Notice: Undefined variable: querycheckrows2 in /var/www/soz6/sds-themes/vengeful-light/header.php on line 171

heçözüdəbilmir


182   2   0   0
heçözüdəbilmir
9.nəsil yazar
reytinq xalı: 898
entry sayı:182
karma xalı: 961
izləyənlər: 23
sifariş sayı: 13




(youtube: )
Friendship is a word, I would never use lightly, You never understood What it means to me But I was foolish and lonely, So I closed my eyes, chose not to see.



(youtube: )

Forgive


everything to nothing
13/5/21








son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə

i̇amx Synthpop, dark cabaret, alternative, industrial, electronic, experimental janrlarında Chris Corner tərəfindən ifa edilən solo musiqi işidir.

Mahnıları çöküş, maddə aslılığı, din, ruhi xəstəliklər, təslimiyyət, aqressiya, siyasət və bu bənzəri mövzular üzərində yazır.

O məşhur ifadədə də olduğu kimi, Chrisin hələ uşaq yaşlarından musiqiyə böyük marağı olub.

Ağır depressiya və yuxusuzluqdan əziyyət çəkərkən 1 il boyunca nəinki mahnı yazmaq, qulaq asmağı belə dayandırır. "Bir də heç vaxt mahnı yaza bilməyəcəyimi düşündüm." deyə qeyd edir. allah qoruyub.
Ancaq bu cür ağrı-acıdan belə mükəmməl əsərlər ortaya çıxardı. Fikirləşirsən ki "yaxşı ki yaşayıb". nə qədər əclafca səslənsə də.

(youtube: )


(youtube: )
- Chris elə rejissorudur klipin və bunun haqda ayrıca danışmaq lazım gəlir. Belə təhlil etmək olar ki, qara rəng, gözləri ağ personaj Chrisin daimi gördüyü halüsinasiyalardır. Körpə isə saflıq və təmizliyi simvolizə etdiyindən qarşılaşdığı çətinliklərdə heç bir qəbahəti olmayan, həyata biixtiyar atılmış insanları təmsil edir. 1:09-cu saniyədə körpəni kompleks formalı, nə olduğunu heç özü də bilmədiyi 'şeylər' qabağına səpələnmiş vəziyyətdə görürük. Nəyi necə etməli olduğumuzu bilmədiyimiz, bütün bu xaotik seçimlər qarşısında acız qalan bizlər.
Yaşlı kişi aqressiv hərəkətləri ilə (1:30) təhlükəni, yoldakı barierləri təmsil edir.
Çətinliklər onu əlinə aldıqda körpə başlayır ağlamağa (1:56). O isə istehza və məzə ilə gülür. Eyni depressiya kimi.
Həyatın zarafat anlayışına so ...

(youtube: )

"Now i need to surrender
Oh i want to surrender" *

(youtube: )

"Goodbye my friends
Goodbye to the money
Adieu to the fuckers that think that is funny
i just want to turn the lights on
in these volatile times"

(youtube: )


(youtube: )
- spit it out
"And it breaks my heart
People need love"

Gənclik illərində (1995) qurduğu qrup Sneaker Pimps Becoming x albomu ilə milyonlarla kopya satır. O vaxtdan bir X sevdası var imiş. Becoming x i am x olur. Maraqlı detaldır.

Ps: tanıyıb kəşf etməyimə vəsilə olan nellie crainə double təşəkkürlər. Adamsın.
içki içərkən dinlənəcək mahnılar Mənim kimi içəndə şit-şit gülənlərdənsinizsə red hot chili peppers - californicationın zor getdiyinin fərqinə vardım bayaq.

Amma içinizdəki yatmış qəm-qüssəni oyatmaq gücünə qadir
(youtube: )

Tamam başqa aləmdir. O exovari səsi ilə sizi ən dərin arzularınızın bataqlığında çabalamağa məcbur edir. sözün əsl mənasında batırsınız. Çarəsizliklə, yorğun halda bir iki addım, amma bu sizi daha da çökdürür. Əmin olun, çökdürür. Olmur o şey. Çata bilmirsiniz. Çox uzaqdı. halüsinasiya kimi, yaxınlaşdığını hiss edirsiniz, amma quru çöldə görülən serapdı. Alınmır. Musiqinin əlində qul-kölə olursunuz. Sizi ordan ora vurur, bütün çırpınışlara tabe olursunuz.

Boğulmaq, ruhunun içəridən səni sıxması. aid olmadığı bədəndən qurtulmaq cəhdləri.. qurtula bilmir.
Gücü çatmır çıxamağa..
Zəifsən axı. Əsl səni üzə vurur. Zəifsən..
içinə zibil belə məcburiyyətin də.

