elnur hüseynov

eurovision yarışmasından sonra səsini çox bəyənib, mahnılarını axtarmışdım ama 3-4 dənədən artıq tapa bilməmişdim internetdə.

elə o zamandan bu yana eurovision izləyən bütün xarici tanıdıqlarım, eləcə də youtubeda şərh edən bütün xaricilər samirin səsini daha çox bəyənmişdilər, elnur sanki samirin kölgəsində qalmışdı. səhv etmirəmsə eurovisiona qatılmağı da samirin sayəsində idi. bir şeyə əminəm ki, qabağa getmək istəsəydi o zaman tanına bilərdi. durub burda nə elnurla sırf azərbaycanlı olduğu üçün fəxr edəcəm - ki məncə dünyanın ən səviyyəsiz hərəkətidir bu - nə də türkiyəyə getdiyi üçün qınayacam. ola bilər bu qurmaca olsun, ola bilər öz istəyiylə getsin məni maraqlandırmır. yaraşıqlı oğlandı, iləri gedə bilməyi üçün yetərincə gözəl səsi də var, işi avand olsun.

bu hadisənin məni əlaqələndirən qismi yenə, yenidən azərbaycanlılar adına utanmağımdı. əvvəlcədən də yazıldığı kimi adama gay may dedilər vaxtilə, onu bir tərəfə qoysaq adam rus dillidir, bunu ver bu dəqiqə elnurla fəxr edənlərin əlinə, hamısı bir ağızdan daşlayacaq adamı ki bəs öz dilində niyə danışmır vs. qardaş, xahiş edirəm bir mənə izah elə səninlə heç bir əlaqəsi olmayan bir adamla niyə fəxr edirsən? yəni sırf sənlə eyni ölkənin vətəndaşı olmağı səndə necə bu təsirə malik ola bilir?

xahiş notu: burdan iprezidentimizdən xahiş edirəm ki, interneti azərbaycanda yerli-dibli kəssin, biraz daha youtube şərhi filan oxusam beyin qanamasından öləcəm.

azərbaycanlı

'orta statik' olmayanları, yəni özünü digərlərindən təcrid edib, qalanı 'orta statik' adlandıran sözdə modern, geniş dünya görüşünə sahib olanları 'orta statiklər'dən daha cahildir.

bu təbəqənin başında günel mövlud, seymur baycan kimi güzide 'yazar'larımız durur. nə qədər gərəksiz olduqlarını anlamaq üçün tək bir yazı oxumaq yetir, əgər başqası adına utanmaq hissini keçirmədən sonuna qədər oxumağı bacarsanız.

keçək içimizdəki 'marginal' təbəqəyə. deməli, bunların sözlükdəki favorit başlıqları

(bax: xoşladığın qızın öncədən sekslə məşğul olmasını öyrənmək)

sözaltı etiraf

bir azərbaycanlı olaraq azərbaycanlılara nifrət edirəm, sözlük. utanıram, ölkəmdən, millətimdən, adət-ənənəmdən. müsəlmanından ayrı, ateistindən ayrı, kommunistindən, həkimindən, polisindən, müəllimindən hamısından ayrı-ayrı nifrət edirəm. özümə də nifrət edirəm, nə qədər istəsəm də dəyişdirə bilmədiyim bu çürük adət-ənənənin diqtə etdiyi həyatdan, nənəmin kəndçisinin bilməm nəyinin həyatıma burnunu soxmağından, necə yaşamalı olduğumu, necə düşünməli olduğumu mənə diqtə etməyə çalışmasından, hər şeydən, hər kəsdən nifrət edirəm. bezmişəm artıq sevginin, hörmətin nə olduğunu bilməyən, özünü dünyanın mərkəzi sanan narsisstlərdən.

qardaş, qurban olum, biriniz fərqli olun da. biriniz olsun, sizin kimi düşünməyəni təhqir etmədən tənqid edə bilin də. biriniz olsun başqasına empatiyayla yanaşın da. içində ailəm olmasa, canınız cəhənnəmə, qırın bir-birinizi, zərrə vecimə deyil.

azərbaycanda fahişəliyin leqallaşdırılması

mümkün kimi görünməyən.

birinci entrydə hər şey ilə razılaşa-razılaşa oxuyurdum, beyinsiz məxluq yazısını gördüyüm yerdə birbaşa mənfilədim. gözəl insan, ay vətəndaş niyə məhz sənin kimi düşünməyəni beyinsiz adlandırmalısan? indi əqs fikirli biri gəlib bu fikri müdafiə edənlərə "petux, anasını rahat-rahat sata bilmir, ona görə fahişəliyin leqallaşdırılmağını istəyir" deyə yazsa xoşuna gələcək?

