Gül suyuna batırılmış ballı aspirin


19   0   0   0
Gül suyuna batırılmış ballı aspirin 6.nəsil yazar
reytinq xalı: 67
karma xalı:-207
entry sayı:19
izləyənlər:1
sifariş sayı:2

son yazdıqları| | əl əməyi göz nuru| favori seçdikləri| favori seçilənləri| bütün entryleri| saxlanılanlar| lövhə/blog

anevrizma bu sifarişi verən: Gulnar
Damar divarında müəyyən nöqtələrin şar şəklində ətrafa doğru genişlənməsi halıdır.Tumurcuqlanan budaqları göz önünə gətirəndə təsəvvür etmək daha asan olur. Bu da şəkil üzərində görünüşü https://goo.gl/images/7fqJXq
Əsas səbəbləri doğuşda mövcud bəzi genetik xəstəliklər (marfan sindromu və s.) və yüksək təzyiqdir.təzyiqə məruz qalan damar özünü dağılmaqdan qorumaq üçün ətrafa doğru genişlənir.Bu cür genişlənmədə damar divarı nazikləşir,həssaslaşır,partlaya bilir.Beyin və böyük damarlarda olan anevrizmaların partlaması ölümcül olur.Buna görə də,xüsusən,təzyiq xəstələrinin müalicə ilə təzyiqləri normal aralıqlarda tutulmalıdır.Ani yüksələn təzyiq,stress anevrizmanın partlamasına səbəb ola bilər
mədə yanması bu sifarişi verən: dr.watson
Reflüks və yaxud qastritin xəbərçisi ola biləcəyi kimi,qeyri-sağlam qidalanma səbəbindən də baş vermiş ola bilər.Şiddətli mədə ağrıları,ağıza turş su gəlmə,həzmsizlik kimi problemlərlə birgədirsə,yaxşı olar ki,həkimə müraciət edilsin.bu şikayətlərə uyğun mövcud müalicə alqoritmi : 2 həftəlik omeprazol və ya rabeprazol tərkibli dərmanlarla birgə pəhrizə diqqət etmə(ədviyyatlı,qızartma,yağlı yeməklərdən və qazlı,alkoqollu içkilərdən,şokoladdan uzaq durma).2 həftə sonra şikayətlərdə azalma olmazsa,çox az olarsa və yaxud dərmanları dayandırdıqdan sonra şikayətlər təkrarlayarsa mədə və onikibarmaq bağırsağın endoskopik müayinəsi mütləqdir.Bəzi həkimlər birbaşa endoskopiyaya göndərir xəstəni,bu da yanlış yanaşma deyil.Endoskopiya zamanı qastrit müəyyən olunarsa,qastritli hissədən biopsiya materialı alınmalı və nəticədə Helicobacter Pylori adlı bakteriya aşkarlanarsa müalicəyə antibiyotik də əlavə olunmalıdır
orphan black 2013-2017 illəri arasında çəkilən,Kanada istehsalı,hər sezonu 10 bölümdən ibarət,5 sezonluq science fiction dizisi.1 həftə əvvəl başladım,bir az əvvəl də gözyaşları içində bitirdim.Şəxsi fikrimə görə,science-fiction və tibbi mövzulu film/dizi çəkmək çox əmək tələb edir.Dizinin keyfiyyətini qatbaqat artıran mütəxəssis yardımı və sanballı qaynaqlardan istifadə olunduğu çox bariz idi.

--spoiler--

Dizi illeqal klonlama və o klonlar üzərində aparılan illeqal təcrübələrdən,klonların bir neçəsinin birləşərək bu qüvvələrə qarşı mübarizə və özünümüdafiəsindən bəhs edir.Pula ehtiyacı olan Sarah, Beth'in intiharına şahid olur,bir az pul əldə etmək ümidilə onun yerinə keçir.Hadisələr bundan sonra başlıyır.Həyəcan,adrenalin,qaçaqaç,vurma,döymə,öldürmə,əsir götürmə,oyunlar,strategiyalar bəzən həddən artıq olsa və yorsa da üstündən keçmək olar
Baş rolda Kanadalı aktrisa Tatiana Maslany möhtəşəm oyunçuluq ifa edir.Möhtəşəm deyirəm,çünki bütün klon rollarında onu görürük. Sarah,Beth,Alison,Cosima,Helena,Rachel,MK,Krystal,Katja - hamısını tək bir oyunçu ifa edir.Bu günə qədər eyni dizidə bu qədər rola bürünən və girdiyi hər rolu sözün əsl mənasında yaşayaraq canlandıran aktyor görməmişdim.Dizini, demək olar ki,təkbaşına apardığını desəm,yalan olmaz.iş o həddə çatır ki,bir yerdən sonra hamısının eyni aktyor olduğunu unudursunuz,hər birinə fərqli insan gözüylə baxmağa başlıyırsınız.Beren Saat və Özgü Namala olan oxşarlığı aktyora olan simpatiyanı daha da artırır.sadəcə sırf bu qadının aktyorluq istedadı üçün belə izləmək olar dizini



