bacarana can qurban

ən zəhləm gedən sözlərdən biri. baxırsan ki biri haqsızlıqla, yalanla, oğurluqla, alçaq üsullarla pul qazanır, insanların haqqına girir, buna irad bildirəndə başqası deyir ki, əşi bacarana can qurban. təkcə pul məsələsində də yox, bunu adicə yolda səhv yerdən özünü soxub yola girmək istəyən, sıranı gözləməyib gözdən yayınıb özünü qabağa soxan, başqasının əməyinin üstünə yatan insanların haqqında da deyildiyini görə bilərsiz. bu necə bir fikirdir aq? bu insanlar fikirləşmir ki, digər insanlar bu haqsızlığı bacarmadığı üçün yox, öz vicdanına sığışdırmadığı üçün etmir. yoxsa haqq yemək, cındırlıq etmək dünyanın ən asan işidir, bacarıq da tələb etmir, sadəcə özünə hörmət etmə, vicdanı da at qırağa, bu qədər.

ataya demək istənilənlər

sənin haqqında necə müsbət fikirdə olduğumu məncə özün də bilirsən, sadəcə bunları sənə açıq-açıq deməyə utanıram, ona görə də ürək sözlərimi bura yazıram.
sən həyatımda gördüyüm ən düz, ən mərd, ən ürəyiaçıq insansan. atamsan deyə yox, həqiqətən elə bir insansan deyə bu sözləri yazıram. arada sözümüz çəp gəlir düzdür, arada mən səndən inciyirəm, sən məndən inciyirsən, amma əgər mənə desəydilər ki, özün üçün yaxşı bir ata təsvir et, sənə o atanı verək, sənin kimi yaxşı bir atanı özüm belə təsəvvür edə bilib, mənə bu xüsusiyyətlərdə bir ata verin deyə bilməzdim.
həm öz ailənə, anana, atana, qardaşına, bacılarına və digər qohumlarına, həm də öz qurduğun ailəyə, bu ailədən qurulan ailələrə qarşı sənin münasibətin, hammıya qarşı necə yaxşı olduğun, hammıya aralıqsız, qarşılıqsız kömək etdiyin gerçəyini mən tez-tez özümə xatırladıram, səni həm iş həyatımda, həm şəxsi həyatımda, həm sosyal həyatda özümə nümunə götürürəm.
yaxşı ki varsan ata, allah sənə uzun ömür, can sağlığı versin, səni həmişə özün kim yaxşı insanlarla qarşılaşdırsın.

sinti-pop

pop musiqinin bir növü. əsas xüsusiyyəti sintezatorun bu janrda olan mahnılarda yüksək tembrdə səsləndirilməsidir. qızıl vaxtlarını 1980-ci illərdə yaşayıb. bu janrda mahnılar çıxaran ən bilinən qruplara misal olaraq depeche mode, alphaville, duran duran kimiləri misal göstərmək olar.
kraftwerk, yellow magic orchestra kimi qruplar da bu növün qabaqcıllarından sayılırlar.
bu növdə bəzi möhtəşəm mahnıları sıralasaq:
big in japan
enjoy the silence
hungry like the wolf
rydeen
blue monday
forever young