3cü entryə isə deyəcək sözüm yoxdu. bəli səni də mənfilədim fövqəl insan. buna görə də heç vaxt avropalı ola bilməyəcəksiniz. millət təhsilini inkişaf etdirir, deyir ki, ölkəyə çoxlu tələbə yığaq, ölkəni gözəlləşdirək turist çəkək və s. bizimkilər də deyir ki, fahişəliyi leqallaşdırıb ölkəyə turist yığaq. o bəyənmədiyiniz orta statik azərbaycanlıdan nə fərqiniz qaldı ki indi? guya sənin düşüncələrini həyata keçirsək, inkişaf edəcəyik? bu nə məntiqdi?
bu arada fövqəl insan bəy bilmirsinizsə bilin, filippin, vietnam, xüsusilə tayland kimi ölkələr dünyaca fahişələr ölkəsi olaraq tanınır, milyonlarla turist yığır, bəs bu ölkələrdə yaşam standarlanının yüksəkliyindən və ya bu fahişələrin psixi və ya fiziki sağlamlığından danışmaq mümkündür? bundan əlavə şimali kipr türk respuklikasınin nə gündə olduğunu bilirik, yox əgər hollandiyanı nəzərdə tutursansa, onlar həm təhsildə, həm yaşam standardlarında bizdən 2 əsr qabaqdadırlar. bir sözlə, entrylərinizlə mənə başqası adına utanmaq hissini yaşatdınız.

fahişə

səhv yolu seçmiş insandır, çoxluqda qadındır.

azərbaycanlı fahişələrin 60%i boşanmış dul qadınlardır hansı ki ailələri tərəfindən qəbul olunmurlar, geri qalanı da pula sitayiş edən təbəqədir. ailəsindən uzaqlaşdırılmış, təcrid edilmiş qadınları nə sorğulamağa, nə günahlandırmağa haqqım yoxdu ama başqa çıxış yolları varkən, bədənini satıb pul qazanıb üstünə də duyğu sömürüsü etmələrinə haqq qazandıra bilmirəm. həyat çətindi ama hamıya, təkcə bu qadınlara yox. bir çoxu süpürgəçilik, xadiməçilik etmək istəmir, qısa yoldan çox pul qazanmaq istəyir - hansı ki məni zərrə maraqlandırmır - bəzi intellektuallar(!) da bunlara haq qazandırır.

xüsusilə muharibədən sonra qaçqın düşmüş insanların yaşadığı bir məhəllədə böyümüşəm, elə vaxt olub 2-3 gün yeməyə çörək tapılmayıb, mənimki yadımdadır bu insanlar gecələr bərabər oturub ayaqqabı, çanta, paltar kimi şeylər tikir, ertəsi gün onları bazarlarda satırdılar, qadınlı - kişili - uşaqlı.. 
ancaq biri vardı, onun məhəllədəki digər qadınlardan fərqi sadəcə yoldaşı olmaması idi. evinə girən-çıxanın hesabı yox idi, yoldaşını qoyub həm çirkin, həm yaşlı bir qadına gələn kişiciklər sayəsində qadın məhəllənin ən varlısı idi. o sadəcə rahat həyatı seçmişdi bir çox məsləkdaşı kimi.

burda yazılanları oxuduqdan sonra yox inanmıram bu qadınları cəsarətli, yox nə bilim çox güclü elan edən adamlara. nədir onları güclü qılan? daha yaxşı bir həyat üçün bədənini satmaq? .

fil

özünü dünyanın mərkəzinə qoyan insanı əyləndirmək üçün zülm edilən heyvanlardan biri.
xüsusilə afrika və uzaq asiya ölkələrində bəzi hotellərin (yerli olanlar) əyləndirmə(!) anlayışının bu heyvanları yaşam sahələrindən ayırıb, bir tikə qidaya görə meymuna döndərdiklərini, bu da yetməzmiş kimi kim bilir necə əziyyətlərə məruz qalan bu heyvanların meymuna dönməsinə böyürərək gülən insanları görə bilərsiniz.