I vvas lost, lost my shape
There vvas nothing i could do
bir qızda dözülə bilməyən şeylər Dözülə bilməyən deyəndə ki o görüş filmində dediyi kimi mən hər şeyə dözərəm. Amma yenə də görməyə gözün götürmədiyi şeylərdən:
-qlamurka olması.
-ağzın gərə-gərə danışması *.
-zövq məsələsidir, bilirəm, ancaq daşlı-qaşlı, bər-bəzəkli idman geyimi/kepi, altına da tank təkəri sport ayaqqabı.
-şellakdı nədi o. Hələ uzayır altdan da öz dırnağı görünür ha...
-sevgili tapan kimi bütün oğlan dostlarını kontaktdan silməsi/uzaqlaşdırması *.
-arsızlıq/həyasızlıq etməsi. Haqqını daha mədəni də tələb edə bilərsən.
-ifrat makiyaj. Əsas da burnu parıldayan qızlar *.
scars on broadway System of a down-un keçmiş vokalist, gitarist və qismi söz yazarı Daron Malakian tərəfindən 2006. ildə yaradılan, sonradan Daron Malakian & Scars on broadway olaraq adı dəyişdirilən alternative metal, nu-metal subjanrlarında əfsanəvi qrup. System of a down-un keçmiş bateristi John dolmayan da qrupun bateristliyini üstlənmiş, ancaq bir müddət sonra qrupdan ayrılmışdır.

Qrupun eyniadlı albomu soadın ən məşhur mahnılarına kafa atar, o dərəcə yıkıp savuran bir albomdur.

(youtube: )

"if we gonna kill each other, how we gonne live forever?
if we gonna live forever, how we gonna kill each other?"


(youtube: )
- hungry ghost

(youtube: )
- babylon

(youtube: )


Qrupun adını Malakian verdiyi bir müsahibədə belə açıqlayır: adın Broadwaylə heç bir əlaqəsi yoxdur. Glendale-dəki (California) Broadway prospektində bu yazılar var və həmişə mənə qəribə gəliblər. Cavan vaxtı Glendale-ə gedəndə hündür işıq dirəkləri üstündə swastikaları görürdüm, Ancaq graffiti deyildi. Özünün dizaynı idi. ("They're scarred in there") - Onların üstünə cızılmışdı.
Broadwaydəki Yara izləri də işıq dirəyindəki swastikalardır. Onları hələ də saxlamaları mənə qəribə gəlir, glandele-dəki ən köhnə şeylərdəndir. Bunların nazi swastikaları olduğundan əmin deyiləm, çünkü bu onlardan əvvəl qoyulmuş olmalı idi. Həmin bu şeylər mənə çox maraqlı gəlirdi, tutqun idi..
insanlar bəzən deyir ki, aha, scars on broadway həmçinin bu mənaya da gəlir: "dünya bir mərhələdir və biz hamımız bu mərhələdəki yara izləriyik".
Fərqli bir çox mənalara gələ bilər. Ad işıq dirəklərindəki swastikalardan gəldi, ancaq sonra nə vaxt oturub bu adın mənası barədə fikirləşsəm mənim üçün tamamilə başqa mənaya gəldiyini görürəm. Artıq bu adın o işıq dirəkləri ilə heç bir əlaqəsi yoxdur (gülür).

(youtube: )
(0:40)

Qrupun mahnılarını mənə yollayaraq canını yeməyimə vəsilə olan kəllə-paça yazarımıza ordan bir tuş!
primordial 1991. ildə irlandiyada sırf black metal janrında başlayıb illər keçdikcə blacki celtic və folk metalla harmanlamış, mənim gözümdə janrının ən gözəl nümunələrindən biri. iç-içə keçmiş yeri gəldi doom, yeri gəldi melodic black metal havası adamı azərbaycandan alıb hansısa şimali avropa ölkələrindən birinə aparır. Bu cür zor gitar riffləri və brutal vocalları ilə bu qədər az tanınması əsəbimə toxunur. Dinləyin bu qrupu.

(youtube: )
- "nail their tongues" ilk bu mahnısı ilə tanış olmuşuq, içmişik.

(youtube: )
gitar riffləri.. ax bu gitar riffləri..

(youtube: )
- "last call" mahnı ümumilikdə sərt yüksəlib yumşaq enmələr üzərinə qurulub. Və bu çıxış (1:47) və enişlər (4:37) dinləyicinin içinə şövq toxumları səpir. Gitar solosu isə mahnının ruhuna tamamlayıcı amillərdəndir (6:54).

(youtube: )
"where lie the gods"
"What desolate walls are these
That rise up from the ruins"
Sitatın sonu.

Əsas da bu albomun hamısını atardım, ancaq nə qədər çox bir o qədər az dinlənir.

