əsgərliyə gedənlərə veriləcək məsləhətlər

hal-hazırda əsgərlikdə olan biri kimi sizinlə öz real təcrübəmi və öz fikirlərimi bölüşəcəm.
əgər 100% əsgərliyə getmək qərarı vermisinizsə, çalışın getməmişdən əvvəl bacardığınız qədər çox insandan məsləhət alın əsgərlik haqda, nəqədər çox insandan məsləhət alsanız bir oqədər sizin üçün yaxşıdı, çünki hərə öz təcrübəsini bölüşəcək və sizin təsəvvürünüz yaranacaq əsgərlik barəsində və ora gedəndə artıq çox şeydən anlayışınız olacaq.
çalışın özünüzü indidən psixoloji olaraq hazırlayın hərbiyə, 1-1.6 ay müddətində evinizdən, ailənizdən və yaxınlarınızdan uzaq olacaqsınız, sizin özünüzdən başqa heçkiminiz olmayacaq və hər hansı bir problemlərlə,çətinliklərlə üzləşdikdə sizin yanınızda nə valideyn nə də dost tanış olmayacaq ki sizə köməklik etsin, siz özünüz olacaqsınız və bütün çətinliklərlə özünüz mübarizə aparmalı olacaqsınız və bu sizi bir fərd kimi formalaşdıracaq və yetişdirəcək.
əsgərlik sizə nəqədər çətin gəlir gəlsin daima yadınıza salın ki bu müvəqqəti olan bir çətinlikdi və axır əvvəl bitəcək və siz normal həyatınıza qayıdacaqsınız. ətrafınızda intihara cəhd edən əsgərlər olacaq, damarların kəsən, özünü asmaq istəyən və s.r onlara qətiyyən fikir verməyin.
əsgərliyə getməmişdən əvvəl bir çox işi öyrənməyə çalışın ki ora gedəndə çətinlik çəkməyəsiniz, məsələn adi təmizlik işləri olsun süpürmək,silmək, qab yumaq və s.r şeylərə özünüzü indidən öyrəşdirin çünki bu işləri hər gün görəcəksiniz.
təzə vaxtlar heçkimlə çox yaxın münasibətə girməyin və heçkimə güvənməyin, heçkimə sirr inizi verməyin, ümumiyətlə çalışın çox danışmayın, çox gülməyin ümumiyətlə hər xırda və mənasız şeyə gülüb çöpəgülən kimi yadda qalmayın, özünüzü ağır təbiətli insan kimi aparın,icazə verməyin ki kimsə sizdən istifadə eləsin, əsgərlik elə bir yerdir ki özünü biraz yumşaq aparsan, xeyirxaq kimi görsətsən hamı səndən istifadə etməyə çalışacaq.
zabit, gizir,maxe tayfasıyla həmişə pərdə saxlayın onlara çox üz verməyin çox deyib gülməyin, yaxınçılıq yaratmaqa çalışmayın, çünki onların 90% şərəfsiz olur.
hərbidə sizi ən çox qıcıqlandıran şey bilirsiz nə olacaq? sizdən hər mənada aşağı səviyəyə malik olan insanların yəni bəzi gizir,maxelərin tabeçiliyi altında olmağınız, yəni təsəvvür edin həyatda heçnəyə nail olmamış hətta həyatda heç özünü tapa bilməmiş adamların tabeçiliyindəsən və onların əmrlərini yerinə yetirmək məcburiyətindəsən.
çalış özünü qoru sağlamlığına fikir ver, çünki sənin səhətində bir problem yaransa heçkimin qozuna olmayacaqsan, ona görədə diqqətli ol çalış xəstələnmə.
əsgərliyin ən cındır qanunlarından biridə odurki bir nəfərin nöqsanına görə hamı cəzalanır və əziyyət çəkir, məsələn gecə yat komandası verilirdikdən sonra hansısa əsgərdən səs hırıltı çıxırsa həmin əsgərə görə bütün bölüyə təzədən qalx düzül komandası verilir və təzədən polnu forma geyinib düzülürük sonra yenidən soyunub yerimizə giririk sonra yenə qalx düzül polnu forma sonra yenə soyun yerinə keç və bu proses dəfələrlə təkrarlanır, və yaxud bir başqa misal çəkim, yemək vaxtı yeməkxanada səs salmaq danışmaq olmaz, əgər hansısa əsgər danışdısa yeməkxanada ki bütün 800 nəfərlik heyəti qaldırıdılar və dəfələrlə qalx-əyləş, qalx-əyləş komandası verilirdi və hamı gijdıllağa dönürdü və həmin o bir nəfər əsgəri sonra peysər çıxardırdılar, sıra düzülüşlərində kimsə sırada danışırdısa səs salırdısa bütün heyətə "çök-qalx" çök-qalx komandası verilirdi və bir nəfərə görə 50 dəfə çöküb qalxırdıq, belə şeylərə hazır ol vaxt keçdikcə hamsı sənə adi gələcək.
maladoyçuluqdan çıxıb bayevoya köhnə əsgərlərin yanına düşəndə təzə vaxtlarında biraz qruza düşəcəksən, bəzi yazılmamış qanunlar var sənə mənasız gələcək amma özün köhnə əsgər olanda hərşeyi başa düşəcəksən və onların niyə belə etdiklərini anlayacaqsan.
çalış pasyak əsgər kimi yadda qalma daima özüvə fikir ver, formanı vaxtı vaxtında yu, batinkan daim təmizlənmiş olsun, üzün və boyunardını tüklü saxlama, saç düzümüvə fikir ver, bunlar hamsı sənin üçün müsbət fikir formalaşdıracaq.
nizamnaməni və vəzifə borclarını yaxşı öyrən, xidmətində problem yaratma, bir sözlə nizam intizamlı əsgər ol.

