+1 əjdaha
1. rus rejissor, aktyor. avant-garde teatr yaradıcısıdır.çarlıq dövründə rejissorluğu ilə şöhrət qazanaraq 1910-cu ilədək rus teatrında önəmli bir mövqedə idi. eyni zamanda, fəal aktivist olub, bolşeviklərin tərəfini tuturdu. kommunist partiyasına üzv olan ilk məşhur sənətkarlardan biri olaraq sərbəst şəkildə sənətini icra edə bilirdi, bütün dünyanın rəğbətini qazanır və dünyanın hər yerində teatr araşdırmaçıları onun metod və tekniklərini öyrənmək üçün rusiyaya gəlirdilər.
lakin 1930-cu illərdə ortaya çıxan sosialist reallıq ona görə deyildi. buna görə də 1937-ci ildə teatrı bağlandı, özü də formalist olmaqla ittiham edildi. ancaq onun dünyaca şöhrətli olması və rəsmi mövqeləri var deyə, 1939-cu ildə ilk teatr idarəçiləri milli konvensiyasında çıxış etməsi istənildi. çıxışı zamanı dediyi sözlər heç də kommunist rejiminə görə deyildi.
--spoiler--
sosialist reallıq ünvanını almaq istəyən bu aciz baxışın sənətlə heç bir müştərək tərəfi yoxdur. teatr bir sənətdir və sənət olmadan teatr mövcud ola bilməz. moskva teatrlarına gedin, orada hamısı bir-birinə bənzəyən və sadəcə qiymətsizlik dərəcəsi baxımından fərqli olan rəngsiz və cansıxıcı əsərlərə baxın. malıy teatrının, vaxtanqov teatrının, kamernıy teatrının ya da moskva sənət teatrının yaradıcılığından bir əsərə də rast gələ bilməzsiniz. ancaq son zamanlardakı yaradıcı həyatın ortaya qonduğu, sənətkarların araşdırma, yanılma və təcrübə vasitəsi ilə əsər yaratmaq üzrə yeni yollar kəşf etdiyi - bu əsərlərin bəzisi pis, digərləri möhtəşəm şeylər idi - yerlərdə indi adi, bəsit, can sıxıcı bir qabiliyyətsizlik hökm sürür. sizin məqsədiniz bumuydu? əgər elədirsə, çox böyük bir pislik etdiniz. uşaqlığınızı çirkli su ilə yumuş oldunuz. formalizmi yox edək deyərkən sənəti yıxdınız.
--spoiler--
bu sözlərdən sonra meyerhold tutuldu və bir daha görünmədi. bir neçə həftə sonra da həyat yoldaşı evində ölü tapıldı.