+7 əjdaha
1. zənnimcə faydalı və hamıya lazımlı məsləhətlərdir. yaxınlarımnan birinin cibgirlərdən biri ilə yaranan səmimi münasibəti onun "klassik"cibgir fəndlərini çətinliklə də olsa öyrənməsinə yardımçı olub. başlığı "cibgirlərin klassik fəndləri"kimi açmaq istəmişdim ilk əvvəl. amma sonra düşündüm ki,bu cür açmaq daha faydalı olar. digər yazarlar da bildiyləri məsləhətləri paylaşarlar. hamı öyrənər...cibgir fəndlərinnən bir neçəsini yazacam ki,yazarlar ictimai nəqliyyatda ehtiyatlı olsunlar.
deməli siz avtobusda gedirsiniz. iki nəfər şərikli "işdiyir".bu şəriklərdən biri pəncərə tərəfdə oturub. digəri isə,əlində 20 qəpik avtobusun tutacağınnan tutub.o da sizin yanınızdadır. siz isə ortadasız. əlində qəpik olan bilərəkdən qəpiyi atır. sonra sizə deyir ki, "qardaş yolpulum düşdü onu bir zəhmət verin". siz xəbərsiz əyilirsiz. bu vaxt o sizi yayındırmaq, yubatmaq məqsədi ilə ayağı ilə qəpiyi o tərəf-bu tərəfə eliyir. pəncərə tərəfdə oturan "şərik"bu zaman kəsiyində işini görür. amma siz düşündüyünüz kimi o əlini sizin cibinizə salarsa,dərhal hiss eliyərsiz. bunun yolu isə budur: ehmalca cibin astarına yavaş-yavaş yuxarı meyilli qaldırır. astarı qalxan cib içindəkini götürməkçün daha əlverişlidir. çünki astar bədəninizə toxunmur və buna görə də hiss etmyiniz qeyri mümkün olur. siz qəpiyi tapıb verəndə artıq məsələ həll olunmuş olur. onlar dərhal avtobusdan düşürlər. siz astarın 70-80%-inin çöldə olduğunu görəndə artıq ayılırsız.
bir digər üsul isə "qatıq bankası"dır. cibgir oturub əlini bankanın üstünə qoyub sizin şalvara ya kurtkaya doğru sallıyır və yenə astar üsuluyla işini görür.
məsləhət isə nə ola bilər? məncə dəyərli əşyaları bədəninizin harasınasa toxunan cibinə qoyun və ayıq olun.