(youtube: 
)
)əvvəlcə oyunu qısaca tanımlayaq, sonra detallara keçəcəm. ən geniş mənada təsəvvür edin ki, nasanın prezidentisiniz. fəzaya test raketləri, süni peyklər, digər planetlərə zondlar və təbii ki, insanlı kosmik gəmilər göndərməklə məşğulsunuz. qəribə səslənir amma bu oyunda yuxarıda dediklərimin hamısı var. oyun xəyali bir günəş sistemində cərəyan edir. siz bu sistemin 3. planeti olan kerbin-də bazaya sahibsiniz. planet eynilə yer kürəsini xatırladır, hətta ətrafında dövr edən mun adlı təbii peyki də var ki, ilk böyük hədəfiniz bura olacaqdır. bu kerbin planetinin atlası yer kürəmizdən fərqlidir, həm də miqyasca da biraz kiçildilib, radiusu 600 həqiqi kilometrdir(!) elə bu həqiqi kilometr ifadəsindən oyunun fizikasına keçmək istəyirəm: tək kəlimə ilə möhtəşəm! planetin cazibəsinə üstün gəlmək üçün sözün əsl mənasında əziyyət çəkməli olacaqsınız. raket qurursan, deyirsən test eliyim. uçuşa başladığın andan fizikadakı möhtəşəmlik hiss olunur. yerdən qalxma, sürətin artmasına baxmaq, atmosferdə yuxarı qalxdıqca daha az güc ilə daha böyük təcil əldə etmək və s. ilk təcrübəmdə kerbin-in atmosferindən qurtula bilməmişdim. yanacağım tükənmişdi. ikinci təcrübəmdə raketi biraz uzun elədim əlavə yanacaq tankları yerləşdirdim. bu dəfə də çox önə çıxa bilmədim. əlavə yanacaq tanklarının hesabıa raket ağırlaşmışdı və mühərriklər daha az təcil verirdi. üçüncü təcrübəmdə əlavə iki mühərrik qoydum. bu dəfə də irəliləyiş olmadı. artıq 3 dəfə daha çox yanacaq sərf olunurdu. nəysə sözümün canı odur ki, squad komandası* qəribə səsləndi oyunu əsl simulyasiya səviyyəsində hazırlayıblar.
kosmik gəmilərinin orbitləri ilə oynamaq ən çox ləzzət verən elementlərdəndir. sabit orbitə düşməyi bacardınızsa yəni ellipsin ən uzaq və ən yaxın nöqtəsi ətrafında döndüyünüz səma cismindən kifayət qədər uzaqdırsa, onda yanacaq sərf etmədən sonsuza qədər dönməyə davam edirsiniz. tutalım ki, yerin yəni kerbinin ətrafında sabit bir orbitiniz var. və siz istəyirsiniz ki, ellipsinizin ən uzaq nöqtəsini, yəni apoapsis nöqtəsini ayın orbiti ilə kəsişdirmək istəyirsiniz. sonradan ayın gravitasiya sahəsinə tutulmaq üçün. onda gözləyirsiniz gəminiz periapsis nöqtəsinə yəni yerə ən yaxın olduğu nöqtəyə gəlsin çatsın. həmin nöqtənin üstündən keçən kimi, hərəkət istiqamətində tam qaz verirsiniz və möcüzə gerçəkləşir. sürətiniz artdıqca orbitinizin apoapsisi yerdən uzaqlaşır. ellips datınır. ən maraqlısı isə budur ki, qazı saxladıqda kosmik gəminiz yeni orbitində heç bir problem yaşamadan hərəkət edəcək. şəxsən mənə alınan dartılmış ellips çox fantastik görünürdü, amma hərəkət mümkün imiş.
oyunda baş qatmaq, vaxt keçirmək və əylənmək üçün sonsuz imkanlar var. amma bir mənfi cəhəti var. məqsədsizlik. getdin sistemdəki yeddinci planetə kimi, onun təbii peyklərini araşdırdın, temperatur, təzyiq və s. bilgiləri, süxur nümunələrini yerə ötürdün. nolsun ki? ilk başlarda biraz araşdırma eləməlisən ki, raket, kosmik gəmi qurulmasında, elektronikada və s. şeylərdə eni texnologiyalar əldə edəsən. amma sən sistemdə bu qədər uzağa gedə bilirsənsə deməli sən artıq kifayət qədər götü qalxmış birisən. səni ancaq öz həvəsin və bekarlığın yönləndirə bilər. ən azından demo versiyasını yoxlayın məncə. ən az bir-iki saat əylənəcəksiz.
maraqlı gələnlər üçün:
(youtube: )
)