sözaltı günlük

eziz günlük, saat 19:18 evime yaxın bir kafede oturmuşam ve klaviaturamda e herfi olmadığı üçün bu oxunulması narahat edecek entryni yazıram.son zamanlarda heyatım yavaş-yavaş yoluna düşme yolunda irerleyir.antidepressantlarla olan yoldaşlığın tebii ki, hele de davam edir.onlar mene hele bir müddet de lazım olacaqmış kimi gelir.ortamı daha yaxşı tesvir etmek üçün arxa fonda çalan mahnını da qeyd etmeliyem: eminem ' houdini '. kefim yerindedi anlaşılan.2 gün evdeyem ve işlemirem.evden pul alma eram da bitdi.havalar soyudu,güneş de evvelki kimi kefimi pozmur.düzenli işim ve maaşım var,fluoksetin öz işini görür.evden uzaqdayam.kilo verdim ve üz derim döneminin en sivilcesiz zamanını yaşayır. ve en esası toksik münasibet içerisinde deyilem.bu sebebden halhazırda veronika is living her best life deye bilerik.ümid edirem boku çıkmaz ddjdjjdkj.mental veziyyetim yaxşı olmasına reğmen psixoloqa getmeyi planlayıram.bezen yaxın olmadığım birisiyle danışmaq ehtiyacı duyuram çünki.hem de yaxın zamanlarda ailemi memnun etmeyecek qerarımı onlara bildirecem ve olacaqların meni minimum tesirlendirmesi üçün birisine ehtiyacım olacaq mence.ne zeman memnum oldular ki sanki.....üzerimde olan ailemin ' her kesi memnum etmelisen ' manipulyasiyasının ferqindeyem.ne yazıq ki ya da yaxşı ki.hansını demeli olduğuma qerar vere bilmedim.bu zamana kimi çox zaman memnunluq menden başqa digerlerinin terefinde olub onsuz.bir yerden sonra işleri ters istiqametde yürütmek isteyirem.insanları memnun etme ehtiyacı ve stresden qorxma kimi alışqanlıqlarımı geride buraxmağın zamanı gelib.bunların ferqinde olmaq bele böyük şeydi mene göre.

sözaltı günlük

əziz günlük, bu aralar həyatımda çox şey olur. ailəmdən uzaqdayam və ilk ciddi işimdə işləməyə başlamışam. hələki ilk 'ciddi' maaşımı almamışam və səbirsizliklə gözləyirəm. işim streslidi və onu daha da gərgin edən eks sevgilimlə eyni yerdə işləməkdi. indi hər gün üz-üzə gəlmək və onun məndən üst vəzifədə olmasından istifadə edərək məni əzməyə çalışması günümü daha da stresli edir. bundan başqa kartımda 8 azn pul qalıb :d. evdən son dəfə pul dilənirəm. onlar da bezmiş şəkildə göndərəcəklər böyük ehtimal. fakir modedan çıxmağımı və sonunda evdən pul almamağı iplə çəkirəm. Antidepressantlara ara verəcəkdim amma iş stresi və ek sevgili məni bu dəfə də prozaca keçməyimə məcbur etdi. onun sayəsində də iştahım kəsilib. ora-bura qaçmaqdan onsuz kilo vermişdim bir də onun sayəsində lap cansız birinə dönmüşəm :d. bunların olacağına özümü çox yaxşı hazırlamışdım deyə vəziyyətdən o qədər də narazı deyiləm. düşünürəm zamanla yoluna düşəcək şeylərdi hamısı. eks sevgilimin onu bloklamağım əsəbi də keçər, fakirlik də bir aya yavaşdan düzələr. mental vəziyyəti də psixoterapiya ilə yoluna qoyaram.çox ümidli fikirlərdi belə baxanda. realda çox vaxt gözləmədiyin başqa problemlər də ortaya çıxır. amma yenə də optimist qalmağa çalışıram.

