fuad qəhrəmanlı



əjdaha lazımdı   izlə   lələ   mən   googllalink

    1. axcp sədrinin müavinidir. iddiaya görə, 2015-ci ilin dekabr ayında "nardaran işi" ilə əlaqədar yazdığı facebook statusuna görə həbs olunub.
    yazıçı zümrüd yağmurun həyat yoldaşıdır.

    ən yadda qalan çıxışı 2010-cu il parlament seçkiləri ərəfəsində iştirak etdiyi teledebatdandır.

    mübahisə 07:20-də başlayır...
    (youtube: )
    2. axcp nin sədriymiş ya nə. deməsələr bilmirdiy. evdə yoldaşını və qızına qarşı şiddət uyğulayırmış.

    qızının facebook statusu:

    https://m.facebook.com/story.php?story_fbid=395964757780678

    Bu yazını AXCP sədr müavini Fuad Qəhrəmanlının qızı kimi yox, bir insan kimi yazıram. Çünki Facebook-u ancaq məzələnmək üçün istifadə edən mən, həmişə düşünmüşəm ki, "kimə nə axı mənim şəxsi fikrimdən?". Amma müəyyən sosyal məsələlər mənə elə toxunur ki, onlara Selcan kimi yox, bir insan kimi, fikir bildirməyi özümə görəv bilirəm.

    Onsuz da, əgər bu yazını özümü ələ alaraq yazsam, dəhşətli emosional, qəzəbli bir şey çıxacağını bilirəm çünki içində böyüdüyüm kimi qorxulu bir ailədə böyümək, insanın içinə tarif olunmaz duyğular yükləyir.

    Bir də onu bilirəm ki, bu yazıya görə hətta proqressiv insanlar tərəfindən də qınanacam, "çünki o sənin atandır." Çünki atam olan adamı, anamın barmaqlarını sındırdığı xatirələri bağışlamalıyam. Çünki o evə çörək gətirib, məni böyüdüb filan.

    Amma məncə Azərbaycan siyasətində yetərli bir yeri olan, ana müxalifət partiyasının sədr müavini, tribunalarda insan haqqlarından danışan, hətta qadın haqqları mövzusunda belə aman verməyən Fuad Qəhrəmanlının da, evində qızının dizini, arvadının barmaqlarını sındırmış, şiddətin də xüsusi sadist növünü tətbiq edən bir cani olduğunu demək, mənə elə gəlir ki, sosyal borcdur, mənim şəxsi ailəvi problemim yox.

    Anamın boşanma çabalarının (ki, bunun şiddətdən kənar ayrıca iyrənc səbəbləri var, sadəcə bu səbəblər insanın şəxsi məsələsidir, mənim mövzuma heç bir dəxli yoxdur) qarşısını müəyyən əlaqələri sayəsində, yüz cür təhdidlə, şantajla alması; azadlıqdan danışan adamın evində, qəribə bir şəkildə təsvir etməyə gücem yetməyən bir cəhənnəm mühiti olması; şiddətin ağıl almaz və kreativ dozu;anamın və bacımın bədənindən zamanla silinmiş izlər və bütün bunların üzərinə, "mənimlə şəkil yayın Facebook'da" deyə gələn tamam ayrı kateqoriyadaki zorakılıq dalğası... - bunlar bir siyasətçinin ailəsi barədə bilinməli olan şeylərdir.

    Bütün bunlar sirr deyil əslində, qulaqdan dolma nə qədər adam bilir "ailəmizdə" olanları. Anama qırx dəfə qolundaki, üzündəki izlərin nə olduğunu soruşan adamlar da, tipik "qapıya dəymişəm" cavabını 3-cü dəfədən artıq eşidəndə, mövzunun nə olduğunu anlayıblar. Hətta bəziləri direkt mövzunun içində olub, Səadət Cahangir kimiləri və onlar da anama ağıllı qadın olmaqla, susub siyasi prosesi düşünüb, boşanaraq Qəhrəmanlının reputasiyasını korlamamaqla bağlı gözəl məsləhətlər veriblər, anamın adını psixolojik xəstəyə qədər çıxarıblar.

    Onun qolunda hələ də izi qalan, yenə necə yarandığını başa salmağa psixolojik gücümün yetmədiyi o yaranı görəndə "sən də az deyilsən də Zümrüd, dilinə yiyə dur" kimi bir şey dediyini özü də danmaz.

