pawn sacrifice

baş rolunda tobey maguire olan 2014-cü il abş-kanada istehsalı bioqrafik film. filmdə qısaca bobby fischer-in uşaqlıq və cavanlıq illəri, əsasən isə 1972-ci ildə rus şahmatçı boris spassky ilə oynadığı dünya çempionluğu oyunları işlənib.
spassky-ni canlandıran liev schreiber-ın ifasını kifayət qədər bəyənsəm də tobey üçün bunları demək çətindir. əvvəla fischer-ə demək olar ki, oxşamadığından (yalnız bir neçə səhnədə yerişi və fiqurları tutuşu ilə anlamaq olar ki, adam fischer-i oynayır) filmi izləyərkən onu fischer kimi təsəvvür etmək olmur. üstəgəl sakit və emosiyasız ifa həqiqətən fischer izləmək zövqünü yaşatmır adama.
19m dollar büdcə ilə ən yaxşı bunumu etmək olar? məncə daha yaxşısı alınardı. elə də bəyənmədim, edward zwick və steven knight daha yaxşısını gözləmək olardı.

elo reytinqi

şahmatçıların dərəcələndirildiyi rəsmi reytinq sistemidir. adı sistemin banisi macar fizik arpad elo-dan gəlir.
bu günə qədər ən yüksək elo reytinqinə magnus carlsen sahib olub - 2882 (may, 2014).
hal-hazırda 2800+ elo reytinqi olan 4 şahmatçı var: magnus carlsen (2839), fabiano caruana (2827), şəhriyar məmmədyarov (2820), liren ding (2804).

şahmat titulları

1. grandmaster (gm) - dünya çempionu adından sonra ən nüfuzlu şahmat tituludur. bir dəfə qazanıldıqda ömür boyu şahmatçıda qalır. şahmatçılar 2500 elo reytinqi-dən sonra bu adı qazana bilərlər. əvvəllər 2700 elo reytinqini keçən viswanathan anand, garry kasparov, vladimir kramnik kimi şahmatçılar super-grandmaster adlandırılsa da bu titul rəsmi olaraq istifadə olunmur. hal-hazırda dünya üzrə 48 şahmatçının 2700+ elo reytinqi var. 12 yaş 7 aylığında sergey karjakin grandmaster titulu qazanan ən gənc şahmatçı olub.
2. international master (im) - 1950-ci ildən bəri istifadə olunan şahmat tituludur. 2400-2500 elo reytinqi olan şahmatçılar im ola bilər. lakin 2500+ elo reytinqi olub gm olmayan şahmatçılar da var. fide qərarları ilə xüsusi nailiyyətlərə görə reytinq toplanmasa da im titulu verilə bilər. larry christiansen, wang hao, anish giri, keçmiş dünya çempionlarından vladimir kramnik im titulu almadan birbaşa gm titulu alan şahmatçılardır. bobby fischer isə 1958-ci ildə im, cəmi bir neçə ay sonra 1959-cu ildə gm titulunu qazanmışdır.
3. fide master (fm) - 1978-ci ildən istifadə olunur. international master-dan aşağı, candidate master-dən yuxarı titul kimi qəbul olunur. 2300+ elo reytinqi olanlar bu ünvanı ala bilərlər.
4. candidate master (cm) - 2002-ci ildən istifadə olunur. 2200+ elo reytinqi olan şahmatçılar bu titulu qazana bilər.

alexander payne

yaşayan ən kreativ rejissorlardan biri. sakit və əsasən dialoqa bağlı filmlərindəki incə yumoru ilə adamı özünə heyran edir. kütlə rejissoru deyil və ilk kütlə filmi downsizing ilə də batırdı. nebraska, the descendants, sideways, about schmidt, election kimi möhtəşəmliklərin rejissorudur.

paul schrader

martin scorsese-nin filmlərinə ssenaristlik etməklə hollivudda tanınmağa başlayan, paralel öz filmlərini də çəkən amerikalı rejissor/ssenarist. taxi driver, raging bull, the yakuza ( sydney pollack), obsession ( brian de palma) kimi filmlərin ssenaristi, blue collar, affliction, auto focus kimi bəyənilən filmlərin də rejissorudur.