sevilən mahnının ən vurucu cümləsi

"Sen bir yerlerde ben bir şehirde akşam olunca beni hatırla"

illər keçəcək amma bu mahnının ən çox bu hissəsi məni ömrümün ən gözəl zamanlarına aparıb sonra indiki dönəmə gətirib yasımı təzələyəcək.
Terapiyadan keçirəm artıq 1 ilə yaxınlaşır ancaq içimdə hələdə yaşanılması mümkün bir hekayənin diri diri basdırılmasının yasını bitirə bilmirəm. Bu mahnını bilərək dinləmirəm amma hər bursa üçün darıxdığımda yaşanılan ağrını daha dərinlərdən hiss edim deyə sanki həmin gün bir şəkildə eşidirəm. Eyni nəqarət hissəsiylə həmdə. Əslində xoşbəxt hiss etməyin yolunu bilirəm amma o yola gedən istiqamətdə yaşayacağım qorxu və itkilər məni o xoşbəxtlikdən də məhrum qalmağıma və məcburən qəbullanmağıma səbəb olur.
Her telefona sen çık her kapıya sen bak hissəsi yaşanmışın başlanğıcı sen biryerlerde ben bir şehirlerdr akşama doğru beni hatırla isə bir bitişin notlarıdı. Böyümək çətindi sözlük insan böyüdükcə yaşanmış hər xatirə ölən birinin bir daha qayıtmayacağının bilməyimizin verdiyi yası yaşadır.

sözaltı etiraf

Hamıyla müharibəm bitib. Buna görə də daha sakit hiss edirəm. içimdən gələn impulsivliyimi də artıq danlamıram, o həyatıma çox rəng qatıb və qatmaqdadır. Bir zamanlar bu həyatda kim olacam axı? Deyə düşünürdüm, indi isə kim olduğumu da öyrənə bildim. Görülmək və təqdir olunmaq üçün çox oxudum, çox sempatik davrandım. Artıq belə bir dərdim də yoxdu, ona görə çevrəm tamamən dəyişib. Və bir zamanlar ana olmaq qorxum var idi, ya anam kimi olaramsa yada bu dünyaya bir uşaq gətirmək çox mənasızdır deyə. Uşaqlarla işləyərkən bu qorxum çox azalmışdı, ən son bir neçə ay öncə isə hər nə qədər çətinliklərlə dolu bir həyata sahib olduğumuzu bilsəm də o çətinliyin içində yaşamaq və var olmaq eşqinin necə zövq verici olduğunu anladım. Bunu övladımın da hiss etməsini istəyirəm və artıq ana olmaq qorxumda buna görə yox vəziyyətindədir. Ya da 25 yaşın gətirdiyi evlilik istəyi ilə də bağlıdır.

