Altyazı yoxsa Dublaj

Mən indiyə qədər çox vaxt Azərbaycan və ya Türk dilində dublaj formasında film və serialları izləyirdim. Daha sonra türkçə altyazılı formada bir neçə serial izlədim.Forumlarda, qruplarda və sözlüklərdə bu iki forma ilə bağlı fikirlər eşidib və ya görürəm. İndi hər ikisi arasında qalmışam. Həmin şəxslərin altyazı və dublaj formalarının mənfi və müsbət tərəfləri bu cür izah edirdilər.
Altyazı müsbət tərəfləri
1. Daha çox və daha tez tapmaq olur. İlkin olaraq altyazı da verilir. Daha sonra bir müddətdən sonra dublaj gəlir.
2. Səsləndirmə orjinal şəkildə dinləmək olur.
3. Dil öyrənən şəxslərin speaking və listening bacarıqları daha da inkişaf etdirir. (Şəxsi düşüncəm olaraq, əgər film orjinal dili ingilis və ya başqa dildirsə altyazı rus və ya türkçədirsə bu bacarıqları necə inkişaf elətdirir? )
Altyazı mənfi tərəfləri
1. Altyazıların düzgün tərcümə edilməməsi.
2. Daha tez getməsi, oxuyub bitirə bilməmək.
3. Altyazını yoxsa filmi izləmək. Bilmirsən filmidə olan prosesləri izləyəsən yoxsa altyazı izləyəsən.
Dublaj müsbət tərəfləri
1. Film və seriallarda keçən zarafatlar və mizahları həmin ölkənin mədəni aspektdən çıxarıb öz ölkəsinə uyğun şəkildə edilib, izləyicinin anlamasına şərait yaradılması. Altyazı da isə birbaşa nə varsa tərcümə edilir, gərək izləyici o ölkənin mizah və ya mədəni görüşlərinə malik olsun ki, anlaya bilsin.
2. Altyazı baxmaq yoxsa filmi izləmək. Film də olan prosesləri,aktyor və aktrisalar mimika və hərəkətlərini qaçırmadan izləmək.
Dublaj mənfi tərəfləri
1. Aktyor və oyunçu ilə dublaj edənlərin səslərinin bir-birinə üzərinə düşməməsi,dublaj edən fikri bitirdikdən sonra oyunçunun arxa fondan səslərinin eşidilməsi. Həmçinin mimikalarında tam oturmaması, heç bir hərəkət getmir dublaj getməsi.
2. Bəzən təhqirənmaiz sözlərin səsləndirilməməsi və ya onun kəsilməsi.
Son olaraq, sizin fikirləriniz də maraqlıdır.