baba

444 0 0 0

1. nəsil yazar

Entry: 444

blok başlıqlarını gizlət

kreuzweg

the suffering of light

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

absurd teatr

+27 əjdaha

absurd teatr qərbi avropa dramaturgiyasında və teatrında 20ci əsrin ortalarında başlayan absurd hərəkatdır.
absurd pyeslərində mənasız dünya, məntiqdən uzaq qarışıq faktlar, sözlər, taleler təsvir olunur. absurdizm daha çox rumın-fransız dramaturqu eugene ionesconun “ keçəl müğənni” ( the bald soprano, 1950) və irland yazıçısı samuel beckettin “ qodonu gözləyərkən” (waiting for godot, 1952) dramlarında təcəssüm olunub.
“absurd teatr” termini ilk dəfə 1962-ci ildə teatr tənqidçisi martin esslin tərəfindən işlədilmişdir. absurd teatrın kökləri 1910-20-ci illərdə avanqard sənəti, dadaizm fəlsəfəsinə kimi gedib çıxır. kəskin tənqidlərə baxmayaraq, bu janr ikinci dünya müharibəsindən sonra böyük uğur qazandı. bu yeni termin tənqidlərə məruz qaldı, hətta onu “anti-teatr” adlandırmağa başladılar. esslinin fikrincə, absurd teatr 4 dramaturqun istehsalından ibarət idi: eugene ionesco, samuel beckett, jean genet, arthur adamov. lakin o vurğulamışdı ki, onların hər biri özünəməxsus “absurd” termini çərçivəsindən çıxırdılar.
bu teatrın görkəmli yazıçılarıdan albert camus, tom stoppard, friedrich dürrenmatt, harold pinter, edward albee, jean tardieu, alfred jarry, luigi pirandello, stanislaw witkiewicz, guillaume apollinairein adını çəkmək olar. absurd teatr böyük ehtimalla parisdə avanqard fenomeni kimi yaranıb, sonra isə dünya səviyyəsində tanınmağa başlayıb.
absurd teatr real personajları, hadisələri və digər teatra məxsus texnikaları inkar edir. yer və vaxt təyin olunmur, qarışıq hadisələr, mənasız intriqalar, təkrarlanan dioloqlar və məqsədsiz danışıqlarla zəngin olur. məqsəd insanlarda inanılmaz, bəlkə də dəhşətli bir əhval oyatmaqdı.

23 əjdaha! 12.12.2015 01:38, baba

#190073 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

franz schubert

+18 əjdaha

yaradıcılığı klassik eranın sonu, romantik eranın əvvəllərinə təsadüf edən bəstəkar. məni şubertlə bağlı təəccübləndirən şey onun məhsuldarlığıdır: 31 illik qısa bir ömrə 1500dən çox əsər, variyasiya sığdırıb. bura daxildir - solo səs və piano üçün 600dən çox lieder, bir o qədər piano parçaları, təxminən 150 partes mahnı, bir neçəsi messa olmaqla, 40 liturgik əsər, operaları və fon musiqiləri də daxil olmaqla, 20 civarında səhnə əsəri, 7si tamamlanmış 13 simfoniya və bir neçə uvertüra, 20dən çox simli alətlər üçün kamera musiqisi və kvintetlər, triolar, duetlər.

şubert 14 uşaqlı ailənin 12cisi kimi dünyaya gəlib. 4-5 yaşlarında atasından skripka, qardaşı ignazdan isə piano dərsləri alıb. bir neçə aydan sonra qardaşına deyib ki, daha sən mənə dərs demə, bunların hamısını bilirəm. 11 yaşı olanda haydn, mozart, beethovenin orkestr əsərləri ilə tanış olacağı stadtkonvikt məktəbində təhsil almağa başlayır. 5 il sonra atası ilə yaşamaqçün geri qayıdır və məktəb müəllimi kimi işləyir. bundan əlavə, antonio salieri ilə birlikdə bəstəkarlıq təhsilini davam etdirir və yaradıcılığa başlayır.

1828in martında ömründə ilk və son dəfə öz bəstələrindən ibarət konsert verir. bu konsertdən bir neçə ay sonra vəfat edir. ölüm səbəbi rəsmi olaraq tif xəstəliyidir, lakin bəzi tarixçilər onun sifilisdən öldüyünə inanırlar.

16 əjdaha! 28.08.2021 14:25, baba

#335018 şikayət

back in black

+15 əjdaha

avstraliya rok qrupu ac/dc-nin sayca 7ci studiya albomudur. robert john “mutt” lange’ın prodüserliyini etdiyi albom 1980ci ilin aprel-may ayları ərzində studiyada yazıldıqdan sonra həmin ilin 25 iyulunda albert productions və atlantic records tərəfindən istehsal edilir. bundan əvvəlki 6cı albomu “ highway to hell” ilə dünya şöhrəti qazanan qrup “back in black” albomunun track’lərini 1980ci ilin yazında baham adalarının paytaxtı nassau şəhərində bəstələyir. “ highway to hell” albomunun işıq üzü görməsindən bir neçə ay sonra qrupun vokalisti bon scott həddən artıq alkoqol qəbul etməkdən yaranan ağciyər vərəmindən dünyasını dəyişir. onun ölümündən bir neçə ay sonra, daha dəqiq desəm, 8 aprel 1980ci ildə brian johnson rəsmi şəkildə qrupun yeni vokalisti elan olunur.

bu günə qədər 50 mln-dan çox satılmaqla hazırda dünyada ən çox satılan albomlar siyahısında 2ci yerdədir.

albom haqqında death metal qrupu “six feet under”in vokalisti chris barnes “gəlmiş-keçmiş ən yaxşı albom”, “death metalın atası” adlandırılan chuck schuldiner isə “heç vaxt buna oxşar albom tapa bilməzsiniz” deyib (“six feet under” qrupunun “ graveyard classics ii” albomu başdan-ayağa “back in black” albomunun cover’idir).

albomun ilk track’i “ hells bells” rock-n-rolldan hard rocka keçiddir. “ shoot to thrill” isə abş-ın 6 ştatında avtomobil sürərkən dinlənməsi qadağan olunan mahnılardandır. “ what do you do for money honey” parçasının sözləri qrupun dünyasını dəyişmiş vokalisti bon scott’un yaşlı fahişəyə həsr etdiyi şeirdir, ölümündən sonra qrup bu şeiri gözəl bəstəyə çevirib. “ given the dog a bone” və “ let me put my love into you” albomun arqo sözlərlə dolu ritmik track’lərindəndir. alboma adı verilən “back in black” isə bütün zamanların ən yaxşı parçalarındandır; shakira da daxil olmaqla link

yeni yaranan bütün rok qrupları bu mahnını cover edirlər. “ you shook me all night long” isə alman basktebolçu dirk nowitzki’nin həmişə məşq edərkən dinlədiyi parçalardandır. “ have a drink on me”nin sözlərini bon scott’un yazdığı deyilir.
albomda tez-tez led zeppelin qrupuna göndərmə olduğu vurğulanır. amma ümumilikdə albomdakı mahnıların sözləri seks, alkoqolizm, əyləncə partiləri və rok-n-roll həyat tərzi barədədir.
albomdakı parçalardan 1980ci ildə “ cincinatti radiosu” serialından (3cü sezonun 3cü seriyasında) 2015ci ildə “ riley’s first date?” qısa filminə kimi yüzlərlə sənədli və bədii filmdə, televiziya seriallarında, sənədli filmlərdə istifadə olunur.