--spoiler--
Dizi bitsə də 3 məsələ mənə maraqlı qaldı.Ən böyük səhvlərdən biri bütün klonların uşaqlığı eyni olmalı olduğu halda,Helenanın uşaqlığı üçün fərqli aktyor seçilməsi oldu.ikincisi,Helena embriyonlarını dondurulmuş nitrogen içində Hendrix ailəsinin həyətinə basdırmışdı.Düşünürdüm ki,klonlar hamısı müalicə olunandan sonra bu rüşeymlərdən faydalanacaq və Alison başda olmaq üzrə hamilə qalacaqlar.Olmadı.Üçüncüsü,Cal'ın birdəfəlik yoxa çıxması yaxşı olmadı,unuduldu elə bil.
Sevimli rollarım isə təbii ki Helena və Felixdir. Ahh helena, o necə bir yemək yemə,o necə bir danışıq, o necə bir "sestra" deməkdi? Aşiq oldum sənə.Kaş ki,daha çox yer versəydilər sənə sevimli psixopatım.Sevənlər üçün video da hazırlıyıblar,çox bəyəndim
(youtube: )

Və Felix!! Rolunu elə ifa edirsən,o British Englishi elə danışırsan ki,adam istiyir sənin kimi gey qardaşı olsun.Sevimlilikdə zirvəsən,ürəhsən, my dear
Kendall Malone vurulanda,əclaf Ferdinand MK'ni öldürəndə çox duyğulanmışdım,ancaq Helena əkizləri doğanda ağladım rəsmən.
Klonları yaratmaqda əsas məqsəd mənə çox cılız gəlsə də,ən azından Lost kimi müəmma içində bitmədi dizi