(youtube: )
- "failure's burden"
Bilmirsən sözləri zordu, musiqisi zordu, ya vokalistin hünəri. Gitardı səni belə dəli edən, ya sürətli ritmik drums.
mokşa Kökən olaraq hinduizmdə ruhun Samsaradan qurtulmasını, azad olmasını ifadə edən məfhumdur. Ancaq buddizm, siqhizim, caynizm kimi inanc sistemlərində də öz əksini tapır.
indi deyə bilərsiniz ki, bunun nirvanadan fərqi nədə oldu?
Əsas fərq ondadır ki, nirvana yüksək mənlik/şüur halıdır və prinsip olaraq "həyata keçirilmə" yeri elə bu dünyadır. Ölümdən sonra yox.
Nirvanaya yüksəldikdə hər hansısa bir ruha qovuşma, hər hansısa bir metafizik varlıqla bir olma halından söhbət gedə bilməz; şüurun bütün dünyəvi istəklərdən azad olduğu əbədi xoşbəxtlik, qorxusuz, tam aydınlanmış, sakitlik halıdır.
Mokşa isə ölümdən sonrakı prosesdir və brahma (tək uca mənlik) ilə bir olmaqdır.
Hərçənd 6 nəhəng ortodoksal məktəb mokşanın bu dünyadamı olduğu, yoxsa yalnız ölümdən sonra mümkünlüyü barədə konflikt yaşayır. *
Nyana, Vaisesika, Mimamsa məktəbləri mokşanın yalnız ölümdən sonra mümkün ola biləcəyini müdafiə edir.
Samkha və Yoga məktəbləri isə bu dünyada baş verdiyini müdafiə edənlərdəndir.
Vedanta məktəbi və Advaita alt məktəbi mokşanın yalnız bu həyatda baş verdiyinə inanır.
Vedenta ənənəsinin Dvaita və Visistadvaita alt məktəbi isə mokşanın bu yaşamdan ölüm sonrasına qədər uzanan və tanrıya əbədi sevgi və bağlılıqla dəstəklənən sonsuz hadisələr seli olduğua inanır.
Bu altı ortodoks məktəbindən əlavə Carvaka hindu inancının bəzi heterodoksal məktəbləri isə ruh və mokşa temasını, ümumiyyətlə, qəbul etmir.

Gələk bu dünyada mokşanı nəyin mümkün qıldığına.
Bu dünyadasansa ruhun necə samsaran çıxmışdır?
Naradaparivrajaka Upanishad'a görə bütün nəfsani istək və duyğulardan azad olmuş şəxs aşağıdakı keyfiyyətlərə sahibdir:

-özünə yönələn hörmətsizliyə və qəddar sözlərə qarşı əsəbini cilovlayar, başqaları ona necə davranır davransın yenə də alicənab davranar.

-qəzəbli biri ilə qarşılaşanda ona eyni reaksiyanı verməz, sakit və yumşaq tərzdə cavab verər.

-işgəncə ilə üzləşsə belə həmişə həqiqəti deyər və həqiqətə inanar.

-xeyir-dua üçün can atmaz və başqalarından tərif gözləməz.

-heç bir canlıya zərər verməz və ya incitməz, bütün yaşayan varlıqlar onun üçün dəyərlidir.

-başqalarının arasında yalnız olduğu qədər rahatdır.

-bir ağacın altında bir kasa və köhnəlmiş paltarda belə dilənçilər evində, kənddə, şəhərdə olabiləcəyi qədər rahatdır, şikayət etməz.

-xarici görünüşlər, bər-bəzək onun üçün heç bir əhəmiyyət daşımır, ali olan bilgidir.

-ona görə tanrıya səcdə, yalvarmaq, ataların ruhuna tapınma yoxdur. Mənlik bilgisindən ali heç nə mövcud deyil.

-həmişə təvazökar, cəsur, coşğulu, aydın və qərarlı zehnə sahib, açıq sözlü, mərhəmətli, səbirli və gözəl sözlər danışar.
kefi pozan xırda şeylər Tum çırtlayanda axırıncı acı tumun gəlməsi.

Qaranlıqda qulaqlığın dolaşması *.

Public yerlərdə diş çöpünə ehtiyac hissi.

Döşək ağının o tərəf-bu tərəfə sürüşməsi.

Gecədən telefonu batareyaya taxdığın halda boşluq olması və səhər duranda heç nə yığmadığını görmək.

Kitabın hansı səhifəsində qaldığını itirmək.

