universiteti buraxmaq
#təhsilSalam mən universiteti buraxmaq istəyirəm. Nə məsləhət görürsüz? İxtisasım yaxşıdır, amma dövlət imtahanını verə bilmədim 4cü kursu bitirəndə. İndi də buraxmaq fikrinə düşmüşəm. Nə evə açıqlaya bilirəm, nə bir şry, sonraki imtahan da 1800 manat puldu, o qədər pulum da yoxdu. Bir məsləhət görün çox bərbad vəziyətdəyəm
2. Diplomatın fikirlərilə razıyam.
Əlavə olaraq onu deyim ki, üzüb-üzüb axırına çıxmısan, atmaq nəyə gərək? 1-2-ci kurs olsaydın, hardasa başa düşmək olardı. Qazanacağın diplomun bu ölkənin hər qarışında sənə kömək olacaq. Cinsiyyətini bilmirəm, amma allahın altında həyatda bir yol tapa bilməyib hərbiyə yönəlsən belə, ən azından maxe yox, leytenant olacaqsan. Üstəlik, deyirsən ki, ixtisasın da yaxşıdır.
Hazırki durumunu başa düşürəm. Sıxıntılı bir ruh halında olduğun aydın görünür, amma məntiqini işlət. Sadə işlərdə çalışası olsan, dişini sıxıb 1 ilə 1800-ü birtəhər qırağa ata bilərsən. Diplomun olandan sonra isə ixtisasın üzrə yönələrsən. Diplomatın dediyi kimi, otur ailənlə danış. onlar danlayıb deyinsələr belə, istəməz ki, diplomsuz qalasan. Bir az pozitiv yanaş, Ən azından, "camaat nə deyər?" arqumenti bu dəfə sənin yanındadır. İnanmıram ki, qohumlar: "sizinki noldu, diplomu aldı?", - sualını verəndə valideynlərin: "universiteti atdı", - cavabını vermək istəsin. (:
postun sahibi
5. Evdəkilərə hələ də deməmişəm, 2 gündür də zənglərini açmıram, ümumiyyətlə özümü təcrid eləməyə çalışıram onlardan. Açıqlaya bilmirəm çünki. İstədikləri heç bir şeyi düz əməlli yerinə yetirə bilməmək bir qırağa, bir də belə bir caselə üstlərinə getsəm, durum vahim olacaq. Onsuz da atamın saçına ağ düşüb, inanıram ki, beziblər belə akademik uğursuzluqdan. Mən düşünürəm ki, universitet olmasaydı daha yararlı gənc ola bilərdim, amma nafilə. Yuxarıda deyilən kimi, üzüb quyruğuna gəlmisən, okay, amma daha taqətim qalmayıb. Üzüm də qalmayıb :/
gizli @85548
6. Depressiya əlamətləri sərgiləyirsən. Təcrid etmək və s. Qaldı ki, o açıqlaya bilməməyə.
Valideynlərin qürur duyacağı övlad olmaq yaxşı bir şeydir, okay, amma bunu edə bilmədiyin üçün özünə bu dərəcədə yüklənməyin də doğru deyil. Birincisi, Atanın saçına ağ sənin uğursuzluğuna görə düşməyib, narahat olma. Nə də ki, akademik uğursuzluğuna valideynlərin pis olur deyə pis olma. özün nələrisə düzgün edə bilməmisən/bacarmamısan deyə pis ol və sağlam şəkildə düşünməyə çalış gör nəyi necə eləməyin məsləhətdir.
Yaxşısı, telefonlara cavab ver, nigaran qalmasınlar. Vəziyyəti də açıqla. Wattson demiş, gələcəyə yatırım kimi düşün o pulu. Həm də ki, sənin təbirincə desək, üzün gəlmir, canın sağ olsun. Sənə kim deyir ki, müftə pul kimi istə? Borc kimi düşün ağlında və məqsədin də olsun ki, o borcu qaytarasan. Uğurlar sənə, ümid edirəm hər şey yaxşı olar səninçün.
7. Men de o vaxt diplom ishini hazirlamirdim berk umidsizliye dusmusdum amma dostlarim sagolsun gotumden tepik vura vura mene komek elediler cixdim veziyyetden. Bele vaxtlarda gerek dostlara derdini danishasan. Tek bashina insan hecneyi hell ede bilmir. Ailen sene komek etmeyecek aile hec vaxt insana menevi komek etmir azerbaycanda veziyet budur mence cox ailelerde beledi. aile sene ancaq pulu tapmaga komek ede biler amma onlar basa dusmeyecek ki ne ucun umidsizliye qapilmisan. Ona gore calis dostlarinla danis. Diplomu aldiqdan sonra bunlarin hec bir ehemiyyeti qalmayacaq. Insan bezen bir nece il kecdikden sonra ehemiyyeti olmayacaq xirda sheyleri gozunde cox boyudur
gizli @85557
8. Məncə, gələcək peşəniz üçün o diplom lazım olmayacaqsa buraxın getsin. 4-cü kursda universiteti buraxmaq çox ikonik bir hərəkətdir, fikrimcə. Hər şeyi keçdim, sadəcə maraqlı olsun deyə belə buraxa bilərdim yerinizdə olsam. Buraxmaq rahatı seçmək kimi görünür, amma əslində elə deyil, çətini, ən çətini seçməkdir və sonrasında olacaqlar sizi çox gücləndirəcək. O pulu ailənizdən və ya kimdənsə alsanız belə beyninizdə, içinizdə həmişə özünüzü borclu hiss edəcəksiniz. Hamı diplomu alandan sonra sizdən bir hərəkət gözləyəcək, iş tapmağınızı istəyəcəklər. Bunu o pulu verdikləri üçün daha çox istəyəcəklər. Qarşılıq istəyəcəklər. İndi belə bir fikir ağlıma gəldi. Məncə, siz universiteti atıb artıq özünüzə yönəlmək, özünüzü inkişaf etdirmək istəyirsiniz və o qədər pulu sizə gələcəkdə lazım olmayacaq bir diploma verməkdənsə, məsələn, onunla kurslara gedin, həqiqətən özünüz üçün faydalı nəsə edin, istədiyiniz sahə ilə bağlı sizə nəsə qatacaq bir şey, yəni bir kağız parçasına verməyin o pulu. Onsuz da 4 illik əziyyət batmır ki. Batacaq deyənlərə qulaq asmayın, çox gülməli danışırlar. Batmır, çünki siz 4 il orada oxumusunuz və bunu heç nə dəyişə bilməz. Bunu bilirsiniz və hələ də onlara qulaq asırsınız? Hər yerdə orada 4 il oxuduğunuzu qeyd edə bilərsiniz: "Oxudum və oxuduğumu göstərmək üçün diploma ehtiyacım yoxdur". Bu qədər sadədir hər şey. İlk yazdığım cümləyə diqqət: "gələcək peşəniz üçün o diplom lazım olmayacaqsa". Məsələn, proqramlaşdırma sahəsində çox vaxt diplom lazım olmur. Yox, sizin gələcək üçün seçdiyiniz sənətə o diplom lazımdırsa, onsuz heç nə edə bilmirsinizsə və diplom alandan sonra onun altını doldura biləcəksinizsə (yəni 4 ildə oxumusunuzsa) tərk etməyin. Sizə bolca güc və enerji arzu edirəm!
nəzi @85568
01.10.2022 mesaj izlə Googlla