insan psixikası haqqında öyrənməyə başlamaq özünü qara dəliyə doğru aparmağın ilk addımlarıdır, çünki öyrəndikcə daha çox özünə çəkəcək səni, bu mürəkkəb quruluşu tamamilə öyrənmək mümkün deyil amma artıq bəzi şeylər sənə aydın olmağa başladıqdan sonra insan münasibətlərinin arxasındakı çoxlarının görmədiyi səbəbləri görməyə başlayırsan. Ətrafdakıların sənə verdiyi tövsiyələr çoxdan sənin beyin süzgəcindən keçmiş sənə tanış fikirlər kimi gəlməyə başlayır
Yavaş-yavaş özünün görünməyən tərəflərini üzə çıxarmağa başlamaqla yanaşı, başqlarınında şüuraltısında nələr olduğunu təxmin etməyə başlayırsan. insanları mühakimə edə, əvvəlki kimi qınaya və lağ mənbəyinə çevirə bilmirsən çünki, bir fərdin formalaşmasında keçdiyi bütün yolların (gen, ailə, ətraf mühit, sosial təsirlər və s.) dərk etməyə başlayırsan
Bir müddət sonra öyrəndiyin hər şey sənin üçün yükə çevrilməyə başlayır, özünü təcrid etmək istəyirsən, insanlarla emosional olaraq uzaqlaşmağa başlayırsan, onların hisləri, düşüncələri səthi gəlməyə başlayır və sənə yeni nəsə qatmadıqlarını bilirsən, bununla bərabər onlara şüuraltı dünyalarının necə işlədiyini, bunu bilməyin bir fərqindəlik olmasını izah edə bilməyəcəyini də qəbullanırsan.