person of interest

Bu serialın filler epizodlarını çıxar, qoy hboya gör lost kimi necə dünyanı sallıyardı. Bu serialın marketinqini zamanında çox zəif ediblər.
Yazarlıq və bir çox cəhətdən sevdiyim serialdı person of interest, hətta bu serialı heç bir filmə də dəyişməzdim deyəcək qədər sevirəm. Baxmıyıne ilk zahiri görünüşdən bir kostyumlu adamla birgə izləyiciyə klişe gələ biləcək bir dahi personaj həyatlarını riskə ataraq insanları xilas edir zad-zud. nə qədər ki, klişe və qeyri-real səslənsədə, bu serialın yazarlığı oradakı personajların həyata baxışlarını, motivlərini və demək olar elədiyi hər şeyin də bir sözlə altını elə doldururdu ki heyran qalırdım, bir cümləylə serial mənə çox səmimi gəlmişdi.
Cast'ın da nöqtə atışı seçilməyinin də burda böyük rolu var idi, michael emerson bilirsiniz 2 emmy qazanmış adam, jim caviezel də heçdə gözləriylə oynaya bilən bir aktyor və digərləri vs.
Uzun-uzadı yazmaq istəmirəm, təriflədikcə tərifləyəcəm yoxsa, hə mənfi tərəfləri yoxdu mu desəniz, action səhnələri məncə çox özənlə çəkilməyib, onsuzda bu serialın mahiyyəti də o deyil.

bakı metropoliteni

Bakalavrda 2-ci kursda oxuyan vaxtlarım idi, məktəbdə də bir sinif yoldaşım (qız) var idi, hansı ki, məktəb illlərində heç vaxt ünsiyyətimim olmadığı biri. 11də oxuyanda bir xiyar sinif yoldaşım oğlan sinifdə söz-söhbət çıxarmışdı ki, gua bəs o qızı sevirəm zad, məqsədidə əlbəttə ki, şit-şit məzələnib zarafat etmək idi. Məndə həmin o bakalavrda 2-ci kursda olduğum bir ara vaxtda fikirləşirdim öz-özümə ki, bəs "o qızla sevgili olsaydıq necə olardı" elə özümə görə saf bir xəyal qururdumda sonra da fikirləşirəm ki, "mal olma terra, sənlə o qızınki alınmazdı, ikiniz bir-birinizə protiv olmusuz o vaxtı". Nəysə kefimdə yox idi o aralar, bu temanı fikirləşəndən 2 gün sonra metroda qatarı gözləyirdim dərsə getmək üçün günorta smen. Bir qız arxadan yaxınlaşıb "salam" dedi və məndə arxaya çönəm ki, həmin o qız idi, məndə salam verdim, 90 saniyə qatar gələnə kimi söhbət elədik elə havadan-sudan ki, "harada oxuyursan, ixtisas nədi?" zad. Sonra bu söhbətin üzərindən birazca keçəndən sonra yolda mənə çatdı ki, qız məni yoxlamaq üçün söhbət edirmiş, bundan 11-ci sinifdə xoşum gəlirmiş ya yox, o vaxtı çünki söhbət qıza qaranlıq qalmışdı. Bunun üzərinə bilmirəm niyə mal kimi səslənsədə yolda olanda olmayan kefim açılmışdı, sonrada ki heçnə nolacaq 1 il sonra eşitdim qız evlənib.
Bunun başqa bir forması da yenə bu yaxınlarda oldu, bakalavrda əlaqəm olmayan bir oğlanla (köhnə qrup yoldaşımla) qarşılaşdım. Söhbət etdik, deyirdi ki, qrup uşaqlarıyla görüşürük arada şəkillərə baxanda səni gördük, deyirdik indi bu haralardadı neynir zad, pozitiv söhbət edirdik əslində, hansı ki, o oğlanda əlaqəm olmadığı biriydi, yenə gözləmədiyim biriylə bakı metropolitenində qarşılaşıb söhbət etmək olmayan kefimi açmışdı.

Bəzən bakı metropoliteni gözümdə kiçik bir dünya kimi olur, gözləmədiyin anda keçmişdən biriləriylə qarşılaşırsan.

