+2 əjdaha
1. dünyadakı ən tanınmış pişik cinslərindən biri. indiki tayland olaraq bilinən siyam krallığında, saraylarda yaşamışdır. bu pişikləri saraydan oğurlayanlara ölüm cəzası verilirdi. sonralar dünya ölkələrinə yayılan bu pişik ölkəmizdə də bir çox insan tərəfindən sevilir.siyamlar təzə doğulduqlarında bədən tükləri ağ və ya krem rəngində olur. böyüdükcə üzlərində, pəncələrində, arxa ayaqlarında və quyruqlarında tündləşmə gedir. çox ağıllı olmaqlarıyla bərabər çox da aqressivdirlər. ac olduqları zaman ətrafınızda fırlanaraq gözəl, qalın, öz cinsinə xas bir şəkildə səs çıxararaq səni yerindən qalxıb, ona yemək verməyinə məcbur edirlər. öz sahiblərini çox sevmələrinə baxmayaraq, evə gələn yad insanlara qarşı gözlənilməyən sərtliklər edə bilirlər. şən, oynamağı sevən, yerində durmayan, oynamağa başlayanda sakitləşməyən pişik cinsidir siyamlar. mənalı baxışlarına isə söz ola bilməz. evinizi bir dünya olaraq görüb, bütün otaqları, şkafların üstlərini gəzərək sanki kəşfə çıxırlar. əgər danışa bilsələr, əmin olun ki, sizin ən yaxın dostunuz olarlar.