+23 əjdaha
1. ilk öncə onu bildirim ki, ebay vasitəsilə azərbaycanda tapılmayan bir çox məhsulu və ya burada tapılan məhsulu daha ucuz qiymətə almaq mümkündür. bunları etmək üçün sizə lazım olanlar:1) banka gedib debit kartı açdırmaq və balansa pul yükləmək. bankın və kartın növünün fərqi yoxdur, mən bildiyimə görə, daha ucuz başa gələnini alın. bir də onu deyim ki, karta malı ala biləcək qədər pul qoyun. çox qoymanız, aşağı ehtimal da olsa, oğurlanma riski yaradır.
2) kartı paypalda qeydiyyatdan keçirin. bilməyənlər üçün (bax: paypalda qeydiyyatdan keçmək)
3) əşyanı seçməmişdən öncə saytda çoxluca gəzişin, funksiyalar ilə tanış olun, malların yazılış tərzini anlamağa çalışın. məsələn refurbished, factory reconditioned, with tag, sealed box, unlocked sözlərinin nə məna ifadə etdiyini araşdırın. belə etməsəniz təzə düşündüyünüz məhsulun əvəzinə işlənmiş, və ya xarab məhsul əldə edə bilər, və onu geri qaytara bilməzsiniz.
4) çox satıcılar azərbaycana məhsul göndərmir. belə hallarda usa2baku və camex kimi şirkətlər köməyə gəlir. sistem belədir, siz bu şirkət vasitəsilə amerikada virtual ünvan əldə edirsiniz, həmin malı o virtual ünvana göndərirsiniz. mal ünvana çatanda orada oturan şirkət işçiləri həmin malı sizin azərbaycandakı ofisinizə göndərir. xidmət haqqı kimi əlavə 20 dollara yaxın xərc çıxır (çəki və ölçüdən asılı olaraq).
5) gömrük. təzə qanunvericiliyə görə artıq 1000 dollara qədər olan məhsulları rüsumsuz gətirmək mümkündür, lakin hələ yoxlamamışam. iphone kimi həssas cihazları gətirərkən ehtiyyatlı olun, unutmayın ki abşdakı iphoneların yalnız 20%i azərbaycanda işləyir (abşda iphonelar və bəzi digər telefonlar operatorlarla müqaviləli işləyir yəni ölkədən çıxan kimi telefon olur kərpic, yalnız unlocked yazılan iphonelar hər yerdə işləyir). bir də bizim gömrük kəsici alətlər, böyüklər üçün "oyuncaqlar", mikrokameralar (ruçkanın içində və s.) keçirməyə icazə vermir.
hələlik bu qədər.