cəmiyyətimiz hələ buna hazır deyil


    1. azərbaycanda artıq şüara çevrilən bir şey. nə vaxt biriləri yaxşı bir şeyi, cəmiyyəti inkişaf etdirəcək bir fikri ortaya atsa bir qrup gəlib toplaşır ki, "cəmiyyətimiz hələ buna hazır deyil". dostlar əgər inqilab eləmək üçün cəmiyyətin hazır olmağını gözləyirinizsə sizə pis bir xəbərim var: "cəmiyyət heç vaxt buna hazır olmur". və oturub cəmiyyətin hazır olmasını gözləsən bu sonsuza qədər davam edəcək. və sənin gözlədiyin bu müddətdə cəmiyyət öz keçmiş fikrində daha da qəti olacaq hansı ki, sən dəyişmək istəyirsən. onda gərək M.Ə.Rəsulzadə 1918-ci il mayın 28-də Azərbaycan Xalq Cümhuriyyətinin qəbul etdiyi istiqlal Bəyannaməsinin IV bəndi ilə qadınlar səs verməl hüququnu verməyəydi, çünki cəmiyyətimiz buna hazır deyildi. nə bilim Qız və oğlan məktəblərinin birləşdirilməsi barədə qərar çıxarılmayaydı gərək çünki cəmiyyətimiz buna hazır deyildi. həmin dövrdə bunun cəmiyyətdən soruşsaydıq, cəmiyyətin istəyi ilə buna qərar versəydik kim bunu qəbul etdirərdi? cəmiyyət heç vaxt buna hazır olmayacaq və heç vaxt kəskin dəyişikliklər istəməyəcək. liderlər öz uzaqgörənliyi ilə cəmiyyəti irəli aparan şəxslərdi. və bu liderlər cəmiyyəti inkişaf etdirəcək qəararları qəbul edir hər şey cəmiyyətdən soruşmur. və qərarları qəbul edəndə cəmiyyətin hazır olmasını gözləmir. bütün inqilablar bir anda olur. əgər hər kəsin ayrı-arılıqda buna hazır olmasını gözləsək bu gözləmə bitməz. heç islamı yayanlar belə bunu edəndə cəmiyyətlərin hazır olub-olmamasını gözləməyiblər. azərbaycanda və digər yerlərdə islam necə yayılıb çox yaxşı bilirsiz. heç kəs bunu cəmiyyətin öhdəsinə buraxmayıb, cəmiyyətin nazı ilə oynamayıb. son olaraq Ford Motor Company'nin əsasını qoymus henry ford'un sözlərini çatdırım sizə: "Əgər insanlardan nə istədiklərini soruşsaydım, daha sürətlə hərəkət edən at istehsal etməliydim".






hamısını göstər