2007-ci ildə albomun xatirəsinə “zippo” şirkəti albomun üz qapağını alışqana dizayn edir.

albom üzərində çalışanlar:
ifaçılar: (qrupun üzvləri) brian johnson – vokal, angus young – gitara, malcolm young – ritm gitara, bek vokal, cliff williams – bass gitara, bek vokal, phil rudd – baraban
prodüser: robert john “mutt” lange
fotoqraf: robert ellis
dizayner: bob defrin

youtube-da dinlə: http://bit.ly/1DcSLGt
torrent-dən yüklə: http://bit.ly/1RIjk08
itunes-dən al: http://apple.co/1IZCx6v
amazon-dan sifariş ver: http://amzn.to/1jSMYSH

11 əjdaha! 19.12.2015 23:36, baba

#190937 şikayət

kurt cobain

+13 əjdaha

ölümü ilə 27lər klubuna düşmüş nirvana qrupunun yaradıcısı.

son məktubu:

--sitat--

"təcrübəli, amma sadəlövh, cəsarətin olmamasını seçən və şikayət edən balaca uşağın dili ilə yazıram. bu yazı yəqin ki, çox asan başa düşüləcək. bütün xəbərdarlıqlar bu illər ərzində "punk rock 101" kursundan götürülüb, həmin vaxtdan etibarən mənim etikaya, bir növ, baxışım, nəzərdə tutulan müstəqillik və birgə qəbul olunan dəyərlər öz doğruluğunu sübut edib. artıq neçə ildirki, mən nə musiqiyə qulaq asanda, nə musiqi yaradanda, nə də ki, şeir oxuyanda və ya yazanda həyacan keçirirəm, həzz alıram. buna görə necə utandığımı sözlə çatdırmaq çox çətindi.
misalçün, biz pərdə arxasında dayananda, işıqlar yanır və fanatik kütlənin səs-küyü eşidilən vaxt mən heç bir həyacan keçirmirəm, bütün bunlar mənə heç çür təsir eləmir. freddie mercuryni, kütlənin ona göstərdiyi təsiri yadınıza salın... görünür, kütlənin sevgisindən həzz alırdı. buna heyranam və buna paxıllığım tutur.
iş orasındadı ki, mən sizi aldada bilmərəm. sizlərdən heç kimi aldada bilmərəm. bu, sadəcə sizlərə və özümə qarşı ədalətsizlik olardı. ən böyük günah mənə görə insanları aldatmaqdı. mən axı şad və sevincli deyiləm...

hərdən, səhnəyə çıxmamışdan qabaq saatı sındırmaq istəyirəm. mən əlimdən gələni edirəm ki, aramızdakı olan münasibəti qiymətləndirim, allah görür ki hər şey edirəm! amma bu kifayət etmir... mən çoxlarının hisslərinə toxuna bildiyimi qiymətləndirirəm. yəqin ki, mən özünü sevən kəslərdən biri kimi ancaq nəyisə itirəndə dəyəri və qiymətini bilənlərdənəm... mən çox duyğusalam. uşaqlığımda olduğu kimi, yenidən entuziazm əldə etmək üçün mənə biraz hissiyatsız olmaq lazımdır. axırıncı üç tur müddətində mən yaxınlarıma və musiqimin həvəskarlarına daha çox diqqət ayırmağa başladım, daha çox qiymətləndirdim, amma mənim hələ də sizin hamınıza qarşı hiss elədiklərim sadəcə xəyallarımın alt-üst olmasıdı. halınıza yanma hisslərindən ayrıla bilmirəm. hər birimizdə yaxşı nəsə var və mənə elə gəlir ki, mən insanları çox sevirəm. o qədər çox sevirəm ki, bu hiss məndə kədər oyadır. məni insancıqların, balığın, isanın qiymətini bilməyən qəmli bir insana çevirir. niyə buna sevinmirsən? bilmirəm. mənim dərdə şərik olan və məğrurluq ilə nəfəs alan ilahə - aravadım və mənə uşaqlığımı xatırladan qızım var. o - sevgi və sevinc ilə dolan qızım, qarşısına çıxan hər kəsi öpür, çünki bilir ki, ətrafda hamı yaxşı insandı və heç kim ona pislik etməyəcək. elə bu da məni qorxudur. o dərəcədə qorxudur ki, mən heç nə barədə düşünə bilmirəm. mən frensisin nə vaxtsa mənim kimi özünü bədbəxt edən roker olması barədə fikrini heç cür qəbul edə bilmirəm.

mənə yaxşılığı əhatəm edir, hər tərəfdə yaxşılıq var və mən buna görə minnətdaram, amma yeddi yaşımdan başlayaraq mən bütün insanlara nifrət edirəm. ona görə ki, onlar üçün bir yerdə yaşamaq və bir-birinə dayaq olmaq çox sadə gəlir. dərdə şərik olmaq! ancaq ona görə ki, mən insanları çox sevirəm və onların halına acıyıram. mən belə hesab edirəm. alovlanan və bulanan mədəmin dərinliyindən sizə axırıncı illərimdə daha çox hiss etməyə məcbur edən məktublarınıza və qayğılarınıza görə minnətdarlığımı bildirirəm. mənim içimdə dəlisov və kaprizli uşaq var.
mənim içimdə ehtiras artıq ölüb... ona görə də yadda saxlayın: yavaş-yavaş sönməkdənsə, tez alışıb yanmaq yaxşıdı.

sülh, sevgi, və şəfqət.
kurt cobain.
frensis və kortni, mən sizin səcdəgahınızda olacam.
kortni, xahiş edirəm, davam elə frensisin xətrinə.
onun həyatının xətrinə, hansı ki, mənsiz daha xoşbəxt olacaq.
mən sizi sevirəm, mən sizi sevirəm...

--sitat--

9 əjdaha! 15.07.2014 17:37, baba

#126976 şikayət

whiplash

+13 əjdaha

bir drum həvəskarı olaraq izləmişdim. əslində elə də böyük gözləntilərim yox idi ki, sonda da şoka düşüm. imdb-də nahaq o qədər xal yığdığını yuxarıdakı yoldaşlar qeyd ediblər. sadəcə musiqilərindən bəziləri zövq verir. məsələn, aşağıda paylaşdığım caravan parçası.
spoiler olduğunu verək ki, filmdən zövq almaq istəyənlər gedib zövqlərini alsınlar.

