Məktəbdə cinsi əlaqəyə girən şagirdlər


    17. əsəblərimi bütün tarıma çəkən hadisə.

    neçə vaxtdı yazmaq istəyirəm, ancaq entry açmağa əlim gəlmirdi. dost-tanışla bu mövzuda danışmaq istəyirəm, ancaq bilirəm ki, nə onlar anlayacaqlar, nə də mən özümü istədiyim kimi ifadə eləyə biləcəm. burda yazacaqlarım bəlkə də sözlüyün ən liberal proqressiv yazarlarına belə qəribə gələcək, ancaq yazacam. nəysə çox şişirtmədən başlayım.

    deməli, bilirsiz, belə hadisələr hər 1-2 aydan bir baş verir bu ölkədə. hər zaman nəsə cəmiyyətin mentalitet gözləntilərindən kənara çıxan bir hadisə olur, hamı cumur sosial şəbəkələrə, çoxu mentalitetimiz belədir, bu əxlaqsızlıqdır zad deyir (buradakı birinci entry kimi), az bir hissə isə o tənqid olunanı müdafiə eləyir, bir-iki gün keçir söhbət bağlanır. heç kim heçnə qazanmır.

    right-libertarian olan biri olaraq isə məni tamam başqa məsələ narahat edir. fikrimcə cəmiyyətin belə bayağı söhbətləri belə ciddiyətlə danışması özü utandırıcıdır. ancaq, bundan əlavə dava eləyən hər iki tərəf əsas problemin nə olduğunu tamamilə itirirlər.

    problem "uşaqlar məktəbdə sevişiblər ya da metroda öpüşüblər. bu, bizim cəmiyyətə və mentalitetə uyğundur, əxlaqsız hərəkətdir ya yox?" problemi deyil. məncə mənasız müzakirədir bu. çünki, hərkəsin özünün bir əxlaq anlayışı var, tamamilə subyektivdir yəni. bununla bir nəticəyə çıxmaq olmaz.

    cəmiyyətimizin üzərində daha çox düşünməli olduğu şey "bu gənc metroda öpüşüb, nə bilim, məktəbdə sevişib, biz bu insanların şəxsi azadlıqlar hörmət eləməliyik, ya yox?" dur. dediyimi seks azadlığına yoza bilərsiz, (o qədər işlətmişiy ki, mənasını itirib) ancaq demək istədiyim tam olaraq bu deyil.

    neçəsə ay qabaq bir hadisə olmuşdu. gecə vaxtı qız bardan çıxanda döymüşdülər. yenə pox poxa qarışmışdı. hərə bir şey deyirdi. " o vaxtı qızın barda nə işi var?" "döyüblər, yaxşı eləyiblər" nə bilim nə. mənə bu həyatda ən yaxın olan adamlar belə bunları deyirdi, mən isə nəsə buna qarşı birşey demək istəyirdim, alındırammırdım. -* yenə deyirəm, söhbət qızın o vaxtı bardan çıxıb çıxması sizin əxlaq görüşüvüzə uyğun olub olmadığı deyil, söhbət qızın o vaxtı bardan çıxmaq azadlığı olduğu və sizin ona hörmət eləmək məcburiyyətində olduğuvuzdu.


    təbii ki, həyatda hər şeydə olduğu kimi, bu mövzu da qarışıqdı. dövlət müəssəsində, azyaşlı uşaqların sevişməyi hər kəsin uda biləcəyi bir şey deyil, anlayıram. mən özüm də 14 yaşlı uşağın hələ sevişəcək qədər yetkinliyə çatdığına inanmıram. amma ki, biz bir cəmiyyət olaraq bu hadisəyə daha yetkin cavab verə bilərdik. ölkədə seksin necə dağın başına çıxardırıldığını, həyatın bir hissəsi olduğunu, bəlkə də xarici ölkələrdə olduğu kimi məktəblərdə seks ilə bağlı dərslərin keçilməsi lazım olduğunu müzakirə eləyə bilərdik. (biologiya müəlliməsinin bəzi dərsləri keçmədiyi ölkədə belə şey deməy biraz idealistik oldu -* ) ancaq biz nə elədik? oğlanı peysər, qızı cırığ çıxartdıq. videonu yaydıq, nəticəni düşünmədən tənqid, təhqir elədik. uşaqların üzünü və adını yaydıq və böyük ehtimalla ikisinin də həyatlarını məhv elədik. elə bilirsiz o uşaqlar bu ölkədə hansısa bir məktəbdə və yaxud da başqa bir yerdə rahat gəzə biləcəklər bundan sonra? təbii ki, yox. ümid eləyirəm heç biri özünü öldürməz.

    bu söhbətdən tək yaxşı nəticə hər halda overton pəncərəsinin biraz yerinnən tərpənməyi oldu . ümid eləyirəm bundan daha kiçik şeylərə əvvəlki kimi böyük reaksiya verməriy.
    (bax: overton pəncərəsi )
    (youtube: )


    hər nəysə, biraz aləmi qatdım qatışdırdım, ürəyim dolu idi babat. qısaca demək istədiyim, biz, bir cəmiyyət olaraq insanların cinsi, dini , söz vs. vs. azadlıqlarına hörmət eləmədikcə heç vaxt azad ola bilməyəcəyik. hər zaman bir birimizin kölgəsində əziləcəyik. uşaqların da üstünə çalışın çox getməyin.






hamısını göstər