tuncay kantarcı

bir digər adı ilə dəvə tucay. 2 gün əvvəl ürək tutması nəticəsində dünyasını dəyişən avstriya kökənli türk aktyor Osman Wöberin canlandırdığı, kurtlar vadisi serialının unudulmaz personajlarından biri. ilk 97 bölümdə hərkəsin hörmət etdiyi və çəkindiyi, hətta süleyman çakırın belə abi dediyi bir personaj olsada kurtlar vadisi pusuda blatı çox aşağı düşmüşdü.
ruhu şad olsun, ailəsinə və bütün sevənlərinədə səbr diləyirik.
(bax: çapsız çapsız konuşmayın)

universitetə qəbul olanlara məsləhətlər

Çalışın bu 4 ili maksimum dərəcədə özünüzə faydalı şəkildə keçirin və gələcəyiniz üçün özünüzə yatırım edin. Daim öz üzərinizdə işləyin və özünüzü inkşaf etdirin. Hansısa xarici dil öyrənin, kompüter proqramlarını öyərin, bacardığınız qədər çox sosiallaşın ki geniş çevrəniz və əhatəniz olsun, bir müddət hansısa xidmət sahəsində çalışıb real iş təcrübəsi qazanın, və ümumiyətlə çalışın ki hansısa sahəni öyrənib o sahə üzrə ixtisaslaşın və mütəxəsis olun, çünki dövrümüzün tələbi budur, oxuduğunuz universitet sizə bu şeylərin heç birini qazandırmayacaq və sizə verilən diplom sizin gələcək karyeranız üçün heç bir köməyi dəyməyəcək. Yəni uzun sözün qısası tələbəlik illərinizi ancaq gəzib tozmağa və əyləncəyə həsr etmək əvəzinə şəxsi inkşafınıza da vaxt ayırın ki sonra gələcəkdə heç bir uğur əldə etməyəndə adsızinsan kimi özündə günah görməyib ancaq ölkəni pisləyən tiplərdən olmayasız.

kurtlar vadisi vs kurtlar vadisi pusu

izləyicilərin böyük əksəriyyəti elə düşünür ki yalnız vadinin ilk 97 bölümü əfsanəydi və ondan sonra çəkilmiş olan kurtlar vadisi pusu serialı pox günündə idi. Ancaq mən elə düşünmürəm. Mənə görə kurtlar vadisinin buqədər əfsanələşməsi və izləyicilərdə dərin iz buraxmasında pusunun çox böyük rolu var. Ən azından diqqətlə baxsaq görə bilərik ki vadidə arxa planda qalmış bir çox personaj var ki pusu da sevildi və əfsanələşdi, məsələn memati obrazı vadidə çoxda ön plana çıxan bir obraz deyildi amma pusuda əfsanəyə dönüşdü. Və ümumiyətlə pusuda elə əfsanə personajlar var idi ki onlarsız kurtlar vadisini düşünmək olmur məsələn iskender büyük onlardan biridi.
Yəni uzun sözün qısası mənə görə pusu olmasaydı kurtlar vadisi buqədər əfsanə və yadda qalan bir serial olmazdı.