--spoiler--

Bir sözlə,izləndikdən sonra yaddaşdan silinməyəcək bir dizidir
qalın bağırsaq xərçəngi 50 yaşından yuxarı və xüsusən kişilərdə çox sıx rast gəlinən xərçəng forması.Qidalanma tərzi və genetik amillərdən dolayı Qafqaz bölgəsində,eləcə də,ölkəmizdə sıxlığı get-gedə artmağa davam edir.Erkən diaqnoz ilə uğurlu müalicəsi mümkün olduğu üçün Türkiyə və bir çox xarici ölkələrdə 50 yaşını keçmiş kişi və qadınlar ildə bir dəfə kolonoskopiya yoxlanışından keçirilir.
Qalın bağırsağın sağ tərəfinin xərçəngi özünü qanazlığı ilə,sol tərəfinki isə qəbizliklə büruzə verir.Qanazlığına xüsusi diqqət göstərmək lazımdır.Menstruasiya dövründə olan qadınlarda aylıq qanamalardan dolayı qanazlığı görülməsi normal haldır.Diqqət edilməli olan nöqtə menopauzada olan qadın və yaşlı kişilərdə görülən qanazlığıdır.
50 yaşını keçmiş bir yaxınınızda əvvəllər olmayan,yaxud artmış qəbizlik,pəhriz saxlamadan arıqlama(son 6 ayda ümumi çəkinin 10 faizindən artıq) gecələri paltarı dəyişdirəcək dərəcədə tərləmələr,termometrlə 38 dərəcədən yüksək ölçülmüş temperatur,nəcisdə qan,mazut kimi qara nəcis çıxartma halları varsa gecikmədən kolonoskopiya,qan və müvafiq digər analizlər üçün həkimə müraciət etməsi barədə xəbərdarlıq edin.
Bağırsaq xərçəngi aşkarlanmış şəxslərdə yayılım ən çox qaraciyərə olduğu üçün,qaraciyər yoxlanışı da analizlərə əlavə olunmalıdır.
Müalicə əməliyyat və kimyəvi terapiyadan ibarətdir.nə qədər erkən diaqnoz,o qədər effektiv müalicə və bir o qədər uzunmüddətli yaşayış.ildə bir dəfə ümumi qan analizi verib kolonoskopiya olunmaqla həyat qurtarmaq mümkündür
ən nifrət edilən insan tipi Ən'i nüəyyən etməyin çox çətin olduğu insanlar yığını.Başqalarının həyatına burnunu soxanlar(niyə qaşını alırsan,niyə ərə getmirsən,niyə doğmursan suallarını verən tiplər),başqaları üzərindən egosunu doyuzduranlar,telefonumu məndən icazəsiz götürüb qurddalayanlar,qanmazlar,bədniyyətlər,paxıllar birinciliyi aralarında bölüşə bilərlər məncə
moderatorların umbay mobbingi edənlərə bir şey etməməsi Hər entryə umbay atan,udlaqüstü və udlaqaltı sinir düyünü ilə düşünən yaşam formları mənim gözümdə : Əslində sən dərsi 5lik danışmısan,ancaq 4 yazıram ki,gələn dəfə daha həvəslə hazırlaşasan.Gələn dəfə daha yaxşı oxuyanda: düzdü,5lik oxumusan,ancaq sənə 4 yazıram,çünki qiymət üçün oxusan gələn dəfə oxumuyassan. 1 ay yaxşı oxuyandan sonra: sinif cəzalıdı,bu gün hamıya 4 yazıram və s. Və ilaxır
Bütün bunlara səs çıxartmayan moderatorlar are equal to məktəb direktoru.Arada gəlib sinifə baş çəkər,jurnala göz gəzdirər,qayıbları soruşar,4 alan uşaqları danlayar,müəllimə də təşəkkür edib gedər.
Əsəbləşmiyin,hamısı rəqabəti arttırıb,keyfiyyəti yüksəltmək üçündü
öz səsini kənardan eşitməyin dözülməz olması Səbəbini hər kəsə uzun-uzun izah etməkdən inanılmaz zövq aldığım hadisə.Bura da yazım,dürtülərimi doyuzdurum.Səslər iki cür eşidilir:hava yolu və toxumalar yolu ilə.Kənardan gələn səslər hava yolu ilə daxili qulağa çatdırılır,ordan elektrik siqnallarına çevrilərək beyinin eşitmə mərkəzinə göndərilir.Özümüz danışanda isə səs tellərimizin yaratdığı səs dalğaları ağız boşluğundan havaya çıxıb qulağımıza çatmadan əvvəl ətrafdakı əzələ,sümük və başqa toxumalara dəyir.Bilənlər bilir,fizikanın ən təməl bilgilərindən biridi: səsin sürəti sərt maddədə ən çox,havada ən yavaşdır.Belə olan halda toxumalardan keçən həmin səs dalğaları havadan göndərilən dalğalar ilə müqayisədə daxili qulağa çox-çox daha tez çatır, biz də öz səsimizi normalda daim toxumalar yolu ilə eşidirik.Səsimizi kənardan dinləyəndə aydındır ki, siqnallar hava yolu ilə beyinə çatdırılır.Bu da toxumalar yolu ilə sürətlə beyinə gedən dalğalardan daha fərqli tezlikdə dalğa mənasına gəlir.Başqaları səsimizi həmişə hava yolu ilə eşidir,ona görə də təəssüf ki, fərqi ancaq və ancaq özümüz ayırd edə bilirik.
Əziz bilməyənlər,sizi təbrik edirəm,gözəl bir aydınlanma yaşadınız.Gedin siz də ətrafdakıların baş beynini xarab eliyin bu məlumatla.Söhbətlər tükənib,danışacaq heç nə tapmayanda bonus mövzu adına sizlərə hədiyyəm olsun.
