ego və özgüvən arasındakı fərqlər
bu sifarişi verən: Can vermə qəmü eşqə ki, eşq afəti-candır aralarında incə keçid olan xüsusiyyətlərdir. özgüvən daha çox öz bacarıqlarına güvənmək, başqalarını zəif göstərmək məqsədi daşımadan özünü obyektiv qiymətləndirməkdir. ego is daha çox təsdiq, qiymətləndirmə, 'davamlı bəslənmə' tələb edən xüsusiyyətdir. adətən digər insanlarla müqayisə, onları aşağı səviyyədə görmək, göstərməklə özünü biruzə verir. özgüvənin hər kəsdə olması arzu ediləndir bir şərtlə ki, insanlarda qıcıq yaratmasın. əslində hamısı nisbidir. bir insanın səndən xoşu gəlmirsə öz güvənini ego kimi qiymətləndirəcək. ümumiyyətlə cəmiyyət nə qədər özünüzə güvənin kimi prinsipləri təbliğ etsə də, əslində daha yazıq, köməyə möhtac, güvənsiz insanları qəbul edir. məsələn, sosial media hesabınızda özünüzü güvənsiz, bacarıqsız ya da çirkin hiss etdiyinizi paylaşsanız dəstək və təsəlli xarakterli mesajlarınız çox olacaq. bir də bunun əksini düşünün. gözəl olduğunuzu, işinizdə bacarıqlı olduğunuzu paylaşırsız. nəticədə aldığınız quru bəyənmədən artıq nəsə olmayacaq. hətta paylaşımınız digər qruplarda müzakirə mövzusuna çevrilə bilər. bir müddət sonra da egolu olmağınız haqqında söhbətlər yayılar. yəni özgüvənli olub göstərişli olmamaq daha yaxşıdır. yenə də şəxsi seçimdir. istəsəniz lap egolu olun kimə nə :d.
sözlükdə tanış adamın olması
dünən neçə illik crushımın sözlükdə olmasını hətta mənə burda məsləhət verməsini öyrənmiş oldum. tamamən təsadüf nəticəsində. sözlüyün instagram səhifəsində gəzirdim. random postlara baxırdım. və bir entrysində özünü ifşaladığını gördüm. ya da mən onun haqında obsessiv dərəcədə məlumatlıyam (so sad) . indi hesabını deaktiv edib. ümid edirəm aktivləşdirər entrylərini oxuyaram.
qadağan olunması istənilən şeylər
avtobus dayanmadan düşməyə çalışmaq. fikrimcə nəqliyyatda ən mədəniyyətsiz hərəkətlərdəndir. hələ mane olursansa güclə tutunduğun yerdən utanmazca əlini çəkməyini tələb edirlər. nəticədə tormozlananda özünü kiminsə üstünə yıxılmış halda tapırsan. o insan isə arxasına baxmadan düşüb gedir.
rədd cavabı alan qızın etməsi gərəkənlər
heç nə. hamının rədd cavabı almaq ehtimalı ola bilər. böyüdüləsi bir şey deyil. tez bir zamanda alınmasa da, zamanla olanları unudub başqa istiqamətlərə yönəlmək lazım. yersiz qürurlu olmağa gərək yoxdur.
instagramın yaxın dostlar xüsusiyyəti
bəzi qızların boyfriendləri ilə şəkillərini əsasən yaxın olmadıqları amma acıq vermək istədikləri tanışları görsün deyə istifadə etdiyi xüsuiyyət
işləməyəcəyi halda universitet oxuyan qız
normal insandır. kimsə 4-5 il əvvəldən planlamır ki universiteti bitirəcəm amma işləməyəcəm. sürü psixologiyası ilə hamı universitet imtahanına girir. elmə marağı olan da olmayan da. bitirəndən sonra bir qızın işləməsi şəxsi seçimə bağlıdı. işləmək istəmirsə bu onun şəxsi seçimidir. kiminsə yerini tutmaq ixtisas seçimi edib sənədlərini universitetə verməkdən imtina etsə ola bilərdi. qəbul olan hər kəsin haqqıdır universitet oxumaq.universitet kiməsə ixtisas verir ,kiməsə həyat dərsi. istənilən halda nəsə öyrənib ayrılırsan.
universitetə girəcəklərə məsləhətlər
fənnə görə ixtisas qrupu seçməyin. yəni kimya sevib komp mühəndisi olmayın. hansı ixtisasa marağınız olmasını bilmirsizsə araşdırın hamı məktəbi bitirən kimi uniyə qəbul olmağa məcbur deyil. ümumən hamı uniyə qəbul olmağa məcbur deyil. sürü psixologiyasının qurbanı olmayın bir də filan ixtisasla bizdə pul qazana bilməzsən deyib həvəsinizi o biri dünyaya göndərən valideynləriniz çox güman ki olacaq. onları da boş verin. burda olmayacaq xaricə gedərsiz ya da elə ilk siz olacaqsız. uzun sözün qısası sevdiyiniz həvəsiniz olan ixtisası bilmədən qəbul imtahanına girib sonra burda oxuduğun ixtisasa həvəsim yoxdu ancaq nəyə həvəsim olduğunu da bilmirəm yazanlardan olmayın. yemək bişirməyi sevirsiz aşpaz olun, make up etməyi sevirsiz make up artisti olun, zamanınızın necə keçdiyini bilmədiyiniz sahəni axtarın. mütləq ki olacaq. yoxdur kimi gəlirsə təcrübə edin, nə bilim iş yerlərinə gedin, xahiş edin sizə nəsə etməyə icazə versinlər. çoxunuz bunları heç düşünmədən ixtisas seçəcəyinizi bilirəm. həmişə belə olub. ancaq heç vaxt gec deyil yanlış ixtisası seçsəniz də (18yaşda düzgün qərar vermək asan deyil I know) nə istədiyinizi bildiyiniz zaman qorxmayın, o ixtisasın arxasınca gedin. uğurlar
sözaltı günlük
uğursuz biri olmaqdan qorxuram. son ayları ancaq günləri yola verməklə yaşayıram. buna görə özümü həm qınayıram həm də çox yüklənmək istəmirəm özümə. keçən il hamı kimi çox şey yaşadığımı əsas gətirib boşuna keçirdiyim günləri özümə tətil kimi qiymətləndirirəm. ancaq əslində gözümdə hər şey dəyərsizləşib. məqsəd olaraq tutunduğum bir iki şey qalıb. onlara da marağım bitsə nə edəcəyimi bilmirəm. arzularımı həyata keçirə bilməməkdən qorxuram. gələcək necə olacaq sualını düşünməmək üçün ya yeyirəm ya yatıram. depressiyada olduğum aydın görünür. buna necə son verəcəm bilmirəm. ümid edirəm ehtiyacım olanı tapacam.
)