18. azərbaycan dilində gözəl danışanların qıtlığından qaynaqlanan qıtlıqdır. azərbaycan ədəbi dilində qarşılığı olan sözü bilməyib yerinə `türkiyə türkcəsindən` söz istifadə edənlərin müraciət etdikləri bəhanələrdən biridir eyni zamanda. söz qıtlığı azərbaycan dilində yoxdurmu?! əlbəttə ki, var. neçə milyon söz ehtiyatı olan ərəb dilində də söz qıtlığı var hal hazırda. hal hazırda deyirəm çünki müasir, çağdaş dünyada ortaya çıxan bir çox termin var ki, onların elə bütün dillərdə qarşılığı yoxdur. məcbur termin yaradırlar. bu cür ciddiyyətə malik bir mövzunu bu başlıqda müzakirə etməyəcəm. fəqət, şəxsi müşahidələrimə görə deyə bilərəm ki, azərbaycan dilinin kasıblığından şikayət edənlərin əksəriyyəti bu dili bilmir. bu dildə ədəbi əsər oxumayıb dilin naqisliyindən, kasadlığından gileylənənləri ciddi qəbul etmirəm şəxsən.