yazarların linçə səbəb olacaq fikirləri

ailə üzvlərin belə ailədə ən uğurlu şəxs sən olanda paxıllıq edirlər. uğurlu olmasan belə onların edə bilmədiklərini edəndə və ya fərqli şəkildə edəndə yenə də qısqanırlar. xoşbəxt olmayan analar xoşbəxt qızlarını qısqanır. xoşbəxt olmayanda üzülə bilərlər amma qız ailədən ayırılıb, müstəqil, rahat və xoşbəxt həyatını yaşayanda illərdi özünü bədbəxt ailə bataqlığından bəzi anlaşılan və bəzi anlaşılmaz səbəblərə görə qurtarmayan ana əslində bunu qısqanır. qardaş da bacını qısqanır, ona müftəxor kimi baxır. iki bacı bir-birini qısqanır. bacı da qardaşı qısqanır əgər o rahatlıqla təmin olunub və özü olmayıbsa. əslində həyatda kimdənsə həqiqətən 100% səmimiyyət gözləmək bir az axmaqcadı. hər kəs sonunda özünü düşünür. valideynlər də övladlarını şərtsiz sevmir. əksinə çox vaxt duyğusal manipulə edib, günahkar hiss etdirib, yalnız onların istədikləri övlad olanda sevirlər. bu manipulyasiyanın qurbanı olan övladlar da valideynlərini razı salıb xeyirli övlad olduqlarını düşünürlər amma adətən 30 yaşdan sonra öz xoşbəxtliklərini qurban verdiklərini və manipulyasiya qurbanı olduqlarını anlayırlar. anlamayanlara yazdıqlarım absurd gələcək. amma ümumi götürdükdə azərbaycanda əksər ailələrdə vəziyyət belə. çünki onlar özləri də nə vaxtsa bunları yaşayıblar ancaq öz dövrlərində məlumatlar bu qədər əlçatan olmadığı üçün böyük ehtimalla heç vaxt bunu anlamayıblar

məntiq evliliyi

məntiq evliliyi tərəfdarı deyiləm amma məntiqimizə uyan insanla evlənməyin tərəfdarıyam. yəni işin içində məntiq həmişə olmalıdı mənim üçün, təkcə duyğulara buraxmağı düzgün sanmıram evlilik kimi ciddi məsələnin. evlilik fikrimcə daha çox uşaqlar üçün gerçəkləşdirilən bir şeydir. yəni məqsəd burda uşaqlara xoşbəxt ailə bəxş etməkdi. əks halda heç vaxt uşaq sahibi olmaq istəməyən birinin evlənməyini gərəksiz sayıram. ona görə məntiqimizə uyan, bizim üçün yalnız əyləncəli sevgili olmayıb da gələcək də uşaqlarımız üçün məsuliyyətli ata və bizə etibarlı ömür yoldaşı ola biləcək biri ilə evlənməyin tərəfdarıyam. təəssüf edirəm bəylər, amma 'evlənəcək oğlan, əylənəcək oğlan' məsələsinə çevrilir. tək tərəfli danışmaq istəməyib, eyni şeyin qadınlara da aid olduğunu demək istərdim. dişi qartalların özlərinə partner seçimi haqqında oxuduğum yazını xatırlayıram, dişi bir budaq götürür və səmaya qalxır. erkək də onu izləyir. sonra o budağı atır və erkək qartalın onu yaxalamasını izləyir, erkək quş budağı dişiyə gətirir və o daha yüksəkdən atır bu dəfə budağı. bu şəkildə bir növ erkək qartalı sınaqdan keçirəndən sonra ancaq cütləşirlər. bir növ bu sınaq erkək qartalın öhdəlik daşıya biləcəyini göstərir və ən əsası çeviklik budaq timsalında yumurtaların təhlükədə olanda xilas edilməsinə əmin olmaq üçündü. dişi qartalların özünə bu şəkildə partner seçməsindən sonra bizim sadəcə qara qaşa və gözə, ya da cazibəyə, bir-iki xoş sözə görə biri ilə evlənməyimiz heç məntiqli görünmür. pul da önəmlidir, qarşı tərəfin sizi yetərincə təmin edə bilməsi və bunu istəməsi. çünki qadın işləsə də elə bir dönəm olur ki, məcburiyyətdən işləyə bilmir. hamiləlik dönəmi xüsusilə. demək istədiyim sırf sevirsiz deyə ailəsinin pulu ilə yaşayan biri ilə də evlənilməz.məsuliyyət və öhdəlik daşıya bilmək, sözlərinin üstündə durmaq, dəyər vermək bunlar evlilikdə kafa uyumu, əyləncə anlayışı, axıcı söhbət, cazibədar xarici görünüş kimi xüsusiyyətlərdən önəmlidi mənə görə. əgər biri ilə evlilik düşünürsənsə işin içində məntiq mütləq olmalıdı, kor-koranə aşiq olub çatışmayan cəhətlərini görmək istəmədiyiniz biri ilə evlənmək ağılsızlıq olardı. mənə görə evlilik bir proyektdir, qrup çalışmasıdır,komanda işidir. necə ki, yarışda qalib gəlmək üçün axtardığınız xüsusiyyətlərə sahib birini komandanıza daxil etməyə çalışırsız evliliyi də elə düşünməlisiniz - 2 nəfərlik qrup işi kimi.
3 dəfə boşanıb, evlilik təcrübəsi olan biri kimi entry yazdığımın fərqindəyəm....