sözaltı günlük

əziz günlük, bir gün sonra azərbaycandan ayrılıram. bir neçə il türkiyədə işləyəcəm.təhsilimi tamamlamalıyam. qəribə hislər içərisindəyəm. gələcək üçün narahatam. net olmaması həm narahat edir həm də ürəyimcədi. azından sıxılmayacam deyirəm. həyatımın qalan hissəsini ətrafdakılar kimi yaşamaq istəmirəm. məsələn ailəmə baxıram. ölkədən çıxmağa risk edən və gələcək üçün daha fərqli planları olan, yeni yerləri kəşf edib, komfort zonamdan çıxmaq istəyən təkcə mənəm. bu vaxta qədər çox sıxıcı həyat yaşamışam. ailəmlə heç vaxt gəzməmişik. nə ölkədən kənarda nə də elə yaşadığımız şəhərin içində. valideynlərimin həyat fəlsəfəsi qazanıb, ev alıb və yemək alıb evdə yeməkdir.digər şeylərə yersiz xərc kimi baxılır bizdə. gəzmək istəyirəm deyirəm maaşımla anam deyir mənə göndər yığım ev alım sənə o qədər qazansan. ölkədən tək çıxmağıma qarışa bilmirlər çünki elə bilirlər 4-5 il sonra bakıya qayıdacam. mənim üçünsə türkiyə sadəcə yolüstü dayanacaqdır. duyğusal manipule edildiyimi düşünürəm. məndən böyük digər övladları da var. o ölkədən xaricə getmək istəmir, həyatını bakıda qurub. amma onlara qarşı hörmətsizlik edir deyə ona hər şəraiti yaratmaqlarına baxmayaraq deyirlər tək biz burda darıxacağıq. analar oğullarını hər zaman, qızlarını isə yalnız onlar istədikləri zaman sevirlər ifadəsindən haqlı bir ifadə hələki eşitməmişəm. uşaqlığımdan bəri hər səhadə mükəmməl olmağımı və şikayətlənmədən onları hər zaman məmnun etməyimi istəyiblər. etiraz etdiyim vaxtlarda sonra unuda bilməyəcəyim şeylər eşitmişəm. aramız yaxşı olsun deyə onların istədiyi etsəm və xoşbəxt olmadığım yerdə qalsam bilirəm ki, bir yaşdan sonra peşman olacam. o zaman da cavabları qayıtmazdın olacaq. biz səni məcbur etdik mi deyəcəklər. bu vaxta qədər aramızda əslində heç nə yaşanmayıb. hər şey bundan sonra başlayır. istədiyimi etmək üçün öncədən planlarımı deyə bilmirəm çünki tamamilə normal və yaxşı istəklər olmasına baxmayaraq sırf onların istədikləri və tanışlara hava atacaqları qərarlar olmadığı üçün əngəl olmağa çalışacaqlar. self therapy ilə bir az egoist olmağı öyrənmişəm və manipuleye dirençli hala gəlmişəm. qərarlarımda dəqiqəm və dönməyəcəm. öz xoşbəxtliyimi isə təbii ki hər şeydən üstün tutmalıyam.bir zaman geri dönüb baxanda peşmanlıq hissini yaşamaq istəmirəm. bir az çətin olacaq. terapi seansları və sözlüklə ümid edirəm hər şeyi yoluna qoya biləcəm.

