əjdaha lazımdı
izlə
dostlar
mən
googlla
thomas hobbes
-
golden globes awards
-
john locke
-
72-ci qızıl qlobus mükafatı
-
supernatural
-
obrazlarına görə ən yaxşı filmlər
-
cənub qaz dəhlizi
-
cəhənnəm
-
yazarların bəyəndikləri rus filmləri
başlıqdakı ən bəyənilən yazılar:
+24 əjdaha
19. Leviathan, Thomas Hobbes tərəfindən yazılmış və 1651-ci ildə nəşr olunan bir kitabdır.
![]()
Hobbes-un traktatının adı Əyyub kitabında qeyd olunan Leviafana işarə edir. John Locke-un "Hökumət haqqında iki traktat" və Hobbes-in özünün "Hüquq elementləri" kimi erkən müasir siyasi fəlsəfə əsərlərinə verilən sadəcə məlumatlandırıcı adlardan fərqli olaraq, Hobbes bu təxribatçı traktat üçün daha fərqli bir ad seçmişdir.
Əsər cəmiyyətin strukturundan, qanuni hökumətdən bəhs edir və sosial müqavilə nəzəriyyəsinin ən erkən və ən təsirli nümunələrindən biri kimi görünür. ingiltərə burjua inqilabı zamanı yazılmış bu əsər sosial müqavilə və mütləq suverenitet qurulmasının vacibliyini qeyd edirdi.
Bir vaxtlar "Leviathan" ingiltərədə qadağan edilmişdi. Xüsusilə, kitab "Bəzi zərərli kitablara qarşı Oksford Universitetinin 21 iyul 1683-cü il hökmü və fərmanı"na daxil edilmiş və yandırılmağa məruz qalmışdır.
+11 əjdaha
10. andrey zvyagintsevin son filmidir. kann film festivalında ən yaxşı ssenari mükafatı qazanmışdır. film, rusiyada dəniz kənarında yerləşən bir şəhərdə həyat yoldaşı və oğlu ilə yaşayan maşın təmirçisi kolya adlı adamın, evinin şəhərin rüşvətxor meri tərəfindən əlindən zorla alınmasına qarşı verdiyi mübarizədən bəhs edir. vəkil dostu dmitri, kolyaya evini əlində saxlamasına kömək etmək üçün moskvadan onun yanına gəlir. dmitri, güclü argumentləriylə dostunu müdafiə etməyə çalışsa da, işlər qarışır. axı avtoritar hökümətin idarə etdiyi, rüşvət və yolsuzluqların baş alıb götürdüyü bir şərait içindəki ölkədə hüququn nə qədər təsiri ola bilər? bu və kolyanın filmdə yaşadığı digər hadisələr baxımından film eqzistensial mesajlar da verir. qazanma ehtimalın əgər bir faizdirsə, o bircə faizə görə mübarizəyə davam etməyə dəyərmi?
leviathan, eyni zamanda zvyagintsevin indiyə qədər çəkdiyi ən siyasi filmdir. filmdə bürokratlardan, dövlət adamlarından ziyadə din adamlarına, daha çox kilsə xristiyanlığına qarşı da tənqidlərə yer verilib. çəkiliş tərzi və kamera işi isə zvyagintsevin əvvəlki filmlərindəkindən daha sadədir. ən çox dəniz kənarı təsvirləri, qəzəbli dalğaların sahilə vurduğu geniş planlar vizual baxımdan incəliklə işlənilib. filmin mənə görə ən təsirli səhnəsi isə kolya kimi cəsur, qürurlu bir insanın polis sorğusu zamanı hekayənin gedişatı boyunca müxtəlif travmalara məruz qalmış ruh halının bir anda özünü ən çılpaq halı ilə biruzə verdiyi səhnədir.
filmin əvvəlindən sonuna qədər personajlar vodkanı su əvəzi içirlər. o qədər ki, adamın filmə baxanda, iştahla araq içəsi gəlir. bu məqamı kann festivalında filmin göstərimindən sonrakı mətbuat konfransında da bir jurnalist dilə gətirmişdi. qərb ölkələrinin məşhur klişesidir ruslar deyəndə ağla vodka gəlməyi. görünür, zvyagintsev bunun klişedən ziyadə çox ciddi bir problem, eyni zamanda da rus kültürünün ayrılmaz parçası olduğunu göstərərək üstünə daha da basmağı uyğun görüb.
film, rusiyaya olan oxşarlığı və yaxınlığı ilə, bir post-sovet respublikası olan azərbaycanın da siyasi vəziyyətini qeyri-ixtiyari olaraq gözlər önünə qoyur. kim bilir, bəlkə də zvyagintsev yalnız rusiyanın yox, bütün dünyadakı avtoritar rejimlərlə idarə olunan ölkələrin və onların qurbanlarının vəziyyətini göstərən, universal bir film ortaya qoymaq niyyətində olub.
+4 əjdaha
13. rusiyadakı rejim əleyhinə olduğu üçün azərbaycanda göstərilməsi qadağan olan film.
(baxma: rusiyanın götünə girmə yolları)
+3 əjdaha
18. hobbes tərəfindən "insan insanın canavarıdır" düşüncəsinin isbatına yönəlmiş və dövlətin bunun üçün var olduğuna yönəlik düşüncəni dəstəkləyən əsər.
+2 əjdaha
4. adı ilk dəfə tövratda keçən özündən kiçik hər balığı yeyib yox edən balıq.
günümüzdə iqtisadçıların bütün gücü əlinə alan dövlətləri bənzətdikləri canlıdır.
+2 əjdaha
1. denizlerde yaşadığına inanılan neheng yaratıq.thomas hobbes insanların özlerine bir leviathan seçmelerini ve özlerini onun ellerine buraxmaqaları gerektiyini deyib
+1 əjdaha
17. kitabı oxumuşam və necə deyərlər "başucum"da saxlayıram.möhtəşəm əsərdi.siyasi fəlsəfənin bazisidi bəlkə də
+2 əjdaha
14. kinoteatrda baxacağımın günlərini saydığım halda qəfildən nümayiş olunmamasına qərar verilən film. buna görə də internetdən baxmağa məcbur oldum. mənə ağır gəlir. ümumiyyətlə, the return-dən sonra zvyagintsevin filmləri mənə ağır gəlir. bir də bu leviafan volvo maşınları ilə evin yıxılması mənə ağır gəldi. pulun, hakimiyyətin insanların qürurunu da, evini də necə dağıtmasının şahidi oluruq.
filmdə bir neçə mövzu var, hamısı da iç-içə girib. bir şey qəribədir ki, zvyagintsev heç bir hissə qapılmır. filmdə bir rus soyuqqanlılığı var. qadını dostu ilə yatır - heç bir hiss yox. boğazacan məğlubiyyət var - heç bir hiss yoxdu. evi yıxılır - heç bir hiss yox. (hiss deyəndə tamaşaçıya çatdırılan hissi nəzərdə tuturam) yəni, məsələn, başqa bir rejissor çəksəydi, ev yıxılma səhnəsində bir melanxolik soundtrack verərdi, daha da dramatikləşdirərdi. eləcə də digər səhnələr. zvyagintsevin belə soyuq başla yanaşması xoşuma gəldi.
ümumilikdə, yaxşı filmdi, gözəl filmdi. amma nə edəsən ki, mən hələ nə əhdi-ətiq, nə də əhdi-cədid oxumamışam. düşünürəm ki, müəyyən ədəbiyyatları oxuyandan sonra yenidən baxmaq olar.
hamısını göstər