Youtube playlistindən unofficial mahnıların silinməsi *.
sözlük yazarlarının həyata dair məsləhətləri Sənin həyatdan nə gözlədiyinə görə dəyişən məsləhətlərdir.
Hər halda maksimum uğur və ətrafında hörmət qazanmaqdırsa əsas məsələ heç bir halda əsəbiləşməməkdir.
Səni incitməyə çalışan, damarına basan insana əsəblərinin onun birazdan incinəcək eqosundan daha önəmli olduğunu hiss etdir, əziz oxuyucu. Nə qarşısında olur olsun -debillik, haqsızlıq, ədalətsizlik- əsəbin heç bir zibili həll etməyəcək. Ya get danışıq bacarığın üstündə çalış, irəlilət və onu adambalası olmağa razı sal, ya da sakitcə uzaqlaş. Bu həm mental, həm fiziki sağlamlıq gətirəcək sənə. işdə müdir cındırlıq edir? Onsuz da edəcək, istəyirsən çıx. Ancaq 10 saniyə durub fikirləşəndə "bu əsəb nəyi dəyişəcək?" Tutarlı cavab tapa bilmirsən. Əksinə, zibil edir atır hər şeyi. Səni qəzəbləndirməyə çalışan insancığa bax, gül. Mümkünsə səsli gül. ilk dəfələrdə saxta gələ bilər, sonra bu reallığa çevriləcək. Həqiqətən də, vecinə olmayacaq. Beyini inandırmaq çox asandır. Belə danışdığıma baxma, mən səndən, ondan, bundan, hamısından tez əsəbiləşən, yumruğuna əngəl ola bilməyən tiplərdən olmuşam. Ancaq bu hissi idarə etməyə başlayanda çox irəli getdiyini başa düşəcəksən.
Hörmət də ardınca gələcək. Çünkü bükə bilmədiyin biləyi öpəcəksən.
sonuncu ay işığı Ləyaqətsiz erməni daşnaklarının törətdiyi vəhşilikləri ələ alan, bu vəhşiliklərə görə də tükləri biz-biz edən, insanlıq məfhumuna içində kin-küdurət oyadan, türklər demiş nəfəs kəsən kitabdır. Elçin arifoğlunun gənclik illəri 1. Qarabağ müharibəsinə düşən gənclərin taleyindən bəhs edən bu kitabı siqareti siqaretə calayan tiryəklər misalı səhifəni səhifəyə calatdırır. Hər dəfə ağılalmaz şeylərə şahid olduqca "bundan betəri gələ bilməz" deyirsən və növbəti səhifədə daha iyrəncini, daha vicdansızını tapırsan. Ən əsası da əminsən ki, heç bir mübaliğə yoxdur.
Yazarın dəsti-xətti isə çox aydındır, istifadə etdiyi təşbehləri sayəsində o faciəni yaşadan əsərdir.
Özünüzü bütün personajların yerinə qoyub, onun pəncərəsindən baxa bilirsiniz.

VƏHŞiCƏSiNƏ SPOiLER:
Baş qəhraman Rövşənin qəzəbini boğa bilməyib ağılsızca Samveli öldürməsi və bəlkə də çox asanlıqla qurtula biləcəyi o şeytan yuvasında tıxılıb qalması ikicini dəfə oxuduğum halda kitabı 1 günlük kənara qoymağıma səbəb idi. Arzunu itirən kimi özünü başqa bir alçağın qollarına buraxması *, instinktlərinə qarşı qoya bilməməsi isə gərir adamı. Hər ikisi də onun zəifliyi idi.

yüngül spoiler:
Son səhifələrdə ayaqları altında yatan qızcığazı tanımaması isə olduqca təzadlı idi. Hər nə olsa da Rövşən güclü plana sahib, Kamonu doğramağa nail olan dərrakəli oğlan idi. Onun tanıdığı və onu da o lagerdə sevən Arzudan başqa kim var idi?
Yazar burda nə demək istəyib, heç özüm də bilmirəm.

*
oyasumi Yapon dilində gecəniz xeyirə mənasındadır. əslinə qalsa, gedin dincəlin deməkdir. Sadəcə başına döndüyüm yapon dili.. Oyasumi nasai də gecən xeyirə deməkdir. Fərq bəs?

Başına O alan feillər "get və bu iş et" mənasını verir, ancaq bu əmr forması dostcasınadır.
Yasumi isə yasumu (yatmaq, dincəlmək) feilinin isim formasıdır.
Nasai də bir əmri daha kübar şəkildə ifadə etmək üçün istifadə olunur.