--spoiler--

filmin özünə gəlincə, 1-2 məqamda j.k.simmonsun aktyorluğunu bəyənmədim. ümumilikdə ssenari çox standartdı. bu tipli ssenarini, vann damın, silvestr stalonenin filmlərində də görmək olar. diqqət yetirin: ən vacib yarışa hazırlaşan gənc. o hələ hazırlaşdığı şeyə (remboda döyüşə, whiplashda konsertə) tam hazır deyil. hazırlaşmaq üçün həddən çox çaba göstərmək. səni hazırlaşdıran ustadın həddən çox sərtliyi. qanın tökülməsi. əlinə nəsə ( remboda parça, whiplashda leykoplastr) bağlamaq. ən vacib yarışmaya tam hazırlıqlı olmadan gəlmək. yarışmanı poxa döndərmək. və nəhayət ən sonda (remboda sonuncu raundda, whiplashda sonuncu musiqi nömrəsində) tamamilə məğlub olmasına baxmayaraq, come back etmək və 1ci olmaq... bunlar hamısı amerikan filmlərinin klişeləridir. nə fərqi var ki, sən döyüşürsən, yoxsa drum çalırsan... hə, bir də bura baş qəhrəmanın qız sevməyini, ondan ayrılmağını-zadı əlavə etsən, tam amerikan filmi olacaq. ümumiyyətlə, o qızı ssenaridən çıxartsan belə, filmdə nəyinsə çatışmadığını heç hiss də etməyəcəksən. ümumiyyətlə, başıva dönüm, hansı drummerin stick tutduğuna görə əli qanayıb?
filmi maraqlı eləmək üçün oğlan konsertə gecikməli idi. heç bir səbəb tapa bilmədiklərinə görə qəzaya uğradırlar adamı. guya adam böyük olmaq üçün qızdan ayrılır, amma bu tip ayrılıqlar da film üçün şablondu. belə şeylərnən kəf gəlmiyin camaata -*

--spoiler--

(youtube:

)

10 əjdaha! 01.03.2015 12:37, baba

#150618 şikayət

deep purple

+12 əjdaha

dillərə dastan smoke on the water parçasının müəllifi olan qrup.

mahnının sözləri həqiqi hadisədən bəhs edir. deməli, 72ci ildə deep purple albom yazmaq üçün isveçrəyə yollanırlar. orda montreux şəhərində olurlar. sonra yanğın hadisəsi olur. cenevrə gölünün üstündə də yanan ağac budağı-zad olur. çoxdan eşitmişəm deyə yadımda səhv qala bilər. smoke on the water söhbəti də ordan yaranıb.

mahnını cover eləməyən qalmayıb day:

bu orijinaldı

(youtube:

)

black sabbath coveri

(youtube:

)

iron maiden coveri

(youtube:

)

jimi hendrix coveri

(youtube:

)

dream theater coveri

(youtube:

)

metalium coveri

(youtube:

)

siyahını bir az da uzatmaq olar

11 əjdaha! 04.08.2014 00:29, baba

#129030 şikayət

cem yılmazın bir pox olmaması

+13 əjdaha

adamın nikində "seks" sözü var, beldən aşağı-zad deyir.

yeri gəlmişkən, kompüterə azərbaycan şrifti gətirməkçün yol.
ekranın sağ aşağı küncündə en yazılan zadın üstündə mouse-un sağ düyməsini vur.
"параметры..." --> "добовить..." --> "азербайджанский, латинца (азербайджан)" seç. sonra 2 dəfə ok vur. ondan sonra doya-doya yaz öz hərflərimizlə. "azərbaycanlıları təhqir eliyir" deyə yazmısan e, ona görə yazdım bunu. yoxsa heç mənim də vecimə deyil kim nətər yazır

13 əjdaha! 19.10.2015 23:21, baba

#184228 şikayət

fransız müdafiəsi

+12 əjdaha

1. e4; e6 gedişlərilə müşayiət olunan şahmatdakı açılışlardan biri. fransız müdafiəsi daha çox qüvvəsinə və elastikliyinə görə məşhurdur. ilk mərhələlərdə qaralar üçün sıxıntılar yaşatsa da, nəticə etibarilə onlara üstünlük yaradır. ağlar şah cinahına fokuslandığı müddətdə qaralar vəzir cinahında əks-hücum imkanları qazanırlar.

bu müdafiə 1834-36cı illərdən sonra dəbə mindi. həmin illərdə london və paris şəhərlərinin şahmatçıları arasında çempionat keçirilirdi. çempionatda fransızlar bu açılışı ediblər. lakin ilk dünya çempionu wilhelm steinitz bu müdafiə haqqında belə deyib: "həyatım boyu heç vaxt bütün açılışların ən cansıxıcısı olan fransız müdafiəsini oynamamışam". fransız müdafiəsinin eco kodu (bütün variantları ilə birlikdə) c00- c19.

müdafiənin nəzəriyyəsinə tarixi əhəmiyyətli töhfələr verən şahmatçılar: mixail botvinnik, viktor korçnoy, aron nimtsoviç, tiqran petrosyan, lev psaxis, wolfgang uhlmann, rafael vaqanyan.
bu müdafiədən daha çox istifadə edən şahmatçılar: teymur rəcəbov, aleksandr xalifman, qata kamski, aleksandr morozeviç, nigel short və başqaları.

fransız müdafiəsi, adətən, 2. d4; d5 gedişləri ilə davam etdirilir. qaralar dərhal ağların e4 xanasındakı piyadasına hücum edir və rəqibini seçim qarşısında qoyur. ağlar 3. e5, 3. ac3 və ya 3. ad2 gedişlərilə piyada dəyişdirməkdən imtina edə bilər.

1. e4; e6; 2. d4; d5 gedişlərindən sonrakı variantlar:

3. ac3 - fransız müdafiəsi ilə başlayan oyunların 40%i at c3 gedişi ilə davam etdirilib. qaraların 3 əsas gediş variantı var:
• rubinşteyn variantı - 3...dxe4
• vinaver variantı - 3...fb4
• klassik variant - 3...af6
3. ad2 - tarrasch variantı
3. exd5, exd5 - dəyişdirmə variantı
3. e5 - hücum variantı

1. e4, e6 gedişlərindən sonra oyun 2. d4, d5 şəklində davam etməyə də bilər. belə ki, ağların bir neçə seçimi var:
2. f4 - labourdonnais variantı
2. ve2 - çiqorin variantı
2. af3, d5; 3. ac3 - iki at variantı
2. c4 - steiner variantı
2. b3
2. d3 - bu gediş bobby fischer, lev psaxis, pal benko kimi qrossmeysterlər tərəfindən oynanılıb.

9 əjdaha! 28.02.2016 20:32, baba

#201262 şikayət

john lennon

+10 əjdaha

qatili mark david chapman hadisə yerində yaxalanarkən cibində jerome david salingerin “çovdarlıqda uçurumdan qoruyan” kitabı tapılmışdı. çapman kitabın ilk səhifəsinə “holden caulfield” imzası ilə “bu mənim bəyanımdır” yazmışdı. cinayətdən öncəki günlərdə kitabdan bəzi səhnələri canlandırdığını deyən çapman, lennon haqqında demişdi: “otelimə qayıtmaq istədim, amma bacarmadım. o çıxana qədər gözlədim. ördəklərin qışda hara getdiyini bircə o bilirdi, mənə də onu öyrənmək lazım idi.” çapman, lennonu vurduqdan sonra qaldırımda oturub məşhur müğənninin ölümünü izləyərək romanı oxumağa davam etmişdi. 9 il sonra aktrisa rebecca schefferin öldürülməsində təqsirləndirilən robert john bardo da eyni romanı hadisə yerində ikən cibində gəzdirirmiş