istanbul teknik ünversitesi

bu yay etibarı ilə, magistratura təhsilimi tamamladığım, dissertasiya işini müdafiə edib, çap etdirib, hər şeyi təslim etdiyim, bu gün də məzun olmağımın xəbərini aldığım və diplomunu gözlədiyim universitet. istəyirəm qısaca bir-iki məlumat verim bu universitetə magistratura və ya doktorantura üçün müraciət etmək istəyənlərin işinə yaraya bəlkə.
1. Təhsil keyfiyyəti - əvvəla onu deməliyəm ki, müəllimlər, ən azından mən öz dərs aldığım müəllimlərə əsaslanaraq deyə bilərəm ki olduqca keyfiyyətli, öz sahələrində həqiqətən savadlı insanlardır. Dosent, professor fərq etmir, çoxu vaxtı ilə xaricdə işləmiş olan, çoxu hələ də bir neçə yerdə işləyən dolu insanlardır demək olar ki. Bunla yanaşı tələbkardırlar, dərsdə nə verirlərsə onu həm imtahanda, həm ev tapşırığında geri istəyirlər. Dərs danışma metodları hər yerdə olduğu kimi fərqlidir, elə müəllim var ki savadlı olsa da onun dərsində məni bir az sonra yuxu tuturdu, çünki istisnasız hər dərsi üç saata tamamlamağa çalışırdı. Amma elə müəllim var ki, bir saatda lazım olan hər şeyi başa salırdı, sonra ötürürdü ki di gedin.
Ümumi təhsillə bağlı isə onu deyə bilərəm ki, adamdan həqiqətən oxumağı tələb edən universitetdir, ev tapşırıqları, bəzi müəllimlərin surpriz quizləri həqiqətən adamı ciddi məşğul edir, edə bilmədikcə, ya gecikdirəndə stresə soxur.
2. Tələbə fəaliyyətləri - universitetdə tələbələrin çoxlu fərqli klubları var, basketbol klubu, tennis, yoga, amerikan futbolu, ədəbiyyat, blockchain, kodlaşdırma qısaca bir çox sahədə tələbələr fərqli klublar qurublar, bunlara üzv olub digər tələbələrlə sosiallaşmaq olar. ilin bəzi günləri kampusun həyətində standları açıb klubların tanıtımını edirlər. Amma universitet özü o qədər sosyal bir universitet deyil məncə, mən özüm də sosiallaşmağı, yeni insanlar tanımağı sevmirəm deyə elə magistraturada eyni dərslərə girdiyim bir - iki nəfərlə əlaqə saxlaya bildim ancaq.
3. Universitetin imkanları - yuxarıdakı entrydə də deyildiyi kimi əla bir kitabxanası var. Burda oxuduğum müddətdə ən çox vaxt keçirdiyim yerin kitabxana olduğunu deyə bilərəm. Minlərlə kitab, onlarla yanaşı çoxlu magistratura və doktorantura dissertasiyaları rəflərdə düzülüb, mən şəxsən öz işimi yazmazdan əvvəl gedib burda bir neçəsinə üzdən baxmışdım, köməyi dəyir. Bunla yanaşı universitetin olimpik hovuzu da əladır, bu da kitabxanadan sonra ən çox istifadə etdiyim ikinci imkan idi deyə bilərəm -* . Başqa da idman üçün ağla gələn hər cür imkan var demək olar ki. babat bir dənə də stadionları var. onu da qeyd edim ki bu yazdıqlarım maslak kampusu üçün keçərlidir, universitetin maçka korpusunda olmamışam.
xülasə, iTÜ oxumaq üçün tövsiyə edə biləcəyim, imkanları bol, tələbələr arası sosiallaşmanın bir az çətin, oxumağın da bir az çətin olduğu bir universitetdir. maslak kampusu özü elə adicə gəzmək üçün əla bir yerdir.
amma dərslər zamanı olan çətinliyi təəccüblüdür ki, dissertasiya işi yazanda adam o qədər də görmür. mən şəxsən dissertasiya işini çox rahat yazdım, rahat da müdafiə etdim. burda onun da payı ola bilər ki, bəzi proqramlar məzun olmaq üçün dissertasiya işindən çıxmış bir məqalə də tələb edirlər. o məqaləni yazıb bir konfransda prezentasiyasını etməli olduğundan, adamı müdafiəyə bir az da olsa hazırlayır. mən söyə-söyə yazmışdım məqaləni amma dissertasiya işinin müdafiəsi yaxınlaşdıqca dua etmişdim məqalə şərtini qoydurana -* . yadıma düşmüşkən burdan bu məsləhəti də verim ki, danışman seçəndə çalışın idari işlərdə işləyən müəllimlərdən seçməyin. nə bilim daire başkanı, bölüm koordinatörü, müdir, rektör yardımcısı kimi vəzifələri olan müəllimlərin vaxtı olmur o qədər də sizinlə məşğul olmağa, az-az danışa bilirsiz filan bir az çətinlik yaza bilər işinizi yazanda.
indilik bu qədər, ağlıma başqa nəsə gəlsə əlavə edəcəm.

tim berners-li

world wide web, qısaca www'nin yaradıcısı. başqa dillə desək, interneti icad edən insan. CERN-də işlədiyi müddət elm adamlarının bir-birləriylə daha asan xəbərləşməsi üçün enquire adlı sistemi qurub, təxminən 10 il sonra da (1990) bu fikir əsasında www ortaya çıxıb.
deməli bu kişi vebin patentini almayıb, bu texnologiyanın pulsuz, açıq şəkildə insanlar arasında yayılmasını istəyib və beləcə günümüzdə kommunikasıyanın, informasiya paylaşımının bu qədər güclü olmasında ən böyük təsiri olan insanlardan biri olub. istəsə patenti ala bilərdi, qurulan hər veb saytdan lisenziya pulu alıb jeff bezosu, bill gatesi zadı türklər demiş donunda sallaya bilərdi -* . elə adını çəkdiyimiz milyarderlərin sərvətlərinin ərsəyə gəlməsində də tim berners-leenin birbaşa təsiri var deyə bilərik.
bundan əlavə ingiltərədə royal society-ə seçilib Sir ünvanını alıb, TIME tərəfindən "20-ci əsrin ən görkəmli 100 insanı" listində də adı var.
uzun sözün qısası çox populyar olmasa da, dünyanın bu günkü halında böyük rolu olan, vebin patentini almadığına görə də tez-tez "çox sağ ol" deməyimiz gərəkən bir insandır -* .

ekşi sözlük

illərdir oxuduğum, bir neçə ildir də yazar olduğum amma artıq demək olar ki sağollaşdığım sözlük. burda bir şeyə diqqət yetirmişəm ki, köhnə entrylərdə insanların işlətdikləri üslub daha yumşaq imiş. indi isə nəyisə müzakirə edəndə, hansısa texnolojik cihazları, futbol komandalarını, hətta proqramlaşdırma dillərini də qarşılaşdıranda insanların istifadə etdikləri dil çox vaxt aqressivdir. elə şeylərə görə camaat bir-birinə girib mübahisə edir ki belə çox mənasız aq -* . mübahisədən keçdim bir-birlərində ana, bacı, varyox qoymurlar bəzən. ən dəhşəti də futbol üçün olanlardır az qalır bir oyunda hər oyunçunun hər hərəkətinə görə başlıq açılsın. düzdür burda əvəzsiz yazılar da var və hələ də qalır, insan onları oxuyanda çox şey öyrənir amma artıq yazılanların böyük hissəsi mənasız şeylərdir.

tom's diner

suzanne veganın mahnısı. bu mahnı həm də mp3 formatında qeydə alınmış ilk mahnıdır. eyni zamanda tünd, yağışlı havada qulaq asmağın ayrıca ləzzət verdiyi mahnılardan biridir.

(youtube: )

best of you

foo fighters'ın adamın içinə işləyən mahnısı. xüsusilə 01:40'dan sonrası lap əladır.

(youtube: )