son yazdıqları:










thats what she said


51   14   0   0
https://soz6.com/sds-uploads/avatars/7fefb15ba8151854686f5a6f805877a435562.png
5.nəsil yazar
reytinq xalı: 195
entry sayı:51
karma xalı: 2185
izləyənlər: 12
sifariş sayı: 13



həyasız




son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə

günəş kremi Havalar isinəndən bəri almaq istəyib amma ya huşsuzluqdan, ya da ərincəklikdən almadığım şey. #329570 nömrəli entry ilə tam razıyam. istifadə etdiyim vaxtlarda dəri rəngimin daha yaxşı olduğunu müşahidə etmişəm, hansı ki normalda günəşin təsiri ilə ala-bula qəribə bir şey olur dərim.
ataya demək istədiklərimiz Özünə deməyə qorxuram, çünki bir mövzuda haqlı olduğunu bilsən hər şeydə haqlı olduğun barədə fikrin daha da güclənəcək. -* "Sənin sözünə qulaq asıb başqa ixtisas qrupu seçəydim kaş" deyirəm. Amma məndə nə qədər günah var bilmirəm, fizika, kimya mənə çox çətin gəlirdi axı onda, (həqiqətən cəhd edirdim, amma beynim onda kifayət qədər inkişaf etməmişdi də nə edim) bir də sənin məni danlayaraq, ağladaraq öyrətmə ehtimalın.
yazarların hədəfləri iki əsas hədəfim var bu günlərdə.
1) əvvəlki çəkimə qayıtmaq. Artıq iki aydır dietdəyəm və 7-8 kilo itirmişəm, 10-15 kilo da getsə olacaq əla. * deyildim, amma dayandırmasam ora doğru gedirdim)

2) yeni ixtisasa yiyələnmək. Ümid edirəm ki, gələn bu vaxtı artıq internship belə olsa yeni işə başlayacaq səviyyədə olaram. Hazırkı işim ilə bağlı ürəyim çox doludu, sözlük. Oxuduğum ixtisas (müəllim) üzrə işləyirəm 5 ildi, çox yoruldum, sevmirəm qətiyyən bu işi. Düzdü arada müəyyən dövrlər olub ki, həvəs və simpatiyam yaranıb, amma çox qısa çəkib. Məcburiyyətdən də seçməmişəm aa, qəbul balım çox yüksək olub, prezident təqaüdçüsü olmuşam, anlayın artıq * qrupda istənilən ixtisası seçə bilərdim, amma məndə niyəsə uşaqlıqdan bəri bir müəllim olmaq həvəsi olub, ona görə bunu seçdim. Kaş yeniyetmə vaxtı yüngülvari də olsa işləyib özümüzü tanıma, sınama şansımız ola, onda daha düzgün qərar verə bilərik bəlkə. Nə isə, zərərin harasından dönsək xeyirdi. Sonradan başqa sahəyə yönələn insanlara baxıb həm təsəlli, həm də motivasiya alıram.

Son olaraq (düzdü azca uzun ola bilər) bir-iki ürək sözümü demək istəyirəm. Məktəb təcrübəmdən danışmıram (ondan başlasam dastan olar), amma kurs təcrübəmdə məni qıcıqlandıran bir iki şeyi deyəcəm, ingilis dili oxuyan, öyrənən varsa baxsın bir zəhmət, eləməsin, ömrümüz yeyildi bunlarla.

- "mənə qrammatika lazım deyil, danışıq öyrənmək istəyirəm" bilirəm demək istəyirsiniz ki, sırf qrammatika fokuslu olmasın dərslər, danışığa da zaman ayırılsın, tamam. Amma bunu deyib də verilən suala ancaq yes, no və s kimi bir sözlük cavab verirsiniz, beyin işlətmək istəmirsiniz, yeni söz və qrammatik qaydanı istifadə etməyi ağlınızdan belə keçirmirsinizsə nah danışarsınız. Özü də qrammatika dilin müstəqil bir qolu filan deyil, əzizlərim. Dilin özüdü. Siz "danışmaq istəyirəm" deyəndə yəqin həm də qrammatik olaraq düzgün danışmağı nəzərdə tutursunuz, yəni ən azından mənim təsəvvürümdə belədi. Yaxşı danışmaq qrammatik olaraq da düzgün danışmaqdı. Yox, səhv-sühv danışmaq istəyirsinizsə, onda gedin sözləri öyrənib ard arda düzün danışın da, dərsə niyə gəlirsiniz?