10 əjdaha! 12.12.2015 01:27, baba

#190069 şikayət

sözaltı etiraf

+10 əjdaha

əvvəllər kinoya baxanda ondan çox şey öyrənməyə, həm texniki, həm də digər tərəfləri götürməyə çalışırdım. bu yaddaşsız halımla yadımda saxlıyırdım. amma indi bəzən olur ki sırf sözlüyə haqqında yazmaqçün hansısa filmə oturub baxıram. mən yenə də işığa, rəngə, ssenariyə, aktyor oyununa, rejissor işinə fikir verirəm əvvəlki kimi, amma indi daha bir məqsəd də sözlükdə yazmaqdı

10 əjdaha! 18.07.2014 00:09, baba

#127150 şikayət

the dark side of the moon

+10 əjdaha

məşhur ingilis proqressiv rok qrupu pink floydun 8ci studiya albomu. “the dark side of the moon” (“ayın qaranlıq tərəfi”) 1 mart 1973cü ildə satışa çıxarılır. elə həmin gündən etibarən dərhal uğur qazanmağa başlayan albom 1988ci ilə qədər, düz 741 həftə billboard reytinqindən düşmür. bu günə qədər 45 milyondan çox nüsxə satılmaqla qrupun ən çox satılan 1ci, rok musiqisi tarixində ən çox satılan 2ci (1ci yerdə ac/dcnin “back in black” albomudur), ümumiyyətlə musiqi tarixində ən çox satılan 3cü albom olur. albom dinləyicilər, tənqidçilər tərəfindən qrupun ən yaxşısı hesab edilir və bütün dövrlərin ən yaxşı albomları siyahılarında həmişə yer alır.

david gilmour qrupa qatıldıqdan sonra keçmiş üzv, gitarist və mahnı sözləri yazan syd barrett qrupdan ayrılır. bundan sonra qrup bu gün tanındığı üslubunu qazanmağa başlayır. “the dark side of the moon” albomu qrupun david gilmour’la ilk işidir və uğurlar elə bu albomdan sonra başlayır.

albomun qəribə cəhəti odur ki, tərkibindəki mahnılar bir-birini dayanmadan əvəz edir, sanki bütöv albom bir musiqidən ibarətdir. ürək döyüntüsü ilə başlayır, ürək döyüntüsü ilə də bitir. mahnı sözlərinin hamısı roger waters-ə məxsusdur. albom bütövlükdə müasir dünyanın insan həyatına təsirindən bəhs edir və “there is no dark side of the moon really... matter of fact it’s all dark” sözləri ilə bitir.

albom həmin dövrdə ilk dəfə olaraq əlavə səs effektlərindən istifadə etməklə rok musiqisində bir novatorluq edir. abbey roads studiyasına albomun yazılması üçün xüsusi cihazlar gətirilir. bu effektlərdə kassa aparatlarının səsləri, təyyarə uçuşu və digər səslər yer alır. ürək döyüntüsü effekti üçün isə xüsusi baraban hazırlanır.

albom bir neçə dəfə müxtəlif qrup və ifaçılar tərəfindən həm ciddi, həm də parodik formada cover edilmişdir:

• the squirrels qrupunun “ the not-so-bright side of the moon” albomu (2000) dinlə link

• reggae kollektivi easy star all-stars’ın dub-reggae janrın coveri – “ dub side of the moon” (2003) dinlə link

və “ dubber side of the moon” (2010) dinlə link

• billy sherwood’un təşkilatçılığı ilə müxtəlif musiqiçilərin yer aldığı “ return to the dark side of the moon” albomu (2006) dinlə link

• poor man’s whiskey qrupunun bluegrass janrında (country janrının altjanrıdır) “ dark side of the moonshine” albomu (2009) dinlə link

• the flaming lips qrupu və digərlərinin iştirakı ilə psixodelik janrında “ dark side of the moon” albomu (2009) dinlə link

• “ markells’ voices”-in akapella ifası: “ dark side of the moon a capella” dinlə link

albom üzərində çalışanlar:
ifaçılar: (qrupun üzvləri) david gilmour (vokal, gitar), nick mason (baraban), richard wright (klaviş, vocal), roger waters (bass gitar, vokal).
prodüserlər: qrup özü öz prodüserliyini edib.
dizayn və fotolar: gbax: hipgnosis group (albomun üz qapağı işini bu qrupdan storm thorgerson görüb).

youtube-da dinlə link

torrent-dən yüklə link

itunes-dən al link

amazon-dan sifariş ver link

7 əjdaha! 14.01.2016 18:50, baba

#194388 şikayət

vinaver variantı

+9 əjdaha

1. e4, e6; 2. d4, d5; 3. ac3, fb4 gedişləri ilə müşayiət olunan fransız müdafiəsinin variantlarından biri. bu variant nəzəriyyəçisi alman şahmatçı szymon winawerin * [şimon vinaver] şərəfinə adlandırılıb. qaraların 3...fb4 gedişi bu variantı təşkil edir. bu gedişlə qaralar ağların c3 xanasındakı atını çıxılmaz vəziyyətə salaraq növbəti gedişlərdə mərkəz uğrunda mübarizədə qalib gəlməyə çalışır. bundan sonra ağlar 4. e5 gedişilə mərkəz uğrunda mübarizəni öz xeyirlərinə dəyişib, qaraların fil b4 gedişinin mənasız olduğu təsiri yaratmağa çalışır. oyun, adətən, bu gedişlərlə davam edir: 4...c5; 5. a3, fxc3+; 6. bxc3

ağların qoşalaşmış piyadaları qaralara vəzir cinahında əks-hücum imkanı yaratsa da, onların mərkəzdəki mübarizəsini gücləndirir. eyni zamanda ağlar şah cinahında məkan üstünlüyü əldə edib, qaralar isə bu cinahda adi halda olduğundan daha zəifdir, çünki qara xanalı fili rəqibin atına dəyişib.

bu vəziyyətdə qaralar daha çox 6...ae7 gedişilə cavab verirlər. ağlar rəqibi qara xanalı filinin olmamasına görə 7. vg4 gedişilə g7 piyadasına hücum edir. qaraların 2 seçimi var:
• 7...vc7; 8. vxg7, tg8; 9. vxh7, cxd4 - qaralar şah cinahındakı piyadalarını qurban verərək, ağların mərkəz müdafiəsini darmadağın edir;
• 7...0-0; 8. fd3, abc6 - seçimdə isə qaralar rəqibə artıq fiqur qurban vermir, lakin şahını ağların hücuma cəhd göstərdiyi şah cinahında saxlayır.

yox, əgər ağlar 7ci gedişdə vəzir g4 oynamaq istəmirlərsə, 7. af3 və ya 7. a4 gedişlərini yoxlaya bilərlər:
• 7. af3 təbii inkişaf gedişidir. burada ideya növbəti gedişdə ağ xanalı fili e2, d3 (nadir hallarda b5) xanalarına gəlməklə qısa qalaqurma əməliyyatını yerinə yetirməkdir. bu, vinaver hücum variantı adlanır. görüş, adətən, bu gedişlə davam edir: 7...fd7; 8. fd3, c4; 9. fe2, fa4; 10. 0-0, va5; 11. fd2, abc6; 12. ag5, h6; 13. ah3, 0-0-0
• 7. a4 gedişində isə üçhissəli məqsəd var: bu, qaraların qara xanalı filinin olmaması ilə yaranan üstünlükdən istifadə üçün fil c1-a3 gedişinə hazırlıqdır. həmçinin qaraların gələcəkdə vəzir a5-a4 və ya c2 xanasına hücum etmək üçün fil d7-a4 gedişlərinin qarşısını alır. bunlardan başqa, əgər qaralar gələcəkdə piyada b6 oynayarsa (daha sonra ...fa6 oynamaqla pis vəziyyətdəki filini dəyişməyə çalışır), ağlar piyada a5 oynamaqla b6 piyadasına hücum edə bilər.