    Hətta Ali Karimli (Əli Kərimli) ailə psixoloqluğuna soyunub bu mövzuda! Anama başa salıb ki, kişilər belə olur, dözmək, gələcəyi düşünmək lazımdır, uşaqlarınız var, "onsuz da 40 yaşından sonra boşanıb nə edəcəksiniz ki?". Bəs siz Əli Kərimlinin "qonşu arvad" rolunda bu qədər bacarıqlı olduğunu bilirdiniz? Adam az qalırdı desin ki, "az çörəyivi verir? Sus otur da.".

    Belə gördüm ki, bu cəbhə bütünü ilə ikiüzlü, iyrənc bir yerdir. Əli Kərimli evdə necə bir vəhşilik etdiyini hərfi hərfinə bildiyi adamı, sağ yanında saxlayır, -bunu başa düşdüm, kadr yoxdur- amma adam canini yox, qurbanı qınayır ki, "siz düz etmirsiniz". Qalanlar üzvlər də, anama necə "yaxşı at özünı qamçı vurdurmaz", onu öyrədir, sonra da yığışıb hakimiyyətin insanları əzməyindən, ədalətdən danışırlar; hələ hələ bütün bunları bilən adamlar niyə uşaqlar "Yağmur" soyadını istifadə edir deyə gileylənir, müavinlərinin qəzəbini itiləyib, "hamı deyir ki o evdə Fuadı saymırlar" başlıqlı motivasiya çıxışı edərək, növbəti zorakılıq dalğası üçün Qəhrəmanlını evimizə göndərir, həyatımızı bir gün daha qorxu filminə çevirirlər. Impressive. Adam bu qədər necə iyrənc olar axı? Siz bir partiyada necə bir araya gəlibsiniz? Ortadaki bu əxlaqsızlıq potensialı gözümü yaşardır valla.

    Uzun sözün qısası, 2009-dan bəri bu cür tük ürpərdən bir durumun içindəyik. Hər gün hər gün şiddət, qan, təhdidlər, sınan sümüklər... Bütün bunlar ona görə idi ki, anam bu adamın iki kateqoriyadaki iyrənc əməllərinə göz yumsun və boşanmasın. Amma indi durum dəyişib, ikimiz də elə yaşdayıq ki, "uşaqları səndən alacam" mövzusu işləmir, adam də elə vəziyyətdədir ki, unikal təhdidləri bu dəqiqə işə yaramır. Boşanma ərizəsi də verilib, bir neçə aya boşanma baş tutacaq.

    Amma bütün bunlardan əvvəl, açıqlamaq istəyirəm ki, mən atamdan imtina edirəm.

    Qan bağları primal, heyvani şeylərdir. Başqasında bağışlamayacağım şeyi, sırf eyni müqəddəs qana filan sahibik deyə, öz atamda bağışlayacaq deyiləm. Bəlkə də "tipik şərq ailəsi" dozundaki zorakılıq, şəxsi travmam olaraq qalardı. Amma bu fərqlidir. Hər şey ola bilər, amma ailəsinə şiddət tətbiq edən, qızını dizini sındırıb sonra "anan danışmasaydı, mən belə əsəbi olmazdım" deyə heç bir şəkildə peşmançılıq yaşamayan, hələ ailəsindən kənarda necə iyrənc əməllərə imza atmış bir adamın adı, mənim adımın üzərinə ola bilməz. "Fuad Qəhrəmanlının qızı" kimi anılmaq istəmirəm, dirəşib məni "Qəhrəmanlı" çağırmalarını da istəmirəm.

    Yox, profilim oğurlanmayıb. Lütfən, yazı şəklim çox barizdi.

    Belə... Bir tekst ilk dəfə məni bu qədər yordu.