qırğızıstan

qıbçaq boyundan olan türklərin eli.

qırğız oğru deməkdir. vaxtilə hələ türk elləri birlikdə yaşayarkən bu qırğızlar digər türk boylarından at oğurlayırmışlar, digər türk elləri də birləşib bunları qırğız yəni oğru adlandırıblar.
hal-hazırda bu söz anadoluda kırkız - hırkız - hırsız olaraq işlədilir.

nərgiz

adını qədim yunan mifologiyasından alan çiçək.

echo meşənin dərinliklərində yaşayan gözəlliyi dillərə dastan bir su pərisidir. hər kəs ona aşiqdir amma o heç kəsi istəmir, bəyənmir. ancaq çox pis xasiyyəti var.. çox gəvəzə olan echo danışmağa başladığında saatlarla susmaq bilmir. o qədər gəvəzədir ki, hətta gözəlliyi belə bu pis xasiyyətinin tolerə edilməsinə kömək etmir. bu xasiyyəti zeusun yoldaşı heranı çox qəzəbləndirir və artıq dözə bilməyən hera echoya sadəcə eşitdiyi cümlələri təkrarlaması, başqa heç nə danışa bilməməsi üçün cadu eləyir. beləliklə, echonun əzablı günləri başlayır.
bir gün meşənin dərinliklərində gəzərkən, narcissus adlı güclü və yaraşıqlı, bir o qədər də özünü bəyənmiş ovcunu görür. echo narcissusu gördüyü ilk anda aşiq olur və onu izləməyə başlayır. narcissus olub-bitəndən xəbərsiz gəzintisinə davam edərkən, echo onunla danışa bilmək üçün - danışa bilməyəcəyini bildiyi halda - addım addımına narcissusu izləyir. narcissus bunu hiss edir və echonun olduğu tərəfə çevrilərək "orda kimsə var?" deyə səslənir. tam bu anda echonu görür və "salam" deyir. echo isə cadu üzündən sadəcə narcissusun sözlərini təkrar edə bilir... narcissus davamlı olaraq sözlərinin təkrarlanmasından,  söhbətin sadəcə təkrarlamadan ibarət olmasından bunalır və echonu arxasında qoyaraq meşəni tərk edir. gözəllər gözəli su pərisi echo, nə edirsə etsin sevdiyinə qovuşa bilməyəcəyini bilir və özünü bir mağaraya həbs edir, günlərlə ağlayır, ağlayır.. kədərindən hər gün biraz daha solur və sonunda ölür. ondan geriyə sadəcə çıxardıyı hay-küy qalır.. - exo sözü burdan gəlir.
olymposun qüdrətli tanrıları narcissusun hərəkətinə çox əsəbləşirlər və fani bir ovcunun bu dərəcədə kibirli olmasının cəzalandırılmağı haqq etdiyini düşünürlər və həyatı boyunca öz görüntüsünü görməmiş narcissusa öz görünüşünə aşiq olma cadusu edirlər.
qızmar bir yay günü, narcissus meşədə ovlanarkən, kiçik bir gölə rast gəlir, su içmək üçün gölə əyiləndə çox yaraşıqlı bir adamı - öz əqsini görür. bir anda aşiq olan narcissus bu gözəl adama toxunmaq üçün suya toxunur və öz əqsi suda yox olur. günlərlə o gölün başında ac-susuz oturub öz əqsini izləyir, beləliklə su pərisi kimi hər gün biraz daha əriyərək ölür. öldüyü yerdə gözəl qoxulu bir çiçək yetişir və adı narcissus yəni nərgiz qoyulur.

eyni zamanda narsisismin kökü də bu mifdir.

hamamtimes

azərbaycanın ən böyük facebook səhifələrindən biri.

digər səhifələr kimi özünə oxşamayana nifrət et! şüarıyla yola çıxmış iyrənc xislətli adminlərə sahibdir.

bir ara hər yerdə reklamı gedirdi, dost listimdə olanların yarısı bu səhifədən paylaşımlar edirdi deyə səhifəni "like" etmişdim.
sonra gördüm ki, bunlar da düşünmək üçün beyin əvəzi başqa bir orqanlarını işlədən tayfadandır.
bu postları görməmək üçün deyil, başqaları adına utanmamaq üçün unlike etdim. hətta vəziyyətim o yerdədir ki, bu səhifədən paylaşım edən hər kəsi bir başa əngəlləyirəm.