Sıxıcı qrammatika * hissəsini keçdik, gələk maraqlı yerinə.
Oyasumi nasainin çox daha kübar forması o-yasumi-nasai-mase olaraq işlədilir.
Kübarlıqda çığır açıb "Zəhmət olmasa, buyurun" əlavə etmək istəsəniz "Oyasumi kudasai" deyirsiniz.
Bəs sizdən status olaraq çox daha üstün birinə gecəniz xeyirə demək istəsəniz? Yaponlar bunu da artıqlaması ilə bacarır.. oyasumi kudasai mase.
*
Edit:
(youtube: )
bu şirin mahnını da qeyd edək.
animelərdən öyrənilən yaponca sözlər Nani - nə?
Nandayo - "nə" sualının, adətən, bezəndə, əsəbiləşəndə bir az daha kobud deyilişinə hesablanmış forması.
Vakatta - aydındır/ok
Soreva - bu
Sayanora - hələlik
Sumimasen - bağışlayın
Betıni - dəyməz
Ariqato - təşəkkürlər
Kavai - sevimli
Okasan - ana
Oyasumi (nasai) - gecən xeyirə
Prezento - hədiyyə
Deyto - ingilis dilindəki "date".
Eto - ingilis dilindəki "so/well"

qeyd: Yazılışları barədə qaranti vermirəm. yadımda qalıb qeyd etdiyim sözlərdir. izlədiyim 3 animedir. Bu cür nəzakətli xalq və dil danışıq tərzi olaraq niyə bu qədər ani və bir o qədər sərttir, çox maraqlıdır.
karma qanunu Yerə alma əksən alma bitəcək. Dikan əksən dikan bitəcək. Karma qanunu son nəticədə özünlə topladığın baqajdır.

Məsələn taylandda mindin bir taksiyə getdin, düşəndə deyirsən ki, pulum yoxdu. Taksici düşür sənə deyir ki, çox sağ ol. Sənə xidmət etdim, əvəzində isə heçnə almadım, bu təmənnasız yaxşılıq mənə yaxşı karma qazandırdı. Hətta buna sevinirlər *.

Buddizmdə bəzi ortodoksal cərəyanlar var ki, ağızlarında tənzif ilə gəzirlər. Ki birdən görünməyən bir mikroorqanizm gedər boğazına, onu udmuş, öldürmüş olarlar.
Ayaqlarına zınqırov bağlayırlar ki, birdən ayağının altında qarışqa və s. Qalar, qaçsın getsin zınqırovun səsinə. O dərəcədə..
Şərt budur ki öldürmə. Tanrı yaradıb və ruhu da tanrı verib. Sən onu öldürərək tanrının verdiyi bədəni onun əlindən alırsan. Vəhşi bir heyvanla qarşı-qarşıya belə olsan maksimum çalışmalısan ki, nə yollasa onu uzaqlaşdırasan, öldürməyəsən.
Atmanın mahatmaya çevrilməsi üçün diqqət edilməlidir.
Bu haqda yapon yazıçı
ryunosuke akutagawanın hörümçək toru adlı çox maraqlı bir qısa hekayəsi var *

Kandata adında evlərdən oğurluq etməyi, insanları öldürməyi özünə sənət seçmiş çox hiyləgər, dələduz bir adam olur və bu adam günün birində ölüb cəhənnəmə düşür.
Cənnətdə gözəl ətir yayan lotus çiçəkləri ilə bəzədilmiş çayın kənarı ilə gəzinməkdə olan Buddha isə həmin bu şəffaf çayın içindən dərinlərə, cəhənnəmə, oradakı ölülər bataqlığına, iynəli dağlara nəzər salır.
Aşağıda günahkar ruhların qan ilə dolu bataqlığa girib çıxardılmaqdan ağızları qan ilə dolur, ağlamağa belə taqaətləri qalmır, yalnızca yüngül iniltiləri eşidilir. Həmin bu Kandata da minlərlə günahkar insanla birlikdə irinli, qanlı bataqlıqda qurbağa kimi çabalayarkən birdən Buddhanın gözünə Kandata ilişir. Bir gün meşədə gedərkən ayağının altında bir hörümçək görüb öldürmək istədiyi, ancaq sonra fikrindən daşınıb "Onsuz da bu kiçik hörümçəyin canından başqa nəyi var ki?" Deyə düşünərək öldürməkdən vaz keçdiyi yadına düşür. Mümkünsə bu yaxşılığının qarşılığını verim deyə fikirlərşərək yanındakı lotus bitkisinin üstündəki hörümçəyin torundan incə bir ip ayırıb çox dərinlərdəki cəhənnəmə sallayır.
Çarəsizlik içində çırpınan Kandata bir anda başının üstündə gümüşü rəng nazik hörümçək torunun sallandığını görür və tez tordan yapışaraq yuxarı dırmaşmağa, bu iyrənc cəhənnəm bataqlığından qurtulmağa cəhd edir. Hətta bir az da dırmaşsa cənnətə çatacağının fərqində olan Kandata bitab düşsə də hörümçək toruna dırmaşmağa davam edir. illərdir bu qanlı bataqlıqda boğulan Kandata üçün bu tək şansdır və "çatdım, çatdım" deyə sevinib gülməyə başlayır. Ancaq aşağıda qurtulmaq istəyən insanların şəkərə yığışan qarışqa kimi hörümçək toruna yığışdığını görür və onsuz da bayaqdan onu necə tutub saxladığına heyrət edən hörümçək torunun bu saat qırılacağı qorxusu ilə bütün bədəni lərzəyə gəlir. onu tələsdirən insanları ayağı ilə vurub hörümçək torundan aşağı atmağa başlayaraq "Bu ip mənimdir, siz kimdən icazə aldınız ki mənim ipimə dırmaşırsınız! Rədd olun!" deyir. Elə bu yerdə də hörümçək toru qırılır və Kandata cəhənnəmə geri düşür..