sözaltı günlük

Təkrar bura girdiyimdə hələdə bəzi şeylərin olduğu kimi qalması nostalji hissi yaşatdı. Bu arada başlamazdan öncə deyim, orfoqrafik səhvlərimdə müsbət ilərləyiş yoxdur, buna görə də indidən üzr istəyirəm.
Təxminən buranı aktiv istifadə etdiyim müddətdən tam 3 il keçib və təkrar birşeylər yazmaq özüm üçün də yeni bir hiss kimi gəlir. Burada sözün əsl mənasında gözəl dostlarım var, garfield və hələdə buradakı adını düzgün bilmədiyim amma fotoqraf olaraq əla iş çıxaran yoldaş, 3 ilin müxtəlif vaxtlarında dərdləşdiyim əlaqələr saxladığım yeganə şəxslər oldular.
Doğru təhsil almaq üçün çıxdığım yolda gözəl nəticələrlə ölkəyə qayıtmaq imkanım oldu. (Məcburi) Bir çox ölkəyə qayıdan yeni məzunlar kimi ilk zamanlar mənim üçün də hərşey çətin idi, ancaq bir yolunu tapıb canım çıxsa da uyğunlaşmağı bacarıram. Artıq tam 25 yaşındayam, sadəcə çevrəmdə 2 şəxsin yanında içimdəki balaca sincab olub digər hərkəsin yanında böyümüş və daha az isyan edib daha çox məhsuldar birinə çevrilmişəm. Tez tez sıfıra düşüb təkrar ayağa qalxıb təkrar düşürəm, artıq yaralarım belə eyni yerlərdəndir deyə öyrənilmiş bir hissin təkrarlanması kimi gəlir. Ancaq yaxşıyam.
Bu 3 ildə öz terapiya müddətimdən də keçməyə cəsarət tapıb psixi sağlamlığımı daha dayanıqlı etməyə başlamışam. Düzdür bəzən içimdən tam olaraq tərbiyəsiz çöl sincabı çıxır amma o sincabda mənəm deyə onu da sevirəm.
Bugün niyə yazıram bura deyə düşünürəm, əslində bu illər ərzində bir neçə dəfə müxtəlif mətnlər yazıb paylaşmadan çıxmışam. Bəzi vaxtlarda çox kədərli və məyus hiss edərkən bəzi vaxtlarda da çox xoşbəxt və gümrah hiss etmişəm. indi isə neytral hiss edirəm , düşünürəm ən sağlam olan da bu hiss varkən təkrar buraya qayıtmaqdır.
Balaca sincabın xəyalları üçün xeyli resurslarımı tükətsəm də, peşənin içərisində keyfiyyətli şəxslər tərəfindən dəyər görən bir uzman olmağı bacarmışam.
Hə uzmanam artıq, adı havalı amma ölkəmizdə o qədər də vazfı olmayan bir ünvana sahibəm. Öncələr gözümdə nə çox şeyi böyütmüşəm dediklərim var, hansı ki bugün həmin şeylərə qarşı neytralam və böyüməyin də bir hissəsi bu olduğunu görürəm. Əvvəlki sincabın o inadı, hırsı, mübarizkarlığı indi daha sakit, sərhədlidir. Mübarizə hissəsi isə sıfıra düşüb qalxmağa çalışaraq ortaya çıxır. Qeyri etik fəaliyyət göstərən, saxta diplomlarla cəmiyyətin psixi sağlamlığı üçün risk yaradanlarla isə artıq işim yoxdur. Bəzən yaxşının qədrinin bilinməsi üçün pisi görmək lazımdır, mütləq ki doğru olan nədirsə insanlar o doğru olanı gec tez tapır və yaxşının qədrini anlayır.
Sincab haralara getdi, hardan çıxdı başına nələr gəldi çox uzun mövzudu. Düşünmürəm ki,biriləri üçün önəmli bir məlumatlar da daşısın həmin mərhələlər. Təkrar sincab kimi hiss etməyə ehtiyacım var idi, bu ehtiyacım üçün buradayam. O zaman salam sözlük, sənin üçün darıxmışdım, ümid edirəm səndə orfoqrafik səhvlərim və da'də ayırımını hələdə tutdura bilməyən sincab üçün darıxmısan.

azərbaycanda psixoloq olmaq

psixologiya günümüzdə gülseren budayıcıoğlu'nun kitablarından ilhamlanaraq dəyərə minən sənətdir. Bununla bərabər, pandemiya dövründə artan depresssiya, təşviş-həyəcan pozuntuları psixoloqun insan həyatındakı rolunu daha yaxşı anlamağa kömək etmişdi.
Azərbaycan üçün psixoloq olmaq həm çətin həm də çox asandır. Asan tərəflərini aşağıda qeyd edirəm. Çətin tərəfini isə entryni oxuduqdan sonra anlayacaqsınız.

1. Sadəcə bakalvr təhsili alaraq bu ünvana sahib olmaq mümkündür. Bu bütün dünya ölkələrində bu şəkildədir, ancaq azərbaycanda daha rahatdır. Çünki heçbir işverən qurum və psixoloqa müraciət edən şəxs o psixoloqun bakalavr təhsil həyatında necə təhsil aldığını, oxuyub oxumadığı ilə bağlı maraqlanmır, psixoloqlarda çox məlumat vermir. Nəticədə bakalavr vaxtı psixologiyanın p'ni bilməyənlər məzun olan kimi özlərinə psixoloq deməyə haqq bilirlər. Eyni zamanda dövlətdə bu vəziyyətə əl atmır. Müəllimlərin, həkimlərin, hüquqşünasların necə ki məzun olduqdan sonra işə qəbulunda mütləq şəkildə bilik imtahanından keçirsə bu sahənin mütəxəssizləri də keçməlidir. (TSPX psixoloq deyil)

