Qərarsızlıq
#digərSalam, yoldaşlar. Bir məsələ ilə bağlı fikir və rəylərinizi almaq istəyərdim.
Ümumiyyətlə, 26 yaşım olmasına baxmayaraq, sanki içimdə həyatda hələ də yerimi tuta bilməmişəm hissi var. Bu hissin yaranmasının da əsas səbəbi fikrimcə əlimdə hər hansı bir peşənin və ya dərindən bildiyim ixtisasın olmamasıdır. Düzdür, iqtisadiyyat üzrə həm bakalavr, həm də magistr təhsili almışam. Data analitika ilə bağlı kursları fərqlənmə ilə bitirmişəm. Amma özüm özlüyümdə bilirəm ki, mən bu ixtisasları dərindən bilmirəm. İndiki əmək bazarını da müşahidə edəndə hansı istiqamət üzrə inkişaf eləməliyəm, hardan başlamalıyam, bunu təyin edə bilmirəm. Kim nə təklif etsə, onun fikri mənə məntiqli gəlir, öz fikrimi dəyişirəm. Məsələn, biri dövlət qulluğunun müsbət cəhətlərin deyirsə, sabahdan dövlət qulluğuna hazırlaşacam fikri formalaşır. Növbəti gün biri xarici özəl şirkətdə çalışmağın üstünlüklərin deyirsə, fikrim artıq dəyişir. Və beləcə heç bir istiqamət üzrə inkişaf etməyərək yerimdəcə sayıram. Qeyd edim ki, hal-hazırda 1900-2100 arası əmək haqqısı olan bir yerdə işləyirəm. Bəlkə kimlərsə normal əmək haqqı alırsan, niyə belə narahatsan fikirlərini səsləndirə bilər. Amma mənim narahatlığımın səbəbi dərindən bildiyim bir ixtisasın olmamasıdır, sabah burdan işdən çıxsam hürda çalışa bilərəm sualına cavab tapa bilmirəm.
Bilmirəm, bəlkə də məndə həddindən artıq mükəmməlliyətçilik var deyə belədir.
Buna görə də həyat təcrübəsi olan şəxslərdən mənə dəstək olmasını xahiş edirəm.
Əziyyət çəkib oxudunuzsa, minnətdaram.
1. əvvəlki qədər tez-tez olmasa da, bu mükəmməlliyətçilik pəriləri hərdən mənə də gəlir və sözün əsl mənasında heç nə bilmirmişəm və heç nə bacarmırmışam kimi hiss edirəm. halbuki bu pərilər məndən əl çəkəndən sonra gözüm açılır və bunun əksini görə bilirəm. bir sahəni çox yaxşı səviyyədə bilib işimizin peşəkarı ola bilərik, amma heç nəyi mükəmməl səviyyədə bilə bilmərik deyə düşünürəm. gündə bir şey çıxır, hər şey dəyişir, inkişaf edir. bu yeniliklərlə ayaqlaşmaq üçün zaman və eyni zamanda zəhmət lazımdır. sizin vəziyyətinizə gəldikdə isə, məncə, dediyiniz məbləğdə əməkhaqqı ala bilirsinizsə (yəni işdə o mövqeyə gələ bilmisinizsə), ya da ən sadəsi, iqtisadiyyat üzrə bakalavr+magistr təhsili və sertifikatlara sahibsinizsə, demək ki, nə isə bilirsiniz və potensialınız var. əgər iqtisadiyyat sahəsini sevirsinizsə, elə o sahədə də inkişaf etməyə çalışın, məncə (təlimlər, kurslar və s.).
gizli @93636
5. “ kim nə təklif etsə, onun fikri mənə məntiqli gəlir, öz fikrimi dəyişirəm. məsələn, biri dövlət qulluğunun müsbət cəhətlərin deyirsə, sabahdan dövlət qulluğuna hazırlaşacam fikri formalaşır. növbəti gün biri xarici özəl şirkətdə çalışmağın üstünlüklərin deyirsə, fikrim artıq dəyişir. və beləcə heç bir istiqamət üzrə inkişaf etməyərək yerimdəcə sayıram” bu cümləni oxuyanda eynən mənəm dedim. məsələn kimsə mənə deyir ielts hazırlaşıb xaricə getmək orda işləmək yaxşıdı o dəqiqə qərarımı verirəm ki, vse sabahdan hər şeyi atıram qırağa başlıyıram ielts hazırlaşmağa. başqa biri ayrı bir şeydən danışsa deyirəm hə bu düz deyir, vapşem ielts’ı atıram qırağa həmən adamın dediyi üzərində düşünürəm ki, görəsən bunu edim ya yox və beləcə heçnəyə başlaya bilmirəm. Çox pis vəziyyətdi.
gizli @93649
postun sahibi
6. Məndə də eynən həmin formadır. Artıq iki ildən çoxdur ki, hər istiqamət üzrə hazırlaşmağa çalışıram. Amma heç birin öyrənə bilmirəm, çünki tez tez kənar fikirlər məntiqli gəldiyinə görə qərarımdan imtina edirəm. Məsələn, bu postu açandan sonra getdim beynəlxalq şirkətlərdə işləməyin mənfi cəhətləri ilə bağlı commentlərə baxdım. Aha, bu temanın üstündəm xətt çəkdim artıq beynimdə. Amma 10 gün sonra biri gəlib desin ki, xarici şirkətdə çox inkişaf edirəm falan filan, artıq yenidən bu istiqamət üzrə hərəkət edəcəm. “Səhv qərarlar, qərarsızlıqdan yaxşıdır” prinsipinə hələ də əməl edə bilmirəm. @93649
gizli @93653
12.07.2024 cins: kişi
mesaj izlə Googlla