vinaver variantının əlavə versiyaları:
ağlar üçün 4cü gediş versiyaları:
• 4.exd5, exd5 - dəyişdirmə variantı
• 4. ae2, dxe4; 5. a3, fe7 (əgər qaralar piyadasını qorumaq istəyirsə, 5...fxc3+; 6. axe4) qaralar qoşa piyada yaranmasının qarşısını alır
• 4. fd3 - e4 xanasını müdafiə edir
• 4. a3, fxc3+; 5. bxc3, dxe4; 6. vg4 - qaraların g7 xanasındakı zəifliyinə hücum edilir
• 4. e5, c5; 5. fd2 - yenidən piyada qoşalaşmasının qarşısı alınır
• 4. fd2

qaralar üçün 4cü gediş versiyaları:
• 4...ae7
• 4...b6 ardınca ...fa6 ideyası ilə, yaxud 4...vd7 vəzirlərini görüşü ideyası ilə: 5. vg4, f5
• 4. e5, c5; 5. a3, fa5 - erməni variantı. nəzəriyyəsi erməni şahmatçıları (xüsusən də rafel vaqanyan) tərəfindən işləndiyinə və ən çox bu şahmatçılar tərəfindən oynanıldığına görə belə adlandırılıb. qaralar atı çıxılmaz vəziyyətə salır və ağlar, adətən, onu bu vəziyyətdən çıxarmağa çalışırlar: 6. b4, cxb4; 7. vg4, yaxud 7. ab5 (adətən, 7. ab5, bxa3+; 8. c3, fc7; 9. fxa3

9 əjdaha! 29.02.2016 20:18, baba

#201428 şikayət

kreuzweg

+9 əjdaha

rejissoru dietrich brüggemann olan alman filmi.

hər şeydən əvvəl xahiş edirəm ki, filmə baxmadan bu entryni oxumayın. həm spoiler var, həm də baxmamış oxusaz, temanı tutmayacaqsız.

filmi anlamaq üçün onun adından başlamaq lazımdı. kreuzweg - almancadan tərcümədə " çarmıxın dayanacaqları" deməkdir. ingiliscəsi stations of the cross, ruscası богослужение крестного пути. çarmıxın dayanacaqları isa məsihin çarmıxa çəkildiyi gününü təsvir edən şəkillər seriyasına verilən addır. seriya 14 şəkildən link

ibarətdir. əsasən baş katolik kilsələrində rast gəlinir.
və hər şəkil isanın çarmıxa çəkilməsi hadisəsinin bir mərhələsidir, bir dayanacağıdır. dayanacaqlar belə sıralanır:

1. isa ölümə məhkum edilir (jesus is condemned to death)
2. isa çarmıxını daşıyır (jesus carries his cross)
3. isa birinci dəfə yıxılır (jesus falls the first time)
4. isa anası ilə görüşür (jesus meets his mother)
5. kirenalı simon isaya çarmıxı daşımaqda kömək edir (simon of cyrene helps jesus carry the cross)
6. veronika isanın üzünü silir (veronica wipes the face of jesus)
7. isa ikinci dəfə yıxılır (jesus falls the second time)
8. isa qüds qadınları ilə görüşür (jesus meets the women of jerusalem)
9. isa üçüncü dəfə yıxılır (jesus falls the third time)
10. isanın libası çıxardılır (jesus is stripped of his garments)
11. isa çarmıxa çəkilir (crucifixion: jesus is nailed to the cross)
12. isa çarmıxda ölür (jesus dies on the cross)
13. isa çarmıxdan düşürdülür (jesus is taken down from the cross)
14. isa məzara qoyulur (jesus is laid in the tomb)

bunları nahaq yerə yazmadım; film 14 hissədən və səhnədən/kadrdan ibarətdir. hamısı da şəkillər seriyası ilə uzlaşır və hər hissənin də adı yuxarıda yazdığım kimidir.

film qatı katolik ailəsində böyüyən 14 yaşlı mariya adlı qızdan bəhs edir.
1ci səhnədə * 1. isa ölümə məhkum edilir 6 şagird 1 rahibdən sonuncu dərsi alırlar. bu dərsdən bir neçə gün sonra uşaqlar qüvvətləndirmə ayininə qatılacaqlar. rahib uşaqlara musiqinin şeytani əməl olduğunu, hər cür zövqdən qurtularaq günahlardan arınmağın mümkünlüyünü başa salır, artıq onların isanın döyüşçüləri olduğunu deyir. hamı gedəndən sonra maria qalır və danışa bilməyən 4 yaşlı qardaşı johannes üçün həyatını isa məsihə fəda etməsi fikrini rahibinə açıqlayır.

2ci səhnədə * isa çarmıxını daşıyır ailə gəzintisi zamanı maria ona isti olduğunu deyir və paltarlarını çıxardır. ailəvi şəkil çəkdirməkdən imtina etsə də, sonra kadrda gülümsəmir. ağlayan qardaşını yalnız o sakitləşdirir.

3cü səhnədə * isa birinci dəfə yıxılır məktəbin kitabxanasında christian adlı oğlanla tanış olur. o da dindardı, amma məzhəbləri fərqlidir. christian onu öz kilsə xorlarına dəvət edir. maria getməyi çox istəyir, ancaq anasından icazə almalıdır.

4cü səhnədə * isa anası ilə görüşür maria kitabxanadan çıxıb anasının maşınına əyləşir və birlikdə evə gəlirlər. yolda söhbət əsnasında mariya rebecca adlı paralel sinif yoldaşının onu kilsə xoruna dəvət etdiyini deyir, yəni cümləsinin yarısı yalandı. qorxur ki, anası onun oğlanla kilsəyə getməsini bilib icazə verməyəcək, ona görə christian-ı rebecca ilə dəyişir. amma yenə də bu mübahisəni uduzur və icazə ala bilmir.

5ci səhnədə * kirenalı simon isaya çarmıxı daşımaqda kömək edir maria altarda padreyə günahlarını etiraf edir: tənbəllikdən ev işlərində kömək etməyib, doyduqdan sonra yeməyə davam edib, özünübəyənmişlik edib görünüşü haqqında düşünüb (burda 2ci səhnədə ailəvi şəkil çəkilərkən gözəl görünməməsi üçün gülümsəməməsinə işarə edir), anasının kiçik qardaşına qarşı yaxşı davranmadığını, onun daha yaxşı davrana biləcəyini düşündüyünü deyir. padre decalogue-dakı * xristian inancındakı 10 əmr 4cü əmri ona xatırladır: valideynlərinə iltifat göstər * honour thy father and thy mother . daha sonra mariya anasına yalan danışdığını (christian yerinə rebecca deməsini) deyir, padre də ondan bu günahını düzəltməsini istəyir.

6cı səhnədə * veronika isanın üzünü silir ailə yemək masasına toplaşır. maria hər kəsin içində anasına yalan danışdığını etiraf edib həqiqətləri açır. anası onu çox danlayır və maria göz yaşı tökməyə başlayır. bu zaman uşaqların dayəsi bernadette marianı sakitləşdirir və onlar yeməyə davam edirlər.