green card qazananlara tövsiyələr

Green card udanları təbrik edirəm və onlara qızıl kimi tövsiyyələr verirəm. Təqribən 2 il sonra gedəcəksiniz, bu iki il ərzində bunları edin:

1. Burda ikən dişlərinizi tam düzəldin, sağlamlığınızı tam yoxlayın, öd kisəsində və böyrəklərdəki daşlar daxil olmaqla.
2. Texniki peşə sahibi deyilsəniz, burda ikən bir peşəyə yiyələnin, məsələn 6 aylıq texniki təhsil alın. Məsələn motor ustası ABŞ-da çox əla pul qazanar. Kondisioner ustaları da. istənilən ustalıq sənəti orda yaxşı qazanc gətirir, iş də çoxdur. Humanitar sahə üzrə Azərbaycanda aldığınız ixtisas ABŞ-də heç bir şeyə yaramayacaq.
3. Bakıda 6 aylıq müxtəlif iT sahələri üzrə kurslar var. indi ən çox tələb olunan soft-ware testingdir məsələn. QA engineering lap əla olar.
4. Ailəsi ilə gedənlər bilsin ki, yoldaşı da işləməli olacaq. indidən ona bir sənəd öyrədə bilər. Sizə gülməli gələr amma, saç ustası olsa da normal pul qazanar. Bacarırsa iT sahəsindən bir şey öyrənsin. ABŞ-də işləməyə məcbursan. işləyəndə pul qazanırsan, yaxşı da qazanırsan. Amma mütləq işləməlisən.
5. Gedib yerləşəcəyiniz ştatda getmədən əvvəl Azərbaycan icması ilə əlaqələr qurmağa çalışın. Texas-da güclü icma var, iş imkanları da yaxşıdır.
6. Burda ikən ingilis dilinizi fluent hala gətirin. Kursa gedin. ABŞ-da buna imkan olmayacaq, kurs tapsanız çox baha olacaq.
7. Oğlanlara tövsiyəm, ABŞ ordusuna girin. Vətəndaşlıq almadan da orduya xidmətə girmək olur. Bəhrəsini həm özünüz, həm də ABŞ-Azərbaycan münasibətləri görəcək. Polisə də girmək olar, 1 illik Criminal Justice kurslarına getdikdən sonra.

©hüquqşünas fərhad mehdiyev

azərbaycanın hazırki vəziyyəti

elçin əfəndi yazır:
Təəssüf ki, ölkədə Çox sayda potensial qatil təfəkkürlü yeniyetmə var.
Əksər KiV ancaq IP üçün çalışır.
Olduqca cahil və savadsız müəyyən kütlə var.
Kitabın deyil, təsbeh, bıçaq, patının alveri inkişaf edib.
Əksəri "ölən mənim deyil, vecimə deyil" prinsipinə riayət edir.
Qadına, qıza, gəlinə qarşı hörmət kəskin şəkildə azalıb.
Qeyrəti, namusu beyində deyil, ayaqlar arasında axtaranlar çoxluq təşkil edir.
Özgənin halına acıyıb, amma öz halımıza yanmayanlar daha çoxdur.
Saxta insanşüvənlər var. Hansı ki, azərbaycanlı körpəni süngiyə keçirən erməninin ölümünə belə etiraz edirlər.
Öz xanımını döyüb, söyüb, amma qadın hüquqlarından danışanlar var.
Başqalarının ana-bacısına, qızına sataşan, söyən binamuslar var ki, özlərinə məxsus olanlardan xəbərsizdilər
Bir çox valideyn övladlarını tamamilə nəzarətsiz buraxıb.
TikTok fenomenləri müəllimdən, həkimdən daha hörmətli olub.
Özünüzü baş verə biləcək hər bir neqativ hadisədən qoruyun! Çünki əsas qatillər əllərimizdə və evimizdədir!