2. Təhsildə sosial-psixoloji xidmət (TSPX) oxuyaraq da özünüzə psixoloq deyə bilərsiniz. Bəli, bu heç bir halda etik olmasa da, psixologiya sahəsinin suistimal edilməsi sayılsa da, acı həqiqət budur. Günümüzdə çox məhşur olan uzman psixoloq qadın və onun "etik" prinsiplərlə topladığı komandası var. Yaxşı deyiblər kimdə nə yoxdursa ondan çox danışar deyə. Bu "etik" komanda da təhsildə sosial-psixoloji xidmət ixtisası alanlar özlərini psixoloq adlandırır və fahiş qiymətlərlə seans edir. Bunu öyrənmək çətin deyil, girirsiniz onların blog və ya instagram səhifələrinə orada özləri haqqında informasiya mövcuddur. Bu informasiya içərisində qurum rəhbəri olan xanım, türkçəsi Psikoloji danışmanlık ve Rehberlik (PDR) ixtisasını psixoloji konsultasiya olaraq öz dilimizə çevirmişdir. Sadəcə sahədə olan və türkiyədə təhsil alan psixoloqlar psixoloji konsultasiya ünvanının nə demək olduğunu və belə bir ünvanın ümumiyyətlə olmadığını, türkiyə respublikasında rehber öğretmen ünvanıyla adlandırıldıqlarını çox yaxşı bilir. Etik kodeksin ən birinci bəndinin pozulması burada başlayır.
Həmçinin özünü beynəlxalq dərəcədə akkreditasiyaya sahib superviziyalı təlimlər keçdiyini bildirən psixoloqlar da var. Ancaq hansı müəllim, hansı universitet o məlum deyil. Sual yarana bilər ki, bunun nə fərqi var?
ilk olaraq, bir psixoloqun sizə psixoterapiya edə bilməsi üçün, onun psixoterapiya təlimlərindən keçməsi lazımdır. Ancaq sözdə yox vəya sertifikat satan qurumlardan yox əsl mütəxəssizlərdən almalıdır. Bu təlimlər aylarca çoxsaylı modullara bölünərək verilir. Ən bəsiti CBT təlimi hal-hazırda 4 modul 250 saatlıq superviziyadan ibarətdir. Hər modul bitdiyində imtahana girilir, uğurlu nəticə olduqda digər modula keçmək mümkündür. Qısaca, cbt hərkəsin ağzına saqqız olan ancaq əsl mütəxəssizi azərbaycanda şəxsən tapa bilmədiyim psixoterapiya növüdür.
ikinci olaraq, etik kodeksi qoruyan qurum fahiş qiymətlərini tətbiq etdikləri psixoterapiyaya görə qoyduqlarını bildirir. Ancaq psixoterapiya etik kodeksində fahiş qiymətlərin qoyulması, həmçinin mövcut sahə terapevtlərindən fərqli qiymətlərində qoyulması etik kodeksin pozulmasıdır. Ortada nə dəqiq bir informasiyaları var, nə aldıqları təlimi isbat edən sənəd var ancaq sadəcə ad var ki, psixoterapiyanın müxtəlif və çətin növləriylə məşğuldurlar.

3. Əgər təhsil həyatınızda heçnə oxumadınız, rüşvətlə vəya limit qiymətlərlə məzun olmusuzsa narahat olmayın. Psixologiyanı monarxiyaya çevirən ər-arvad cütlüyünün yanında sizə mütləq iş tapılacaq. Onlar savadlı kadr deyil, məhz sizin kimi sadəcə diplomlu şəxslərə üstünlük verirlər.

4. Sadəcə mərkəzdə də çalışmağa məcbur deyilsiz, Bakının mərkəzindən uzaq qalan istənilən xəstəxanalarına müraciət edirsiz, klinik psixologiya oxumadan sizə birbaşa klinik psixoloq ünvanı verib işə alırlar.

5. Əgər fərqli ixtisası bitiribsiz ancaq çox yaxşı dərd dinləyə məsləhət verə bilirsinizsə, dövlət universitetlərimizə rüşvət verib bu ünvan üzərində 2 illik ixtisasartıma edərək psixologiya sahəsi tələbələrinə dərs deyə, onların sahələrinə məsləhət verməyi öyrədə bilərsiniz. Adamınız varsa bu iş daha yaxşı olur, birbaşa gedirsiz klinikada işləməyə.

