Dopamin beyindəki katexolaminlərin 80%-ni təşkil edən hormondur. Həmçinin neyrotransmitterdir, yəni neyronlar arasında ötürücülük funksiyasını daşıyır.
Dopaminin zövq alınan hansısa bir hərəkət və hadisə nəticəsində sekresiya olunduğunu hamı bilir. Sevdiyimiz birindən mesaj gələndə, qəşəng musiqiyə qulaq asanda, entryimiz favori seçiləndə, dadlı bir yemək yeyəndə və s. Bəs Sinir sistemi və bədənimiz üçün belə vacib hormonu niyə aşağı salaq?
Çünki anlıq zövq aldığımız şeylər asılılıq yarada (pavlovun iti kimi) və nəticədə həyat keyfiyyətinə mənfi təsir edə bilər. Bütün günü telefon və ya kompüterdə oyunlar oynayaraq, sosial şəbəkələrdə, pornoqrafik saytlarda keçirəndən sonra dərsləri, çoxdan oxumaq istədiyimiz bədii əsəri oxumağa, öyrənməyi hər gün sabaha saxladığımız dili öyrənməyə nə vaxt, nə də həvəs qalır.
Xüsusilə sosial şəbəkələr insanda asılılıq yaratmaq üçün dizayn edilib. Kəşf et bölmələrində rast gəlinən əlaqəli-əlaqəsiz video və şəkillər. Baxdıqca, baxırıq. Qüsurlu dövran kimidir.
Gülməli videolar, erotik bir videonun verdiyi cinsi həzz hamısı sinapsları uçurdur. Amma sonra gələn peşmançılıq hissinə dəymir. Maraqlı bir kitabı oxuyan zaman sekresiya olunan dopaminlə zərərli vərdiş zamanı sekresiya olunan dopamin arasında fərq var. Kitabı oxuyarkən əvvəl maraqsız gəlirsə, sonu peşmançılıqla qurtarmır, əksinə faydasını görürük. Bizsə Həmin maraqsız hissi yaşamamaq üçün anlıq həzz verən fəaliyyətlərə yönəlirik.
Dopamin detoksu - dopamin ifrazına sürətlə səbəb olan hər şeydən uzaq durmaq üçün işlədilən termindir. Əlbəttə, dopaminsiz həyat tərzi təsvir oluna bilməz. Burda məqsəd dopamini miqdar olaraq azaltmaq deyil. Dopamin kənardan gələn bir maddə deyil və onsuz da depolanır. Əsas məsələ, depolardan nə vaxt çıxaracağımızdır.
Hər nə qədər izlədiyim bəzi videolarda uzun müddətli detokslardan danışılsa da, hər gün 1-2 saatla başlayıb sonra artırmağın tərəfdarıyam.
Bu məqalədən ətraflı oxuya bilərsiniz: https://www.linkedin.com/pulse/dopamine-fasting-new-silicon-valley-trend-dr-cameron-sepah
Əlaqəli videolar:
(youtube: 
)
)(youtube: )
)(youtube: )
)Qeyd: özüm də bununla bağlı son 2-3 aydır ki, problemlər yaşayıram. Yazım məsləhət xarakterli deyil, daha çox motivasiya edicidir -*
Platonun da dediyi kimi: "ən böyük qələbə insanın öz üzərində olan qələbəsidir."
Edit: indi də dopamin çatmır * :/ .