qızılca

təxminən iki il öncə dünya səhiyyə təşkilatı və bir sıra həkimlər qızılca epidemiyasının olacağını söyləmişdilər.vaksinlərin nə qədər önəmli olduğunu söyləməklə bizim insanlar anlamadığı üçün bəlkə bu hadisələrdən sonra anlamağa ən azından cəhd edərlər.ancaq bundan öncə qızılca və məxmərək ayırımını bilməyən həkimləri qınamaq lazımdır. Rayon yerində bir poliklinikaya gedib qızılcaya qarşı antikor(immunqlobulin) baxdırmaq istəyirəm desəniz qadınsızsa hamilə olduğunuzu düşünüb məxmərək baxacaqlar.məxmərək(rubella),qızılca(rubeola) oxşar adları və klinik gedişinə görə qarışdırıla bilir,amma təbii ki,tibb fakültəsindən məzun olan birinin buna haqqı çatmır.məxmərək daha yüngül gedişə malikdir və əsasən hamilələrdə təhlükəlidir,çünki döldə qalıcı anomaliyalara səbəb ola bilər.ona görə qadınlar hamiləlikdən öncə bədəndə antikor yoxdursa vaksinlənmək məsləhətdi.qızılca daha ciddi bir xəstəlikdir və xüsusilə yetişkinlərdə daha təhlükəli ola bilər.iki virusun ayrımını bilən xəstəxana tapsanız,antikor baxdırıb rahatlaya bilərsiz.uşaq vaxtı keçirib ya da peyvəndlənərək bədəninizdə antikor yaranıbsa lap yaxşı.yox əgər negatif çıxırsa demək ki,sizi qoruyacaq nəsə yoxdu bədəninizdə.yetişkin biri olaraq ya özünüzü ciddi qoruyacaqsız,ya da vaksini tapıb vaksinlənəcəksiz.eyni şey əslində su çiçəyi(varisella) üçün də keçərlidir.25 yaşıma qədər keçirmədiyim üçün xəstə biri ilə təmasdan sonra 1 gün içində vaksinləndim və təbii ki,qoruyucu oldu,keçirmədim.vaksinlənmək gözəldir,haqqında yayılan miflər isə əsassız.aşağıda ən yaxın vaxtlarda özünüzü ciddiyə alıb ,pul xərcləməkdən çəkinmədən etdirməyi məsləhət gördüyüm vaksinləri yazmaq istəyirəm,könül istərdi bizdə də ən önəmli vaksinlər dövlət tərəfindən qarşılansın amma nəysə..
-Hepatit A(səhiyyə işçiləri xüsusən)
-hepatit B(hər kəs)
-tetanus(hər kəs)
-qızılca, məxmərək,su çiçəyi(antikor baxdırmaq,negatifdirsə ən qısa zamanda)
-hpv=papilloma virus =gardasil vaksini(uşaqlıq boynu xərçəngindən qorunmaq üçün-toppuş bacının etdiyi səhvi etməmək üçün,xüsusilə qadınlar və cinsəl həyata başlamadan öncə)