7ci səhnədə * isa ikinci dəfə yıxılır məktəbdə idman dərsində gimnastik hərəkətlər edərkən müəllim mahnı qoşur. maria (1ci səhnədəki rahib müəllimin tapşırığını xatırlayaraq) müəlliminə musiqinin şeytani olduğunu deyib onu dayandırmasını istəyir. qısa söz-söhbətdən sonra müəllim musiqini dayandırır. bu zaman digər uşaqlar mariayaya lağ etməyə başlayır. christian ona qahmar çıxmaq istəyərkən hər ikisi birlikdə məzhəkə obyektinə çevrilir. burada dinə və dinsizliyə hörmət, tolerantlıq kimi məsələlər müzakirə olunur:

(youtube:

)

8ci səhnədə * isa qüds qadınları ilə görüşür maria christiandan xahiş edir ki, ondan uzaqlaşsın. çünki o, cənnətə, allahın yanına getmək istəyir. christian isə ona bu yolda mane olur.

9cu səhnədə * isa üçüncü dəfə yıxılır kilsə moizəsi dinlənilir, ondan sonra isə uşaqların qüvvətləndirmə ayini yerinə yetirilir. sıra mariaya çatanda o, huşunu itirib yıxılır.

10cu səhnədə * isanın libası çıxardılır maria həkimin otağında müayinə üçün yarıçılpaq vəziyyətdədir. həkim maria ilə söhbət etmək üçün anasından otağı tərk etməyi tələb edir. anası qəti şəkildə fikrindən dönmür, otaqdan çıxmır. maria bernadette-nin onun yanına gəlməsini xahiş edir.

11ci səhnədə * isa çarmıxa çəkilir xəstəxanada maria yeməkdən imtina edir, onu heç cürə yola gətirə bilmirlər. o, bernadette ilə birlikdə dua edir, sonra maria öləcəyindən əminliklə danışmağa başlayır və bernadette-dən xahiş edir ki, rahibi çağırsın və onun üçün aşai rabbani ayinini icra etsinlər.

12ci səhnədə * isa çarmıxda ölür aşai rabbani ayini yerinə yetirilərkən ağzında çörək olan maria ölür. həkimlər dərhal şok verməyə, ürək masajı etməyə çalışsalar da, həyatını xilas edə bilmirlər. maria ölən kimi danışa bilməyən kiçik qardaşı johannes-in nitqi açılır və ilk sözü: "maria! maria hardadı?" olur.

13cü səhnədə * isa çarmıxdan düşürdülür marianın atası və anası birlikdə kataloqdan tabut seçirlər. anası ağ rəngli tabut istəyir. daha sonra tabutsatana qızının müqəddəs olması barədə danışır. söhbətini bitirməmiş hönkürərək ağlayır.

və nəhayət, sonuncu, 14cü səhnədə * isa məzara qoyulur maria qəbrinin içində yatır, traktorla məzarını torpaqlayırlar.

göründüyü kimi, stations of the cross bircə-bircə tamamlanır. isa məsihin başına gələn hadisələr eynilə marianın da başına gəlir və maria həmin hadisələrdən sonra isanın keçirdiyi hisslərin, yaşadığı əzabların eynisini yaşayır:
1ci səhnədə marianın qardaşının danışa bilməsi üçün həyatını fəda etməyə qərar verməsi - isa məsihin ölümə məhkum edilməsi.
2ci səhnədə marianın bilərəkdən palto geyinməməsi, ki bu yolla özünü soyuğa verib xəstələndirəcək və onun xəstə həyatı başlayacaq - isanın çarmıxını daşıması.
3cü səhnədə marianın christiana aşiq olması * bunu altarda etiraf edir , kilsə xorunda musiqi ifa etməklə günah işlətməyə meyilli olması - isanın birinci dəfə yıxılması.
4cü səhnədə kitabxanadan çıxıb anası ilə bu barədə söhbət etməsi - isanın anası ilə görüşməsi
5ci səhnədə padrenin marianın günahlarını çıxartması - kirenalı simonun isaya çarmıxı daşımasında kömək etməsi.
6cı səhnədə yemək masasında maria ağlayarkən bernadette onu sakitləşdirir - veronikanın isanın üzünü silməsi.
7ci səhnədə idman dərsində marianın inancına hörmət edilməməsi, lağa qoyulması - isanın ikinci dəfə yıxılması.
8ci səhnədə marianın christianı özündən uzaqlaşdırması - isanın qüds qadınları ilə görüşməsi.
9cu səhnədə qüvvətləndirmə mərasimi zamanı marianın huşunu itirib yıxılması - isanın üçüncü dəfə yıxılması.
10cu səhnədə müayinə üçün marianın soyunması - isanın libasının çıxarılması.
11ci səhnədə maria öləcəyini bilir, son dəfə dua edir - isanın çarmıxa çəkilməsi.
12ci səhnədə marianın ölməsi - isanın çarmıxda ölməsi.
13cü səhnədə valideynləri tabut seçərkən anası marianın müqəddəs olmasından danışdığı yerdə ağlayır (burada anası mariaya qarşı dürüst olmadığını, onu incitdiyini başa düşür məncə) - isanın çarmıxdan endirilməsi.
14cü səhnədə marianın qəbrinin torpaqlanması - isanın məzara yatırılması.

eyniləşdirmələr və ya oxşatmalar:
maria - isa məsih
bernadette - veronika
altardakı padre - kirenalı simon

5 əjdaha! 20.10.2015 20:51, baba

#184304 şikayət

aziza mustafa zadeh

+9 əjdaha

azərbaycanlı cazz musiqiçi əzizə mustafazadənin 1991ci ildə çıxardığı ilk albomudur. elə öz adını daşıyır. albomdakı musiqilər almaniyanın lüdviqsburq şəhərində columbia studiyasında yazılıb. statistikaya əsasən, ümumi olaraq 700 mindən çox nüsxəsi satılan albomda azərbaycan xalq musiqisi və muğamı qərb cazzı ilə sintez edilir. atası vaqif mustafazadənin təsiri ilə yanaşı, tənqidçilərin dediyinə görə, chick korea, keith jarrett kimi cazmen və qrupların təsiri də aydın hiss olunur.

albom üzərində çalışanlar:
ifaçı: əzizə mustafazadə (piano, vokal) (digər ifaçıların kimliyini tapa bilmədim)
prodüserlər: dr. george butler, reinhard karwatky, ingo werner
Dizayner: aimee macauley

youtube-da dinlə link

torrent-dən yüklə link

itunes-dən al link

amazon-dan sifariş ver link

9 əjdaha! 11.01.2016 21:09, baba

#194104 şikayət

psycho

+7 əjdaha

müxtəlif vaxtlarda hazırlanmış "ölməzdən əvvəl baxılası" film seriyalarında həmişə olmuş bir alfred hitchcock filmi. filmin psixoloji/psixoanalitik tərəfləri də var.

həmin tərəflərdən biri ananın yaşadığı evdə baş verən hadisələrin üç mərhələdə reallaşmasıdır: ikinci mərtəbə, birinci mərtəbə və zirzəmi. bu, sanki, insan subyektivliyinin üç mərhələsidir. birinci mərtəbə egonu simvolizə edir. norman burda normal egosundan qalan artıqlarla normal bir övlad kimi davranır. ikinci mərtəbə superegodur. maternal (ana) superego. çünki ölən ana əslində bir superego fiqurudur. zirzəmi isə id deməkdir.