Əvvəldən bu yana baş verənlərə sakitcə tamaşa edən Buddha Kandatanın bir daş kimi ölülər bataqlığında qeyb olduğunu görəndə kədərli halda yoluna davam edir.
"Yalnız mən cəhənnəmdən qaçım" deyən Kandata mərhəmətsiz ürəyinə yaraşan bir cəza ilə yenidən cəhənnəmə düşür.
reinkarnasiya Ruhun doğuluş və ölüm dövranından * qurtulmağına xidmət edən və bioloji ölümdən sonra bir bədəndən digərinə keçməsinə verilən ad.
Qədim hinduizm kitablarından biri olan bhaqavad gitada ruhun 8.640.000 canlı növündən keçərək axırda samadhiyə, yəni tanrı qatına qovuşacağı * qeyd edilir (Maraqlısı budur ki, müasir elm yer üzündə 8.700.000 canlı növünün olduğunu təsdiq edir. ~e.ə. 400 illərində yazılan kitab bu məlumatı necə bilirdi?).

işin-peşən ancaq özünü bəzəmək, heç nə ilə məşğul olmamaq ancaq bəzəmək, bəzəmək, bəzəməkdirsə o biri həyatda ruhun gülə keçir. Çox tənbəlsənsə, yerindən qalxıb hərəkət etmirsənsə sonrakı həyatında ruhun ağaca keçir. Yəni nə istəyirsənsə, ruhun nəyə meyillidirsə, tanrı səni o formada təzahür etdirir. insan çalışmalıdır ki, ruhu bu sansaradan çıxsın.

insan 3 qunada yaşayır:
Tamas quna - xaos, cahillik, dəyişməz və inaktiv, həyat amalları ancaq öldürmək, yemək-içmək, heyvan kimi yaşamaqdır. Bunlar öldükdə ruhları donuz bənzəri vəhşi heyvana keçir.
Rajas quna - arzular, aslılıq, nəyə isə həddindən artıq bağlanmaqdır. Məsələn rembrandt. Bütün həyatını ancaq rəsm çəkməyə həsr edir. Və ya Tesla - fizikaya. Yəni hər şeyi yaddan çıxarıb ancaq bir şeyə köklənir. Dünyadan, gedişatdan uzaq düşür. Bu da yaxşı hesab olunmur.
Sattva quna - kainatın axışına uyum, saflıq, aydınlıq və sülh tərəfdarı, özünü ilahi elmlərə həsr etmək. Bu qunada yaşayanları öldükdə tanrı daha yaxşı şəraitdə dünyaya gətirir və sansaradan qurtuluşa bir az daha yaxınlaşır. Ruh insan bədənindəki bu qəfəsdən qurtulmaq üçün mütləq şəkildə pis əməllərdən uzaq olub özünə yaxşı karma yığmalıdır. Əlqərəz, sattva qunada yaşamalıdır.

(bax: karma qanunu)
junjou romantica
(youtube: )

Hərfi tərcüməsi Saf romantika olan bu anime 4 kateqoriyaya bölünən 4 gay münasibəti ələ alır: Junjo Romantic (Usami və Misaki), Junjo Egoist (Hiroki və Nowaki), Junjo Terrorist (Miyagi və Shinobu) və Junjou Mistake (Morikawa və Kaoru). Adından da göründüyü kimi, bu 4 xarakter bir sevgidə yaşana biləcək 4 təməl halı özündə cəmləyir. Bilmirəm yaponların irəli səviyyəli etik duyğusuna görədir, ya bütün animelərdə belədir *, gay olmasına baxmayaraq bu günə qədər izlədiyim heç bir filmdə romantikanın bu cür işləndiyini görməmişəm.
Misaki və Usagi bir-birlərini dərindən sevsələr də, Misaki uşaq təbiətli və utancaq olduğundan bunu dilə gətirməkdən həmişə boyun qaçırır. Hətta özünə belə.. Usagi xarakter olaraq daha ciddi və uşaq yaşlarından içinə qapanıqdır, ancaq sevgi kimlərin ipini açmadı ki, sen kimsin Usagi!
Bir tərəf heç nəydən qaçmayaraq sevgisini göstərən, digər tərəf içindəki hissləri özünə belə etiraf etməkdən aciz biri.