6. Bu sahənin məzunusuzsa və işinizi çox sevirsizsə, təhsil həyatınızda yetəri qədər uğurlu nəticələriniz varsa, psixologiyanın p'ni bilirsizsə, sizə pis xəbərim var. Həyatınız boyunca Azərbaycanda fırıldaqçı psixoloq olmadıqca sizin dəyəriniz bilinməyəcək. istədiyiniz qədər etik dəyərləri gözləyin, istədiyiniz qədər həqiqi təlimlər alın, özünüzü inkişaf etdirin, bu ölkədə sizin işiniz çox çətindir.
Çünki sahəni ən birinci tspx uzmanları, sonra saxtakar psixoloqlar sonra da dərd dinləyənlər ələ keçiribdir.
Özünüzə yüzlərcə söz verin, ən yaxşı klinikalarda sürünə sürünə praktikalar keçin, keçdiyiniz o praktika yerləri belə sizin əməyinizin arxasına keçməyə an axtaracaq. Çünki, etik dəyərlərə sahib psixoloqların azərbaycanda rahatlıqla suistimal olunması mümkündür.
Siz seansınızı etik kodeksə uyğun qoyacaqsız, bir baxacaqsız uzman tspx cəbhəsi seanslarının qiymətini 120-240 arası qoyubdur. Düşünəcəksiz bu insanlara kim niyə getsin, ancaq acı həqiqətlə həmin saniyə üzləşəcəksiz.
insanlar sürü psixologiyasına rahatlıqla düşürlər. sertifikatların əhəmiyyətini şişirtmək, adekvat olmayan seans qiymətləri, "psixoterapiya seansının qiyməti keyfiyyətini əks etdirmir başlığını görüb "bunlar həqiqi mütəxəssizdir" deyə düşündürürlər. Əslində özləri də dəfələrlə fərdi seanslarında fahiş qiymətlərinin səbəbini seansların keyfiyyətinə və aldıqları sertifikatlara görə olduğunu vurğulayıb. Nəticədə insanlar "bu psixoloq seans qiymətini aşağı qoyub, digərləri yüksək onda yüksək olan yaxşıdır" deyəcək.

Son olaraq, öncələr azərbaycanda heç olmasa etik olaraq psixiatrların mövcud olduğunu düşünürdüm. Ancaq şarlatan psixoloqlara qapı açan, onları ictimaiyyətdə məhşurlaşdıran, ilahiləşdirən, dahiləşdirən şəxslər təəssüflər olsun ki elə o uzmanlardır.
Çünki Azərbaycanda psixoloq olmaq kurtlar sofrasında olanlara məruz qalmaqdır, müştəri olmaq isə o sofrada ikram edilən kuzu olmaqdır.

Psixoloqa müraciət edərkən, onun diplomunu, hansı terapiyayı tətbiq etdiyini, bunu etməyə icazə verən səlahiyyətli orqanı və mütəxəssizi soruşmağı unutmayın. Özünü kurtlar sofrasından qoruyun, sağlam qalın.

yazarların çəkdikləri pişik şəkilləri

Yurdun güvənliyi bu bariqadalara aiddir



Promosyon (bax: yazarların əlləri )

sözaltı fotoqrafiya

Bütün ən gözəl hekayələr ya yeni şəhərə köçdükdə yada şəhərə yeni birisi köçdükdə başlayır...






yazarların əlləri

nietzsche

Nietzche Ağladığında və bugünü yaşama arzusu əsərindən sitat:

"Bir gün ya da gece şeytan en yalnız yalnızlığınızda gizlice size sokulsa ve dese ki: "Şu anda yaşadığın ve geçmişte yaşamış olduğun hayatı bir kere daha ve sayısız defalarla daha yaşamak zorundasın; bu hayatta yeni hiçbir şey olmayacak ama her acı ve her sevinç ve her düşünce ve her iç çekiş ve hayatındaki anlatılmayacak derecede küçük veya büyük her şey - bu örümcek ve ağaçların arasındaki bu ay bile ve hatta bu an ve ben de - aynı sırayla ve silsileyle sana geri dönecek. Varoluşun ebedi kum saati tekrar tekrar çevrilecek ve onunla birlikte bir toz zerreciği olan sen de!" Kendinizi yere atıp dişlerinizi sıkarak bunları söyleyen şeytana lanet etmez misiniz? Yoksa böyle şahane bir anı yaşadıktan sonra ona şöyle mi cevap verirdiniz? "Sen tanrısın ce daha önce bundan daha ilahi bir şey duymadım." Eğer bu düşünce sizi ele geçirirse sizi ya değiştirir ya da çökertir.

sözaltı fotoqrafiya

Bu başlıqda sincabın gözündəki istanbul şəkilləridə olsun dedim.

1. Küçüksu Kasrı


2. Dolmabahçe sarayı (Mütləq gedin)


3. Topkapı sarayı (Sultanın ayaq uzatmağa seçdiyi otağı) (getməsəzdə olar sevemedim orayı)



4. Beşiktaş-Akaretler (içki içməyə, gecə həyatı yaşamağa istanbulluların seçdiyi yer. Mənim orda nə itim azıb bu uzun sohbətdi)



5. Fatih (Eminönü) mütləq Fatih-Kumkapı tərəfləri gəzin


6.Üsküdar sahili (galp)



7. Kadıköy (mamamın gözüm üstündə dediyi gözü)



8. Beyoğlu





10. yazarların əlləri


11. yazarların ayaqları


12. Yazarların çipsi almağa getdiyi yolu