- anlayın ki, ən böyük yük sizə düşür. Əksəriyyət elə bilir, kursa, dərsə gedəndə müəllimin sehirli çubuğu var, onlara dəydirəcək və bunlar kraliça elizabet səviyyəsində ingilis dili danışacaqlar. Həftədə iki-üç saat ancaq dərsdə məşğul olmaq çox azdı, hətta ev tapşırığını etməklə kifayətlənmək də olmaz, əlavə material və resurslardan da istifadə edin. Edilən tapşırıqları, dərsdə danışılan mövzuları özünüz də yenidən fikirləşin evdə. Bir sözlə, kursa başlayanda nəzərə alın ki, vaxt sərf etməlisiniz. Yox, gedib deyəcəksizsə ki, "işdən vaxtım yoxdu, ancaq dərsdə məşğul olacam", çıxın gedin siz allah, adamın əsəbini oynatmayın.

- bu deyəcəyimi etmək bir az çətin ola bilər, amma yenə də deyəcəm. Çalışın planlarınızı, hədəflərinizi tez müəyyən edin. Yəni, xaricə gedəcəksizsə, ielts, sat filan verməlisizsə və ingilis dili səviyyəniz çox aşağıdısa, son bir ildə hazırlaşmaq çətin olacaq. Ən azı iki il əvvəldən başlayın. Az vaxt qalanda gəlirsiz böyük bir yüklə müəllimin üstünə ki, filan filan şeyi çatdırmalıyam, stressdən başqa bir şey deyil həm sizin, həm də müəllim üçün. intensiv hazırlaşmaq belə hər adamın tushysi üçün deyil.


Deyəcəklərim bu qədər, məncə. Yadıma düşsə əlavə edəcəm. * Çox güman ki, mən özüm də bərbad bir müəlliməm, hansı ki hər dərsdən sonra özümə deyib dururam *, yenə də siz bunları nəzərə alın.

P.s entrynin məzmunu başlıqdan bir az uzaq oldu, üzrlü sayın day.
aman ali rıza bey ağzımızın tadı kaçmasın Bəzi məsələlərdə seçdiyim yanaşma, amma düz yoxsa səhv edirəm bilmirəm. Məni narahat edən, incidən şeylər var, istəyirəm bunu deyim, səbəbləri soruşum ya da ən azından özümü ifadə etmiş olum ki, vecsiz deyiləm, mənim də xətrimə dəymək olur. Sonra deyirəm əşi xırda şeydi unudular, bundan ötrü kefimizi pozmayım. Amma başqa nəsə olur və bütün həll olunmayan məsələlər yadıma düşür, istəyirəm "hesap sorum", sonra yumşaldıcı səbəblər tapıram ya da ağzımızın tadı bozulmasın düşüncəsilə vaz keçirəm, belə təkrarlana təkrarlana durur bu tsikl.
taksi sürücülərinin kartla ödəniş istəməməsi bu sifarişi verən: zazoza
Məncə, səbəb budu ki, nağd ödəyəndə əllərində pul olmuş olur lazım olanda istifadə etməyə. Amma kart ödənişi birbaşa onlara gəlmir (belə eşitmişəm), həftəlik alırlar deyəsən. Hər halda etdikləri mənasız hərəkətdi, bu qədər insan bir aydan bir alır əmək haqqını, onda hamımız durub hər gün pul istəyək. Həm də pula ehtiyac varsa, tədbirli olun da ala, müştərinin verəcəyinə ümidli olmayın.
social anxiety Varlığını universitetə qəbul olduqdan sonra bildiyim və uzun müddət məni narahat edən problem. Buna görə özümü nə qədər təcrübə, fürsət və əyləncələrdən məhrum etmişəm. Ancaq uni ev arası gedib gəlmiş, adicə bir marketə girib nəsə almaqdan belə qorxmuşam. Özümə tək paltar ala bilməzdim, bir qohumumla gedərdim alış-verişə həmişə. Harasa zəng etmək lazım gələndə deyəcəklərimi neçə dəfə məşq edirdim, telefona cavab verilməsə çox sevinirdim. -* Evdən çox çıxmadığım üçün şəhəri tanımırdım və harasa gedəndə google mapda gedəcəyim yolu yadımda saxlamağa çalışırdım ki, birdən səhv olar, itərəm, qayıda bilmərəm. :D təhsil və iş üçün vacib tədbirlərdə çox iştirak edə bilmirdim. şəxsi həyatımda, münasibətlərimdə də bu səbəbdən anormallıqlar oldu. Bir sözlə geriyə baxanda nə qədər itirmişəm və ziyan çəkmişəm az çox təsəvvür edirəm. Və bütün bunlar da axmaq bir problem üzündən. Düzdü mənə o vaxt dəhşətli dərəcədə çətin idi, hətta psixoloqa getməyə belə mane olacaq qədər. Amma həlli dəqiq var, böyük bir hissəsini artıq aşmışam və dünya vecimə deyil demək olar. -* Hamısını da özüm tək etdim, amma o belə məqsədli şəkildə olmadı, sadəcə vaxt keçdikcə bəzi şeyləri etmək məcburiyyət oldu və təcrübə qazandıqca qorxularım azaldı. Peşmanlığım bir az daha tez başlamamağım, başlaya bilməməyimdir. Amma better late than never.
plastik torbaların ödənişli olması Kaş tətbiq olunsaydı. Mən özüm çalışıram marketə gedəndə evdən paket götürüm, nə vaxt yadıma düşsə götürürəm. Həm evdəki paketlər azalar, həm də eyni paketdən daha çox istifadə olunub təbiətə daha az zərər dəyər. Məni ən çox qıcıqlandıran kassirlərin, satıcıların reaksiyasıdı. Deyəndə ki paketə qoymayın, özümüzdə var, elə bil dədələrinə söyürmüsşən kimi incik görkəm alırlar. Elə hallar olur ki, bir neçə dəfə israr edirsən ki, ay bacı, ay qardaş istəmirik qoymayın. Cəmi bir dəfə bizə dəstək verən satıcı görmüşəm, adam çox sevinirdi. -*
bolt Kart ödənişlərinə ağız burun əyən
bəzi sürücülərə malik taksi xidməti. Day bezmişəm hər maşına oturanda bunların sifət eləməyini görməkdən. Çox istəyirəm deyəm ki, ay xiyar sən bu işə girəndə bilirdin ki, kart ödənişi də var, xoşuna gəlmirsə nə atdırırsan burda?