azərbaycanda qadın olmaq

yenə uşaqlıq travmalarımı xatırladığım saatlardayam. azərbaycanda qadın olmaq da çətindir, qız olaraq uşaq olmaq da. xatırladığım ilk taciz olunmağım 11 yaşımda idi. 5-ci sinifdə oxuyurdum. 11-ci sinifdə oxuyan bir oğlan vardı. bədən tərbiyəsi dərsimiz ortaq idi deyə həftədə 2 ya 3 dəfə qarşılaşırdıq. sözlərlə, baxışları ilə, hərəkətləri ilə taciz edirdi. hər gecə qorxub ağlayaraq yatırdım. evdə deməyə çəkinirdim, o qədər də anlayışlı ailəm yox idi. kabus kimi yuxularıma girdi illərlə. sonunda anama deyə bilmişdim, ondan sonra məzun oldu və mən bir az rahatladım. 3 il sonra illərlə təsirindən çıxa bilmədiyim başqa hadisə oldu. 9-cu sinifdə hazırlığa gedirdim. full nerd, işi gücü ancaq oxumaq olan, son dərəcə diqqət çəkməyən geyimdə və sadə bir yeniyetmə idim. yağışlı gün idi. hazırlığa ilk dəfə tək getməyə başlamışdım. əvvəl anamla getdiyim yolda oğlanlar dayanmışdı. alternativ yol yox idi. nə də yolda məndən və o əclaflardan başqa biri. uzaqdan gəldiyimi də görmüşdülər. qorxdum amma günörta saatları olduğu üçün bir şey olmaz deyə düşündüm və hazırlığa da gecikmək istəmədim. kapşonu başıma keçirib sürətli addımlarla yanlarından keçməyə çalışdım. yaxınlaşanda gülüşdülər. yolun ortasına doğru gəlməyə başladılar. addımlarımı daha da sürətləndirdim. birinin bıçağı varmış, öncə gördüm sonra açmağının səsini eşitdim. sonra arxamca mən bunu sikəcəm bir gün deyə qışqırdı bir əclaf. özümü hazırlıq binasına atdım amma otağa girə bilmədim. gözlərim qızarıb nəfəsim kəsilənə qədər ağladım qorxumdan. amma evdə deyə bilmədim. sadəcə faktı qəbul etmişdim mən bu şəhərdə taciz olunuram deyə. illər keçdi o anı güclə unuda bildim. sonra şəhərdən nifrət etdim. bakıda oxuyanda ya yaşımdan dolayı ya da adətən yollarda qulaqcıqla gəzdiyim üçün xatırladığım o tip travmalarım az oldu. o şəhərə də sonra nadirən getdim, ətrafdan tez tez təcavüz xəbərlərini almaqdan küçəyə çıxmaq belə istəmirdim. amma azadlığım bu şəkildə əlimdən alınmasını da qəbul edə bilmirdim. sonra problemin azərbaycanla əlaqəli olmadığını anladım. qadın olmaq hər yerdə çətindi. güclü olmaq da baha başa gəlir.

