+4 əjdaha
1. istilik haqqında elm kimi təqdim oluna biləcək klassik fizikanın bir bölməsi. fizikanın bu bölməsində bilgi əldə olunması olduqca çətindir, baxmayaraq ki, bir çox qanuna uyğunluqlar gündəlik həyat təcrübəsindən əldə oluna bilirlər. əldə olunan bilgilərin də isbatı, səbəbinin izlənilməsi demək olar ki, mümkün deyildir. belə ki, adicə temperaturun təbiətinin araşdırılması, ilk baxışda göründüyü qədər sadə deyildir. belə aydın olub ki, temperatur bir cisimdə, zərrəciklərin ortalama kinetik enerjisi ilə bağlı bir qavramdır. ələ alınan makroskopik bir cisimdə hər zərrəciyin hansı kinetik enerjiyə sahib olduğunu bilmək qeyri mümkündür. burada statistik hesablamalar aparmalı və bunları təcrübələrdən əldə olunan asılılıqlarla uyğunlaşdırmaq lazım olur. termodinamika proseslərin gedişatı barədə dəqiq bir söz deyə bilmir. əldə olunan qanuna uyğunluqlar, düsturlar, hal-vəziyyəti təsvir edir, prosesi yox. məsələn bir sistemin temperaturu yalnız o sistemdə temperatur tarazlığı əmələ gəldikdən sonra ölçülə bilər. əgər temperatur tarazlığı yoxdursa, cisimlər arasında istilik mübadiləsi varsa, onda temperatur ölçülə bilməz. buna görədir ki, termodinamikada kəmiyyətlər, hal-vəziyyət kəmiyyətləri, tənliklər isə hal-vəziyyət tənlikləri adlanır.termodinamikada üç əsas qanun var:
1.termodinamikanın birinci qanunu
2.termodinamikanın ikinci qanunu
3. termodinamikanın üçüncü qanunu