    Bu da, #MeTooAzerbaijan
    3. Bizim millətin probleminin totalitar və ya avtoritar diktatura olmadığını mən dünən axşam başa düşdüm. bizim millət qanun qorxusu ilə idarə olunmalıdır. özlərinin kim olduğunu bilməyən bir qara güruh "bəy, bəy" deyə düşüblər ortalığa. fuadın sevinclə danışığından qızın bütün iddialarının düzgün olduğu anlaşıldı. bunu fuadı dəstəkləyənlər də bilir. bugün "diktatura vaaaağğğğrrr" deyə bağırıb qadına qarşı sadist şiddəti dəstəkləyən qara gürüh sabah ölkəyə azadlıq gətirəcəyini vəd edir. hərbir halda bunlara öz təşəkkürümü bildirmək istəyirəm ki, bunlar özlərinin nə qədər səviyyəsiz, nə qədər düşüncəsiz, nə qədər humanizmdən uzaq insanlar olduqlarını özləri bizə göstərdilər. birgün ağlımız başımızdan çıxarsa bunlara səs zad verməyək deyə.
    4. AXCP müavinliyindən istefa verən adam. Ciddən ilk dəfədir ki, biri bu boyda ictimai rəyi nəzərə alıb istefaya getdi
    5. Etdiyi hərəkət təqdirə layiq hərəkətdi. Ən azından partiyanın adına xələl gəlməsinin qarşını aldı. Çünki, yerli-yersiz, partiyaya yönəlik hərəkətlər çox olurdu. Cəmiyyət olaraq siyasi təfəkkür tam formalaşmadığından, bizdə partiyaya bağlılıq partiyanın izlədiyi ideologiya, məqsəd, proqram üzərindən deyil, şəxslər üzərindən formalaşır. Onlar da hər hansı səhv etdikdə, ələxsus da şəxsi həyatlarında, bizdən olan reaksiya kəskin olur. Ya tərəf tuturuq, onları məsum kimi qəbul edib, etdikləri hər hərəkətə bəraət qazandırmağa çalışırıq. Necə ki, bunu bəzi müxalif düşərgədə yer almış tərəfdarlar etdilər, ya da qarşı tərəfə keçib fərdin fərdin misalında bütün partiyanı ağ yuyub, qara sərirlər. Baş vermiş hadisədə Fuad Qəhrəmanlıya haqq qazandırmıram, Birincisi, bir ailə başçısı kimi təkcə cəmiyyətdəki yox, elə ailə daxili məsələlərdə nümunə olmağa çalışmalı idi. ikincisi, hadisə bu yerə qədər gəlib çatıbsa, yenə də ictimai nüfuzuna xələl gəlmədən, məsələni yoluna qoymaq olardı. Gördü ki, çarəsizdi, problemi daha cilovlamak olmur, artıq partiyanın nüfuzundan söhbət gedir, məcbur günah keçisi kimi özünü qurban verdi. Xoş olmasa da, siyasi tariximiz üçün " istefa" anlamında müsbət bir şeydi. Demək ki, "istefa" mexanizmi işləyir.
    indi isə qızın paylaşdığı status barədə bir neçə söz... Maraqlıdı, niyə qız birdən- birə Avropaya, daha doğrusu, hollandiyaya gələndən 6 gün sonra belə bir şey yazır? bu hadisəni elə ölkənin özündə qabarda bilməzdi? Bu ki, iqtidara və ya iqtidarda olan hansısa məmura qarşı yönəlik hadisə deyildi ki, deyək, həbs edəcəklər, ya incidəcəklər. Yəni Bakıda (qeyri) dövlət qurumlarından da yardım istəsəydi, ailə-qadın məsələləri üzrə, istədiyi yardımı alacaqdı. Dövlət, hələm, sevə-sevə edərdi, hazır bəhanə gəzir onsuz da. Digər bir məqam, qız atasından imtina edib. bunu atası həbsdə də olanda edə bilərdi. Ya da ən rahat yolu, anası boşanma ərizəsi verərdi məhkəməyə, iş bura kimi gəlib çıxmazdı. Üçüncü məqam isə qızın boynunda xaç işarəsi ilə canlı video paylaşmasıdı. Məsələ, din, əqidə, xristianlıq məsələsi deyil. Hər kəs gözəl bilir ki, nə qədər də olmasa, biz islam adət-ənənələri ilə yaşayırıq. Sözümü nəyə gətirirəm, bu üç faktor, " yaşadığı ölkədə dini azlığa mənsub olma", " ailədaxili şiddət", "müxalifət" avropada siyasi sığınacaq almaq üçün əsas kartlardan sayılır. Ümid edirəm ki, gümanında yanılaram.
    Sözsüz ki, bu məsələdə ailəyə yardım olunmalı idi, amma çıxış yolu bu deyildi.
    6. üsttəki iki entry muazzamdı. *