ən poxdan hiss

Bel fıtığından əziyyət çəkmək, olanlar yaxşı bilir lap əvvəlki ilk vaxtlar olan ağrısı cəhənnəm əzabı kimi birşey olur. Bunun yanında beldə bir sümüyündə çıxıq olursa, bu lap betəridir ki, yerinə oturdulsa belə ağrısı tam keçmir, sadəcə zaman lazım olur bunun tam keçməyi üçün. Bunu mən "Mexaniki ağrı" adlandırıram. Müəyyən vaxta qədər oturub və ya gəzə bilirsən, ağrı ancaq uzanıb dincəlməklə müvəqqəti keçir, bununla yanaşı belimdə həmişə hiss edirəm ki, yara kimi birşey mənimlədir. son 3 ildir belə normal yaşaya bilməmək psixoloji cəhətdən məni çökdürüb sözlük.

the last of us part 2

[spoiler]




Joel'a olan hörmətimdən bir daha o oyunu oynamaram. ilk oyunu mən və demək olar bütünlük hekayəsinə görə sevmişdi. Bu oyunu oynayanda o məlum səhnə olan yerdə şokdaydım desəm tam yeridi, abby'li gameplay qisimlərə gələndə sinirdən oyunu ordaca silmişdim, oyunun qalanınıda sonra youtube'dan izlədim. Bu oyunun hekayəsinin nifrət edilməsi üçün yazıldığı məlumdur, Joel'u öldürdükləri yerdə abby'nin qrupunda oyunun yazarına çox oxşayan npc var idi, üzünə tüpürürdü orda hörmətsiz. Hekayənin pis olmağı bir yana, əvvəlki oyunlada tutarsızlıqlar var. Oyunun gameplay'inin nə qədər yaxşı olduğu vecimə deyil, hekayə bərbaddır.

sakit uşaq olmaq

Bəzən içinə qapanıq olmaqla qarışdırılır, mənədə "sakit uşaq" deyirdilər, düzələcək deyirdilər, yenə həmin "sakit" insanam elə. amma tam olaraq belə deyil, heçkim əzəldən sakit doğulmur. Fiziki travman düzəlirsə əgər sonunda aşıb unudursan çıxıb gedir. psixoloji travma isə elə deyil, əksəriyyəti uşaqlıq zamanı yaşanılanlar olur, sonra içinə qapanırsansa "sakit uşaq" kimi görsənirsən. Heçkim özü-özlüyündən belə olmur, müəyyən şeylər yaşayırsan, nəticədə belə biri olursan. Ona görə çalışıb uşaqlara həssasla yanaşmaq lazımdır. Xüsusilə uşaqlara vuran insanlardan, valideynlərdən nifrət edirəm...

marvel cinematic universe

Keyfiyyətin düşdüyü danılmazdı, bərbad mcu işlərindən sonra guardians of galaxy 3 izlədim, o belə superhero janrlı filmlərin öz içində yaxşı film hesab edilsədə mənim skalama görə çox ortalama filmdir, səbəbi isə çox sadədir, Mcu Komediya, göz boyayan action səhnələrə və copy paste filmlərə çox qaçır, niyə insanlar sıxılmasın, film üzərinə çox düşünməyə ehtiyac duymasınlar deyə. (tək marvelədə aid deyil bu nəysə amma). Winter soldier, infinity war, civil war vs bunlar ən yaxşı mcu filmləri olsada və çox sevsəmdə studio müdaxilələrinə görə onlar belə copy paste hiss etdirə bilən filmlərdir, sadəcə o filmlərin rejissoru russo qardaşlar çox yaxşı idi. Vaxt var idi millət həyəcanla gözləyirdi mcu filmlərini, endgame'in trailerini belə çıxana kimi hər gün gözləyirdim o vaxtlar, indi bu il the marvels gəlir, qram qozlamıram, çox adamda da həvəs düşüb.
bir marvel sevən olsamda, martin scorsese'in bir sözü var idie marveli "əyləncə parkı filmləri" adlandırmağı, bax buna haqq verirəm... Rejissorlara sərbəstlik verməlilər. Məsələn Sam raimi'nin spider-man filmləri və nolan'ın batman filmləri, hərəsi ayrı bir aləmdir, çünki hər rejissorun öz baxışının olduğunu o filmlərdə asanlıqla hiss edirsən. Mcu'nun ən yaxşı rejissorları sayılan russo qardaşlar və james gunn da artıq yoxdu. Biabırçı ant-man 3 filminin yazarı növbəti avengers'ı yazacaq, nəysə e görəkdə nolacaq yazdıqca uzun yazacam yoxsa.