isotretinoin

birinci nəsil mono-aromatik sistemik təsir göstərən retinoid nümayəndəsi. retinoidlər vitamin a bənzəri maddələrdir. əsasən dəri xəstəlikləri və bəzi qan xərçəngi növlərinin müalicəsində istifadə olunur. əsasən akne müalicəsində istifadə olunması ilə məşhurdur. bir neçə aya heç bir ümid olmayan dəri tiplərini tipik post müalicə şüşə kimi cildə çevirir. olduqca təsirli kimyəvi maddədir amma gözəllik qurban tələb edir. dərini gözəlləşdirməklə yanaşı digər organ və sistemlərimə ciddi zərər vurmaq ehtimalı olduqca çoxdur. özümdə bu yoldan keçmiş və ətraflı məlumatı olan biri olaraq, hüquqi olaraq da buna imtiyazım olduğu üçün bu entrydə məlumat vermək istədim.
p. s u know what i mean yea? dbshdsh
kimlər üçün tövsiyə olunur?
- orta və çox ağır aknedən əziyyət çəkənlər, digər müalicə üsullarını yoxlayıb nəticə ala bilməyənlər, hamilə olmayanlar və müalicə ərzində hamilə olmağı düşünməyənlər, əmizdirməyən analar, organ və sistemlərində ciddi problemləri olmayan insanlar ( qaraciyər, böyrək önəmli)
müalicə müddəti nə qədərdir? doza nə qədərdir?
- kumulativ doza deyilən anlayış var. min və max. uygun olaraq bədən çəkiniz x 120/150 mg olaraq hesablanır. müalicə müddətində dərmanı kəsməmək üçün bir səbəbiniz olmazsa bu dozanı tamanlayana qədər hər gün içməlisiz. günlük nə qədər doza alacaqsızsa toplam doza ona bölünür və neçə ay içəcəyiniz hesablanır. ortalama 5-6(4-6) deyək.
günlük doza nə qədərdir?
-müalicə bir il çəkməsin deyə 40-50-60 mg həkimlər tövsiyə edə bilər. amma 30 mg içənlər də olur (mən) yan təsirləri dozaya bağlı olduğu üçün dərman maddəsinə qarşı tolerantlığı olmayanlar daha aşağı doza daha uzun müddət məntiqi ilə içə bilər. mənim üçün də uyğun olan bu idi( qaş düzəldən yerdə göz çıxarmaq istəmədim. gec olsun güc olsun. əsas daxili gözəllikdi.) yan təsirlərini ciddiyə almaq lazımdır nə də olsa-*
müalicə bitdiqdən sonra təkrarlama ehtimalı?
-bəli var. daha gənc yaşlarda dərmanı qəbuı etsəniz, akneləriniz hormonal səbəblərdən dolayı olursa və bunun üçün müalicə almasanız, dərman maddəsini yetəri qədər dozada və düzgün şəkildə içməsəniz təkrarlara bilər.
nə edək təkrarlamasın?
düzgün qəbul edək. vitamin a olduğu üçün və o da yağda həll olan vitamin olduğu üçün yağlı yeməklərin ortasında və ya yeməkdən dərhan sonra, bol su ilə, dik oturmuş və ya ayaq üstə olduğumuz vəziyyətdə içək.
müalicə müddətində nə etmək olar/olmaz?
-lazer, üz üçün əlavə kimyəvi məhsullar, günəş altında həddindən artıq qalmaq, susuz qalmaq, ağır idmanla məşğul olmaq, alkol qəbul etmək, qaraciyərə ziyan vura biləcək digər şeyləri qəbul etmək qəti qadağandır.
müalicə müddətində dəri qulluğu?
-həssa və quru dərilər üçün təmizləmə geli(cerave ola bilər)
- spf 50 günəş kremi istənilən fəsildə hər gün. (pulu olanlar üçün la rosche posay, bir az mənim kimi fakirlər bioxcin)
-komedon yaratmayan nəmləndirici krem
- dodaqlar üçün bepanthol onarıcı bakım merhemi. digər lip balm malm bir poxa yaramır.
- 3l su su su!
müalicənin əvvələrində akneləriniz daha da arta bilər amma bu keçicidir. müəyyən bir müddət keçdikdən sonra dayanır. qadınlar üçün regl öncəsi bir iki dənə normaldır olmağı onu da dərd etməyək-*
akneləri qəti şəkildə sıxmaq olmaz. dərinizə sərt heç bir şey istifadə etməyin. hətta duş geli əvəzinə johnson's baby südlü sabunları möhtəşəmdir. make up istifadə etməyi məsləhət görməzdim amma yenə də etmək istəsəniz məhsulları düzgün seçin. müalicənin əvvəllərində hər ay sonra 2 ayda bir ümumi qan analizi, biokimyəvi analiz, qaraciyər fermentləri (ALT, AST) yoxlatdırmadan olmaz. ümumiyyətlə müalicə savadlı həkimin nəzarəti altında olmalıdır. isotretinoin təsir edici maddəsi yağ vəzilərini kiçildərək təsir göstərir. aknedən sonra yaranan səthi çapıqları bəlkə bir az apara bilər amma ümumi olaraq çapıqlara təsir etmir deyə qəbul olunur. izlər də bir az qala bilər. müalicə müddətində bunlar üçün narahat olmağa dəyməz. bunlar sonrakı vaxtlarsa kosmetik prosedurlarla həll oluna bilən şeylərdir. müalicə sonrası nə etmək lazım olduğunu digər bir entrydə qeyd etməyi düşünürəm. ağlıma gələnlər bunlar idi-*

yazarların linçə səbəb olacaq fikirləri

ailə üzvlərin belə ailədə ən uğurlu şəxs sən olanda paxıllıq edirlər. uğurlu olmasan belə onların edə bilmədiklərini edəndə və ya fərqli şəkildə edəndə yenə də qısqanırlar. xoşbəxt olmayan analar xoşbəxt qızlarını qısqanır. xoşbəxt olmayanda üzülə bilərlər amma qız ailədən ayırılıb, müstəqil, rahat və xoşbəxt həyatını yaşayanda illərdi özünü bədbəxt ailə bataqlığından bəzi anlaşılan və bəzi anlaşılmaz səbəblərə görə qurtarmayan ana əslində bunu qısqanır. qardaş da bacını qısqanır, ona müftəxor kimi baxır. iki bacı bir-birini qısqanır. bacı da qardaşı qısqanır əgər o rahatlıqla təmin olunub və özü olmayıbsa. əslində həyatda kimdənsə həqiqətən 100% səmimiyyət gözləmək bir az axmaqcadı. hər kəs sonunda özünü düşünür. valideynlər də övladlarını şərtsiz sevmir. əksinə çox vaxt duyğusal manipulə edib, günahkar hiss etdirib, yalnız onların istədikləri övlad olanda sevirlər. bu manipulyasiyanın qurbanı olan övladlar da valideynlərini razı salıb xeyirli övlad olduqlarını düşünürlər amma adətən 30 yaşdan sonra öz xoşbəxtliklərini qurban verdiklərini və manipulyasiya qurbanı olduqlarını anlayırlar. anlamayanlara yazdıqlarım absurd gələcək. amma ümumi götürdükdə azərbaycanda əksər ailələrdə vəziyyət belə. çünki onlar özləri də nə vaxtsa bunları yaşayıblar ancaq öz dövrlərində məlumatlar bu qədər əlçatan olmadığı üçün böyük ehtimalla heç vaxt bunu anlamayıblar