azərbaycan kooperasiya universiteti

Azərbaycan universitetləri arasında rüşvətin və korrupsiyanın ən çox olduğu universitetdir, heç şübhəsiz. Təhsildən qəyiyyən söz gedə bilməz 150-200 arası bal yığan kim varsa yığıblar bura, hətta elə tələbələr var ki heç o 150 balıda yığa bilməyib kəsilib, ancaq 10-15 min manat pul müqabilində düzəldiblər bura, bəli belə şeylərdə mümkündür.
kooperasiya universitetində hər şey pulla həll olunur hər şey. Semestr imtahanlarında ancaq pul rol oynayır. istəsən pulun verib heç uniyə getməyədə bilərsən, adın gedər özün evdə şellənərsən.
(bax: Azərbaycanda təhsilin geri qalma səbəbləri)
(bax: Azərbaycanda rüşvətin normal bir şey sayılması)

roaccutane

əvvəla bilməyənlər üçün qeyd edim ki roaccutane şiddətli və davamlı sızanaq problemi müalicəsində istifadə olunan bir dərman növüdür. əsasən yağlı dəriyə sahib pasiyentlərə yazılır. sızanaq müalicəsində ən effektiv dərmanlardan hesab olunsada çox ciddi əks təsirlərə malik bir dərmandır, ona görədə roaccutane müalicəsinə başlayacaq və ya artıq başlamış insanlar bu yazdığım tövsiyyələrə mütləq əməl etməlidir.
1) peşəkar həkim məsləhəti olmadan qəti şəkildə özbaşınıza roaccutane istifadə etməyin, yəni dost tanış tövsiyyəsiylə alınacaq bir dərman deyil bu.
2) həkiminizin yazdığı dozadan artığını qəbul etməyin. əks təqdirdə ağır qaraciyər problemləri ilə üzləşə bilərsiz.
3) müalicəni yarıda buraxmayın, həkiminniz nəvaxt stop desə yalnız o vaxt müalicəni dayandırın ki istədiyiniz nəticəni əldə edə biləsiz.
4) müalicə müddətində dəridə və dodaqda quruluq olmağı normaldı, buna görədə gün ərzində bacardığınız qədər çox su için, günə ən azı 1,5-2 litr.
5) dodaq uçuqlamasına görə bepanten krem məsləhət görürəm.
6) mütəmadi şəkildə qan analizlərinə gedin, qaraciyər və xolestrin analizlər verin, əgər roaccutane istifadəsindən sonra analizin nəticələri pis çıxarsa tez həkiminizə məlumat verin, roaccutane istifadə etməyə davam edip etməyəcəyinizə qərar versin.
7) səbirli olun, roaccutane müalicə müddəti sizin sızanaqlarınızın şiddətindən asılı olaraq 6-12 ay müddətində dəyişə bilər.
8) roaccutane istifadə etdiyiniz müddət ərzində çalışın günəşə çıxmayın, çünki günəş işığına qarşı dəridə həssaslıq yaranır, və həmçinin lazer epilyasiya getməkdən də qaçının.
9) roaccutane istifadə etdiyiniz müddətdə və müalicəni yekunlaşandan 6-12 ay ərzində heç kimə qan bağışı edə bilmərsiz.
10) hamiləlik dövründə qətiyyən istifadə etmək olmaz bu dərmanı.
indi bir çoxunuzu maraqlandıran sual odurk roaccutane müalicəsindən sonra sızanaqlar qayıda bilərmi və yenə sızanaq problemi yaşaya bilərikmi? cavab: bəli müalicədən sonra yenə sızanaq çıxa bilər ancaq narahat olmayın əvvəlki qədər yox nisbətən az sayda çıxır.

bina

Paster ləqəbli Azərbaycanlı repçi pərviz quluzadənin 2019-cu ərsəyə gətirdiyi və 2020-ci ilin may ayında yayına buraxdığı, 5 trekdən ibarət olan hip-hop albom. Treklərin adı aşağıda qeyd olunub
(bax: gəzirəm)
(bax: yenidən)
(bax: qayıt gəl)
(bax: chain)
(bax: ya indi, ya heçvaxt)