    belə düşünün. tutalım ki, şu an max 18-19 yaşındasız. 2009`dan bəridirsə, deməli ilk dəfə haradasa 8-9 yaşa təqabül eliyir ailə içində şiddət görməyiniz. ananın döyülməsi, qışqır-bağır, hədə-qorxu, min cür şey. məktəblər haqq gətirə, şiddətə qarşı yaman bilinçləndirir, hansı yolları izləməyi tək tək öyrədir şagirdlərə, polis dairələri über onsuz da, dərhal gəlib şiddətə meyilli valideynlərin əlindən alıb psixoloji dəstək verəndən sonra düzgün ailələrin yanına yerləşdirir uşaqları. yəni azərbaycan`da doğulduğunuz üçün şanslısız ki, o yaşda nə etməli olduğunuzu addım bə addım bilirsiniz, maşallahınız var!

    15-16 yaşında yavaş-yavaş bunun nə demək olduğunu anlayırsız. bunu deyəcək, desəniz də dəstək görəcəyiniz(1 % ehtimal) heç bir yer yoxdu. şiddət göstərən ata təkrar döysə və ya evdən qovsa gedəcəyiniz heç bir qurum, qarnınızı doyuracaq, təhsilinizi davam etdirəcək maddi dəstək yoxdur. həə. zurnanın zort dediyi yer. üsttəkilərin "fahişə" göndərməsi burada öz əksini tapır. nə olsun dözməkdən başqa alternativiniz yoxdu, nə olsun maddi-mənəvi yetərincə güclü deyilsiz, yanınızda heç kim durmayacaq, nə olsun atanızın xaricə çıxmağınızı əngəlləyibələcək icazə kağızını verməmə ehtimalı var. kişi olardız vaxtında deyərdiz. 10 yaş, 15 yaş, 18 yaş. bəs deyil bu qədər həyat təcrübəsi? niyə oturub eşşək kimi çalışıb, alnının təriylə bir neçə uni və full scholarship qazanana, nəhayət öz ayaqları üstündə durmağı bacarana, o müqəddəs atandan artıq heç bir pislik gələ bilməyəcəyindən əmin olana qədər gözləyirsən ki? niyə avropa`ya çıxmağı gözləyirdin? bunu elə bu vətən torpağında edərdin ki, edilən bütün təhqirlərin əyani təzahürünü görəsən, atan və onun zombi ordusu öz üsulları ilə həll eləsin məsəsləni. ay əxlaqsız? hə? nə olsun şiddət görürdün? hamımız görmüşük də. bilmirsən ki, ailə içi şiddətin və qadınların min cür zülm gördüyü yerlərdəki cəmiyyətlər qabağa gedir? biri də sən ol? ölərsən?

    axı 30 ildi aktiv siyasətdə olub, seçimlərin yarısına qatılıb digər yarısına qatılmayan, özünü cırsa 50 min səsverəni olan atanın partiyası zərər görə bilər. kakraz da ilham əliyəvin büdrədiyi, 86%`ə düşdüyü vaxtda bu nə idi ki, edirsən. özü də təxminən min nəfərin qatılacağı, ves hökumət kadrının nəfəs kəsildiyi mitinq qabağı. ayıb olsun. qol qırılar, içində qalar. üstəgəl yekə qızsan, yetkinlik yaşına çatıb boynuna sep taxanda adam bir atasının dostlarından məsləhət alar, ki olar mı bu milli mənəvi və islami dəyərlərimizə zidd olan boyunbağını taxım? nə olsun azad ölkədə, azad cəmiyyətdəsən. sən bu xalqın malısan, buranın qanunları ilə də yaşamalısan.

    tl;dr, bir-bir görüşüb üzünüzə tüfürməkdən zərrə qədər etkilənəcəyinizi bilsə adam, ömrünü həsr eliyər, amma bəllidir ki, dəyişməyəcəksiz. uşaqlar, yenə deyirəm. siz tam olaraq orta-əsr barbarlarısınız və bunu sizə deyən olmuyub. vaxtaşırı xatırlatmaqda fayda var. mədəni bir insan sizlə danışmağa, 3 metr yanbayan yeriməyə utanar. qurduğunuz-quracağınız "ədalətli" düzənin/rejimin a*ına qoyalar. adjö.


sən də yaz!