yazarların etdiyi umbaylıqlar

3 gün əvvəl dodaqlarım həddindən artıq qurduğu üçün aptekə girib hametan krem aldım.çıxdım ordan və metroya doğru gedirdim,qapağını açdım ki,istifadə edim yoxsa dodağımın ağrısından işə güclə gedəcəm. gördüm diş məcunlarında olduğu kimi örtüklüdü amma deşilən örtüklərdən,soyulanlardan deyil.üstümdə də deşmək üçün heç nə yox idi.bu aralar sosial anksiyetem azalıb deyə özümü qab-qacaq mağazasına saldım.onlar da sevindi ki səhər saat 8də müştərimiz var.hamısı töküldü üstümə,az qala çay süfrəsi açılacaqdı.utana-utana dedim ki,kremin örtüyünü dəlməliyəm sizdə iti uclu nəsə var mı? satıcı kremi aldı əlinə və qapağını çevirib,arxasındakı çıxıntı ilə deşdi.və mən ilk dəfə 25 yaşımda bunu öyrəndim. uzun zaman olmuşdu belə umbaylıq yaşamamışdım ona görə unutmaq bir az zaman alacaq :d

sertralin

3 aya yaxındır istifadə etdiyim antidepressant. 2020-ci ildən bəri artan anksiyetem və düşük ruh halı səbəbi ilə ehtiyacım olduğunu düşündüm və psixiatr tanışımın məsləhəti qəbul etməyə başladım.ilk 6-8 həftə ərzində bir nəticə görəcəyinizi sanmayın, nəticədən çox yan təsirlərini görəcəksiz: tremor,başağrısı, iştahsızlıq ,ürəkbulanma və s.8 həftədən sonra isə elə bir vecsizlik hissi gəlir ki, üzünə söysələr belə bu həyat yaşamağa dəyər moodunda olursan.küçənin ortasında mahnı səslənsə özünü rəqs etməkdən güclə saxlayıb,səhərlər işə gedəndə az qala tanımadığın insanlara belə hamınızı çox sevirəm,əzizlərim deyəsin gəlir.bir sözlə mənim xilaskarım.uzun müddət istifadə etməyi ya da belə deyim həyatım az da olsa yoluna düşənə qədər istifadə etməyi düşünürəm.amma mütləqdir ki,ən azı 6 ay istifadə edəsiz,başlayanda və bitirəndə anidən deyil,1 həftə içində doz azaldaraq etmək lazımdır.uzun müddət istifadədə ciddi bir yan təsiri yoxdur,hətta ürək əzələsi və fəaliyyəti üçün faydalı olduğunu deyir həkimlər.digər tərəfdən qızlara şad xəbərim var.prolaktin artışına səbəb olub büstqalter ölçünüzü azca dəyişə bilər :D . uzun müddətdir ki, pis və qayğılı hiss edirsizsə bunu normallaşdırmayın,dərd varsa çarəsi də var.ruh sağlığınız gözlə görüləcək bir probleme səbəb olmasa da hələlik sonradan fiziki sağlamlığınızı da itirməmək üçün laqeyd yanaşmayın.təbii ki,həkim məsləhətindən sonra...

sözaltı günlük

bu dəfə xoş xəbərlərlə gəlmişəm ,sözlük. 2 həftə öncə bu qədər yetər deyib həyatımda ciddi dəyişikliklər etməyə qərar verdim.ən əsası həmişə üstündən ötüb keçdiyim,bir şey olmaz dediyim mənə kiçik görünən problemlərimi həll etməyə başladım.artıq onları normallaşdırmıram.önəmsiz görünsələr də mənə əslində həyatıma təsirləri böyük imiş.daha yaxşı hiss etməyə başladım,daha yaxşı düşünməyə və yaxşı şeylərin olacağına ümid etməyə başladım.dünən çox sevindirici bir xəbər aldım.gerçəkləşməsi üçün ümidlərim böyükdü,ancaq bu dəfə kimsəylə bölüşmürəm.ailəmlə belə.bitch universe deyəsən bir az mənə güzəştə getmək istəyir.nəysə ki, günlük başlığına həmişə melanxolik və dibə vurma entryləri yazan veronikanın da sonu gələ bilər.amma bir şey var,əjdahaları mən necə alacam fkemfmek. antidepressantım da işə yarayır,o qədər yarayır ki,gecə 12də özümü parkda mahnı oxuyaraq gəzən yerdə tapıram . serotoninə möhtac qalmağım uzun zaman olmuşdu....necə deyərlər hər kəsin bir gün həyat yolu bir ssri ilə kəsişir.çox şeyin təbiiliyini itirdiyi bir dünyada xoşbəxtliyin spontan olaraq yaranmasını gözləmək bir az absurd ola bilərdi hərhalda.ən azından indi səhərlər yataqdan çıxmağa yetərli gücüm olur.