7 əjdaha! 27.07.2014 00:08, baba

#128150 şikayət

rubinşteyn variantı

+7 əjdaha

1. e4, e6; 2. d4, d5; 3. ac3, dxe4 gedişləri ilə müşayiət olunan şahmatda fransız müdafiəsinin variantlarından biri. bu variant polyak qrossmeyster akiba rubinsteinin şərəfinə adlandırılıb. qaraların 3...dxe4 gedişi bu variantı təşkil edir. bundan başqa ağların 3. ad2 gedişindən sonra da qaralar 3...dxe4 oynaya bilərlər. ağlar daha rahat inkişafa və qaraların c7-c5 oynamaqla neytrallaşdırmağa çalışdığı mərkəzdə daha çox boş yerə sahib olur. bu möhkəm xətt güclü inkişafa meyillənir.

rubinşteyn müdafiəsində 3...dxe4 gedişindən sonra, ağlar 4. axe4 oynayarsa, qaraların əsasən 2 gediş seçimi var:
• ən məşhur gediş sistemi: 4...ad7; 5. af3, agf6; 6. axf6+ axf6. və bununla da qaralar c5 gedişinə hazırdır.
• ağ xanalı filin aktivləşdirilməsi - 4...fd7; 5. af3, fc6 - fort knox variantı

6 əjdaha! 28.02.2016 21:21, baba

#201277 şikayət

deep purple

+9 əjdaha

child in time parçasının müəllifi olan qrup.

(youtube:

)

bu 10 dəqiqlik mahnını 1970də vyetnam müharibəsinə prostest olaraq yazıblar. mahnı müəllifi ian gillan deyir ki, bunu it's a beautiful day qrupunun bombay calling musiqisinin təsiri ilə yazıb.

(youtube:

)

ian gillan müsahibələrinin birində bunları deyib:

"mahnının iki tərəfi var - müzikal tərəfi və sözləri. jon ford * qrupun organ ifaçısıdı bir dəfə it's a beautiful dayin bombay calling mahnısını keyboardda ifaə eləməyə başladı. çox gözəl səslənirdi və biz fikirləşdik ki, bunun üstündə işləməklə, əlavələr eləməklə daha da yaxşı çala bilərik. lakin həmin vaxta qədər mən bombay calling mahnısını eşitməmişdim. elə orda soyuq müharibəni mövzu kimi götürərək "sweet child in time, you'll see the line" sözlərini yazdım. bununla da mahnının sözlər tərəfi əmələ gəldi."

parçanın tərcüməsi * hərfi tərcümədir, təbii ki, hər əsər öz dilində daha gözəldi

şirin uşaq, zamanla görəcəksən xətti,
yaxşı və pisin arasına çəkilmiş xətti.
görəcəksən dünyaya atəş açan kor adamı.
uçuşan mərmiləri, ölüm zənglərini
əgər pisliklərin varsa - mərc gəlirəm ki var, -
və uçuşan güllələrə tuş gəlməmisənsə,
yaxşısı, gözlərini bağla, başını əy,
gözlə güllənin səkməsini

9 əjdaha! 04.08.2014 00:04, baba

#129025 şikayət

səid ünsizadə

+7 əjdaha

tam adı hacı səid əfəndi ünsizadədir. bəzi mənbələrə görə 1845, bəzi mənbələrə görə isə 30cu illərdə şamaxıda anadan olub. yeni yaranan azərbaycan mətbuatına əvəzsiz xidmətlər göstərmişdir.
üç qardaş olublar - səid ünsizadə, cəlal ünsizadə, kamal ünsizadə.

bu qardaşların atalarının adı şamaxı hakimi cəfərqulu xanın şeirlərinin birində çəkilir, alim bir şəxs kimi təqdim olunur. əldə olunan materiallardan bəlli olur ki, əbdürrəhman əfəndi "ünsi" təxəllüsü ilə şeirlər yazmış, yaşadığı şamaxı və ətraf bölgələrdə tanınmışdır. əbdürrəhman əfəndinin ölümündən sonra oğlanları ünsizadə soyadını götürmüşlər. ailənin böyük övladı hacı səid ilk təhsilini atasından almışdır. şamaxı mədrəsəsini bitirdikdən sonra təhsilini mükəmməlləşdirmək üçün dövrün islam mədəniyyətinin beşiyi hesab olunan bağdada getmiş, islamı mükəmməl öyrənmişdir. təhsilini bitirdikdən sonra şamaxıya qayıtmış, burada məktəb açaraq, ədəbi yaradıcılıqla məşğul olmuş, beytül-səfa şeir məclisində iştirak etmişdir.

ortaya çıxarılan sənədlərdən bəlli olur ki, ziya qəzetinin yaradıcısı səid ünsizadə 1866-cı ildə şamaxı şəriət məclisinə üzv seçilmişdir. üç il sonra isə səid əfəndi bakı quberniyası ruhani məclisinin üzvü kimi dini fəaliyyətlə məşğul olmuşdur. xalqın maariflənməsinə daim maraq göstərən səid əfəndi 1875-ci ildə şamaxıya qayıdır və ruhani idarəsinin sərəncamında olan bir məktəb açır. məktəbdə dini elmlərlə yanaşı, azərbaycan türkcəsi, rus, ərəb və fars dilləri, həmçinin hesab fənni tədris olunurdu. 1876-1877-ci illərdə bu məktəbdə 100 nəfərdən çox şagirdin təhsil alması barədə məlumatlar da var.

qafqaz canişinliyi baş idarəsinin təqdimatı ilə 1877-ci ildə səid ünsizadə zaqafqaziya ruhani idarəsinə ezam olunur. iki aya yaxın orada çalışır. səid ünsizadə bu ildən etibarən tiflisə köçüb, 1884-cü ilədək orada yaşamış və ruhani idarəsində çalışmışdır. tiflisin ədəbi-mədəni mühiti onun arzusunda olduğu qəzet nəşri və mətbəə yaratmaq kimi dövrün ən mütərəqqi ideyasını həyata keçirməyə imkan yaradır.

(bax: ziya)
(bax: ziyayi-qafqaziyyə)

7 əjdaha! 19.12.2014 00:23, baba

#139163 şikayət

yeraltı kitab kafe

+6 əjdaha

etibarını da, cool`luğunu da itirmiş kitab kafesi. ictimai sektorun nisyə pivə içənləri tökülüşür. bir də görürsən 2 gənc qucaqlaşdı, öpüşdü. çox dəxilsiz yerdə mahnının səsini artırırlar. seymur baycanı bir neçə dəfə orda qıraqda oturub (heç stulda da yox a) nəsə yazan görmüşəm

5 əjdaha! 04.07.2014 12:06, baba

#125960 şikayət

world press photo

+7 əjdaha

bu il seçdikləri ilin fotosu link

ilə təəccübləndirdilər məni. daha doğrusu, bu fotonun seçilməsi təəccübləndirmədi, əsas məsələ mükafatın burhan özbiliciyə verilməsindən sonrakı söz-söhbətlər oldu. münsiflərdən biri stuart franklin açıq şəkildə dedi ki, mən bu fotoya mənfi səs vermişdim. bu foto wpp-nun 50-60 illik ənənəsinə ziddir. amma bu foto seçildi.