junjou egoist başda tək bir tərəfin eqoist istəyi ilə yaranan bu münasibətdə sonra fədakarlıqlar edən tərəfə çevrildiyini görürük.

junjou terrorist burda əməlli başlı terror rüzgarları əsdirir qarşı tərəfin üzərində. Gayliklə əlaqəsi olmayan bir adamı gayə çevirir. Məsələ də burasındadır ki, elə bil homoseksuallar dünyasında yaşayırlar, gələn-gedən gay olur. Figüran da olsa bir dənə hetero münasibət ola idi, kaş.

junjou mistake qəza əsəri yaranan münasibət, bir az da toksik. Bölüm sayı azdır, ona görə baş açmaq bir az çətindir.

şəxsi görüşlər:
Başda Misaki olmaqla * bütün personajların ağlından keçənləri eşitmək, yansıtdıqları ilə özləri arasındakı uçurumu görmək adama ləzzət edir. "Bir tək sən deyilsən özünə işgəncə edən" deyə fikirləşirsən, avto.

insanın özü ilə verdiyi daxili münaqişələrə şahid olmaq.. Ümumiyyətlə, fərq etməz bu izlədiyin film olsun, oxuduğun kitab, yeni tanıdığın bir insan; özündən bir şeylər tapmaq uzun vadede bağlayır. Təkamül bunun üzərində qurulub, özünə bənzəri, tanıdığını yanına al, yadı, bilinməzi uzaq et, qaç, sənə zərər verə bilər. Cütləşmək üçün ən ideal genlərin sənə nəsil ağacında ən uzaq budaqdan olan kimsələrdən gəlməsi gerçəyi istinai durumdur, efəm. Hər şeyi də hər şeyə qatmayalım.

*
nellie crain Uzun müddətdir partizanlığımın götürlüməsi tələbimə mənfi cavab aldığımı bilən əzizim, cəfakar moderim, içimi titreten aşkım məni umbay edib yenidən yazarlığımı təsdiqləyərək partizanlıq vəzifəmə son qoymuş, praktiki zəkası ilə heyran buraxan moderator.
*
26 noyabr 2020 azərbaycanda plastik paketlərin qadağan olunması Təkbaşına əksik qanundur. Plastik torba, şüşə kimi tullantıların dərdini ən çox çəkənlərdən biri olaraq deyə bilərəm ki, bu proses geridönüşüm konteynrlarının qoyulması ilə yanaşı getmirsə boş şeydir.
Plastik torba birdəfəlik qadağan olunsa kağız torbalar gərək olacaq. Həm də plastik qabağan olunursa fanta, cola kimi içkilərin aqibəti necə olacaq? Onları içib tullamaq olar, amma zibili atmağa torba tapmayaq?
Bundan əlavə, bu kimi qadağalardan əvvəl rayon və kəndlərə zibil konteyrnlarının qoyulması çox-çox daha vacibdir.
Tullantılar yandırılaraq məhv edilir. fikirləşmirlər ki, onun zəhəri təbiətə çox daha ağır fəsadlar verir. Əvvəlcə bunu düşünüb lazımi tədbirlər görülməli, sonra plastik torbaların qadağasına keçilməlidir.
maybeshewill instrumental rock janrında, elektronikanı da özündə ehtiva edən, qruza soxan mahnıları ilə gönlümə taht qurmuş qrup. Yaxşı ki, 6-7 il olar tapdığım. Xatirəsi, hər bir notası əzizdir, başına döndüyüm.

(youtube: )

Keyboard sakitlik hissi verərkən elektronun girib bütün yumşaqlığı cızmağı, ondan mənəvi həzz duymağın və drumların qoşulub eargasmik bir vəziyyət yaratmağı.

Görən də deyir ki, heçözüdəbilmir, bala, iki kəlmə səsini eşidək, çıxar o p*xu qulağından. Durub başa salmıram ki, onlar mənlə danışır, mən onlarla.
(bax: ruha təskinlik qarışığı əziyyət verən mahnılar)
latın dili Ölü dil. Əşyaların cinsiyyətlərə ayrıldığı dil. Məsələn səhv xatırlamıramsa daraq qadın idi. *
Tərcüməni öyrənmək ayrı bir dərd ikən bir də cümlədə qanunauyğunluğu qorumaq üçün cinsiyyətlərini öyrənməli idin. *
Yadımda qalan bir də o məşhur sum es est sumus estist sunt ifadələridir ki, tərcüməsi ilə əlaqədar heç bir fikrim yoxdur. *
Sanki köməkçi feil kimi bir şey idilər. *
Dərsdə bir qələtdi edib latın dili müəlliməmə "latın dili ölü dildir" demişdim, demək istədiyim danışan xalqı yoxdur, day niyə ömrümüzə oturub o gündən hər dərsdə "Aha, uşaqlar, onsuz da latın dili ölü dildir, danışıq dili deyil ona görə də gündəlik ifadələr günümüzdə bilinmir" tərzi səy cümlələrlə beynimizi kəpək edirsən ki!
Heç kimlə də mübahisə aparmıram, plus da hayasız idi * , əşii dedim.

Məsələ orasındadır ki, bir semestr öyrənməyə işgəncə çəkib ucu-ucuna keçdiyim bu dilin illər sonra elə bir mahnısın tapdım ki, heyif dedim.
Adamı dilə aşiq etmə potensialındadır.
(youtube: )

(1.25 sürətdə dinlənilməsə aşiq etmə potensialı enir)
əsəbi olmaq Bir vaxtlar yeri göyü dağıtdığım indi çox asan kontrol etdiyim psixoemosional vəziyyət.
Deməli necə kontrol etmək olar? Əsəbiləşdirən hər nə və hər kimdirsə əvvəlcə o vəziyyətdən kənara çıxıb hadisəyə başqa perspektivdən baxılır.
Tutaq ki, qrup yoldaşın dölbeyinin yekəsidi və özünü Freud hesab edib sənin haqqında reallığa bir addım belə yanaşmayan analizlər edir. Sən isə dəli olub özündən çıxırsan, hansısa bisavadla söz dalaşına girirsən. Əslində, məsələ savadla da əlaqəli deyil. Əvvəla, başa düşməkdə fayda vardır ki, insanlar hər şeyi bilə bilməz və onlara nəyisə sübut etmək böyük bir heçdən ibarətdir. Boş-boş fikir yürüdür? Yerli-yersiz mülahizələri var? Burda sən anlamalısan ki, o insan ağacdan qopub yerə düşmüş çürük meyvə ola bilər, ona yaxınlaşıb özünü çürütmək isə sənin seçimindir.
O cümlədən ağlınıza gələ biləcək hər şey. Ən pik misallar..
Əsəbiniz heç nəyi həll etməyəcək, əksinə daha çıxılmaz vəziyyətə soxacaq, bunun fərqində olun.
Əsəboləşdiyiniz və əsəbinizin soyuduğu o iki anı gözünün xatırlayın. Nə dəyişdi? Heç nə. Əsəbiləşmədən də təmkinlə məsələni həll edə bilərdiniz, amma sizə daxili sisteminizə zərər vermək daha asan görünür. Sözün həqiqi mənasında çox sadə bir şeydir və əmin olun bunu ən çıxılmaz vəziyyətlərdə bacarmışam.

əsas qanun: səni tanıyan və tanımayan, sevdiyin nifrət etdiyin, uşaq və ya böyük heç kəsə heç nəyi başa salmağa çalışma. Fikrini bir dəfə çatdır, çatmadısa, ikinciyə tənəzzül etmə. Biri ilə konfliktə girmək sənə heç nə verməyəcək. Ondansa get fərdi inkişaf kitabları oxu, filmə bax, çöldə gəz, olmadı gəl yat, amma müzakirə mübahisəhə çevrildiyi anda oradan sakitcə uzaqlaş. Çünkü onların sənə qazandıracağı şey böyük bir 0 olacaq. * *
Əsəbi tamamilə yığışdırıb kənara qoymaq üçün uzaq şərqdə bir ömür sərf edirlər, bizim ona nə şərait, nə imkan, nə həvəsimiz var. Dediklərimi etmək isə olduqca asandır.
Acı reallıq budur ki, əsəbi olmaq insanın gizli zəiflik göstəricisdir. Qarşınızdakı insanı əsəbiləşdirə bilirsinizsə deməli o sizi və fikirlərinizi umursayır. Sizi və fikirlərinizi umursayırsa deməli özünə inamı yoxdur. Özünə inamı olmayan insan da zəifdir. *
Buna görə də ipləri əlinizə almaq üçün ya eq yüksək olacaq ya iq, başqa cür nevrozdan 35-ində ölüb gedərsiniz.

"Əlində olsa hansı tarixi şəxsiyyətlə görüşməyi seçərdin?" tipli suallara birnəfəsə cavab verdiyim Buddanın belə bir kəlamı ilə bitirim getsin: "Məsələ həll olunandırsa narahat olmağa dəyməz. Məsələ həll olunan deyilsə narahat olmaq heç bir şeyi dəyişdirməz."
1 2 3 4 5 6 7 8 9 10 11 12 13 14 15 16 17 18 19 20