insan papilloma virusu HPV tip 6 və 11 Serviks (uşaqlıq ağzı) xərçənginə səbəb ola biləcəyi üçün digərlərinə görə daha təhlükəlidir.Cinsi cəhətdən aktiv qadınlara ildə 1 dəfə serviksdən pap-smear testi etdirmək tövsiyə olunur.
HPV'nin digər bəzi tipləri qadınlarda sıx rast gəlinən kondiloma xəstəliyinə səbəb olur.Genital bölgədə ziyillərlə müşahidə olunan xəstəliyin müalicəsi ziyilləri yandırmaqdan ibarətdir.Hər nə qədər törəmələr yandırılaraq bitsə də virus hüceyrələrdə gizli şəkildə yaşamağa davam edir.immun sistem zəifləyəndə,hansısa başqa xəstəlik keçirəndə,güclü stress halında kondilomlar təzədən üzə çıxır
HPV'dən qorunmağın əsas yolu peyvənddir,lakin burda da önəmli məqamlar var.Peyvəndin qoruyuculuğu yalnız və yalnız cinsi yetkinliyə(cinsi həyata yox) çatmadan 3-4 il əvvəl edildikdə MAKSiMAL həddə olur.Bu da 9-10 yaşlara tuş gəlir.Təsadüfi deyil ki,Amerikada bu peyvənd qızlara və oğlanlara 9 yaşında vurulur.Peyvəndin qoruyuculuğunda bir digər məsələ üst yaş həddinin olmasıdır.Cinsi həyatınız olmasa belə,peyvənd sadəcə 26 yaşa qədər olanlarda faydalıdır.Bu yaşdan sonra hansısa həkim sizə vurdurmağı məsləhət görsə,ikincil qazancı nəzərinizdə saxlayın. Peyvənd 2 doza şəklində 2 ay aralıqla vurulmalıdır.
Ən sonda da bəzi şərəfsizlərə onu demək istiyirəm ki,qələt eliyirsizsə qorunaraq eliyin,sonra gedib zavallı qadınları bədbəxt eliyirsiz.Öz tanışım olan 2 nəfərdə HPV aşkarlanıb,həm də xərçəng törədən tiplərdən.Birinə əri özü etiraf eliyib ki," subaylıq"eliyibmiş,sora da müalicə alıbmış guya.Ancaq o birinə deyəmmədim ki,ərivin zibilinə keçibsən.Xülasə,dürüst olun,dürüst.Bir də ağıllı
həyatın nə qədər cındır olduğunun anlaşıldığı anlar Cındırların dəyərli olduğunu,fahişə ruhlu insanların əl üstündə tutulduğunu görüb,lənətə gəlmiş dürüstlüyünün sənə heç nə qazandırmadığı,ziyan çəkən tərəfin də həmişə sən olduğunu başa düşdüyün vaxt zırıldamağa başladığın andır
uşaq vaxtı qorxulan şeylər Velosiped sürmək.Mən uşaq olanda(12 yaşıma qədər,o dövrdən sonra uşaqlıq dövrü qız üçün rəsmən bitmiş sayılırdı) bizim ailədə qızlar velosiped sürə bilməzdi.Qıza yaraşmayan fəaliyyət imiş,bir də ki,məlum,yıxılarsan,bir yerivə bir şey olar məsələsi.
Qəribə burasıdı ki, illər sonra öyrənməyə cəhd etmə şansım və ürəkdolusu həvəsim olsa da qorxumdan yenə heç nə alınmadı məndə.Səbəbi isə həkim olmaq istəyim idi.Birdən yıxılaram,əlim zədələnər və həkim ola bilmərəm qorxusu.Bir sözlə,uşaqlıqdan içində daşıdığın həsrət və qorxu ilə birgə yaşamaq çətindi.
türkiyəlilərdəki üzeyir və digərləri sevgisi Birbaşa öz gözlərimlə şahid olduğum,heç məna verə bilmədiyim gerçəklik. 2 nəfər türk otaq yoldaşım mənə özlərinin bozbaş və səviyyəli kateqoriyalarına aid mahnılardan misal gətirəndən sonra növbə çatdı mənə. Üzeyir,Röya,Miri Yusif,HOST,Rəşid Behbudov,Mənsim ibrahimovdan mahnılar dinlətdim. 1-ci yerə Üzeyir,2-ci yerə də Mənsim ibrahimov çıxdı. 130 IQ'yə sahib,metallica,queen,the beatles,adele,amy winehouse və s. Bu kimi keyfiyyətli müğənniləri dinləyən insanlar olduqlarını bilməsəm,elə düşünərdim ki, zarafat eliyirlər. Səbəbini tapıb bu entry'ni editlədiyim günləri görmək nəsib olsun. Amin.
ingilis dilində öyrənilməsi çətin olan sözlər Moisturizer. Yazılışı betər,tələffüzü ondan betər çətin olan söz. Yəni barmaqlara ayrı,qulağa ayrı,dilə də ayrı əzab verir. Bura yazana qədər 8 dəfə yoxladım. Yaxşı ki,mənası yaddaqalandı ən azından
fahişəlik Həkimliklə oxşar peşə. ikisi də tarixin ən qədim peşələrindəndir,ikisində də sən müştərini yox,müştəri səni seçir,ikisinin də işçiləri kifayət qədər pul yığıb işini biryolluq atacağı günün xəyallarını qururlar.
ən poxdan hissiyyat Ağlamamalı olduğun bir situasiyada göz yaşların axmasın deyə göyə baxaraq zorla gülümsəməyə çalışmaq
Bir də kiməsə verməli olduğun tutarlı cavabın sonradan gecə yatanda yadına düşməsi.
valerian Psixoloji narahatçılıq,stress keçirən hamının,gənc,yaşlı ayrımı olmadan,xalqımızın əksər nümayəndələrinin onları öldürə biləcəyini bilməyərək vitamin əvəzi istifadə etdikləri dərman.Təzyiqi aşağı saldığı üçün ürəyi bəsləyən damarlardakı qanı,dolayısı ilə ürəyin özünün qidalanmasını da azaldır."infarkta necə dəvətnamə göndərmək olar?" sualına da burdan beləcə cavab tapmış oluruq.
1 2 3 4 5 6 7 8 9 10 11 12 13 14 15 16 17 18 19 20