şəxsi fikir olaraq bu barədə nəsə demək mənimçün çətindir, ancaq ümumiyyətlə digər kateqoriyalar üzrə laureatlar layiqli idilər. xüsusilə də daniel berehulakın fotoseriyası link

ləzzət eləmişdi. o seriyaya yayda the new york timesın saytında baxanda mükafat alacağını gözləyirdim hardasa.

5 əjdaha! 02.03.2017 01:22, baba

#247656 şikayət

tabutta rövaşata

+6 əjdaha

bir dərviş zaim filmi. '96nın filmidi.
filmə çoxdan baxmışam, bəlkə 2 il keçib üstündən. ona görə yazdıqlarım bir az qeyri-dəqiq ola bilər.
çoxdan baxmağıma baxmayaraq, tövsiyə olunası filmdi. evsiz, işsiz, bomj mahsun balıqçı dostlarının sayəsində yaşayır. adamın tək sevdası maşındı. gecələr oğruladığı maşınları aparır, sürür və çox vaxt da təşəkkür olaraq yuyub, silib, təmizliyib oğruladığı yerə qaytarır. sonra bir kafenin tualetçisi kimi işə düzələ bilir yenə dostlarının sayəsində. orda bir qıza aşiq olur. tam da həyatı dəyişdi deyəcəkkən sevdim qəhbə çıxdı söhbəti çıxır ortaya. çünki qız, mahsunun ona təmənnasız verdiyi otağa kişilər gətirir, altına uzanır, pulunu qazanır və mahsunu türklər demiş, büyük hayal kırıklığına uğratır.
mahsun isə qorunan bir qalanın içində otarılan bir neçə tovuzquşuna meyil salır. və hər gün birini oğrulayır. sonunda yaxalanır. ardına gedib özüvüz baxarsız. jafar panahinin də dediyi kimi, filmləri izah etmək mümkündüsə, daha niyə çəkilir ki?! * nəsə bu məzmunda bir söz idi
mənim filmdən aldığım mesajı bir cümlə ilə ifadə etsəm: hər kəs yaşadığı həyata layiqdi. doğrudan da, düşüncələrimə təsir edən mükəmməl filmlərdəndir.

hələ-hələ soundtracki unudulmayıb. neçə-neçə gecələrimi vermişəm bu meditativ musiqiyə

(youtube:

)

5 əjdaha! 05.07.2014 14:53, baba

#126116 şikayət

yazarların sevdikləri albomlar

+5 əjdaha

daha çox albom tövsiyəsi almaq istədiyim üçün açdığım başlıq.
özümün tövsiyəmə qalsa, təbii ki, bu başlıq katatoniasız və onun the great cold distance albomu olmadan olmaz. profil şəklimi bilməyənlərçün də bələdçi olar -*

(youtube:

)

5 əjdaha! 15.07.2014 18:15, baba

#126978 şikayət

yeraltı

+5 əjdaha

zeki demirkubuzun son filmi. təxmini hesablamalarıma görə ya bu, ya da gələn il növbəti filmini çəkməyə başlayacaq -*
film fyodor mixayloviç dostoyevskinin yeraltından qeydlər kitabındadır, onu anladıq. amma dostoyevski deməmişdi ki, get nuri bilge ceylana söz sox. üç maymun üstündə başlayan davaları səbəbilə zeki bu filmdə nurini cevat rolunda görür. cevatın mükafat almış əsərinin adı ankara sıkıntısıdır. nurinin filmlərindən biri isə mayıs sıkıntısıdır. film keçmiş dostların - muharrem və cevatın (oxu: nuri və zekinin) əvvəlki dostluqlarına cevatın (oxu: nurinin) başqalarının fikirlərini oğrulayaraq ankara sıkıntısı (oxu: üç maymun) adlı kitab yazması (oxu: film çəkməsi) və bunun mükafat alması, cevatın isə bundan fərəhlənməsindən, muharremin yalnızlığından bəhs edir.
film boyu gözə çarpan kartof məncə insanın həmişə yanında olan ağrı-acıları və müsbət əhval ruhiyyəni simvolizə edir. dəqiq deyə bilmərəm.
bu arada zekinin ernesto che guevaranın guerrillero heroico portretindən subliminal mesaj kimi istifadə etməsi nəzərimdən qaçmayıb -*

5 əjdaha! 05.07.2014 17:48, baba

#126127 şikayət

jurnalisti döydürən futbolçu

+7 əjdaha

əvvəla rasim əliyevin cavid hüseynovun qohumları tərəfindən döyülməsi dəqiqləşdirilməyib. bu ehtimaldır. başqa bir ehtimal da var: iyulun 25də jurnalist naməlum şəxslər tərəfindən hədələnib və o, bununla bağlı polisə müraciət edib. bunu da araşdırmaq lazımdır.

ikincisi, əgər həqiqətən də cavid hüseynovun qohumları tərəfindən döyülüb öldürülübsə, soxum belə millət və qardaşlıq təəssübkeşliyinə. millətçi qeyri-millətçini öldürəndə haqq eləmiş olur, ama əksinə olanda cinayət? millətinə inanırsan, qozumaki, məni niyə öldürürsən? çoxdandı ölkədə qəhbəliy baş alıb gedir. jurnalist döyənlərin, yazıçı bıçaqlayanların nəsli kəsilmədikcə bu ölkə yaşanılası yer olmayacaq. sonra da jurnalistlərə ev zad verirsiz. sərbəstlik verin, öldürülməsinin qarşısını alın, eviniz götünüzə girsin.

6 əjdaha! 09.08.2015 13:01, baba

#177572 şikayət

aşıq qərib

+5 əjdaha

1988ci il istehsallı gürcü-erməni-azərbaycan filmi. bildiyiniz əsl qafqaz filmi. hər şeydən əvvəl filmin heyətini qeyd eləmək lazımdı:

rejissor - sergei parajanov * yaxud, paracanov
ssenari - mixail lermontovun qısa hekayəsi əsasında yazılıb
bəstəkar - cavanşir quliyev
ifa - alim qasımov
aktyorlar - yuri mqoyan, sofiko çiaureli, ramaz çxikvadze, konstantin stepankov

film azərbaycan dilindədi. rejissor filmi özünün ən yaxın dostu andrey tarkovskiyə həsr edib. şeirsəl, poetik bir filmdi. tarkovskiyə həsr olunubsa belə də olmalıydı. adi tamaşaçı üçün darıxdırıcı gələ bilər, ama art-house sevənlərin xoşuna gələcək. çünki film simvolik məna ilə doludur. sanki "12-15ci əsrlərdə film çəkilsəydi, necə olardı?" sualına bir cavabdı. istifadə olunan elementlərdə isə milli kolorit var. hər dəfə bir rəngdə olan nar, ağ və qara göyərçinlər, ağ, qara, qırmızı yolun olması və s. musiqilər də çox gözəl seçilib.

bir az ağır filmdi, hər adam üçün deyil.

baxmaq istəyənlərçün link

(youtube:

)

5 əjdaha! 06.08.2014 13:08, baba

#129286 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

baba

son bəyənilənlər:

oxuyucuların bəyəndikləri: