saçım yenidən çıxacaq?

Salam. Bir müddətdir ki, çiməndə başımdan çox saçın töküldüyünə fikir vermişəm, saçın miqdarı yuyunma aralıqlarına görə dəyişir, məsələn 4-5 gün gec yusam 3 günlə müqayisədə daha çox tökülər. Bunu ömrüm boyu müşahidə etmişəm, görünür ki, təbii bir şeydir. Problem isə biraz fərqlidir, təxminən 1 ay əvvəl saçımıın ön xəttinin sağ tərəfində kiçik boşluq yarandı, indi isə sol tərəfində də uzunsov boşluq var, tamamilə boş deyillər təbii ki, içində tellər var. Mənə saçım tökülürmüş kimi gəlir, iki ildir saçımı kəsdirmirəm, hippi kimi uzadıram, bu müddət ərzində belə bir şeylə qarşılaşmamışdım, nə də ömrüm boyu. Məni qorxudan keçəlləşib keçəlləşməyəcəyim düşüncəsidir, buna tam olaraq məna verə bilmirəm, çünki saç tökülür desən o deyil, normal miqdarda tökülür desən o da deyil. Belə ki, keçəlləşən insanlar kimi gün ərzində tonlarla saç tökülmür, keçəlləşən insan başını balışa qoyub yatdıqda səhər duranda balışın üzünün tellərlə dolu olduğunu görür, əlini ehmalca saçında gəzdirəndə əlinə 5-10-15 tel gəlir, saçını daradıqda darağın dişləri tellərlə örtülür, məndə bunların heç biri olmur. Sadəcə çiməndə daha çox tökülür, gün ərzində bəlkə heç 50 tel belə tökülmür. Buna baxmayaraq ön xəttə boşluqlar yaranıb, fərqli şampunları yoxladıqdan sonra şampundan imtina edib sabuna keçdim, tökülən tellər azalmış kimi görünür. Saçı gurlaşdırmaq, tökülənləri bərpa etmək və s ilə əlaqəli hələ heç nə istifadə etməmişəm. Sizcə nə baş verir, saçım tökülür? Tökülürsə niyə gün ərzində yığınla tökülmür? Saçım yenidən çıxacaq və əslində normal miqdarda tökülür? Belədirsə niyə boşluqlar yaranıb? Boşluqların yaranması nəyin əlamətidir, tökülən saçın yenidən çıxmaması yoxsa sadəcə olaraq gec uzamasından ötürü hələ ki, yeni saçın köklərdən başını çıxardıb boşluqları bağlamaması?
P.S. Yaşca çox cavanam