Edit: çox nəzakətli sürücülər də var, onlar ürəkdi, 5 ulduzları və tipləri hazırdı. -*
valideynlərin gec yaşda həyata gətirdiyi uşaq olmaq Evin sonuncu uşağı olduğumçün mənə də aid olan vəziyyət. Digər uşaqlarla çox da fərq olduğunu düşünmürəm, aşağı yuxarı eyni şeydi. Hətta müsbət cəhət olaraq, valideynlər gec evlənməkdən, gec övlad sahibi olmaqdan narahat olanda özlərinə xatırlada biləcəyiniz bir arqument kimi işinizə də yaraya bilər.
işləmək Təəssüf ki bəzi insanlar düşünür ki, nə qədər vaxtın varsa o qədər işləməlisən. Mən çox işləyən insanları da başa düşürəm, mühakimə etmirəm, sevdiyindən, məcburiyyətdən və s ola bilər, amma başqasının istirahət haqqına hörmət etmək lazımdır. Çox işləmək heç vaxt ən vacib şey olmayıb, istəmişəm ki, özümə, hobbilərimə, yaxın insanlara ayıracaq vaxtım olsun, amma niyəsə bu bəzi insanlara elə qəribə və yad gəlir ki.
durduq yerdə mesaj atan köhnə sevgili Bunların bir də fərqli metodlarla özlərini xatırladan növləri var. Dünəndən bəri əsəbiyəm, sözlük. Yazıram ki, bəlkə bir ehtimal burda yazar olar, ya necəsə təsadüfən görər və başa düşər ki etdiyi düzgün deyil.
Ey d.i. xanım, google driveda albom yaradıb paylaşmaq çox da məsum və normal hərəkət deyil. Guya ex-inin tək şəkillərini qoymusan, amma arada ikinizin bir yerdə şəkillərini guya səhvən qoyduğunu anlamadım sanma. Ayrılandan bir ildən çox keçib, özün də bilirsən ki ex-in başqa biri ilədir artıq. Şəkilləri paylaşmaq indi yadına düşdü? Niyə qoymursan bir insan move on eləsin (eləyib də onsuz), bəlkə artıq keçmişi xatırlamaq istəmir? Özün də yaxşı bilirsən, bu adam zatən şəkil çəkdirməyi sevən biri deyil, öz şəkillərini də silən adamdı. indi elə bilirsən arada durub o şəkillərə baxacaq və ya baxmalıdı və düzgündü bu? inan heç bunu edəcək vaxta və həvəsə malik biri deyil, sənsən o ərgən kimi ilişib qalan və uşaq-uşaq hərəkətlər edən. Nə isə, ümid edirəm ki, bu işlərdən əl çəkərsən, özün və ətrafın da həyatımızdan birdəfəlik silinərsiniz.
kiçik xoşbəxtliklər Neçə gündü getdiyim yerlərdə hər şeyi basıb yedikdən sonra kökəlmədiyimi, əksinə bir az da arıqladığımı görmək.
alça Bu meyvə ilə bağlı maraqlı bir müşahidəm oldu son bir-iki gündə, insanı tox tutmaq kimi bir xüsusiyyəti varmış, ən azından məndə.
ən nifrət edilən insan tipi 10 may ve s kimi gunlerde heyder eliyevle bagli statuslar paylasanlar. Bu insanlari hec kim buna mecbur etmir, paylasmasalar pis nese olmayacaq, ictimai fiqur zad deyiller, kontaktlarinda prezident yoxdu, bunlar konullu olaraq, isteyerek paylasirlar, nece de alcaq, axmaq, serefsiz olmaq lazimdi bunun ucun.
1 2 3 4 5 6 7 8 9 10 11 12 13 14 15 16 17 18 19 20