu da ola bilər, yaltaqlıq ifadəsi də. Amma hər halında əsaslı meyardır. Bir insanın nələrə güldüyü onun haqqında çox şey deyir. bu şəhərdəyə gülən adamla cem yılmaza gülən adam arasında uçurum var.
satira gülüş doğura bilər. Amma mirzə ələkbər sabirin
Ağlarsa uşaq dərdinin axtarma davasın,
Ancaq söy anasın.

Misralarına gülən adam, əlbəttə, çox ağır avaradır. Bu yerdə gülüş çox incə meyardır. Adam var ki, "pəncərə" filminə baxır, uşaqların mələdiyi səhnədə qəhqəhə çəkir. Başa düşürsən ki, sən bu adamla o qədər uzaqsan ki, əlavə müşahidəyə gərək yoxdur.

qara yumora olan reaksiyamız, bu sahədə psixologiyamızın çatdığı çağdaş nöqtədir. Yəni gülüş, mücərrəd təkamül keçən şeydir. Gələcəkdə insanlar nələrə necə güləcək, bunu təsəvvür edə bilmərik.
Müxtəlif mədəniyyətlərdə belə insanlar tamam fərqli şeylərə gülürlər. Dəyişməyən təkcə uşaqların gülüşüdü. Şərq fəlsəfəsinə görə öz içində məhz onu tapmalısan. Mənə görə də belədir. Amma şərq fəlsəfəsi daha yaxşı referansdır.
Bu dediyimə mücərrəd olaraq güldüz? Bəlkə də, smaylik qoysam gülərdiz. Amma sözlükdə qadağandır.
upwork.com 8 layihəyə təklif verib, hələlik heç birindən cavab almadığım sayt. amma trafikdən bəllidir ki, üstünə düşülsə, məlumalar yaxşı doldurulsa yaxşı məbləğlər qazanmaq mümkündür.
şahmat öyrənmək istəyənlərə məsləhətlər bir yerə qədər "mən niyə strateji düşünə bilmirəm" deyə özünüzü qınayacaqsız. amma əzminizi itirmədən çoxlu praktika eləsəz, zamanla özünüzdə olan dəyişikliyin möhtəşəm həzzini görəcəksiz.
bu ümumi məsləhət.
mənim məsləhətimə gəlincə isə: udmağa çox konsentrasiya olmayın. domino məntiqiylə yanaşmayın. Hər gedişin önəmi yüksəkdir şahmatda. konkret nəticəyə qaçmayın. şahmat mərhələli, şaxəli prosedurdur. azərbaycan müxalifəti əzmiylə mübarizə aparın.
fövqəl insan sözlüyə ən ciddi töhfə verən yazarlardan biri. entrilərinin çoxu kiçik kəsimə xitab etsə də, həmin kəsim üçün əvəzolunmazdır. məlumat paylaşılmasında səxavətindən ibrət götürməli olduğum yazardır. eşq olsun!
köhnə mahnılar hardasa eşidəndə qulaq kəslib, hər sözü dəqiqliklə təkrar dinləmək istədiyimiz, yadımıza düşəndə isə səbrsizliklə kompüterə doğru aparan mahnılardır.
elanrə - "pəncərə"
(youtube: )

aygün kazımova - "son söz"
(youtube: )

tünzalə ağayeva - "bir də baxım"
(youtube: )

tünzalə ağayeva - "gəlməz"
(youtube: )

və başqaları üçün açılmış başlıqdır.

həmçinin, prometenin bu addakı, 2013-cü ildə ərsəyə gəlmiş, səhv etmirəmsə, ep albomudur.
albomun youtube-dakı list halı link
elvin cəbizadə yaxın çevrədə futbol jurnalisti, ya da futboldan yazana hər nə deyilirsə, ondan olan biri kimi tanınır əsasən. amma youtube kanalında aisoo seidinin tərcüməsi ilə bir-birindən möhtəşəm fars mahnılarına azərbaycanca altyazı qoyaraq cənnətə girişi sığortalamışdır.
favoritlərimdən:
(youtube: )
sözlük yazarlarının yazdığı şeirlər "axmaq" şeirimin günün entrilərinə düşməsi ilə köhnə şeirlərimə baxıb nostalji yaşamağıma səbəb olan başlıq.
bu münasibətlə də eramdan əvvəl yazdıqlarımdan birini paylaşım dedim.

Elə uzaqdasan ki, sevgili,
Elə bil tutsam qulaqlarımı adımı çağıracaqsan,
Yumsam gözümü üzümə üfürəcəksən nəfəsini.
Elə baxırsan ki,
Elə bil nə sən görəcəksən bundan sonra məni,
Nə mən görmüşəm bu günə qədər kiminsə mənə baxmağını.
Lap hələ bir az da sevgidən coşub, özümüzü inandırsaq
Elə bil heç olmamışıq bir-birimizdən əvvəl.

Elə gülürsən ki, sevgili...
Elə bil dünyada tək dərdim sənin gülməməyin imiş...
1 2 3 4 5 6 7 8 9 10 11 12 13 14 15 16 17 18 19 20