2. 2009-cu il argentina-ispaniya ortaq istehsalı film. rejissoru juan josé campanella olan film, eduardo sacheri-nin las preguntas de sus ojos (gözlərindəki suallar) adlı romanı əsasında çəkilib. bundan əvvəl campanella-nın bir sıra filmlərində baş rolda oynamış aktyor ricardo darin, bu filmdə də yer alır. soledad villamil, javier godino, guillermo francella, pablo rago da filmdə iştirak edənlərdən bəziləridir. Süjet, filmin adından da göründüyü kimi, gözlər və baxışlar üzərindən inkişaf edir. 70-ci illər argentinası gözəl təsvir edilib. Bundan əlavə, film, stadion səhnəsi ilə də məşhurdur. film, “xarici dildə ən yaxşı film” və “ispanca ən yaxşı film” kimi nominasiyalarda mükafat alıb.
süjet: baş qəhrəman, məhkəmə agenti benjamin espósito təqaüdə çıxır. Boş vaxtını dəyərləndirmək üçün illər əvvəl şahid olduğu dəhşətli bir cinayət hadisəsi haqqında roman yazmaq qərarına gəlir. Bundan sonra film flashback ilə tez-tez 1974-cü ilə qayıdır. Həmin il liliano colotto adlı bir müəllim zorlanaraq öldürülür. Benjamin də liliano-nun yoldaşı ricardo morales-ə qatili tapacağına söz verir və ortağı pablo sandoval ilə birlikdə hərəkətə keçir.