məntiq evliliyi

məntiq evliliyi tərəfdarı deyiləm amma məntiqimizə uyan insanla evlənməyin tərəfdarıyam. yəni işin içində məntiq həmişə olmalıdı mənim üçün, təkcə duyğulara buraxmağı düzgün sanmıram evlilik kimi ciddi məsələnin. evlilik fikrimcə daha çox uşaqlar üçün gerçəkləşdirilən bir şeydir. yəni məqsəd burda uşaqlara xoşbəxt ailə bəxş etməkdi. əks halda heç vaxt uşaq sahibi olmaq istəməyən birinin evlənməyini gərəksiz sayıram. ona görə məntiqimizə uyan, bizim üçün yalnız əyləncəli sevgili olmayıb da gələcək də uşaqlarımız üçün məsuliyyətli ata və bizə etibarlı ömür yoldaşı ola biləcək biri ilə evlənməyin tərəfdarıyam. təəssüf edirəm bəylər, amma 'evlənəcək oğlan, əylənəcək oğlan' məsələsinə çevrilir. tək tərəfli danışmaq istəməyib, eyni şeyin qadınlara da aid olduğunu demək istərdim. dişi qartalların özlərinə partner seçimi haqqında oxuduğum yazını xatırlayıram, dişi bir budaq götürür və səmaya qalxır. erkək də onu izləyir. sonra o budağı atır və erkək qartalın onu yaxalamasını izləyir, erkək quş budağı dişiyə gətirir və o daha yüksəkdən atır bu dəfə budağı. bu şəkildə bir növ erkək qartalı sınaqdan keçirəndən sonra ancaq cütləşirlər. bir növ bu sınaq erkək qartalın öhdəlik daşıya biləcəyini göstərir və ən əsası çeviklik budaq timsalında yumurtaların təhlükədə olanda xilas edilməsinə əmin olmaq üçündü. dişi qartalların özünə bu şəkildə partner seçməsindən sonra bizim sadəcə qara qaşa və gözə, ya da cazibəyə, bir-iki xoş sözə görə biri ilə evlənməyimiz heç məntiqli görünmür. pul da önəmlidir, qarşı tərəfin sizi yetərincə təmin edə bilməsi və bunu istəməsi. çünki qadın işləsə də elə bir dönəm olur ki, məcburiyyətdən işləyə bilmir. hamiləlik dönəmi xüsusilə. demək istədiyim sırf sevirsiz deyə ailəsinin pulu ilə yaşayan biri ilə də evlənilməz.məsuliyyət və öhdəlik daşıya bilmək, sözlərinin üstündə durmaq, dəyər vermək bunlar evlilikdə kafa uyumu, əyləncə anlayışı, axıcı söhbət, cazibədar xarici görünüş kimi xüsusiyyətlərdən önəmlidi mənə görə. əgər biri ilə evlilik düşünürsənsə işin içində məntiq mütləq olmalıdı, kor-koranə aşiq olub çatışmayan cəhətlərini görmək istəmədiyiniz biri ilə evlənmək ağılsızlıq olardı. mənə görə evlilik bir proyektdir, qrup çalışmasıdır,komanda işidir. necə ki, yarışda qalib gəlmək üçün axtardığınız xüsusiyyətlərə sahib birini komandanıza daxil etməyə çalışırsız evliliyi də elə düşünməlisiniz - 2 nəfərlik qrup işi kimi.
3 dəfə boşanıb, evlilik təcrübəsi olan biri kimi entry yazdığımın fərqindəyəm....